ಮತ್ತಾಯ 16:1 - ಕೊಡವ ಬೈಬಲ್

¹ ಫರಿಸಾಯಂಗ ಪಿಂಞ ಸದ್ದುಕಾಯಂಗ ಯೇಸುನ ಕೆಣಿಪಕಾಯಿತ್ ಯೇಸುರ ಪಕ್ಕ ಬಂದಿತ್, ನೀನ್ ಬಾನತ್ಂಜ ಒರ್ ಗುರ್‌ತ್‌ ಕಾರ್ಯತ್‍ನ ಕಾಟಿತಾಂದ್ ಕ್‍ೕಟತ್.

ಮತ್ತಾಯ 16:1 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 26:5

ದಡ್ಡಂಗ್‌ ಅಂವೊಂಡ ದಡ್ಡತನಕ್‌ ಸೆರಿಯಾಯಿತ್‌ ಉತ್ತರ ಕೊಡ್. ಉತ್ತರ ಕೊಡ್‌ಕತೆ ಪೋಚೇಂಗಿ ತನ್ನ ತಾನೇ ಜ್ಞಾನವುಳ್ಳಂವೊಂದ್‌ ಗೇನ ಮಾಡುವ.

ಮತ್ತಾಯ 12:14

ಅಕ್ಕ ಫರಿಸಾಯಂಗ ಕೂಡಿತ್ ಪೊರಮೆ ಪೋಯಿತ್ ಯೇಸುನ ಎನ್ನನೆ ಕೊಲ್ಲಂಡೂಂದ್ ತಕ್ಕ್‌ಪರಿವಕ್ ಸುರ್ ಮಾಡ್‍ಚಿ.

ಮತ್ತಾಯ 15:1

ಅಕ್ಕ ಯೆರೂಸಲೇಮ್ಂಜ ಚೆನ್ನ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಯೇಸುರ ಪಕ್ಕ ಬಂದಿತ್:

ಮತ್ತಾಯ 16:6

ಯೇಸು ಅಯಿಂಗಕ್: ಫರಿಸಾಯ ಪಿಂಞ ಸದ್ದುಕಾಯಂಗಡ ಈಸ್ಟ್‌ರ ವಿಷಯತ್ ಎಚ್ಚರತ್ ಇರೀಂದ್ ಎಣ್ಣ್‌ಚಿ.

ಮತ್ತಾಯ 19:3

ಅಕ್ಕ, ಚೆನ್ನ ಫರಿಸಾಯ ಯೇಸುನ ಕೆಣಿಪಕಾಯಿತ್ ಅಂವೊಂಡ ಪಕ್ಕ ಬಂದಿತ್: ಒರ್ ಮನುಷ್ಯ ಅಂವೊಂಡ ಪೊಣ್ಣ್‌ನ ಏದ್ ಕಾರಣಕಾಯಿತು ಬೋಂಡಾಂದ್ ಬುಡ್‌ವದ್ ನ್ಯಾಯವಾಂದ್ ಕ್‍ೕಟತ್.

ಮತ್ತಾಯ 22:15

ಫರಿಸಾಯಂಗೆಲ್ಲಾ ಒಂದ್ ಕೂಡಿತ್ ಯೇಸುನ ಅಂವೊಂಡ ತಕ್ಕ್‌ಲ್ ಪುಡಿಪಕಾಯಿತ್ ಗೇನ ಮಾಡ್‍ಚಿ.

ಮತ್ತಾಯ 22:18

ಅಯಿಂಗಡ ಕೆಟ್ಟ ಗುಣತ್‍ನ ಅರ್ಥ ಮಾಡಿಯಂಡ್: ಕಪಟಿಯಳೇ! ನಿಂಗ ಎನ್ನಂಗ್ ನನ್ನ ಕೆಣಿಪಕ್ ನೋಟ್‍ವಿರ?

ಮತ್ತಾಯ 22:23

ಅದೇ ದಿವಸತ್‍ಲ್, ಚತ್ತ್ ಪೋನಯಿಂಗ ದಾರೂ ಜೀವವಾಯಿತ್ ಏವುಲೇಂದ್ ಎಣ್ಣುವ ಸದ್ದುಕಾಯಂಗ ಯೇಸುರ ಪಕ್ಕ ಬಾತ್. ಅಯಿಂಗ ಯೇಸುಕ್:

ಮತ್ತಾಯ 23:2

ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಪಿಂಞ ಫರಿಸಾಯಂಗಕ್ ಮಾತ್ರ ಮೋಶೇರ ಕಾನೂನ್‌ನ ವಿವರಿಚಿಟ್ಟಿತ್ ಬೋದನೆ ಮಾಡ್‌ವಕ್ ಅದಿಕಾರ ಉಂಡ್.

ಮತ್ತಾಯ 27:62

ಪಿತ್ಯಾಂದ್ ಸಬ್ಬತ್ ದಿವಸ ಆಯಿತ್ಂಜತ್. ಮುಕ್ಯ ಯಾಜಕಂಗ ಪಿಂಞ ಫರಿಸಾಯಂಗ ಪಿಲಾತನ ಕಾಂಬಂಜಿ,

ಮತ್ತಾಯ 5:20

ನಾನ್ ನಿಂಗಕ್ ಎಣ್ಣ್‌ವಿ: ನಿಂಗಡ ನೀತಿ ಫರಿಸಾಯಂಗಡ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ನೀತಿಗಿಂಜ ಬಲ್ಯದಾಯಿತ್ ಇಲ್ಲತೆಪೋಚೇಂಗಿ ನೇರಾಯಿತು ನಿಂಗ ಪರಲೋಕ ರಾಜ್ಯತ್‍ಲ್ ಪ್ರವೇಶ ಮಾಡುಲೆ.

ಮತ್ತಾಯ 9:11

ಚೆನ್ನ ಫರಿಸಾಯಂಗ ಯೇಸುರ ಶಿಷ್ಯಂಗಳ ನೋಟಿತ್: ಎನ್ನಂಗ್ ನಿಂಗಡ ಉಪಾದ್ಯ ಕಂದಾಯ ಎಡ್‍ಪಯಿಂಗ ಪಿಂಞ ಸಮಾಜ ಪಾಪಿಯಿಂಗಾಂದ್ ಎಣ್ಣುವ ಜನಡ ಕೂಡೆ ಉಂಬಾಂದ್ ಕ್‍ೕಟತ್.

ಮಾರ್ಕ 10:2

ಚೆನ್ನ ಫರಿಸಾಯಂಗ ಯೇಸುನ ಕೆಣಿಪಕಾಯಿತ್ ಅಂವೊಂಡ ಪಕ್ಕ ಬಂದಿತ್: ಒರ್ ಮನುಷ್ಯ ಅಂವೊಂಡ ಪೊಣ್ಣ್‌ನ ಬೋಂಡಾಂದ್ ಬುಡ್‌ವದ್ ನ್ಯಾಯಪ್ರಮಾಣತ್‍ರ ಪ್ರಕಾರ ನ್ಯಾಯವಾಂದ್ ಕ್‍ೕಟತ್.

ಮಾರ್ಕ 12:15

ಆಚೇಂಗಿ ಅಯಿಂಗಡ ಕಪಟ ಕಳಿ ಯೇಸುಕ್ ಗೊತ್ತಾಚಿ. ಅಕ್ಕ ಅಂವೊ: ನಿಂಗ ಎನ್ನಂಗ್ ನನ್ನ ಕೆಣಿಪಕ್ ನೋಟ್‍ವಿರ? ಒರ್ ಬೊಳ್ಳಿರ ನಾಣ್ಯತ್‍ನ ಕೊಂಡ್‌ಬಾರಿ ಅದ್‍ನ ನಾನ್ ನೋಟ್‌ವಿ.

ಮಾರ್ಕ 12:18

ಚತ್ತ್ ಪೋನಯಿಂಗ ದಾರೂ ಜೀವವಾಯಿತ್ ಏವುಲೇಂದ್ ವಾದ ಮಾಡ್‌ವ ಸದ್ದುಕಾಯಂಗ ಯೇಸುರ ಪಕ್ಕ ಬಂತ್:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:25

ಯೇಸುರ ಮೇಲೆ ತಪ್ಪ್ ಕಂಡ್‌ಪುಡಿಪಕಾಯಿತ್ ನ್ಯಾಯಪ್ರಮಾಣತ್‍ರ ಶಾಸ್ತ್ರಿ ಒಬ್ಬ: ಉಪಾದ್ಯನೇ, ನಿತ್ಯ ಜೀವ ಕ್‍ಟ್ಟ್‌ವಕ್ ನಾನ್ ಎಂತ ಮಾಡಂಡೂಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:16

ಚೆನ್ನ ಜನ ಯೇಸುನ ಕೆಣಿಪಕಾಯಿತ್: ನೀನ್ ಬಾನತ್ಂಜ ಒರ್ ಗುರ್‍ತ್‍ನ ನಂಗಕ್ ಕಾಟಿತಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:23

ಆಚೇಂಗಿ ಅಯಿಂಗಡ ಕಪಟ ಕಳಿ ಯೇಸುಕ್ ಗೊತ್ತಾನಗುಂಡ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:27

ಚತ್ತ್ ಪೋನಯಿಂಗ ದಾರೂ ಜೀವವಾಯಿತ್ ಏವುಲೇಂದ್ ವಾದ ಮಾಡ್‌ವ ಸದ್ದುಕಾಯಂಗಡಲ್ಲಿ ಚೆನ್ನ ಜನ ಯೇಸುರ ಪಕ್ಕ ಬಂತ್ ಒರ್ ಪ್ರಶ್ನೆ ಇಟ್ಟತ್.

ಯೋಹಾನ 8:6

ಇನ್ನನೆ ಪ್ರಶ್ನೆ ಕ್‍ೕಟಿತ್, ಯೇಸು ತಪ್ಪ ಉತ್ತರತ್ಂಜ ಅಂವೊನ ಕೆಣಿಪಕಾಯಿತ್ ಅಯಿಂಗ ಪ್ರಯತ್ನಪಟ್ಟತ್. ಆಚೇಂಗಿ ಯೇಸು ಬಗ್ಗಿಯಂಡ್ ಕೈ ಬೆರತ್ಂಜ ನೆಲತ್‌ಲ್ ಒಳ್‍ದಿಯಂಡ್ ಇಂಜತ್

ಅಪೊಸ್ತಲ 4:1

ಪೇತ್ರ ಪಿಂಞ ಯೋಹಾನ, ಜನಡ ಪಕ್ಕ ಇಂಞು ತಕ್ಕ್ ಪರ್‌ದಂಡ್ ಇಪ್ಪಕ, ಯಾಜಕಂಗ ಪಿಂಞ ದೇವಾಲಯತ್‍ರ ಸೇನೆ ಅದಿಕಾರಿಯ ಪಿಂಞ ಸದ್ದುಕಾಯಂಗ ಅಲ್ಲಿಕ್ ಬಾತ್.

ಅಪೊಸ್ತಲ 5:17

ಇಕ್ಕ, ಮಹಾ ಯಾಜಕ ಪಿಂಞ ಅಂವೊಂಡ ಮುಕ್ಯಸ್ತಂಗಳಾನ ಸದ್ದುಕಾಯಂಗಡ ಕೂಟ್‍ಕ್ ಕೂಡ್‍ನಯಿಂಗ, ದುಂಬ ಒಟ್ಟೆಕಿಚ್ಚ್‌ಲ್ ಇಂಜತ್

1 ಕೊರಿಂಥ 1:22

ಯೆಹೂದ್ಯಂಗ, ಗುರ್‌ತ್ ನೋಟ್‍ಚೇಂಗಿ ಮಾತ್ರ ನಂಬುವ; ಗ್ರೀಕ್ ಜನ ಜ್ಞಾನತ್‍ನ ನಂಬುವ.