ಮತ್ತಾಯ 17:18 - ಕೊಡವ ಬೈಬಲ್

¹⁸ ಯೇಸು ಆ ಕ್‍ಣ್ಣಂಡ ಮೇಲೆ ಉಳ್ಳ ಕೂಳಿಕ್ ಹುಕುಮ್ ಕೊಡ್‍ತತ್; ಅಕ್ಕಲೆ, ಆ ಕೂಳಿ ಅಂವೊನ ಬುಟ್ಟಿತ್ ಪೋಯಿರ್‌ತ್; ಅಕ್ಕಣೆಕ್ ಆ ಕ್‍ಣ್ಣ ವಾಸಿ ಆಚಿ.

ಮತ್ತಾಯ 17:18 ပူးပေါင်းရင်းမြစ်များ

ಮತ್ತಾಯ 12:22

ಆ ಸಮಯತ್‍ಲ್, ಕೂಳಿ ಪುಡ್‌ಚಗುಂಡ್ ಕಣ್ಣ್ ಕಾಂಗತ, ತಕ್ಕ್ ಪರಿಯುವಕಯ್ಯತ ಇಂಜ ಒರ್ ಮನುಷ್ಯನ ಯೇಸುರ ಪಕ್ಕ ಕಾಕಿಯಂಡ್ ಬಾತ್; ಯೇಸು ಅಂವೊಂಡ ಕಣ್ಣ್ ಕಾಂಬನೆಕೆ, ತಕ್ಕ್ ಪರಿಯುವನೆಕೆ ಅಂವೊನ ವಾಸಿ ಮಾಡ್‍ಚಿ.

ಮತ್ತಾಯ 15:28

ಅವಕ್‌ ಯೇಸು: ನೀಡ ನಂಬಿಕೆ ದುಂಬ ಬಲ್ಯದ್: ನೀಕ್ ಎಂತ ಕುಶಿ ಉಂಡೋ ಅದ್ ಆಡ್‍ೕಂದ್ ಯೇಸು ಆ ಪೊಣ್ಣಾಳ್‌ಕ್ ಎಣ್ಣ್‌ಚಿ. ಅದೇ ಕ್ಷಣತ್‍ಲ್ ಅವಡ ಮೋವಕ್ ವಾಸಿ ಆಚಿ.

ಮತ್ತಾಯ 17:17

ಯೇಸು ಅಲ್ಲಿ ಕೂಡಿತ್ಂಜ ಜನಳ ನೋಟಿತ್: ನಂಬಿಕೆ ಇಲ್ಲತ ಮೋಸವಾನ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ.

ಮತ್ತಾಯ 17:19

ಯೇಸುರ ಶಿಷ್ಯಂಗ ಯೇಸುರ ಪಕ್ಕ ಗುಟ್ಟಾಯಿತ್ ಬಂದಿತ್: ನಂಗಕ್ ಎನ್ನಂಗ್ ಈ ಕೂಳಿನ ಬುಡ್‌ತ್‌ವಕ್ ಕಯಿಂಜಿತ್ತಿಲ್ಲೇಂದ್ ಕ್‍ೕಟತ್.

ಮತ್ತಾಯ 9:22

ಯೇಸು ತಿರಿತ್ ಅವಳ ನೋಟಿತ್: ನಾಡ ಮೋಳೆ, ದೈರ್ಯ ಎಡ್‌ತ, ನೀಡ ನಂಬಿಕೆ ನಿನ್ನ ವಾಸಿ ಮಾಡ್‍ಚೀಂದ್ ಎಣ್ಣ್‌ಚಿ. ಆ ಕ್ಷಣತ್‍ಲ್ ಅವಡ ರೋಗ ವಾಸಿ ಆಚಿ.

ಮಾರ್ಕ 1:34

ಯೇಸು ಎಲ್ಲಾ ತರತ್‍ರ ಕಾಯಿಲೆ ಉಳ್ಳಯಿಂಗಳ ಪಿಂಞ ಕೂಳಿ ಪುಡ್‌ಚ ಮನುಷ್ಯಂಗಳ ವಾಸಿ ಮಾಡ್‍ಚಿ. ಪಿಂಞ ತಾನ್ ದಾರ್‍ೕಂದ್ ಕೂಳಿಯಕ್ ಗೊತ್ತಾನಗುಂಡ್ ಅಂವೊ ಅಯಿಂಗಳ ತಕ್ಕ್‌ಪರಿವಕ್ ಬುಟ್ಟಿತ್‌ಲ್ಲೆ.

ಮಾರ್ಕ 5:8

ಎನ್ನಂಗೆಣ್ಣ್‌ಚೇಂಗಿ, ಅಂವೊನ ಪುಡ್‌ಚ ಕೂಳಿಕ್ ನೀನ್ ಅಂವೊನ ಬುಟ್ಟಿತ್ ಪೋಂದ್ ಯೇಸು ಎಣ್ಣಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:41

ಕೂಳಿಯಂಗ ನೀನ್ ನೇರಾಯಿತು ದೇವಡ ಮೋಂವೋಂದ್ ಕೂತ್ ಕೊಡ್‌ತಂಡ್ ದುಂಬ ಜನಳ ಬುಟ್ಟಿತ್ ಪೋಚಿ. ಆ ಕೂಳಿಯಂಗಕೆಲ್ಲ ಅಂವೊ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಗೊತ್ತ್ಂಜಗುಂಡ್ ಅಂವೊ ಅಯಿಂಗಳ ಒರ್ ತಕ್ಕು ಪರಿವಕ್ಕಾಗಾಂದ್ ಆಜ್ಞೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:29

ಎನ್ನಂಗೆಣ್ಣ್‌ಚೇಂಗಿ, ಯೇಸು ಅಂವೊನ ಪುಡ್‍ಚಿತ್ಂಜ ಕೂಳಿಕ್: ನೀನ್ ಅಂವೊನ ಬುಟ್ಟಿತ್ ಪೋಂದ್ ಆಜ್ಞೆ ಮಾಡಿತ್ಂಜತ್. ಆ ಕೂಳಿ ದುಂಬ ಕಾಲತ್ಂಜ ಇಂವೊನ ಪುಡ್‌ಚಿತ್ಂಜತ್. ಆ ಮನುಷ್ಯನ ಸರ್ಪಣಿಲ್ ಕೈಕಾಲ್‌ನ ಕೆಟ್ಟಿತ್ ಇಟ್ಟತೇಂಗಿಯು ಸರ್ಪಣಿನ ಪೊಳಿಪಂಜಿ, ಆ ಕೂಳಿ ಅಂವೊನ ಮಣಬೂಮಿಕ್ ದೌತ್‍ವಕಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:42

ಆ ಕ್‌ಣ್ಣನ ಕಾಕಿಯಂಡ್ ಬಪ್ಪಕ, ಅಂವೊಂಡ ಮೇಲ್‌ಲ್ ಉಳ್ಳ ಕೂಳಿ ಅಂವೊನ ಅಡಿಕ್ ತಳ್ಳಿತ್ ಅಂವೊನ ದುಂಬ ಕುಲ್‌ಕ್‍ಚಿ. ಯೇಸು ಕೂಳಿನ ಚೂಕಿತ್, ಕುಂಞಿನ ವಾಸಿ ಮಾಡಿತ್ ಅಂವೊಂಡ ಅಪ್ಪಂಡ ಪಕ್ಕ ಅಯಿಚತ್.

ಅಪೊಸ್ತಲ 16:18

ಇನ್ನನೆ ದುಂಬ ದಿವಸ ಮಾಡ್‍ನಗುಂಡ್ ಪೌಲಂಗ್ ದುಂಬ ಚೆಡಿ ಬಂತ್, ಅವಡ ಪಕ್ಕ ತಿರಿತ್ ಆ ಕೂಳಿಕ್: ನೀನ್ ಇವಳ ಬುಟ್ಟಿತ್ ಪೋಂಡೂಂದ್ ಯೇಸು ಕ್ರಿಸ್ತಂಡ ಪೆದತ್‍ಲ್ ನೀಕ್ ಆಜ್ಞೆ ಮಾಡ್‌ವೀಂದ್ ಎಣ್ಣ್‌ಚಿ. ಅದೇ ಗಳಿಗೆಲ್ ಅದ್ ಅವಳ ಬುಟ್ಟಿತ್ ಪೋಚಿ.