ಮತ್ತಾಯ 15:11 - ಕೊಡವ ಬೈಬಲ್

¹¹ ಒಬ್ಬಂಡ ಬಾಯಿರ ಒಳ್‍ಕ್ ಪೋಪದ್ ಅಂವೊನ ಅಶುದ್ದ ಮಾಡುಲೆ, ಬಾಯಿಂಜ ಪೊರಮೆ ಬಪ್ಪದೇ ಅಂವೊನ ಅಶುದ್ದ ಮಾಡ್‌ವಾಂದ್ ಎಣ್ಣ್‌ಚಿ.

ಮತ್ತಾಯ 15:11 ပူးပေါင်းရင်းမြစ်များ

ಮತ್ತಾಯ 15:10

ಪಿಂಞ ಯೇಸು, ಜನಡ ಗುಂಪ್‍ನ ಕಾಕುವಂಜಿ, ಅಯಿಂಗಳ ನೋಟಿತ್: ನಿಂಗ ಇದ್‍ನ ಚಾಯಿ ಕ್‍ೕಳಿ.

ಮತ್ತಾಯ 15:12

ಅಕ್ಕ ಅಂವೊಂಡ ಶಿಷ್ಯಂಗ ಅಂವೊಂಡ ಪಕ್ಕ ಬಂತ್, ನಿಂಗ ಇನ್ನನೆ ಎಣ್ಣ್‌ನಗುಂಡ್ ಫರಿಸಾಯಂಗಕ್ ದುಂಬ ಬೇಜಾರ್ ಆಚೀಂದ್ ನಿಂಗಕ್ ಗೊತ್ತುಂಡಾಂದ್ ಕ್‍ೕಟತ್.

ಮಾರ್ಕ 7:15

ಪೊರಮೆಯಿಂಜ ಮನುಷ್ಯಂಡ ಬಾಯಿರೊಳ್‌ಕ್ ಪೋಪದ್ ಒಂದು ಅಂವೊನ ಅಶುದ್ದ ಮಾಡುಲೆ. ಆಚೇಂಗಿ ಮನುಷ್ಯಂಡ ಒಳ್‌ಳಿಂಜ ಪೊರಮೆ ಬಪ್ಪದೇ, ಅಂವೊನ ಅಶುದ್ದ ಮಾಡ್‌ವ.

ರೋಮ್ 14:14

ಏದ್ ಆಹಾರವು ಅದಾಯಿತೇ ಅಶುದ್ದ ಆಯಿತಿಪ್ಪುಲೇಂದ್ ಒಡೆಯನಾನ ಯೇಸುರಲ್ಲಿ ಗೊತ್ತಾಯಿತ್ ದೃಡವಾಯಿತ್ ನಂಬುವಿ; ಏದಾಚು ಒರ್ ಆಹಾರ ವಸ್ತುನ ಅಶುದ್ದಾಂದ್ ಒಬ್ಬ ಗೇನ ಮಾಡ್‍ಚೇಂಗಿ, ಅಂವೊಂಗ್ ಅದ್ ಅಶುದ್ದವಾಯಿತ್‌ಪ್ಪ.

ರೋಮ್ 14:17

ಎನ್ನಂಗೆಣ್ಣ್‌ಚೇಂಗಿ, ದೇವಡ ರಾಜ್ಯ ತಿಂಬದು ಕುಡಿಪದು ಅಲ್ಲ, ಅದ್ ನೀತಿಯು, ಸಮಾದಾನವು ಪವಿತ್ರಾತ್ಮತ್‍ರಗುಂಡ್ ಕ್‍ಟ್ಟ್‌ವ ಕುಶಿಯು ಆಯಿತುಂಡ್.

ರೋಮ್ 14:20

ಆಹಾರ ವಿಷಯಕಾಯಿತ್ ದೇವಡ ಕ್ರಿಯೇನ ಪಾಳ್ ಮಾಡತಿ. ಎಲ್ಲಾ ಆಹಾರವು ಶುದ್ದವಾನದ್; ಆಚೇಂಗಿಯು, ಬೋರೆ ಒಬ್ಬ ಬುದ್ದ್‌ಪೋಪಕ್ ಕಾರಣವಾಯಿತ್ ಅಂವೊ ತಿಂದತೇಂಗಿ, ಅದ್ ಅಂವೊಂಗ್ ಕುತ್ತವಾಯಿತ್‌ಪ್ಪ.

1 ತಿಮೊಥೆಯ 4:3

ಮಂಗಲ ಆಪಕ್ಕಾಗಾಂದ್ ಪಿಂಞ ಯೇಸುನ ನಂಬ್‍ನಯಿಂಗಳು, ಸತ್ಯತ್‍ನ ಗೊತ್ತುಳ್ಳಯಿಂಗಳು, ದೇವಕ್ ವಂದನೆ ಮಾಡಿತ್ ಕುಶೀಲ್ ತಿಂಗಂಡೂಂದ್ ದೇವ ಸೃಷ್ಟಿ ಮಾಡ್‍ನ ವಸ್ತುನೆಲ್ಲಾ, ತಿಂಬಕ್ಕಾಗಾಂದ್ ಆ ಪೊಟ್ಟ್‌ಮಾರಿಯಂಗ ಎಣ್ಣ್‌ವ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:15

ದೇವಡ ಮಕ್ಕಳಾಯಿತ್ ಹೃದಯತ್‍ಲ್ ಶುದ್ದವಾಯಿತುಳ್ಳಯಿಂಗಕ್ ಎಲ್ಲಾ ಶುದ್ದವಾಯಿತ್‌ಪ್ಪ. ಆಚೇಂಗಿ, ಹೃದಯತ್‍ಲ್ ಅಶುದ್ದವಾಯಿತ್ ದೇವಡ ಮೇಲೆ ನಂಬಿಕೆ ಬೆಕ್ಕತಯಂಗಕ್ ಏದು ಶುದ್ದವಾಯಿತ್ ಇಪ್ಪುಲೆ. ಅಯಿಂಗಡ ಬುದ್ದಿ ಪಿಂಞ ಮನಸಾಕ್ಷಿ ಅಶುದ್ದವಾಯಿತೇ ಇಪ್ಪ.

ಇಬ್ರಿಯ 13:9

ಬೋರೆ ಬೋರೆ ಬೋದನೆಲ್ ಚಿಕ್ಕಿತ್ ಬಟ್ಟೆ ತಪ್ಪಿ ಪೋಕತಿ. ಏದ್ ತರ ಕೂಳ್ ಎನ್ನನೆ ತಿಂಗಂಡೂಂದ್ ತಿಂಬಗುಂಡ್ ಅಲ್ಲ, ಕೃಪೇರ ಮೂಲಕ ಹೃದಯ ಸ್ತಿರವಾಪದ್ ನಲ್ಲದ್. ಕೂಳ್‍ರ ವಿಷಯತ್ ಆಚಾರ ವಿಚಾರ ಮಾಡ್‌ವಗುಂಡ್ ಒರ್ ಪ್ರಯೋಜನವು ಇಲ್ಲೆ.

2 ಪೇತ್ರ 2:18

ಅಯಿಂಗಡ ಬಾಯಿಲ್ ಮುಠಾಳತನತ್‍ರ ಪಿಂಞ ಒಂದು ಇಲ್ಲತ ಬಡಾಯಿ ತಕ್ಕ್ ಮಾತ್ರ ಉಂಡ್. ಅಯಿಂಗಡ ಕಳ್ಳ ಬೋದನೆರ ಮೂಲಕ, ತಡೀರ ಇಚ್ಛೆರ ಆಸೆ, ಪಾಪ ಅಲ್ಲಾಂದ್ ಎಣ್ಣಿತ್, ಪಾಪ ಮಾಡ್‌ವ ಜನತ್‍ಂಜ, ಇಕ್ಕ ಬುಡ್‌ಗಡೆಯಾಯಿತ್ ಬಂದ ಯೇಸುನ ನಂಬ್‍ನಯಿಂಗಕ್ ಆಸೆ ಕಾಟಿತ್ ಅಯಿಂಗಳ ತಿರಿತ್ ಪೋಪಕ್ ಮಾಡಿಯಂಡುಂಡ್.