ಮತ್ತಾಯ 16:14 - ಕೊಡವ ಬೈಬಲ್

¹⁴ ಅದ್ಂಗ್ ಅಯಿಂಗ: ಚೆನ್ನ ಜನ ನಿನ್ನ ದೀಕ್ಷಾಸ್ನಾನ ತಪ್ಪ ಯೋಹಾನಾಂದು, ಚೆನ್ನ ಜನ ಎಲೀಯಾಂದು, ಇಂಞು ಚೆನ್ನ ಜನ ಯೆರೆ‌ಮೀಯಾಂದು ಪಿಂಞ ಇಂಞು ಚೆನ್ನ ಜನ ದೇವಡ ಒರು ಪ್ರವಾದೀಂದು ಕಾಕುವಾಂದ್ ಎಣ್ಣ್‌ಚಿ.

ಮತ್ತಾಯ 16:14 ပူးပေါင်းရင်းမြစ်များ

ಮಲಾಕಿ 4:5

ಇದಾ, ಯೆಹೋವಂಡ ಬಲ್ಯ ಪಿಂಞ ಬಯಂಗರವಾನ ದಿವಸ ಬಪ್ಪಕ್‌ ಮಿಂಞ ನಾನ್‌ ನಿಂಗಡ ಪಕ್ಕ ಎಲೀಯ ಪ್ರವಾದಿನ ಅಯಿಚಂಡುಳ್ಳ.

ಮತ್ತಾಯ 14:2

ತಾಂಡ ಕಚೇರಿಕಾರಂಗಳ ನೋಟಿತ್: ಇಂವೊ ನೇರಾಯಿತು ಚತ್ತ್‌ಪೋನ ದೀಕ್ಷಾಸ್ನಾನ ತಪ್ಪ ಯೋಹಾನ. ಇಂವೊ ಚಾವ್‍ಯಿಂಜ ಬದ್‌ಕಿತ್ ಬಂದಿತುಂಡ್. ಅದ್ಂಗೇ ಇಚ್ಚಕ್ ಬಲ್ಯ ಅದ್ಬುತ ಕಾರ್ಯತ್‍ನೆಲ್ಲಾ ಇಂವೊಂಗ್ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.

ಮತ್ತಾಯ 16:15

ಅಕ್ಕ ಯೇಸು ಅಯಿಂಗಳ ನೋಟಿತ್: ನಿಂಗ ನನ್ನ ದಾರ್‍ೕಂದ್ ಎಣ್ಣುವಿರಾಂದ್ ಕ್‍ೕಟತ್.

ಮತ್ತಾಯ 17:10

ಅಕ್ಕ ಅಂವೊಂಡ ಶಿಷ್ಯಂಗ ಅಂವೊನ ನೋಟಿತ್: ಎಲೀಯ ಮಿಂಞ ಬರಂಡೂಂದ್, ನ್ಯಾಯಪ್ರಮಾಣ ಗೊತ್ತುಳ್ಳ ಉಪಾದ್ಯಂಗ್ ಎಣ್ಣ್‌ವದ್ ಎನ್ನನೇಂದ್ ಕ್‍ೕಟತ್.

ಮತ್ತಾಯ 3:1

ದುಂಬ ಕಾಲ ಆನ ಪಿಂಞ ದೀಕ್ಷಾಸ್ನಾನ ತಪ್ಪ ಯೋಹಾನ ಯೂದಾಯತ್‍ರ ಮಣಬೂಮಿಲ್ ಬಂತ್:

ಮಾರ್ಕ 6:15

ಚೆನ್ನ ಜನ: ಇಂವೊ ಎಲೀಯ ಪ್ರವಾದಿ ಎಣ್ಣ್‌ವಂವೊನಾಯಿತಿಕ್ಕೂಂದ್ ಎಣ್ಣ್‌ಚಿ; ಇಂಞು ಚೆನ್ನ ಜನ: ಇಂವೊ ಒರ್ ಪೂರ್ವ ಕಾಲತ್‍ರ ಪ್ರವಾದಿ ಆಯಿತಿಕ್ಕೂಂದ್ ತಕ್ಕ್ ಪರ್ಂದಂಡ್ ಇಂಜತ್.

ಮಾರ್ಕ 8:28

ಅದ್ಂಗ್: ಚೆನ್ನ ಜನ ನೀನ್ ದೀಕ್ಷಾಸ್ನಾನ ತಪ್ಪ ಯೋಹಾನಾಂದು, ಚೆನ್ನ ಜನ ನೀನ್ ಎಲೀಯಾಂದು, ಚೆನ್ನ ಜನ ನೀನ್ ದಾರೋ ಒರು ಪ್ರವಾದೀಂದು ಎಣ್ಣಿಯಂಡುಂಡ್‍ೕಂದ್ ಅಯಿಂಗ ಜವಾಬ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:8

ಚೆನ್ನ ಜನ ಎಲೀಯ ಬಾತ್ ಕಾಂಬಾಂದ್ ಎಣ್ಣ್‌ಚಿ, ಬೋರೆ ಚೆನ್ನ ಜನ ಪಂಡತ ಪ್ರವಾದಿ ಒಬ್ಬ ಬದ್‌ಕಿತ್ ಬಾತ್ ಕಾಂಬಾಂದ್ ಎಣ್ಣ್‌ನಗುಂಡ್ ಅಂವೊಂಗ್ ದುಂಬ ಗಾಬರಿ ಆಚಿ.

ಯೋಹಾನ 1:21

ಅದ್ಂಗ್ ಅಯಿಂಗ: ಅನ್ನನಾಚೇಂಗಿ ನೀನ್ ದಾರ್? ನೀನ್ ಎಲೀಯಾನಾಂದ್ ಕ್‍ೕಟತ್. ಅದ್ಂಗ್ ಯೋಹಾನ: ನಾನ್ ಎಲೀಯ ಅಲ್ಲಾಂದ್ ಎಣ್ಣ್‌ಚಿ. ನೀನ್ ಪ್ರವಾದಿಯಾಂದ್ ಕ್‍ೕಟತ್, ಅಕ್ಕ ಅಂವೊ: ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 7:12

ಯೇಸುರ ವಿಷಯತ್‍ಲ್ ಜನಾಂಗ ಗೊಣಗಿಯಂಡ್ ಇಂಜತ್. ಚೆನ್ನ ಜನ: ಅಂವೊ ನಲ್ಲಂವೋಂದ್ ಎಣ್ಣ್‌ಚಿ; ಚೆನ್ನ ಜನ: ಅನ್ನನೆ ಅಲ್ಲ, ಅಂವೊ ಜನಳ ಮೋಸಮಾಡಿಯಂಡುಂಡ್‍ೕಂದ್ ಎಣ್ಣಿಯಂಡಿಂಜತ್.

ಯೋಹಾನ 9:17

ಇಂಞೊಮ್ಮ ಫರಿಸಾಯಂಗ ಅಂವೊನ ನೋಟಿತ್: ಅಂವೊ ನಿನ್ನ ವಾಸಿ ಮಾಡ್‍ಚೀಂದ್ ಎಣ್ಣುವಿಯ ಅಲ್ಲಾ, ಅಂವೊಂಡ ವಿಷಯತ್ ನೀನ್ ಎಂತ ಎಣ್ಣುವಿಯಾಂದ್ ಕ್‍ೕಟತ್. ಅದ್ಂಗ್ ಆ ಕುರ್‌ಡನಾಯಿತಿಂಜಂವೊ: ಅಂವೊ ಒರ್ ಪ್ರವಾದೀಂದ್ ಎಣ್ಣ್‌ಚಿ.