ಮತ್ತಾಯ 15:2 - ಕೊಡವ ಬೈಬಲ್

² ಎನ್ನಂಗ್ ನೀಡ ಶಿಷ್ಯಂಗ ಪೂರ್ವ ಕಾಲತ್‍ರ ಪೆರಿಯಯಿಂಗ ಎಣ್ಣ್‌ನ ಪದ್ದತಿನ ಮೀರಿ ನಡ್‍ಪ? ಪದ್ದತಿರ ಪ್ರಕಾರ ಕೈ ಕತ್ತತೆ ಉಂಬಲ್ಲಾಂದ್ ಕ್‍ೕಟತ್.

ಮತ್ತಾಯ 15:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:14

ಪಿಂಞ ದೇವ ಪೋಲ್‌ನ ಬಯಿಟ್ಯಿಂಜ ಬೋರೆ ಮಾಡುವಕ್‌ ಬಾನತ್‌ರ ಮಂಡಲತ್‌ಲ್‌ ಬೊಳಿ ತಪ್ಪ ವಸ್ತು ಬರಡ್‍ೕಂದು ಎಣ್ಣ್‌ಚಿ, ಅದಲ್ಲತೆ ಅದ್, ಪರುವತ್‌ನ, ಕಾಲತ್‌ನ, ದಿವಸತ್‌ನ ಕಾಂಬಿಚಿಡುವ ಗುರ್ತಾಯಿತ್‌ ಇರಡ್‍ೕಂದ್‌ ಎಣ್ಣ್‌ಚಿ.

ಎಸ್ತೆರ್‌ 3:3

ಅಕ್ಕ ಅರಮನೆರ ಪಡಿನ ಕಾತಂಡಿಂಜ ರಾಜಂಡ ಸೇವಕಂಗ ಮೊರ್ದೆಕೈನ ನೋಟಿತ್: ಎನ್ನಂಗ್‌ ನೀನ್‌ ರಾಜಂಡ ಆಜ್ಞೆನ ಮೀರಿಯಂಡುಳ್ಳಿಯಾಂದ್‌ ಕ್‍ೕಟತ್.

ಮತ್ತಾಯ 15:3

ಅದ್ಂಗ್ ಯೇಸು: ಅನ್ನನಾಚೇಂಗಿ, ನಿಂಗ ನಿಂಗಡ ಪದ್ದತಿರ ಪ್ರಕಾರ ನಡ್‍ಪಕಾಯಿತ್, ದೇವಡ ವಾಕ್ಯತ್‍ನ ಬುಟ್ಟ್‌ರ್‍ವಿರಲ್ಲ? ಅನ್ನನೆ ಎನ್ನಂಗ್ ಮಾಡ್‌ವಿರ?

ಮಾರ್ಕ 7:2

ಅಕ್ಕ ಯೇಸುರ ಚೆನ್ನ ಶಿಷ್ಯಂಗ, ಪದ್ದತಿರ ಪ್ರಕಾರ ಕೈಯಿನ ಕತ್ತತೆ ಉಂಬದ್‌ನ ಕಂಡಿತ್ ತಪ್ಪ್ ಕಂಡ್‌ಪುಡ್‌ಚತ್.

ಮಾರ್ಕ 7:5

ಅದ್ಂಗ್ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಅಂವೊನ ನೋಟಿತ್: ಎನ್ನಂಗ್ ನೀಡ ಶಿಷ್ಯಂಗ ಪೂರ್ವ ಕಾಲತ್‍ರ ಪೆರಿಯಯಿಂಗ ಎಣ್ಣ್‌ನ ಪದ್ದತಿರ ಪ್ರಕಾರ ಮಾಡತೆ, ಕೈಯಿನ ಕತ್ತತೆ ಉಂಬಾಂದ್ ಯೇಸುನ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:38

ಯೇಸು ಉಂಬಕಿಂಜಿ ಮಿಂಞ ಕೈ ಕತ್ತತೆ ಉಂಬಕ್ ಅಳ್‌ತದ್‌ನ ಕಂಡಿತ್ ಆ ಫರಿಸಾಯಂಗ್ ಆಶ್ಚರ್ಯ ಆಚಿ.

ಗಲಾತ್ಯ 1:14

ಯೆಹೂದ್ಯ ಜನತ್‍ರ ಮದ್ಯತ್‍ಲ್ ನಾಡ ವಯಸ್‍ಕಾರಂಗಕಿಂಜಲು ದುಂಬ ಗೊತ್ತುಳ್ಳಂವೊನಾಯಿತ್, ನಾಡ ಅಜ್ಜಂಗಡ ಪದ್ದತಿರ ಮೇಲೆ ದುಂಬ ವೈರಾಗ್ಯತ್‍ಲ್ ನಡ್ಂದಂಡಿಂಜ.

ಕೊಲೊಸ್ಸೆ 2:8

ಈ ಒಂದು ಇಲ್ಲತ ವಂಚನೆ ಮಾಡ್‌ವ ಶಾಸ್ತ್ರತ್‍ರ ಮೂಲಕ ಪಿಂಞ ಈ ಲೋಕತ್‍ರ ಆತ್ಮೀಯ ಅದಿಕಾರತ್ಂಜ ದಾರೂ ನಿಂಗಳ ಚಿಕ್ಕಿಚಿಡತೆ ಇಪ್ಪಕ್, ಎಚ್ಚರತ್‍ಲ್ ಇರಿ. ಅದೆಲ್ಲಾ, ಪ್ರಯೋಜನ ಇಲ್ಲತ ವಂಚನೆ ಮಾಡ್‌ವ ಮನುಷ್ಯಂಗಡ ಪದ್ದತಿಯು, ಈ ಲೋಕತ್‍ರ ಪದ್ದತಿರ ಜ್ಞಾನವು ಅಲ್ಲತೆ ಕ್ರಿಸ್ತಂಡಿಂಜ ಬಪ್ಪ ಜ್ಞಾನ ಅಲ್ಲ.

1 ಪೇತ್ರ 1:18

ನಿಂಗಡ ಮುತ್ತಜ್ಜಂಗಡ ಪದ್ದತಿರ ಪ್ರಕಾರ, ಪ್ರಯೋಜನ ಇಲ್ಲತ ನಿಂಗ ಮಾಡಿಯಂಡ್ ಬಂದ, ಪಾಳಾಯಿ ಪೋಪ ಪೊನ್ನ್ ಬೊಳ್ಳಿರಗುಂಡ್ ನಿಂಗಡ ಪಾಪತ್‍ರ ಶಿಕ್ಷೆಯಿಂಜ ನಿಂಗಳ ಬುಡ್‍ತಿತ್‌ಲ್ಲೆ.