ಮತ್ತಾಯ 15:36 - ಕೊಡವ ಬೈಬಲ್

³⁶ ಯೇಸು, ಏಳ್ ಒಟ್ಟಿ ಪಿಂಞ ಮೀನ್‌ನ ಎಡ್‍ತಿತ್, ದೇವಕ್ ವಂದನೆ ಮಾಡಿತ್, ಒಟ್ಟಿನ ಪೊಳ್‌ಚಿತ್ ಶಿಷ್ಯಂಗಕ್ ಕೊಡ್‌ತಿತ್, ಇದ್‍ನ ನಿಂಗ ಎಲ್ಲಾರ್‌ಕು ಕೊಡೀಂದ್ ಎಣ್ಣ್‌ಚಿ; ಶಿಷ್ಯಂಗ ಜನಕ್ ಉಂಬಕ್ ಕೊಡ್‍ತತ್.

ಮತ್ತಾಯ 15:36 ပူးပေါင်းရင်းမြစ်များ

ಮತ್ತಾಯ 14:19

ಪಿಂಞ ಯೇಸು ಅಯಿಂಗಳೆಲ್ಲ ಪಿಲ್ಲ್‌ರ ಮೇಲೆ ಅಳ್‌ಪಕ್ ಹುಕುಮ್ ಕೊಡ್‍ತತ್. ಯೇಸು, ಅಂಜ್ ಒಟ್ಟಿ ಪಿಂಞ ದಂಡ್ ಮೀನ್‌ನ ಎಡ್‍ತಿತ್, ಕೊಡಿಕ್ ಪರಲೋಕತ್‌ನ ನೋಟುವಂಜಿ ದೇವಕ್ ವಂದನೆ ಮಾಡಿತ್, ಒಟ್ಟಿನ ಮುರಿಪಂಜಿ ಅಂವೊಂಡ ಶಿಷ್ಯಂಗಕ್ ಕೊಡ್‍ತತ್; ಶಿಷ್ಯಂಗ, ಎಲ್ಲಾ ಜನಕ್ ಕೊಡ್‍ತತ್.

ಮತ್ತಾಯ 15:35

ಅಲ್ಲಿ ಇಂಜ ಜನಳ ನೆಲತ್‍ರ ಮೇಲೆ ಅಳ್‌ಪಕ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:17

ಯೇಸು ದ್ರಾಕ್ಷಿರಸತ್‍ರ ಕಪ್ಪ್‌ನ ಎಡ್‌ಪಂಜಿ ದೇವನ ತುದಿಚಿತ್, ಶಿಷ್ಯಂಗಕ್ ಕೊಡ್‌ಪಂಜಿ: ನಿಂಗ ಇದ್‍ನ ಎಡ್‍ತಂಡ್, ನಿಂಗಡಲ್ಲಿ ಪಾಲ್ ಮಾಡಿಯೊಳಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:19

ಪಿಂಞ ಯೇಸು ಒಟ್ಟಿನ ಎಡ್‌ಪಂಜಿ ದೇವನ ತುದಿಚಿತ್, ಶಿಷ್ಯಂಗಕ್ ಪೊಳ್‌ಚಿತ್ ಕೊಡ್‌ತಿತ್: ಇದ್ ನಿಂಗಕಾಯಿತ್ ತಪ್ಪ ನಾಡ ತಡಿ, ನನ್ನ ಗೇನ ಮಾಡ್‌ವಕಾಯಿತ್ ಇದ್‍ನ ತಿಂಗಂಡೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:30

ಯೇಸು ಅಯಿಂಗಡ ಕೂಡೆ ಉಂಬಕ್ ಅಳ್‌ಪಕ, ಒಟ್ಟಿನ ಎಡ್‌ಪಂಜಿ ದೇವಕ್ ವಂದನೆ ಎಣ್ಣಿತ್ ಒಟ್ಟಿನ ಪೊಳಿಪಂಜಿ ಅಯಿಂಗಕ್ ಕೊಡ್‍ತತ್.

ಯೋಹಾನ 6:11

ಅಕ್ಕ, ಯೇಸು ಒಟ್ಟಿನ ಎಡ್‍ತಿತ್ ದೇವಕ್ ವಂದನೆ ಮಾಡಿತ್, ಎಲ್ಲಾರ್‌ಕು ಪಾಲ್ ಮಾಡಿತ್ ಕೊಡ್‍ಪಕ್ ಶಿಷ್ಯಂಗಡ ಪಕ್ಕ ಕೊಡ್‍ತತ್. ಶಿಷ್ಯಂಗಳು ಅಳ್‌ತಿತ್ಂಜ ಎಲ್ಲಾರ್‌ಕು ಕೊಡ್‍ತತ್. ಅನ್ನನೆ ಮೀನ್‌ನ ಬೋಂಡಿಯಾನಚ್ಚಕ್ ಎಲ್ಲಾರ್‌ಕು ಕೊಡ್‍ತತ್.

ಯೋಹಾನ 6:23

ಆ ಸಮಯತ್‍ಲ್, ಬೋರೆ ದೋಣಿಯ ತಿಬೇರಿಯ ಪೊಳೆರ ಕರೆಯಿಂಜ ಬಾತ್. ಈ ತಿಬೇರಿಯ ಪಟ್ಟಣ, ಯೇಸು ಒಟ್ಟಿನ ದೇವಕ್ ವಂದನೆ ಮಾಡಿತ್ ಕೊಡ್‍ತ ಜಾಗತ್‍ರ ಪಕ್ಕ ಇಂಜತ್.

ಅಪೊಸ್ತಲ 27:35

ಇನ್ನನೆ ಎಣ್ಣ್‌ನ ಪಿಂಞ, ಅಂವೊ ಒಟ್ಟಿನ ಎಡ್‍ತಿತ್, ಎಲ್ಲಾಡ ಮಿಂಞ ದೇವಕ್ ವಂದನೆ ಮಾಡಿತ್ ಅದ್‍ನ ತಿಂಬಕ್ ಸುರ್ ಮಾಡ್‍ಚಿ.

ರೋಮ್ 14:6

ಒರ್ ದಿವಸತ್‍ನ ವಿಶೇಷವಾಯಿತ್ ಕೊಂಡಾಡುವಂವೊ ಅದ್‍ನ ಒಡೆಯಂಗಾಯಿತ್ ಮಾಡಿಯಂಡುಂಡ್, ಎಲ್ಲಾನ ತಿಂಬಂವೊ, ದೇವಕ್ ವಂದನೆ ಎಣ್ಣಿತ್ ತಿಂಬಗುಂಡ್, ಒಡೆಯಂಗಾಯಿತ್ ತಿಂದಂಡುಂಡ್; ತಿಂಗತಂವೊನು ಒಡೆಯಂಗಾಯಿತ್ ತಿಂಗತೆ, ದೇವಕ್ ವಂದನೆ ಮಾಡಿಯಂಡುಂಡ್.

1 ಕೊರಿಂಥ 10:31

ಆನಗುಂಡ್ ನಿಂಗ ತಿಂಬದಾಚೇಂಗಿಯು, ಕುಡಿಪದಾಚೇಂಗಿಯು, ಎಂತ ಮಾಡ್‌ವದಾಚೇಂಗಿಯು, ನಿಂಗ ಮಾಡ್‌ವ ಕಾರ್ಯ ದೇವಡ ಮಹಿಮೆಕಾಯಿತ್ ಮಾಡಂಡು.

1 ಕೊರಿಂಥ 14:16

ಅನ್ನನೆ ಮಾಡತ ಪೋಚೇಂಗಿ, ನಿಂಗ ನಿಂಗಡ ಆತ್ಮತ್‍ಲ್ ದೇವಕ್ ವಂದನೆ ಮಾಡ್‌ವಕ, ಆ ಬಾಷೆ ಗೊತ್ತಿಲ್ಲತಂವೊ ನಿಂಗಡ ಆರಾದನೆಲ್ ಇಂಜತೇಂಗಿ, ಅಂವೊ ಎನ್ನನೆ ಆಮೆನ್‍ಂದ್ ಎಣ್ಣುವ? ಅಂವೊಂಗ್ ನೀಡ ತಕ್ಕ್ ಗೊತ್ತ್‌ಲೆಲ್ಲ?