ಮತ್ತಾಯ 16:21 - ಕೊಡವ ಬೈಬಲ್

²¹ ಅಕ್ಕಯಿಂಜ ಯೇಸು ಅಯಿಂಗಕ್: ನಾನ್ ಯೆರೂಸಲೇಮ್‌ಕ್ ಪೋಪಕ ಅಲ್ಲಿಯತ್ ಪೆರಿಯಯಿಂಗ, ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡಗುಂಡ್ ಕಷ್ಟಪಡಂಡೂಂದ್ ಎಣ್ಣ್‌ವಕ್‌ ಸುರು ಮಾಡ್‍ಚಿ. ಅಲ್ಲಿ ಪೋಪಕ ನನ್ನ ಕೊಂದ್‌ರ್‌ವ, ಆಚೇಂಗಿಯು ಮೂಂದನೆ ದಿವಸತ್‍ಲ್ ಚಾವ್‍ಯಿಂಜ ಜೀವವಾಯಿತ್ ಏವೀಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 16:21 ပူးပေါင်းရင်းမြစ်များ

ಮತ್ತಾಯ 12:40

ಯೋನ ಪ್ರವಾದಿ ಮೂಂದ್ ಬಯಿಟ್ ಮೂಂದ್ ಪೋಲ್ ಬಲ್ಯ ಮೀನ್‌ರ ಕೆಲತ್‌ಲ್ ಇಂಜನೆಕೆ, ಮನುಷ್ಯಕುಮಾರನು ಮೂಂದ್ ಬಯಿಟ್ ಮೂಂದ್ ಪೋಲ್ ಬೂಮಿರ ಅಡಿಲ್ ಇಪ್ಪ.

ಮತ್ತಾಯ 16:22

ಅಕ್ಕ ಪೇತ್ರ ಯೇಸುನ ಆಬರಿಕ್ ಕಾಕುವಂಜಿ, ಒಡೆಯನೇ, ಇನ್ನನೆ ನೀಕ್ ಆಪಕ್ಕಾಗ, ಇನ್ನನೆ ನೀಕ್ ಆಪಕ್ ದೇವ ಬುಡ್‍ಲೇಂದ್ ಅಂವೊನ ಬೈಯುವಕ್ ಸುರು ಮಾಡ್‍ಚಿ.

ಮತ್ತಾಯ 16:28

ಇಲ್ಲಿ ಉಳ್ಳ ಚೆನ್ನ ಜನ ಮನುಷ್ಯಕುಮಾರ ತಾಂಡ ರಾಜ್ಯತ್‍ಲ್ ಆಳುವಕಾಯಿತ್ ಬಪ್ಪದ್‍ನ ಕಾಂಬಕತ್ತನೆ ಚಾವ್‍ಲೇಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 17:12

ಆಚೇಂಗಿಯು ಎಲೀಯ ಮಿಂಞಲೇ ಬಂದಿತಾಚೀಂದ್ ನಾನ್ ನಿಂಗಕ್ ಎಣ್ಣ್‌ವಿ; ಆಚೇಂಗಿ ಜನಕ್ ಅಂವೊನ ಗೊತ್ತಾಯಿತ್‌ಲ್ಲೆ, ಜನ ತಾಂಡ ಮನಸ್ಸ್‌ಕ್ ಬಂದನೆಕೆ ಅಂವೊಂಗ್ ಮಾಡ್‍ಚಿ; ಅನ್ನನೆ ಮನುಷ್ಯಕುಮಾರನ ಸಹ ಜನ ಕಷ್ಟಪಡ್‌ತ್‍ವಾಂದ್ ಎಣ್ಣ್‌ಚಿ.

ಮತ್ತಾಯ 17:9

ಅಯಿಂಗ ಕುಂದಿಂಜ ಅಡಿಕ್ ಇಳ್ಂಜಿತ್ ಬಂದಂಡ್ ಇಪ್ಪಕ ಯೇಸು ಅಯಿಂಗಳ ನೋಟಿತ್: ಮನುಷ್ಯಕುಮಾರ ಚಾವ್‍ಯಿಂಜ ಪುನಃ ಜೀವವಾಯಿತ್ ಬಪ್ಪಕತ್ತನೆ ಅಯಿಂಗ ಕಂಡದ್‍ನ ದಾರ್‌ಕು ಎಣ್ಣ್‌ವಕ್ಕಾಗಾಂದ್ ಆಜ್ಞೆ ಕೊಡ್‍ತತ್.

ಮತ್ತಾಯ 20:28

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್ತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಂದಿಯೇಂದ್ ಎಣ್ಣ್‌ಚಿ.

ಮತ್ತಾಯ 26:2

ಇಂಞು ದಂಡ್ ದಿನ ಆನ ಪಿಂಞ ಪಸ್ಕ ನಮ್ಮೆ ಬಪ್ಪಕುಳ್ಳದ್ ನಿಂಗಕ್ ಗೊತ್ತುಂಡ್. ಅಕ್ಕ ಮನುಷ್ಯಕುಮಾರನ ಶಿಲುಬೇಕ್ ಇಡ್‌ವಕ್ ನಿಂಗಡಲ್ಲಿ ಒಬ್ಬ ನನ್ನ ಒಪ್ಪ್‌ಚಿಡುವ.

ಮತ್ತಾಯ 26:47

ಯೇಸು ಇದ್‍ನ ಎಣ್ಣಿಯಂಡಿಪ್ಪಕಲೇ, ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಒಬ್ಬನಾನ ಯೂದ ಬಾತ್. ಅಂವೊಂಡ ಕೂಡೆ ಮುಕ್ಯ ಯಾಜಕಂಗ ಪಿಂಞ ಜನಡ ಪೆರಿಯಯಿಂಗ ಅಯಿಚ ಬಲ್ಯ ಜನಡ ಗುಂಪ್ ಕತ್ತಿ ದೊಣ್ಣೆನೆಲ್ಲ ಎಡ್‍ತಂಡ್ ಬಂದಿತ್ಂಜತ್.

ಮತ್ತಾಯ 27:12

ಮುಕ್ಯ ಯಾಜಕಂಗ ಪಿಂಞ ಪೆರಿಯಯಿಂಗ ಕುತ್ತ ಪರಿಯುವಕ ಯೇಸು ಒರ್ ತಕ್ಕು ಪರಿಂದಿತ್‌ಲ್ಲೆ.

ಮತ್ತಾಯ 27:63

ಅಂವೊಂಗ್: ಎಜಮಾನನೇ, ಆ ಮೋಸಗಾರ ಬದ್‌ಕಿತ್ ಇಪ್ಪಕಾಪಕ, ನಾನ್ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಎದ್ದ್ ಬಪ್ಪೀಂದ್ ಎಣ್ಣಿಯಂಡ್ ಇಂಜದ್ ನಂಗಕ್ ಗೇನ ಉಂಡ್.

ಮತ್ತಾಯ 28:6

ಅಂವೊ ಇಲ್ಲಿ ಇಲ್ಲೆ. ಅಂವೊ ಎಣ್ಣ್‌ನನೆಕೆ ಚಾವ್‍ಯಿಂಜ ಜೀವವಾಯಿತ್ ಎದ್ದತ್. ಅಂವೊಂಡ ತಡಿ ಇಂಜ ಜಾಗತ್‍ನ ಬಂದ್ ನೋಟೀಂದ್ ಎಣ್ಣ್‌ಚಿ.

ಮಾರ್ಕ 8:31

ಅಲ್ಲತೆ, ಮನುಷ್ಯಕುಮಾರ ದುಂಬ ಕಷ್ಟಪಟ್ಟಿತ್, ಪೆರಿಯಯಿಂಗಡ, ಮುಕ್ಯ ಯಾಜಕಂಗಡ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ಮಿಂಞತ್‍ಲ್ ತ್‍ಕ್ಕಾರ ಆಕಂಡು. ಎಲ್ಲಾರು ಕೂಡಿತ್ ಅಂವೊನ ಕೊಂದ್‌ರ್‌ವ, ಆಚೇಂಗಿ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಅಂವೊ ಜೀವವಾಯಿತ್ ಏವಾಂದ್ ಅಯಿಂಗಕ್ ಉಪದೇಶ ಮಾಡ್‌ವಕ್ ಸುರು ಮಾಡ್‍ಚಿ.

ಮಾರ್ಕ 9:12

ಅಕ್ಕು, ಎಲ್ಲಾನೂ ಸರಿಕೂಟ್‌ವಕಾಯಿತ್ ಎಲೀಯ ಮಿಂಞ ಬಪ್ಪ. ಆಚೇಂಗಿ ಮನುಷ್ಯಕುಮಾರ ದುಂಬ ಕಷ್ಟಪಟ್ಟಿತ್, ಎಲ್ಲಾಡಗುಂಡ್ ತ್‍ಕ್ಕಾರ ಆಪಾಂದ್ ಒಳ್‌ದಿತುಂಡಲ್ಲಾ! ಅದ್ ಎನ್ನನೇಂದ್ ಯೇಸು ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:25

ಆಚೇಂಗಿ ಅದ್ಂಗಿಂಜ ಮಿಂಞ ಈ ಮನುಷ್ಯಕುಮಾರ ದುಂಬ ಕಷ್ಟಪಟ್ಟಿತ್ ಇಕ್ಕತ್‍ರ ಕಾಲತ್‍ರ ಜನಳಗುಂಡ್ ತ್‍ಕ್ಕಾರ ಆಂಡು.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:46

ಯೇಸು ಅಯಿಂಗಕ್: ದೇವ ಗೊತ್ತ್ ಮಾಡಿತ್ ಅಯಿಚ ರಾಜನಾನ ಕ್ರಿಸ್ತ ಕಷ್ಟಪಡಂಡು, ಚತ್ತಿತ್ ಮೂಂದ್ ದಿವಸ ಆನ ಪಿಂಞ ಏವಂಡೂಂದ್ ದೇವಡ ವಾಕ್ಯತ್‍ಲ್ ಉಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:31

ಅಂವೊ ಯೆರೂಸಲೇಮ್‍ಲ್ ಪೂರ್ತಿ ಮಾಡ್‌ವ ಅಂವೊಂಡ ಚಾವ್‍ರ ವಿಷಯತ್‍ನ ತಕ್ಕ್ ಪರ್ಂದಂಡಿಂಜತ್.