ಮತ್ತಾಯ 15:31 - ಕೊಡವ ಬೈಬಲ್

³¹ ಮೂಡಂಗ ತಕ್ಕ್ ಪರಿವಾನ, ಕೈಕಾಲ್ ಬಕ್ಕತಯಿಂಗ ವಾಸಿ ಆನಾನ, ಕುಂಟಂಗ ನಡ್‌ಪಾನ, ಕುರ್‌ಡಂಗ ಕಣ್ಣ್ ಕಾಂಬಾನೆಲ್ಲ ನೋಟ್‌ನ ಜನ ಆಶ್ಚರ್ಯಪಟ್ಟಿತ್, ಇಸ್ರಾಯೇಲಂಡ ದೇವನ ತುದಿಚತ್.

ಮತ್ತಾಯ 15:31 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 32:28

ಅಕ್ಕ ಆ ಮನುಷ್ಯ: ನೀನ್‌ ದೇವಡ ಕೂಡೆಯು ಮನುಷ್ಯಂಡ ಕೂಡೆಯು ಪೋರಾಡಿತ್‌ ಗೆದ್ದಗುಂಡ್, ನೀಡ ಪೆದ ಇಂಞು ಮಿಂಞಕ್‌ ಯಾಕೋಬಾಂದ್‌ ಇಕ್ಕತೆ ಇಸ್ರಾಯೇಲ್‌ಾಂದ್‌ ಇಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 33:20

ಅಲ್ಲಿ ಯಾಕೋಬ ಒರ್‌ ಬಲಿಪೀಠತ್‌ನ ಕೆಟ್ಟಿತ್‌ ಅದ್‌ಂಗ್‌ ಏಲ್‌ ಎಲೋಹೇ ಇಸ್ರಾಯೇಲ್‌ ಎಣ್ಣಿಯಂಡ್‌ ಪೆದ ಬೆಚ್ಚತ್.

ಮತ್ತಾಯ 15:30

ಬಲ್ಯ ಜನಡ ಗುಂಪ್ ಅಂವೊಂಡ ಪಕ್ಕ ಕುಂಟಂಗಳ, ಕುರ್‌ಡಂಗಳ, ಕೈಕಾಲ್ ಬರತಯಿಂಗಳ, ಬಾಯಿ ಬರತಯಿಂಗಳ, ಬೋರೆ ಎಲ್ಲಾ ತರ ಕಾಯಿಲೆ ಉಳ್ಳಯಿಂಗಳ ಕಾಕಿಯಂಡ್ ಬಂದಿತ್ ಯೇಸುರ ಕಾಲ್‍ರ ಬರಿಲ್ ಅಳ್‍ಪ್‍ಚಿಟ್ಟತ್; ಅಯಿಂಗಳೆಲ್ಲ ಯೇಸು ವಾಸಿ ಮಾಡ್‍ಚಿ.

ಮತ್ತಾಯ 18:8

ನೀಡ ಕೈ ಅಥವ ಕಾಲ್ ಪಾಪ ಮಾಡ್‌ವಕ್ ಕಾರಣವಾಯಿತ್ ಇಂಜತೇಂಗಿ, ಅದ್‍ನ ಕೆತ್ತಿತ್ ಚಾಡಿರ್. ದಂಡ್ ಕೈ ದಂಡ್ ಕಾಲ್ ಉಳ್ಳಂವೊನಾಯಿತ್ ನಿನ್ನ ನಿತ್ಯ ತಿತ್ತ್‌ಕ್ ತಳ್ಳ್‌ವಕಿಂಜ, ಒರ್ ಕೈ ಒರ್ ಕಾಲ್ ಉಳ್ಳಂವೊನಾಯಿತ್ ನಿತ್ಯ ಜೀವಕ್ ಪ್ರವೇಶ ಮಾಡ್‍ವದ್ ನಲ್ಲದ್.

ಮತ್ತಾಯ 21:14

ಅಕ್ಕ ಕುರ್‌ಡಂಗ ಪಿಂಞ ಕುಂಟಂಗ ಯೇಸುರ ಪಕ್ಕ ಬಾತ್. ಅಂವೊ ಅಯಿಂಗಳೆಲ್ಲ ದೇವಾಲಯತ್‍ಲ್ ವಾಸಿ ಮಾಡ್‍ಚಿ.

ಮತ್ತಾಯ 8:10

ಇದ್‍ನ ಕ್‍ೕಟ ಯೇಸು, ಅಲ್ಲಿ ಉಳ್ಳ ಜನಳೆಲ್ಲ ನೋಟ್‌ವಂಜಿ: ಇನ್ನತ ಒರ್ ನಂಬಿಕೇನ ಇಸ್ರಾಯೇಲ್ ಜನತ್‍ಲ್ ಸಹ ನಾನ್ ಕಂಡಿತ್‌ಲ್ಲೇಂದ್ ಆಶ್ಚರ್ಯತ್‍ಲ್ ಎಣ್ಣ್‌ಚಿ.

ಮತ್ತಾಯ 9:32

ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಅಲ್ಲಿಂಜ ಪೊರಡ್‍ವಕ, ಚೆನ್ನ ಜನ, ಕೂಳಿ ಪುಡ್‌ಚಿತ್ ಬಾಯಿ ಬಕ್ಕತೆ ಉಳ್ಳ ಒರ್ ಮನುಷ್ಯನ ಯೇಸುರ ಪಕ್ಕ ಕಾಕಿಯಂಡ್ ಬಾತ್.

ಮತ್ತಾಯ 9:33

ಅಂವೊಂಡ ಮೇಲ್‌ಲ್ ಇಂಜ ಕೂಳಿನ ಬುಡ್‍ತ್‍ನ ಪಿಂಞ ಮೂಗನಾಯಿತ್ಂಜ ಅಂವೊ ತಕ್ಕ್ ಪರ್ಂದತ್. ಜನ ಆಶ್ಚರ್ಯತ್‍ಲ್: ಇಸ್ರಾಯೇಲ್‌ಲ್ ಇನ್ನನೆ ಎಕ್ಕಾಲು ನಡ್ಂದ್‍ತ್‌ಲ್ಲೆಲ್ಲಾಂದ್ ಎಣ್ಣ್‌ಚಿ.

ಮತ್ತಾಯ 9:8

ಇದ್‍ನ ನೋಟಿತ್ ಜನಕ್ ಪೋಡಿ ಆಚಿ. ಮನುಷ್ಯಂಗ್ ಇನ್ನನೆ ಮಾಡ್‌ವಕ್ ಅದಿಕಾರ ಕೊಡ್‍ತ ದೇವನ ತುದಿಚತ್.

ಮಾರ್ಕ 2:12

ಅಕ್ಕಣೆಕ್, ಆ ಮನುಷ್ಯ ಎದ್ದಿತ್ ತಾಂಡ ಕಡ್‌ಕೆನ ಸುತ್ತಿಯಂಡ್ ಎಲ್ಲಾಡ ಮಿಂಞತ್ ನಡ್ಂದ್ ಪೋಚಿ. ಅಕ್ಕ ಅಲ್ಲಿ ಉಳ್ಳ ಜನ ಎಲ್ಲಾರು ಆಶ್ಚರ್ಯ ಪಟ್ಟಿತ್, ಇಂತ ಒರ್ ಅದ್ಬುತ ಕಾರ್ಯತ್‍ನ ನಂಗ ಕಂಡಿತೇ ಇಲ್ಲೇಂದ್ ಎಣ್ಣಿತ್, ದೇವನ ತುದಿಪಕ್ ಸುರು ಮಾಡ್‍ಚಿ.

ಮಾರ್ಕ 7:37

ಯೇಸುರ ವಿಷಯತ್ ಜನಕೆಲ್ಲಾ: ಅಂವೊ ಎಲ್ಲಾ ಚಾಯಿತೆ ಮಾಡ್‍ಚಿ, ಕೆಮಿ ಕೇಕತಯಿಂಗಳ ಕ್‍ೕಪನೆಕೆ, ಬಾಯಿ ಬಕ್ಕತಯಿಂಗಳ ತಕ್ಕ ಪರಿಯುವನೆಕೆ ಮಾಡ್‍ಚೀಂದ್ ದುಂಬ ಆಶ್ಚರ್ಯ ಆಚಿ.

ಮಾರ್ಕ 9:43

ಅನ್ನನೆ ನಿಂಗಡ ಕೈ ಪಾಪ ಮಾಡ್‌ವಕ್ ಕಾರಣವಾಚೇಂಗಿ ಆ ಕೈಯಿನ ಕೆತ್ತಿತ್ ಚಾಡಿರ್. ದಂಡ್ ಕೈಯಿನ ಬೆಚ್ಚಂಡ್ ಎಕ್ಕಾಲು ಕೆಡತ ತಿತ್ತ್ ಇಪ್ಪ ನರಕಕ್ ಪೋಪಗಿಂಜ ಒರ್ ಕೈ ಉಳ್ಳಂವೊನಾಯಿತ್ ಪರಲೋಕಕ್ ಪೋಪದ್ ನಲ್ಲದ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:13

ನೀನ್ ನೀಡ ಮನೆಕ್ ಉಂಬಕ್ ಕಾಕ್‌ವಕಾಪಕ ಗರೀಬಳ, ಕುಂಟಂಗಳ, ಕುರ್‌ಡಂಗಳ, ಊನಕಾರಂಗಳ ಕಾಕ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:21

ಆ ಆಳ್ ಬಂದಿತ್ ಇದ್‍ನೆಲ್ಲ ತಾಂಡ ಎಜಮಾನಂಗ್ ವಿವರಿಚಿಟ್ಟತ್. ಅಕ್ಕ ಆ ಮನೆರ ಎಜಮಾನಂಗ್ ದುಂಬ ಚೆಡಿ ಬಂದಿತ್, ಆ ಆಳ್‍ಕ್, ನೀನ್ ಪಟ್ಟಣತ್‍ರ ಎಲ್ಲಾ ಬೀದಿಕ್, ಓಣಿಕ್ ಎಚ್ಚಕ್ ಬೆರಿಯ ಕಯ್ಯುವ ಅಚ್ಚಕ್ ಬೆರಿಯ ಪೋಯಿತ್, ಗರೀಬಳ, ಕುಂಟಂಗಳ, ಕುರ್‌ಡಂಗಳ, ಊನ ಉಳ್ಳಯಿಂಗಳ ಕಾಕಿಯಂಡ್ ಬಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:43

ಅಕ್ಕಣೆ ಅಂವೊಂಗ್ ಕಣ್ಣ್ ಕಾಂಬನೆಕೆ ಆಚಿ. ಅಂವೊ ದೇವನ ತುದಿಚಂಡ್ ಯೇಸುರ ಬಯ್ಯ ಪೋಚಿ. ಅಲ್ಲಿ ಉಳ್ಳಯಿಂಗೆಲ್ಲ ಇದ್‍ನ ಕಂಡಿತ್ ದೇವನ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:16

ಅಲ್ಲಿ ಉಳ್ಳಯಿಂಗಕೆಲ್ಲಾ ಪೋಡಿ ಆಯಿತ್, ನಂಗಡ ಕೂಟ್‌ಲ್ ಒರ್ ಬಲ್ಯ ಪ್ರವಾದಿ ಎದ್ದಿತುಂಡ್; ದೇವ ತಾಂಡ ಜನಳ ಕಾಪಾಡ್‌ವಕ್ ಬಾತ್‍ೕಂದ್ ದೇವನ ತುದಿಪಕ್ ಸುರು ಮಾಡ್‍ಚಿ.

ಯೋಹಾನ 9:24

ಆನಗುಂಡ್ ಕುರ್‌ಡನಾಯಿತ್ಂಜ ಆ ಮನುಷ್ಯನ ದಂಡನೆ ಕುರಿ ಕಾಕುವಂಜಿ: ನೀನ್ ದೇವಕ್ ಮಹಿಮೆ ಕೊಡ್; ನಿನ್ನ ವಾಸಿ ಮಾಡ್‍ನ ಆ ಮನುಷ್ಯ ಪಾಪೀಂದ್ ನಂಗಕ್ ಗೊತ್ತುಂಡ್‍ೕಂದ್ ಎಣ್ಣ್‌ಚಿ.