ಮತ್ತಾಯ 16:24 - ಕೊಡವ ಬೈಬಲ್

²⁴ ಅಕ್ಕ, ಯೇಸು ಅಂವೊಂಡ ಶಿಷ್ಯಂಗಳ ನೋಟುವಂಜಿ: ನಿಂಗಡಲ್ಲಿ ದಾರ್‌ಕೇಂಗಿ ನಾಡ ಶಿಷ್ಯನಾಯಿತ್ ಇಪ್ಪಕ್ ಕುಶಿ ಇಂಜತೇಂಗಿ, ಅಂವೊ ಅಂವೊಂಡ ಆಸೆನೆಲ್ಲಾ ಬುಟ್ಟಿತ್, ತಾಂಡ ಶಿಲುಬೇನ ನೇತಿಯಂಡ್ ನಾಡ ಬಯ್ಯತ್ ಬರಡ್.

ಮತ್ತಾಯ 16:24 ပူးပေါင်းရင်းမြစ်များ

ಮತ್ತಾಯ 10:38

ದಾರ್ ತಾಂಡ ಶಿಲುಬೇನ ಎಡ್‍ತಂಡ್ ನಾಡ ಬಯ್ಯ ಬಪ್ಪ್‌ಲೆಯೋ ಅಂವೊ ನಾಡ ಶಿಷ್ಯನಾಯಿತ್‌ಪ್ಪಕ್ ಯೋಗ್ಯನಲ್ಲ.

ಮತ್ತಾಯ 27:32

ಅಂವೊನ ಕಾಕಿಯಂಡ್ ಪೋಪಕ, ಕುರೇನ್ಯ ಊರ್‌ಕ್ ಕೂಡ್‍ನ ಸೀಮೋನ ಎಣ್ಣ್‌ವಂವೊನ ಕಂಡತ್. ಸಿಪಾಯಿಯ ಯೇಸುರ ಶಿಲುಬೇನ ಪೊರ್‍ಪಕ್ ಅಂವೊನ ಒತ್ತಾಯ ಮಾಡ್‍ಚಿ.

ಮಾರ್ಕ 10:21

ಯೇಸು ಅಂವೊನ ಪ್ರೀತಿಲ್ ನೋಟಿತ್: ನೀಕ್ ಒರ್ ವಿಷಯ ಮಾತ್ರ ಕಮ್ಮಿಯುಂಡ್, ನೀಡ ಪಕ್ಕ ಉಳ್ಳದ್‍ನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಮಾರ್ಕ 15:21

ಯೇಸುನ ಕೊಲ್ಲುವಕ್ ಕಾಕಿಯಂಡ್ ಪೋಯಂಡಿಪ್ಪಕ, ಬಟ್ಟೇಲ್, ಕುರೇನ್ಯ ಊರಿಂಜ ಬಂದಡಿಂಜ ಸೀಮೋನನ ಕಂಡತ್. ಅಂವೊ ಅಲೆಕ್ಸಾಂದ್ರ ಪಿಂಞ ರೂಫ ಎಣ್ಣುವಯಿಂಗಡ ಅಪ್ಪ. ಸಿಪಾಯಿಯ ಅಂವೊನ ಒತ್ತಾಯ ಮಾಡಿತ್ ಯೇಸುರ ಶಿಲುಬೇನ ಎಡ್‍ತಂಡ್ ಪೋಪಕ್ ಎಣ್ಣ್‌ಚಿ.

ಮಾರ್ಕ 8:34

ಯೇಸು ಅಲ್ಲಿ ಉಳ್ಳ ಜನಳ ಪಿಂಞ ಅಂವೊಂಡ ಶಿಷ್ಯಂಗಳ ಕಾಕುವಂಜಿ: ನಿಂಗಡಲ್ಲಿ ದಾರ್‌ಕೇಂಗಿ ನಾಡ ಶಿಷ್ಯನಾಯಿತ್ ಇಪ್ಪಕ್ ಕುಶಿ ಇಂಜತೇಂಗಿ, ಅಂವೊ ಅಂವೊಂಡ ಆಸೆನೆಲ್ಲಾ ಬುಟ್ಟಿತ್, ತಾಂಡ ಶಿಲುಬೇನ ನೇತಿಯಂಡ್ ನಾಡ ಬಯ್ಯತ್ ಬರಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:27

ದಾರ್ ಒಬ್ಬ ತಾಂಡ ಶಿಲುಬೇನ ಪೊರ್‍ತಂಡ್ ನಾಡ ಬಯ್ಯ ಬಪ್ಪ್‌ಲೆಯೋ ಅಯಿಂಗ ನಾಡ ಶಿಷ್ಯಂಗಳಾಯಿತ್‌ಪ್ಪಕ್ ಕಯ್ಯುಲೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:26

ಯೇಸುನ ಕೊಲ್ಲ್‌ವಕ್ ಕಾಕಿಯಂಡ್ ಪೋಯಂಡ್ ಇಪ್ಪಕ, ಆ ಬಟ್ಟೇಲ್, ಕುರೇನೆ ಊರಿಂಜ ಅಕ್ಕ ಬಂದಂಡಿಂಜ ಸೀಮೋನ ಎಣ್ಣ್‌ವಂವೊನ ಕಂಡತ್. ಸಿಪಾಯಿಯ ಅಂವೊನ ನಿಪ್ಪ್‌ಚಿಟ್ಟಿತ್ ಒತ್ತಾಯ ಮಾಡಿತ್ ಯೇಸುರ ಶಿಲುಬೇನ ಪೊರ್‍ತಂಡ್ ಪೋಪಕ್ ಶಿಲುಬೇನ ಅಂವೊಂಡ ಮೇಲೆ ಬೆಚ್ಚತ್.

ಯೋಹಾನ 19:17

ಯೇಸು ಅಂವೊಂಡ ಶಿಲುಬೇನ ಪೊರ್‍ತಂಡ್ ಗೊಲ್ಗೊಥಾ ಎಣ್ಣುವ ಜಾಗಕ್ ಪೋಚಿ. ಗೊಲ್ಗೊಥಾ ಎಣ್ಣ್‌ಚೇಂಗಿ ಮಂಡೆರ ಓಡ್‍ೕಂದ್ ಅರಾಮಿಯ ತಕ್ಕ್‌ಲ್ ಅರ್ಥ ಆಪ.

ಯೋಹಾನ 21:19

ಪೇತ್ರ ಏದ್ ತರತ್‍ಲ್ ಚಾವಾ, ಎನ್ನನೆ ದೇವಡ ಪೆದತ್‍ನ ಮಹಿಮೆ ಪಡ್‌ತ್‌ವಾಂದ್ ಗೊತ್ತಾಪಕಾಯಿತ್ ಯೇಸು ಇನ್ನನೆ ಎಣ್ಣ್‌ಚಿ. ಪಿಂಞ ಅಂವೊನ ನೋಟಿತ್: ನಾಡ ಬಯ್ಯಕ್ ಬಾಂದ್ ಹುಕುಮ್ ಕೊಡ್‍ತತ್.

ಯೋಹಾನ 21:22

ಯೇಸು ಪೇತ್ರಂಗ್: ನಾನ್ ಪುನಃ ಬಪ್ಪಕತ್ತನೆ ಇಂವೊ ಬದ್‌ಕಿತ್ ಇಪ್ಪಕ್ ನಾಕ್ ಕುಶಿ ಉಂಡೇಂಗಿ, ನೀಕ್ ಎಂತ? ನೀನ್ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

ಕೊಲೊಸ್ಸೆ 1:24

ಇಕ್ಕ ನಿಂಗಡಗುಂಡ್ ನಾನ್ ಅನುಬವಿಚಿಟ್ಟಂಡುಳ್ಳ ಕಷ್ಟತ್‍ಲ್ ಕುಶಿಪಟ್ಟಿತ್, ಕ್ರಿಸ್ತಂಡ ಕಷ್ಟತ್‍ಲ್ ಇಂಞು ಮಾಡ್‌ವಕುಳ್ಳದ್‍ನ ಅಂವೊಂಡ ತಡಿಯಾನ ಸಬೇಕಾಯಿತ್ ನಾಡ ತಡೀಲ್ ಪೂರ್ತಿ ಮಾಡಿಯಂಡುಳ್ಳ.

1 ಥೆಸಲೊನೀಕ 3:3

ಅಕ್ಕ, ದಾರೂ ನಿಂಗಳ ನಿಂಗಡ ನಂಬಿಕೆಯಿಂಜ ಬಲಿಪಕ್ ಕಯ್ಯುಲೆ. ನಂಗ ಯೇಸುರ ಬಯ್ಯಕ್ ಬಪ್ಪಕ, ಜನ ನಂಗಳ ಹಿಂಸೆ ಮಾಡ್‌ವಾಂದ್ ಉಳ್ಳದ್ ದೇವಡ ಚಿತ್ತಾಂದ್ ನಿಂಗಕ್ ಗೊತ್ತುಂಡಲ್ಲ.

2 ತಿಮೊಥೆಯ 3:12

ಎನ್ನನಾಚೇಂಗಿಯು, ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಟ್ಟಿತ್ ದೇವಡ ಬಕ್ತಿಲ್ ಬದ್‍ಕಂಡೂಂದ್ ಆಸೆ ಪಡ್‌ವಯಿಂಗ ಹಿಂಸೆನ ಅನುಬವಿಚಿಡುವ.

1 ಪೇತ್ರ 2:21

ಇದ್ಂಗಾಯಿತೇ ದೇವ ನಿಂಗಳ ಕಾಕಿಯತ್, ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತನು ನಿಂಗಕಾಯಿತ್ ಪಾಡ್‍ಪಟ್ಟಿತ್ ನಿಂಗ ಅಂವೊಂಡ ಬಟ್ಟೇಲ್ ಬಪ್ಪಕಾಯಿತ್ ಅಂವೊನ ಒರ್ ಉದಾರಣೆಯಾಯಿತ್ ಮಾಡ್‍ಚಿ.