ಮತ್ತಾಯ 15:19 - ಕೊಡವ ಬೈಬಲ್

¹⁹ ಎನ್ನನೆ ಎಣ್ಣ್‌ಚೇಂಗಿ, ಹೃದಯತ್ಂಜಲೇ ಕೆಟ್ಟ ಗೇನ, ಕೊಲೆ, ವ್ಯಬಿಚಾರ, ಲೈಂಗಿಕ ಪಾಪ, ಕಕ್ಕಂಡೂ, ಪೊಟ್ಟ್ ಪರಿಯಂಡು, ಪೊಟ್ಟ್ ಸಾಕ್ಷಿ ಪರಿಯಂಡು, ಬೋರೆಯಿಂಗಳ ನಾಶ ಮಾಡ್‌ವಕ್ ಕೆಟ್ಟ ತಕ್ಕ್ ಪರಿಯಂಡೂಂದ್ ಉಳ್ಳ ಗೇನ ಎಲ್ಲಾ ಬಪ್ಪ.

ಮತ್ತಾಯ 15:19 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 6:5

ಮನುಷ್ಯಂಗಡ ದುಷ್ಟತನ ಬೂಮಿರ ಮೇಲೆ ದುಂಬಿತ್‌ ಅಯಿಂಗ ಗೇನಮಾಡ್‌ವದೆಲ್ಲಾ ಎಕ್ಕಾಲು ಕೆಟ್ಟದಾಯಿತ್‌ ಉಂಡ್‍ೕಂದ್‌ ಯೆಹೋವ ನೋಟ್‌ಚಿ.

ಆದ್ಯತ್‌ರ ಪುಸ್ತಕ 8:21

ಬಲಿ ಕೊಡ್‌ತ ನಲ್ಲ ವಾಸನೆ ಯೆಹೋವನ ಕುಶಿ ಪಡ್‌ತ್‌ಚಿ. ಅಕ್ಕ ಯೆಹೋವ: ಮನುಷ್ಯಂಡ ಮನಸ್ಸ್‌ ಚೆರ್ಪತ್‌ಂಜಲೇ ಕೆಟ್ಟದಾಯಿತ್‌ ಇಂಜತೇಂಗಿಯು, ನಾನ್‌ ಇಂಞು ಮಿಂಞಕ್‌ ಮನುಷ್ಯನಗುಂಡ್‌ ಬೂಮಿಕ್‌ ಶಾಪ ಇಡುಲೆ; ನಾನ್‌ ಇಕ್ಕ ನಾಶಮಾಡ್‌ನನೆಕೆ ಇಂಞು ಮಿಂಞಕ್‌ ಎಲ್ಲಾ ಜೀವಿಯಳ ನಾಶ ಮಾಡುಲೆ.

ಜ್ಞಾನತ್‌ರ ಪಡಿಮ 22:15

ಕುಂಞಿಯಡ ಹೃದಯತ್‌ಲ್‌ ಮೂಡತನ ಅಂಟಿಯಂಡಿಪ್ಪ. ಆಚೇಂಗಿ ಶಿಕ್ಷೆ ತಪ್ಪ ಕೋಲ್ಯಿಂಜ ಅದ್‌ ತೊಲಗುವ.

ಜ್ಞಾನತ್‌ರ ಪಡಿಮ 24:9

ಮೂಡತನತ್‌ರ ಯೋಜನೆಯೆಲ್ಲಾ ಪಾಪವೇ. ಪರಿಹಾಸ ಮಾಡ್‌ವಂವೊನ ಜನ ಅಸಹ್ಯ ಪಡುವ.

ಜ್ಞಾನತ್‌ರ ಪಡಿಮ 4:23

ನೀಡ ಹೃದಯತ್‌ನ ಜಾಗೃತೆಲ್‌ ಚಾಯಿತೆ ಬೆಚ್ಚ; ಎನ್ನಂಗೆಣ್ಣ್‌ಚೇಂಗಿ ಅದ್‌ಂಜಲೇ ಜೀವತ್‌ರ ಎಲ್ಲಾ ವಿಜಯವು ಜಲನೀರ್‌ರನೆಕೆ ಬಪ್ಪ.

ಜ್ಞಾನತ್‌ರ ಪಡಿಮ 6:14

ಅಂವೊಂಡ ಕ್‍ೕಡಾನ ಮನಸ್ಸ್‌ಲ್‌ ಎಕ್ಕಾಲು ಮೋಸ ಮಾಡ್‌ವದನ್ನೇ ಗೇನ ಮಾಡಿಯಂಡಿಪ್ಪ. ಅಂವೊ ಎಕ್ಕಾಲು ಜಗಳ ಬಪ್ಪನೆಕೆ ಮಾಡ್‌ವ.

ಮತ್ತಾಯ 15:20

ಇಂತ ವಿಷಯವೇ ಒರ್ ಮನುಷ್ಯನ ಅಶುದ್ದ ಮಾಡ್‌ವ. ಕೈ ಕತ್ತತೆ ಉಂಬದ್ ಮನುಷ್ಯನ ಪಾಳ್ ಮಾಡುಲೇಂದ್ ಯೇಸು ಎಣ್ಣಿ ಕೊಡ್‍ತತ್.

ಮತ್ತಾಯ 5:28

ಆಚೇಂಗಿ ನಾನ್ ನಿಂಗಕ್ ಎಣ್ಣ್‌ವಿ: ಬೋರೆ ಪೊಣ್ಣಾಳ್‍ನ ಆಸೆಯಿಂಜ ನೋಟ್‍ಚೇಂಗಿ ಸಹ, ಅಂವೊ ತಾಂಡ ಹೃದಯತ್‍ಲ್ ಅವಡ ಕೂಡೆ ವ್ಯಬಿಚಾರ ಮಾಡ್‍ನನೆಕೆ.

ಮತ್ತಾಯ 9:4

ಅಯಿಂಗೆಲ್ಲಾ ಎಂತ ಗೇನ ಮಾಡಿಯಂಡುಂಡ್‍ೕಂದ್ ಯೇಸುಕ್ ಗೊತ್ತಾಚಿ. ಆನಗುಂಡ್ ಯೇಸು: ಎನ್ನಂಗ್ ನಿಂಗ ಇನ್ನನೆ ಕೆಟ್ಟದ್ ಗೇನ ಮಾಡ್‌ವಿರಾಂದ್ ಕ್‍ೕಟತ್.

ಅಪೊಸ್ತಲ 8:22

ಆನಗುಂಡ್ ಇಕ್ಕ ನೀನ್ ಕ್‍ೕಟದ್‍ನೆಲ್ಲ ಬುಟ್ಟಿತ್ ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್ ಒಡೆಯಂಡ ಪಕ್ಕ ಪ್ರಾರ್ಥನೆ ಮಾಡ್; ನೀಡ ಹೃದಯತ್‍ರ ಗೇನತ್‍ನ ಅಂವೊ ಮನ್ನಿಚಿಡ್‌ವಕ್ ಆಪ.

ರೋಮ್ 7:18

ಎನ್ನಂಗೆಣ್ಣ್‌ಚೇಂಗಿ, ನಾಡಲ್ಲಿ, ಎಣ್ಣ್‌ಚೇಂಗಿ, ನಾಡ ತಡೀಲ್ ನಲ್ಲದ್ ವಾಸಮಾಡಿಯಂಡಿಲ್ಲೇಂದ್ ನಾಕ್ ಗೊತ್ತುಂಡ್; ಅದ್ ಪಾಪತ್‍ರ ಗುಣವೇ. ನಲ್ಲದ್ ಮಾಡಂಡೂಂದ್ ನಾಕ್ ಕುಶಿ ಉಂಡ್, ಆಚೇಂಗಿ ನಲ್ಲದ್‍ನ ಮಾಡ್‌ವಕ್ ನಾಕ್ ಕಯಿಂಜಂಡಿಲ್ಲೆ.