ಮತ್ತಾಯ 15:24 - ಕೊಡವ ಬೈಬಲ್

²⁴ ಅದ್ಂಗ್ ಯೇಸು: ತಪ್ಪಿ ಪೋಯಿತುಳ್ಳ ಕೊರಿಯಡನೆಕೆ ಉಳ್ಳ ಇಸ್ರಾಯೇಲ್ ಜನಕಾಯಿತ್ ದೇವ ನನ್ನ ಅಯಿಚತ್‍ೕಂದ್ ಎಣ್ಣ್‌ಚಿ.

ಮತ್ತಾಯ 15:24 ပူးပေါင်းရင်းမြစ်များ

ಮತ್ತಾಯ 15:23

ಅದ್ಂಗ್ ಯೇಸು, ಅವಕ್ ಒರ್ ತಕ್ಕ್ ಸಹ ಪರ್ಂದಿತ್ ಜವಾಬ್ ಕೊಡ್‍ತಿತ್‌ಲ್ಲೆ. ಅಕ್ಕ ಯೇಸುರ ಶಿಷ್ಯಂಗ ಬಂತ್: ಅವಳ ಇಲ್ಲಿಂಜ ಅಯಿಚಿರ್, ಎನ್ನಂಗೆಣ್ಣ್‌ಚೇಂಗಿ ಅವ ನಂಗಡ ಬಯ್ಯ ಬಂದಂಡ್ ಉಂಡ್‍ೕಂದ್ ಬೋಡ್‍ಚಿ.

ಮತ್ತಾಯ 18:11

ಪಾಪತ್‍ರಗುಂಡ್ ದೇವಡಯಿಂಜ ಕಳೆಂದ್ ಪೋನ ಜನಳ ಕಾಪಾಡ್‌ವಕಾಯಿತ್ ಮನುಷ್ಯಕುಮಾರ ಬಾತ್.

ಮತ್ತಾಯ 9:36

ಬಲ್ಯ ಜನಡ ಗುಂಪ್‍ನ ಕಾಂಬಂಜಿ ಯೇಸುಕ್ ದುಂಬ ಕನಿಕರ ಆಚಿ. ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ಕೊರಿ ಕಾಪಂವೊ ಇಲ್ಲತ ಕೊರಿರನೆಕೆ ಗೊಂದಲತ್‍ಲ್, ದಾರೂ ಗತಿ ಇಲ್ಲತಯಿಂಡನೆಕೆ ಇಂಜತ್.

ಅಪೊಸ್ತಲ 13:46

ಅಕ್ಕ ಪೌಲ ಪಿಂಞ ಬಾರ್ನಬ, ದೈರ್ಯತ್ಂಜ ತಕ್ಕ್ ಪರ್ಂದತ್. ಅಯಿಂಗಳ ನೋಟಿತ್: ದೇವಡ ವಾಕ್ಯತ್‍ನ ನಿಂಗಕೇ ಆದ್ಯವಾಯಿತ್ ಎಣ್ಣ್‌ವಕ್ ಅವಸ್ಯ ಇಂಜತ್; ಆಚೇಂಗಿ ನಿಂಗ ಅದ್‍ನ ತಳ್ಳಿತ್, ನಿಂಗಳ ನಿತ್ಯ ಜೀವಕ್ ಯೋಗ್ಯ ಇಲ್ಲತಯಿಂಗಳಾಯಿತ್ ನಿಂಗಳೇ ತೀರ್ಪ್ ಮಾಡ್‍ನಗುಂಡ್, ನೋಟಿ, ನಂಗ ನಿಂಗಳ ಬುಟ್ಟಿತ್ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ಪಕ್ಕ ಪೋಪಾಂದ್ ಎಣ್ಣ್‌ಚಿ.

ರೋಮ್ 15:8

ದೇವ ನೇರಾನಂವೋಂದ್ ನಿರೂಬಿಚಿಡ್‍ವಕಾಯಿತ್, ದೇವ ನಂಗಡ ಮುತ್ತಜ್ಜಂಗಕ್ ಮಾಡ್‍ನ ವಾಗ್ದಾನತ್‍ನ ನೆರೆವೇರಿಚಿಡುವನೆಕೆ, ಯೇಸು ಕ್ರಿಸ್ತ ಯೆಹೂದ್ಯಂಗಕ್ ಸೇವಕನಾಯಿತ್ ಬಾತ್‍ೕಂದ್ ನಾನ್ ಎಣ್ಣ್‌ವಿ.