ಮತ್ತಾಯ 16:17 - ಕೊಡವ ಬೈಬಲ್

¹⁷ ಅದ್ಂಗ್ ಯೇಸು: ಯೋನಂಡ ಮೋಂವೊನಾನ ಸೀಮೋನನೇ, ನೀನ್ ಆಶೀರ್ವಾದ ಪಡ್ಂದಂವೊ, ನೀಡ ಈ ತಕ್ಕ್ ಮನುಷ್ಯಡಿಂಜ ಬಂತ್‌ಲ್ಲೆ. ಇದ್ ಪರಲೋಕತ್‌ಲುಳ್ಳ, ನಾಡ ಅಪ್ಪ, ಈ ತಕ್ಕ್‌ನ ನೀನ್ ಪರಿಯುವಕ್ ಮಾಡ್‍ಚಿ.

ಮತ್ತಾಯ 16:17 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:32

ಆಚೇಂಗಿ ನೀಕ್ ನಾಡ ಮೇಲೆ ಉಳ್ಳ ನಂಬಿಕೆ ಪಾಳಾಯಿ ಪೋಕತನೆಕೆ ನಾನ್ ನೀಕಾಯಿತ್ ಪ್ರಾರ್ಥನೆ ಮಾಡಿಯೆ. ನೀನ್ ಪಶ್ಚಾತಾಪ ಪಟ್ಟಿತ್ ಪುನಃ ನಾಡ ಪಕ್ಕ ಬಪ್ಪಕ ನೀಡ ಅಣ್ಣತಮ್ಮಣಂಗಳ ಸ್ತಿರಪಡ್‍ತ್‍ೕಂದ್ ಎಣ್ಣ್‌ಚಿ.

ಯೋಹಾನ 1:42

ಅಲ್ಲಿಂಜ ಅಂವೊ, ಪೇತ್ರನ ಯೇಸುರ ಪಕ್ಕ ಕಾಕಿಯಂಡ್ ಬಾತ್. ಯೇಸು ಅಂವೊನ ಕಾಂಬಕ: ನೀನ್ ಯೋಹಾನಂಡ ಮೋಂವೊ ಸೀಮೋನ, ಇಂದಿಂಜ ನೀಡ ಪೆದ ಕೇಫ ಎಣ್ಣಿಯಂಡ್ ಕಾಕುವಾಂದ್ ಎಣ್ಣ್‌ಚಿ. ಕೇಫ ಎಣ್ಣ್‌ಚೇಂಗಿ ಪೇತ್ರಾಂದ್ ಅರ್ಥ.

ಯೋಹಾನ 6:45

ಪ್ರವಾದಿಯಡ ಪುಸ್ತಕತ್‍ಲ್ ಒಳ್‌ದ್‌ನನೆಕೆ, ಅಯಿಂಗೆಲ್ಲಾ ದೇವಡಗುಂಡ್ ಪಡಿಚಿತ್‌ಪ್ಪ. ಆನಗುಂಡ್, ಅಪ್ಪನಾನ ದೇವಡಯಿಂಜ ಪಡಿಚ ಪ್ರತಿ ಒಬ್ಬೊನು ನಾಡ ಪಕ್ಕ ಬಪ್ಪ.

1 ಕೊರಿಂಥ 15:50

ನಾಡ ಅಣ್ಣತಮ್ಮಣಂಗಳೇ, ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ, ನಂಗಡ ಈ ತಡೀರ ಯರ್ಚಿ ಪಿಂಞ ಚೋರೆಯುಳ್ಳ ತಡೀನಗುಂಡ್ ದೇವಡ ರಾಜ್ಯತ್‍ರ ಬಾದ್ಯಕಾರಂಗಳಾಪಕ್ ಕಯ್ಯುಲೆ. ಕಾಂಗತೆ ಆಯಿಪೋಪ ಈ ತಡಿ ಕಾಂಗತೆ ಪೋಕತ ತಡಿಕ್ ಬಾದ್ಯತೆ ಆಪುಲೆ.

ಗಲಾತ್ಯ 1:16

ಅಂವೊಂಡ ಮೋಂವೊಂಡ ನಲ್ಲ ಸುದ್ದಿನ ಯೆಹೂದ್ಯರಲ್ಲತಯಿಂಗಕ್ ನಾನ್ ಎಣ್ಣ್‌ವಕಾಯಿತ್, ನಾಕ್ ಅಂವೊಂಡ ಮೋಂವೊನ ಕಾಂಬ್‍ಚಿಡುವಕ್ ಅಂವೊಂಗ್ ಕುಶಿಯಾಚಿ. ಅಕ್ಕ ನಾನ್ ದಾಡ ಪಕ್ಕವು ಇದ್ಂಡ ವಿಷಯತ್ ತಕ್ಕ್ ಪರಿಯುವಕು, ತಕ್ಕ್ ಕ್‍ೕಪಕು ಪೋಯಿತ್ತ್‌ಲ್ಲೆ.

ಎಫೆಸ 2:8

ಕೃಪೇರಗುಂಡ್ ನಂಬಿಕೇರ ಮೂಲಕ ನಿಂಗಕ್ ರಕ್ಷಣೆ ಕ್‍ಟ್ಟ್‌ಚಿ, ಇದ್ ನಿಂಗಡಗುಂಡ್ ಕ್‍ಟ್ಟ್‌ನದ್ ಅಲ್ಲ, ಇದ್ ದೇವಡ ಇನಾಮ್.

ಎಫೆಸ 3:5

ಆ ಗುಟ್ಟ್‌ನ ಇಕ್ಕ ಅಂವೊಂಡ ಪವಿತ್ರವಾನ ಅಪೊಸ್ತಲಂಗಕು ಪ್ರವಾದಿಯಂಗಕು ಪವಿತ್ರಾತ್ಮನಗುಂಡ್ ಅರಿಚಿಟ್ಟನೆಕೆ, ಇದ್ಂಗ್ ಮಿಂಞ ಇಂಜಯಿಂಗಕ್ ಈ ವಿಷಯತ್‍ನ ಎಣ್ಣಿತ್ಂಜಿತ್‌ಲ್ಲೆ.

ಎಫೆಸ 6:12

ಎನ್ನಂಗೆಣ್ಣ್‌ಚೇಂಗಿ, ನಂಗಡ ಪೋರಾಟ ಮನುಷ್ಯಂಗಕ್ ವಿರೋದವಾಯಿತ್ ಅಲ್ಲ, ಅದಿಕಾರಕ್ ವಿರೋದವಾಯಿತ್, ಕೂಳಿಯಡ ಅದಿಕಾರಿಯಂಗಕ್ ವಿರೋದವಾಯಿತ್, ಈ ಇರ್‌ಟ್ ಲೋಕತ್‍ರ ಅದಿಪತಿಯಂಗಕ್ ವಿರೋದವಾಯಿತ್ ಪಿಂಞ ಬಾನತ್‍ಲ್ ವಾಸ ಮಾಡಿಯಂಡುಳ್ಳ ಕೂಳಿಯಡ ಸೇನೆಕ್ ವಿರೋದವಾಯಿತ್ ಉಂಡ್.

ಇಬ್ರಿಯ 2:14

ಆನಗುಂಡ್, ಮಕ್ಕ ಚೋರೆ ಪಿಂಞ ತಡಿ ಉಳ್ಳಂಗಾಯಿತ್ ಇಪ್ಪಕ ಅಂವೊನು ಸಹ, ಚೋರೆ ಪಿಂಞ ತಡಿ ಉಳ್ಳ ಮನುಷ್ಯನಾಯಿತ್ ಆಚಿ; ಚಾವ್‍ರ ಅದಿಕಾರಿಯಾಯಿತುಳ್ಳ ಸೈತಾನನ ತಾಂಡ ಚಾವ್‍ರಗುಂಡೇ ನಾಶ ಮಾಡ್‍ಚಿ.

1 ಪೇತ್ರ 5:1

ನಿಂಗಡಲ್ಲಿ ಉಳ್ಳ ಪೆರಿಯಯಿಂಗಕ್ ಮೂಪನಾಯಿತು, ಕ್ರಿಸ್ತಂಡ ಕಷ್ಟಕ್ ಸಾಕ್ಷಿಯಾಯಿತು, ಇಂಞು ಮಿಂಞಕ್ ಬಪ್ಪಕುಳ್ಳ ಮಹಿಮೇಕ್ ಪಾಲ್‍ದಾರನಾಯಿತು ಇಪ್ಪ ನಾನ್ ನಿಂಗಕ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

1 ಯೋಹಾನ 4:15

ಯೇಸು ದೇವಡ ಮೋಂವೋಂದ್ ದಾರ್ ಒಬ್ಬ ಅರಿಕೆ ಮಾಡ್‌ವ, ಅಂವೊಂಡೊಳ್‌ಲ್ ದೇವ ವಾಸ ಮಾಡ್‌ವ, ಅಂವೊನು ದೇವಡ ಕೂಡೆ ವಾಸ ಮಾಡ್‌ವ.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.