ಮತ್ತಾಯ 14:6 - ಕೊಡವ ಬೈಬಲ್

⁶ ಅನ್ನನೆ ಇಪ್ಪಕ, ಹೆರೋದ ರಾಜ ಪುಟ್ಟ್‌ನ ದಿವಸ ಬಾತ್. ಹೆರೋದ್ಯಡ ಮೋವ, ಅರಮನೇಲ್ ಎಲ್ಲಾಡ ಮಿಂಞತ್‍ಲ್ ಚಾಯಿತೆ ಆಡ್‌ಚಿ. ಅವಡ ಆಟತ್‌ನ ನೋಟಿತ್ ಹೆರೋದ ರಾಜಂಗ್ ದುಂಬ ಕುಶಿ ಆಚಿ.

ಮತ್ತಾಯ 14:6 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 40:20

ಮೂಂದನೆ ದಿವಸ ಫರೋಹನ ಪುಟ್ಟ್‌ನ ದಿವಸವಾಯಿತ್‌ಂಜತ್. ಆನಗೊಂಡ್‌ ಅಂವೊ ತಾಂಡ ಅದಿಕಾರಿಯಂಗಕ್‌ ಗದ್ದಾಳ ಮಾಡ್‌ಚಿ. ಜೈಲ್‌ಕ್‌ ಇಟ್ಟ ತಾಂಗ್‌ ದ್ರಾಕ್ಷಿರಸ ಮಾಡಿ ಕೊಡ್‌ಪಯಿಂಗಡ ಮುಖ್ಯಸ್ತನು ಅಡಿಗೆ ಮಾಡ್‌ವಯಿಂಗಡ ಮುಖ್ಯಸ್ತನು ಆಯಿತಿಂಜ ಆ ದಂಡ್‌ ಅದಿಕಾರಿಯಳ ಸಹ ಫರೋಹನ ಪೊರಮೆ ಕಾಕ್‌ಚಿಟ್ಟಿತ್‌ ಗೌರವ ಮಾಡ್‌ಚಿ.

ಎಸ್ತೆರ್‌ 2:18

ತಾಂಡ ಎಲ್ಲಾ ಪ್ರಬುವಯಿಂಗಕು, ಸೇವಕಂಗಕು, ಎಸ್ತೇರಂಡ ಪೆದತ್‌ಲ್‌ ಬಲ್ಯ ನಮ್ಮೆ ಮಾಡಿತ್, ಎಲ್ಲಾ ಪ್ರಾಂತ್ಯತ್‌ ಸುಂಕತ್‌ನ ಕಮ್ಮಿ ಮಾಡಿತ್, ರಾಜಂಡ ಗನತ್‍ಕ್ ಸೆರಿಯಾಯಿತ್‌ ಉದಾರವಾಯಿತ್‌ ಇನಾಮ್‌ ಅಯಿಚತ್.

ಮತ್ತಾಯ 14:3

ಹೆರೋದ, ಅಂವೊಂಡ ಅಣ್ಣ ಫಿಲಿಪ್ಪಂಡ ಪೊಣ್ಣ್ ಹೆರೋದ್ಯಳಗುಂಡ್ ಯೋಹಾನನ ಬಂದಿಚಿಟ್ಟಿತ್ ಜೈಲ್‌ಕ್ ಇಟ್ಟಿತ್ಂಜತ್.

ಮತ್ತಾಯ 14:7

ಆನಗುಂಡ್ ರಾಜ ಅವಡ ಪಕ್ಕ: ನೀನ್ ಎಂತ ಕ್‍ೕಟತೇಂಗಿಯು ಅದ್‍ನ ನಾನ್ ನೀಕ್ ತಪ್ಪೀಂದ್ ಆಣೆ ಮಾಡ್‍ಚಿ.

ಮತ್ತಾಯ 22:24

ಉಪಾದ್ಯನೇ, ಒರ್ ಮನುಷ್ಯ, ಮಕ್ಕ ಇಲ್ಲತೆ ಪೊಣ್ಣ್‌ನ ಬುಟ್ಟಿತ್ ಚತ್ತ್ ಪೋನಕ, ಚತ್ತ್ ಪೋನಂವೊಂಡ ತಮ್ಮಣ ಅಂವೊಂಡ ಅಣ್ಣಂಡ ಪೊಣ್ಣ್‌ನ ಮಂಗಲ ಕಯಿಕಲು. ಅಕ್ಕ ಅಯಿಂಗಕ್ ಮಕ್ಕ ಆನಕ, ಆ ಮಕ್ಕ ಚತ್ತ್ ಪೋನಂವೊಂಡ ಮಕ್ಕ ಆಪಾಂದ್ ಮೋಶೆ ನಂಗಕ್ ಎಣ್ಣ್‌ಚಿ.

ಮಾರ್ಕ 6:14

ಅಲ್ಲಿಯತ್‍ರ ರಾಜನಾನ ಹೆರೋದಂಗ್ ಇದೆಲ್ಲಾ ಗೊತ್ತಾಚಿ. ಎನ್ನನೆ ಎಣ್ಣ್‌ಚೇಂಗಿ ಯೇಸುರ ವಿಷಯ ಎಲ್ಲೆಲಿಯು ಕ್‍ೕಳಿಪಟ್ಟಡಿಂಜತ್. ಚೆನ್ನ ಜನ, ಇಂವೊ ಚತ್ತ್‌ಪೋನ ಯೋಹಾನ. ಇಂವೊ ಚಾವ್‍ಯಿಂಜ ಬದ್‌ಕಿತ್ ಬಂದಿತುಂಡ್. ಅದ್ಂಗೇ ಇಚ್ಚಕ್ ಬಲ್ಯ ಅದ್ಬುತ ಕಾರ್ಯತ್‍ನೆಲ್ಲಾ ಇಂವೊಂಗ್ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.

ಮಾರ್ಕ 6:17

ಈ ಹೆರೋದ ಅಂವೊಂಡ ಅಣ್ಣ ಫಿಲಿಪ್ಪಂಡ ಪೊಣ್ಣ್ ಹೆರೋದ್ಯನ ಮಂಗಲ ಕಯಿಚಗುಂಡ್, ನೀನ್ ನೀಡ ಅಣ್ಣಂಡ ಪೊಣ್ಣ್‌ನ ಮಂಗಲ ಮಾಡ್‍ನದ್ ನ್ಯಾಯವಲ್ಲಾಂದ್ ಯೋಹಾನ, ರಾಜ ಹೆರೋದಂಗ್ ಎಣ್ಣಿಯಂಡ್ ಇಂಜತ್.

ಮಾರ್ಕ 6:19

ಅದ್ಂಗಾಯಿತ್ ಹೆರೋದ್ಯ ಯೋಹಾನಂಡ ಮೇಲೆ ಪಗೆ ಬೆಚ್ಚಂಡಿಂಜತ್. ಅಂವೊನ ಕೊಲ್ಲಂಡೂಂದ್ ಎಣ್ಣಿಯಂಡಿಂಜತ್, ಆಚೇಂಗಿ ಕಯಿಂಜಿತ್‌ಲ್ಲೆ.

ಮಾರ್ಕ 8:15

ನಿಂಗ ಫರಿಸಾಯಂಗಡ ಪಿಂಞ ಹೆರೋದಂಡ ಈಸ್ಟ್‌ರ ವಿಷಯತ್‍ಲ್ ಜಾಗ್ರತೆಲ್ ಇರಂಡೂಂದ್ ಯೇಸು ಎಚ್ಚರ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:31

ಅದೇ ಗಳಿಗೆಲ್ ಚೆನ್ನ ಫರಿಸಾಯಂಗ ಯೇಸುರ ಪಕ್ಕ ಬಂದಿತ್, ನೀನ್ ಇಲ್ಲಿಂಜ ಬೆರಿಯ ಪೋಯಿರ್, ರಾಜನಾನ ಹೆರೋದ ನಿನ್ನ ಕೊಲ್ಲುವಕ್ ನೋಟಿಯಂಡ್ ಉಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:7

ಯೇಸು, ರಾಜನಾನ ಹೆರೋದ ಆಳಿಯಂಡಿಂಜ ಜಾಗತ್ಂಜ ಬಾತ್‍ೕಂದ್ ಗೊತ್ತಾನ ಪಿಂಞ ಪಿಲಾತ ರಾಜ, ಆ ಸಮಯತ್‍ಲ್ ಯೆರೂಸಲೇಮ್‍ಲ್ ಇಂಜ ಹೆರೋದ ರಾಜಂಡ ಪಕ್ಕ ಯೇಸುನ ಅಯಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:1

ಕೈಸರನಾನ ತಿಬೇರಿಯ ರಾಜ್ಯಬಾರ ಮಾಡ್‍ನ ಪದ್‌ನಂಜನೆ ಕಾಲತ್‍ಲ್, ಪೊಂತ್ಯ ಪಿಲಾತ ಯೂದಾಯ ಪ್ರಾಂತ್ಯತ್‍ರ ಅದಿಪತಿಯಾಯಿತು, ಹೆರೋದ ಗಲಿಲಾಯ ಪ್ರಾಂತ್ಯತ್‍ರ ಉಪರಾಜಾನಾಯಿತು, ಅಂವೊಂಡ ತಮ್ಮಣ ಫಿಲಿಪ್ಪ, ಇತುರಾಯಾ ಪಿಂಞ ತ್ರಕೋನೀತಿ ಪ್ರಾಂತ್ಯಂಗಕ್ ಉಪರಾಜನಾಯಿತು, ಲುಸನ್ಯ ಅಬಿಲೇನೆ ಪ್ರಾಂತ್ಯಕ್ ಉಪರಾಜನಾಯಿತು ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:19

ಆಚೇಂಗಿ ಉಪರಾಜನಾನ ಹೆರೋದ ಅಂವೊಂಡ ಅಣ್ಣಂಡ ಪೊಣ್ಣ್ ಹೆರೋದಿಯಳ ಮಂಗಲ ಕಯಿಚಗುಂಡ್ ಯೋಹಾನ ಹೆರೋದನ ಚೂಕ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:3

ಹೆರೋದ ರಾಜಂಡಲ್ಲಿ ಒರ್ ಮುಕ್ಯ ಅದಿಕಾರಿಯಾಯಿತ್ ಕೆಲಸ ಮಾಡಿಯಂಡಿಂಜ ಕೂಜ ಎಣ್ಣ್‌ವಂವೊಂಡ ಪೊಣ್ಣ್ ಯೊಹನ್ನ ಎಣ್ಣುವಯಿಂಗಳೇ. ಬೋರೆ ದುಂಬ ಪೊಣ್ಣಾಳುವಳು ಯೇಸುರ ಕೂಡೆ ಇಂಜತ್. ಈ ಪೊಮ್ಮಕ ಅಯಿಂಗಡ ಸ್ವಂತ ಆಸ್ತಿಯಿಂಜ ಯೇಸು ಪಿಂಞ ಅಂವೊಂಡ ಶಿಷ್ಯಂಗಕ್ ಸೇವೆ ಮಾಡಿಯಂಡಿಂಜತ್.

ಅಪೊಸ್ತಲ 12:1

ಆ ಸಮಯತ್‍ಲ್ ರಾಜನಾನ ಹೆರೋದ ಸಬೇಲ್ ಉಳ್ಳ ಚೆನ್ನ ಜನಳ ಪುಡ್‌ಚಿತ್ ಹಿಂಸೆ ಮಾಡ್‌ವಕ್ ಸುರು ಮಾಡ್‍ಚಿ.

ಅಪೊಸ್ತಲ 4:27

ನೇರಾಯಿತು, ಹೆರೋದ, ಪೊಂತ್ಯ ಪಿಲಾತ, ಯೆಹೂದ್ಯಂಗ ಅಲ್ಲತ ಜನ ಪಿಂಞ ಇಸ್ರಾಯೇಲ್‍ರ ಜನ ಎಲ್ಲಾರು ಈ ಪಟ್ಟಣತ್‍ಲ್ ಕೂಡಿತ್, ನೀನ್ ಅಬಿಷೇಕ ಮಾಡ್‍ನ ನೀಡ ಪವಿತ್ರವಾನ ಸೇವಕನಾನ ಯೇಸುಕ್ ವಿರೋದವಾಯಿತ್ ಕೆಟ್ಟ ಆಲೋಚನೆ ಮಾಡಿತ್ ಬಾತ್.