ಮತ್ತಾಯ 16:6 - ಕೊಡವ ಬೈಬಲ್

⁶ ಯೇಸು ಅಯಿಂಗಕ್: ಫರಿಸಾಯ ಪಿಂಞ ಸದ್ದುಕಾಯಂಗಡ ಈಸ್ಟ್‌ರ ವಿಷಯತ್ ಎಚ್ಚರತ್ ಇರೀಂದ್ ಎಣ್ಣ್‌ಚಿ.

ಮತ್ತಾಯ 16:6 ပူးပေါင်းရင်းမြစ်များ

ಮತ್ತಾಯ 16:1

ಫರಿಸಾಯಂಗ ಪಿಂಞ ಸದ್ದುಕಾಯಂಗ ಯೇಸುನ ಕೆಣಿಪಕಾಯಿತ್ ಯೇಸುರ ಪಕ್ಕ ಬಂದಿತ್, ನೀನ್ ಬಾನತ್ಂಜ ಒರ್ ಗುರ್‌ತ್‌ ಕಾರ್ಯತ್‍ನ ಕಾಟಿತಾಂದ್ ಕ್‍ೕಟತ್.

ಮತ್ತಾಯ 16:11

ನಾನ್ ಒಟ್ಟಿರ ವಿಷಯತ್‍ನ ತಕ್ಕ್ ಪರ್‌ಂದಿತ್‌ಲ್ಲೇಂದ್ ಎನ್ನಂಗ್ ಇಂಞು ಅರ್ಥ ಆಯಂಡಿಲ್ಲೆ. ನಿಂಗ ಫರಿಸಾಯ ಪಿಂಞ ಸದ್ದುಕಾಯಂಗಡ ಈಸ್ಟ್‌ರ ವಿಷಯತ್ ಎಚ್ಚರವಾಯಿತಿರಂಡೂಂದ್ ನಾನ್ ಎಣ್ಣಿಯೆ.

ಮತ್ತಾಯ 16:12

ಅಲ್ಲಿಂಜ, ಯೇಸು ಒಟ್ಟಿಕ್ ಇಡ್‌ವ ಈಸ್ಟ್‌ರ ವಿಷಯತ್ ತಕ್ಕ್ ಪರಿಯತೆ ಫರಿಸಾಯ ಪಿಂಞ ಸದ್ದುಕಾಯಂಗಡ ಬೋದನೆರ ವಿಷಯತ್ ಎಚ್ಚರವಾಯಿತ್ ಇಪ್ಪಕ್ ಎಣ್ಣ್‌ಚೀಂದ್ ಶಿಷ್ಯಂಗಕ್ ಗೊತ್ತಾಚಿ.

ಮತ್ತಾಯ 16:5

ಯೇಸುರ ಶಿಷ್ಯಂಗ ಕೆರೆರ ಆಬರಿಕ್ ಪೋಪಕಾಪಕ ಒಟ್ಟಿ ಎಡ್‌ತ ಬಪ್ಪಕ್ ಮರ್ಂದ್‌ರ್‌ತ್.

ಮತ್ತಾಯ 16:7

ಇದ್‍ನ ಶಿಷ್ಯಂಗ ಕ್‍ೕಪಕ: ನಂಗ ಒಟ್ಟಿ ಎಡ್‌ತ ಬರತಾಂಗ್ ಯೇಸು ಇನ್ನನೆ ತಕ್ಕ್ ಪರ್ಂದಿಯೆ ಎಣ್ಣಿಯಂಡ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಮತ್ತಾಯ 3:7

ದುಂಬ ಫರಿಸಾಯಂಗ ಪಿಂಞ ಸದ್ದುಕಾಯಂಗ, ಯೋಹಾನಂಡ ಪಕ್ಕ ದೀಕ್ಷಾಸ್ನಾನ ಎಡ್‌ಪಕಾಯಿತ್ ಬಂದಂಡುಳ್ಳದ್‌ನ ಕಂಡಿತ್: ಕ್ಯಾರೆಬಳೆ ಮುರಿಪಾಂಬ್ ಜಾತಿಯಳೇ! ದೇವಡ ಚೆಡಿಯಿಂಜ ಬಚಾವಾಪಕ್ ಕಯ್ಯೂಂದ್ ನಿಂಗಕ್ ದಾರ್ ಎಣ್ಣಿ ಕೊಡ್‍ತತ್?

ಮಾರ್ಕ 8:15

ನಿಂಗ ಫರಿಸಾಯಂಗಡ ಪಿಂಞ ಹೆರೋದಂಡ ಈಸ್ಟ್‌ರ ವಿಷಯತ್‍ಲ್ ಜಾಗ್ರತೆಲ್ ಇರಂಡೂಂದ್ ಯೇಸು ಎಚ್ಚರ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:1

ಅಕ್ಕ, ಆಯಿರಾಯಿರ ಜನ ಬಂದಿತ್ ಒಬ್ಬಂಡ ಮೇಲೆ ಇಂಞೊಬ್ಬ ಚೌಟಿಯಂಡ್ ಇಪ್ಪಕ ಯೇಸು ಆದ್ಯವಾಯಿತ್ ಅಂವೊಂಡ ಶಿಷ್ಯಂಗಕ್ ಫರಿಸಾಯಂಗಡ ಈಸ್ಟ್‌ರನೆಕೆ ಉಳ್ಳ ಕಪಟ ಬೋದನೆರ ವಿಷಯತ್ ಎಚ್ಚರತ್‍ಲ್ ಇರೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:15

ಎಲ್ಲಾ ತರ ಅತಿ ಆಸೆರ ವಿಷಯತ್‍ಲ್ ಎಚ್ಚರತ್ ಇರಿ. ನೇರಾನ ಜೀವ ನಿಂಗಡ ದುಂಬ್‍ನ ಆಸ್ತಿಯಿಂಜ ಬಪ್ಪುಲೆ.

ಯೋಹಾನ 4:33

ಅಕ್ಕ, ಅಂವೊಂಡ ಶಿಷ್ಯಂಗ ಒಬ್ಬನ ಒಬ್ಬ ನೋಟಿತ್: ಇಂವೊಂಗ್ ದಾರೇಂಗಿ ಉಂಬಕ್ ಕೂಳ್ ಎಡ್‌ತ ಬಂತ್ ಕೊಡ್‌ತತಾಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಗಲಾತ್ಯ 5:9

ನಿಂಗಕ್ ಗೊತ್ತುಳ್ಳನೆಕೆ, ಚೆನ್ನ ಈಸ್ಟ್, ಬಾಕಿಯುಳ್ಳ ಎಲ್ಲಾ ಮುದ್ದೆನ ಉಬ್ಬ್‌ಚಿಡುವ.