ಮತ್ತಾಯ 16:3 - ಕೊಡವ ಬೈಬಲ್

³ ಪೊಲಾಕ ನೇರತೆ ನಿಂಗ ಬಾನತ್‍ನ ನೋಟ್‍ವಕ ಬಾನ ಚೋಂದಿತ್, ಕರ್ತಿತ್ ಇಂಜತೇಂಗಿ, ಇಂದ್ ಮಳೆ ಪೊಯ್ಯೂಂದ್ ಎಣ್ಣುವಿರ. ನಿಂಗ ಬಾನತ್‍ನ ನೋಟಿತ್, ಹವಾಗುಣ ಎಂತ್‍ೕಂದ್ ಎಣ್ಣುವಿರ, ಆಚೇಂಗಿ ಈ ಕಾಲತ್‍ಲ್ ದೇವ ಮಾಡ್‌ವಾನ ನೋಟಿತ್ ಸಮಯತ್‍ರ ಗುರ್‍ತ್‍ನ ನಿಂಗಕ್ ಎಣ್ಣುವಕ್ ಕಯ್ಯುಲೆ.

ಮತ್ತಾಯ 16:3 ပူးပေါင်းရင်းမြစ်များ

ಮತ್ತಾಯ 11:5

ಕುರ್‌ಡಂಗ ಕಂಡಂಡುಂಡ್, ಕುಂಟಂಗ ನಡ್ಂದಂಡುಂಡ್, ಕುಷ್ಟರೋಗಿಯಂಗ ವಾಸಿ ಆಯಂಡುಂಡ್, ಕಿವ್‍ಡಂಗ್ ಕ್‍ೕಟಂಡು, ಚತ್ತಯಿಂಗ ಎದ್ದಡುಂಡ್, ಗರೀಬಂಗಕ್ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್.

ಮತ್ತಾಯ 15:7

ಕಪಟಿಯಳೇ, ನಿಂಗಡ ವಿಷಯತ್ ಯೆಶಾಯ ಪ್ರವಾದಿ:

ಮತ್ತಾಯ 22:18

ಅಯಿಂಗಡ ಕೆಟ್ಟ ಗುಣತ್‍ನ ಅರ್ಥ ಮಾಡಿಯಂಡ್: ಕಪಟಿಯಳೇ! ನಿಂಗ ಎನ್ನಂಗ್ ನನ್ನ ಕೆಣಿಪಕ್ ನೋಟ್‍ವಿರ?

ಮತ್ತಾಯ 23:13

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ. ಜನ ಪ್ರವೇಶ ಮಾಡತನೆಕೆ ಪರಲೋಕ ರಾಜ್ಯತ್‍ರ ಪಡಿನ ಬೀಗ ಇಡ್‍ವಿರ. ನಿಂಗಳು ಅದ್ಂಡ ಒಳ್‍ಕ್ ಪೋಪುಲೆ, ಪೋಪಯಿಂಗಳ ಪೋಪಕ್ ಬುಡ್‍ವದು ಇಲ್ಲೆ.

ಮತ್ತಾಯ 4:23

ಪಿಂಞ ಯೇಸು, ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಅಲ್ಲಿಯತ್‍ರ ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಮತ್ತಾಯ 7:5

ಓ ಕಪಟಿಯಳೇ! ಮಿಂಞ ನೀಡ ಕಣ್ಣ್‌ಲ್ ಉಳ್ಳ ಮರ ಪಾರ್‍ನ ಎಡ್‍ತಿತ್ ಕನ್‍ಚಿರ್. ಅಕ್ಕ ನೀಡ ಅಣ್ಣತಮ್ಮಣಂಡ ಕಣ್ಣ್‌ಲ್ ಉಳ್ಳ ದೂಳ್‍ನ ಎಡ್‍ಪಕ್ ನೀಕ್ ಚಾಯಿ ಕಾಂಬ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:44

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ! ನಿಂಗ ಒರ್ ಗುರ್‌ತ್ ಇಲ್ಲತ ಸಮಾದಿರನೆಕೆ ಉಳ್ಳಿರ, ಜನಕ್ ಅದ್ ಎಂತ್‍ೕಂದ್ ಗೊತ್ತಿಲ್ಲತೆ ಅದ್ಂಡಮೇಲೆ ನಡ್‍ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:56

ಕಪಟಿಯಳೇ! ಬೂಲೋಕ ಬಾನತ್‍ನ ನೋಟಿತ್, ಹವಾಗುಣ ಎಂತ್‍ೕಂದ್ ಎಣ್ಣುವಿರ, ಆಚೇಂಗಿ, ಈ ಕಾಲತ್‍ಲ್ ಎಂತ ಆಯೇಂಡುಂಡ್‍ೕಂದ್ ಎನ್ನಂಗ್ ನಿಂಗಕ್ ಗೊತ್ತಾಯಿತ್‌ಲ್ಲೆ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:15

ಅದ್ಂಗ್ ಯೇಸು: ಕಪಟಿಯಾನ ನಿಂಗ, ನಿಂಗಡ ಕೂಟ್‌ಲ್ ಉಳ್ಳ ಎತ್ತ್ ಪಿಂಞ ಕತ್ತೆನ ನೀರ್ ಕುಡಿಪಚಿಡ್‌ವಕ್ ಸಬ್ಬತ್ ದಿವಸತ್‍ಲ್ ಕೆಟ್ಟ್ ಉತ್ತಿತ್ ಪೊರಮೆ ಕಾಕಿಯಂಡ್ ಪೋಪ್‍ಲೆಯಾ?

ಇಬ್ರಿಯ 5:14

ಗಟ್ಟಿಯಾನ ಆಹಾರ ಬಲ್ಯಂಗಕ್ ಮಾತ್ರ ಆಪ, ಎನ್ನನೆ ಎಣ್ಣ್‌ಚೇಂಗಿ ಅಯಿಂಗ ಅದ್‍ನ ಎಕ್ಕಾಲು ಉಪಯೋಗಿಚಿಡುವಗುಂಡ್, ನಲ್ಲದ್ ಕೆಟ್ಟದ್ ಎಂತದ್‍ೕಂದ್ ಅಯಿಂಗಕ್ ಗೊತ್ತಾಪನೆಕೆ ಅಯಿಂಗ ಪಡಿಚಿತುಂಡ್.