ಮತ್ತಾಯ 16:19 - ಕೊಡವ ಬೈಬಲ್

¹⁹ ನಾನ್ ನೀಕ್ ಪರಲೋಕ ರಾಜ್ಯತ್‍ರ ಬೀತ್‌ಕೈನ ತಪ್ಪಿ; ನೀನ್ ಈ ಲೋಕತ್‍ಲ್ ಎಂತಾನ ಕೆಟ್ಟ್‌ವಿಯೋ ಅದ್ ಪರಲೋಕತ್‌ಲು ಕೆಟ್ಟಿತ್‌ಪ್ಪ, ನೀನ್ ಈ ಲೋಕತ್‍ಲ್ ಎಂತಾನ ಉತ್ತ್‌ವಿಯೋ ಅದ್ ಪರಲೋಕತ್‍ಲ್ ಸಹ ಉತ್ತಿತ್‌ಪ್ಪಾಂದ್ ಎಣ್ಣ್‌ಚಿ.

ಮತ್ತಾಯ 16:19 ပူးပေါင်းရင်းမြစ်များ

ಮತ್ತಾಯ 18:18

ನಿಂಗ ಈ ಲೋಕತ್‍ಲ್ ಎಂತಾನ ಕೆಟ್ಟ್‌ವಿರೋ ಅದ್ ಪರಲೋಕತ್‌ಲೂ ಕೆಟ್ಟಿತ್‌ಪ್ಪ. ನಿಂಗ ಈ ಲೋಕತ್‍ಲ್ ಎಂತಾನ ಉತ್ತ್‌ವಿರೋ ಅದ್ ಪರಲೋಕತ್‍ಲ್ ಸಹ ಉತ್ತಿತಿಪ್ಪಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 20:23

ನಿಂಗ ದಾಡ ಪಾಪತ್‍ನ ಮನ್ನಿಚಿಡ್‌ವಿರ, ಆ ಪಾಪತ್ಂಜ ಅಯಿಂಗಕ್ ಮನ್ನಿಪ್ ಕ್‍ಟ್ಟುವ, ದಾಡ ಪಾಪತ್‍ನ ಮನ್ನಿಚಿಡುಲೆ ಅಯಿಂಗಕ್ ಆ ಪಾಪತ್ಂಜ ಮನ್ನಿಪ್ ಕ್‍ಟ್ಟ್‌ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 15:7

ದುಂಬ ತರ್ಕ ಆಪಕ, ಪೇತ್ರ ಎದ್ದಿತ್ ನಿಪ್ಪಂಜಿ ಅಯಿಂಗಳ ನೋಟಿತ್, ಅಣ್ಣತಮ್ಮಣಂಗಳೇ, ನಿಂಗಕ್ ಗೊತ್ತುಳ್ಳನೆಕೆ, ಯೆಹೂದ್ಯಂಗ ಅಲ್ಲತ ಬೋರೆ ಜನ, ನಾಡ ಬಾಯಿಂಜ ನಲ್ಲ ಸುದ್ದಿನ ಕ್‍ೕಟಿತ್ ನಂಬಂಡೂಂದ್, ದೇವ ದುಂಬ ದಿವಸಕ್ ಮಿಂಞಲೇ, ನಿಂಗಡಡೆಲ್ ಒಬ್ಬನಾನ ನನ್ನ ಗೊತ್ತ್ ಮಾಡ್‍ಚಿ.

2 ಕೊರಿಂಥ 2:10

ನಿಂಗ ದಾರ್‌ಕ್, ಏದ್‍ನ ಮನ್ನಿಚಿಡ್‌ವಿರೋ, ನಾನು ಸಹ ಅಯಿಂಗಳ ಮನ್ನಿಚಿಡುವಿ. ನಾನ್ ಏದ್‍ನ ಮನ್ನಿಚಿಟ್ಟಿತುಂಡೋ, ಅದ್‍ನ ನಿಂಗಕಾಯಿತ್ ಕ್ರಿಸ್ತಂಡ ಸನ್ನಿದಾನತ್‍ಲ್ ಮನ್ನಿಚಿಟ್ಟಿಯೆ.

1 ಥೆಸಲೊನೀಕ 4:8

ಆನಗುಂಡ್, ಈ ಬೋದನೆನ ದಾರೇಂಗಿ ಅಲ್ಲಗೆಳೆದ್‌ಚೇಂಗಿ, ಅಯಿಂಗ ಮನುಷ್ಯನ ಅಲ್ಲ, ನಂಗಕ್ ಪವಿತ್ರಾತ್ಮತ್‍ನ ತಂದ ದೇವನ ಅಲ್ಲಗೆಳ್ಂದನೆಕೆ ಆಪ.

ಪ್ರಕಟನೆ 1:18

ನಾನ್ ಚತ್ತ್‌ಪೋನ, ಆಚೇಂಗಿಯು ಇದಾ, ನಾನ್ ಎಕ್ಕಾಲು ಬದ್‍ಕಿಯಂಡುಳ್ಳ. ಚಾವ್ ಪಿಂಞ ಪಾತಾಳತ್‍ರ ಬೀತ್‍ಕೈ ನಾಡ ಪಕ್ಕ ಉಂಡ್.

ಪ್ರಕಟನೆ 11:6

ಈಂಗ ಪ್ರವಾದನೆ ಎಣ್ಣಿಯಂಡುಳ್ಳ ಕಾಲತ್‍ಲ್, ಬಾನತ್‍ನ ಮುಚ್ಚಿತ್ ಮಳೆ ಬಕ್ಕತನೆಕೆ ಮಾಡ್‌ವಕ್ ಈಂಗಕ್ ಅದಿಕಾರ ಉಂಡ್; ಅದಲ್ಲತೆ ಅಯಿಂಗಕ್ ನೀರ್‌ನ ಚೋರೆಯಾಯಿತ್ ಮಾಡ್‌ವಂತ ಶಕ್ತಿಯು, ಅಯಿಂಗಕ್ ಎಕ್ಕೆಕ್ಕ ಬೋಂಡ್‌ವೋ, ಅಕ್ಕ ಎಲ್ಲಾ ಬೂಮಿಕ್ ನಾನಾತರ ಬಾದೆ ಕೊಡ್‌ತಿತ್ ಅಲ್ಲಿ ಉಳ್ಳಯಿಂಗಳ ಹಿಂಸೆ ಮಾಡ್‌ವಕ್ ಅದಿಕಾರ ಉಂಡ್.

ಪ್ರಕಟನೆ 3:7

ಫಿಲದೆಲ್ಫಿಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಪವಿತ್ರವಾನಂವೊನು, ನೇರಾನಂವೊನು, ದಾವೀದಂಡ ಬೀತ್‍ಕೈ ಉಳ್ಳಂವೊನು, ಏದು ಒರ್ ಮನುಷ್ಯನು ಮುಚ್ಚ್‌ವಕ್ ಕಯ್ಯತನೆಕೆ ತೊರ್‌ಪಂವೊನು, ಏದು ಒರ್ ಮನುಷ್ಯನು ತೊರ್‌ಪಕ್ ಕಯ್ಯತನೆಕೆ ಬೀಗ ಇಡ್‌ವಂವೊನು ಎಣ್ಣಿಯಂಡುಳ್ಳ.

ಪ್ರಕಟನೆ 9:1

ಅಂಜನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ಬಾನತ್ಂಜ ಒರ್ ನಕ್ಷತ್ರ ಬೂಮಿಕ್ ಬುದ್ದಾನ ನಾನ್ ಕಂಡಿಯೆ. ಅಂವೊಂಗ್ ಪಾತಾಳತ್‍ರ ಬೀತ್‌ಕೈನ ಕೊಡ್‌ತಿತ್ಂಜತ್.