ಮತ್ತಾಯ 16:26 - ಕೊಡವ ಬೈಬಲ್

²⁶ ಒರ್ ಮನುಷ್ಯ ಈ ಲೋಕತ್‍ಲ್ ಉಳ್ಳಾನೆಲ್ಲಾ ತಾಂಗ್ ಸ್ವಂತವಾಯಿತ್ ಮಾಡ್‍ಚೇಂಗಿಯು, ಅಂವೊ ನಾಡ ಶಿಷ್ಯನಾಯಿತ್ ನಾಡ ಬಯ್ಯತ್ ಬರತೆ ಪೋಚೇಂಗಿ, ಅಂವೊಂಗ್ ಎಂತ ಲಾಬ? ಅಂವೊ ನಿತ್ಯ ಜೀವ ಇಲ್ಲತೆ ಚತ್ತ್ ಪೋಪ. ಅನ್ನನೆ ಆಚೇಂಗಿ ಅಂವೊಂಗ್ ನಿತ್ಯ ಜೀವ ಕ್‍ಟ್ಟ್‌ವಕ್ ಒಂದು ಮಾಡ್‌ವಕ್ ಕಯ್ಯುಲೆ.

ಮತ್ತಾಯ 16:26 ပူးပေါင်းရင်းမြစ်များ

ಮತ್ತಾಯ 16:25

ದಾರ್ ಅಂವೊಂಡ ಜೀವತ್‍ನ ಕಾಪಾಡ್‌ವಕ್ ಕುಶಿ ಪಡುವ, ಅಂವೊ ಅಂವೊಂಡ ಜೀವತ್‍ನ ಕಳೆಂದ್‍ರ್‍ವ. ಆಚೇಂಗಿ ದಾರ್ ನಾಕಾಯಿತ್ ಅಂವೊಂಡ ಜೀವತ್‍ನ ಕಳೆಂದ್‍ರ್‍ವ, ಅಂವೊ ಅಂವೊಂಡ ಜೀವತ್‍ನ ನಿತ್ಯ ಜೀವಕಾಯಿತ್ ಕಾಪಾಡ್‌ವ.

ಮತ್ತಾಯ 16:27

ಮನುಷ್ಯಕುಮಾರನಾನ ನಾನ್ ನಾಡ ಅಪ್ಪಂಡ ದುಂಬ್‍ನ ಮಹಿಮೆಲ್ ನಾಡ ದೂತಂಗಡ ಕೂಡೆ ಬಪ್ಪಿ; ಆ ಸಮಯತ್‍ಲ್ ನಾನ್ ಒಬ್ಬೊಬ್ಬಂಗ್ ಅಯಿಂಗಯಿಂಗ ಮಾಡ್‍ನ ಕೆಲಸಕ್ ಆನ ಇನಾಮ್‍ನ ಕೊಡ್‍ಪಿ.

ಮತ್ತಾಯ 5:29

ನೀಡ ಬಲ್‌ತೆ ಕಣ್ಣ್ ಪಾಪ ಮಾಡ್‌ವಕ್ ಕಾರಣವಾಚೇಂಗಿ, ಅದ್‍ನ ಬಲ್‍ಚಿತ್ ಕನ್‍ಚಿರ್. ನೀಡ ಪೂರ್ತಿ ತಡೀನ ನರಕತ್‍ಲ್ ತಳ್ಳ್‌ವಕಿಂಜ, ನೀಡ ತಡೀರ ಒರ್ ಬಾಗ ಇಲ್ಲತಿಪ್ಪದ್ ನಲ್ಲದ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:20

ಆಚೇಂಗಿ ದೇವ ಅಂವೊಂಗ್: ಮುಠಾಳನೇ! ಈ ಬೈಟ್ ನೀನ್ ಚತ್ತ್ ಪೋಪಿಯ. ಅಕ್ಕ ನೀ ಕೂಟಿ ಬೆಚ್ಚದೆಲ್ಲ ದಾರ್‌ಕ್ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:25

ಅಕ್ಕ ಅಬ್ರಹಾಮ: ಮೋಂವೊನೇ, ನೀಕ್ ಬೋಂಡಿಯಾನ ಸುಕತ್‌ನ ನೀಡ ಜೀವಮಾನತ್‌ಲೆ ಅನುಬವಿಚಿಟ್ಟಿತ್ತುಳ್ಳಿಯ. ಅಕ್ಕ ಲಾಜರ ಕಷ್ಟಪಟ್ಟಂಡಿಂಜದ್‍ನ ನೀಕ್ ಗೇನ ಇಲ್ಲೆಯಾ? ಇಕ್ಕ ಲಾಜರಂಗ್ ಸುಕ, ನೀಕ್ ಕಷ್ಟ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:25

ಮನುಷ್ಯ ಈ ಲೋಕತ್‍ಲ್ ಉಳ್ಳಾನೆಲ್ಲಾ ತಾಂಗ್ ಸ್ವಂತವಾಯಿತ್ ಮಾಡ್‍ಚೇಂಗಿಯು, ತಾಂಡ ಜೀವನತ್‌ನ ಪಾಳ್ ಮಾಡ್‍ಚೇಂಗಿ, ಅಂವೊಂಗ್ ಎಂತ ಪ್ರಯೋಜನ?