ಮತ್ತಾಯ 14:27 - ಕೊಡವ ಬೈಬಲ್

²⁷ ಅಕ್ಕಣೆ ಯೇಸು ಅಯಿಂಗಡ ಕೂಡೆ ತಕ್ಕ್ ಪರಿಂದಿತ್: ನಿಂಗ ದೈರ್ಯ ಎಡ್‌ತೊಳಿ, ಇದ್ ನಾನೇ, ಪೋಡಿ ಬೋಂಡಾಂದ್ ಎಣ್ಣ್‌ಚಿ.

ಮತ್ತಾಯ 14:27 ပူးပေါင်းရင်းမြစ်များ

ಮತ್ತಾಯ 14:28

ಅಕ್ಕ ಪೇತ್ರ: ಒಡೆಯನೇ ಇದ್ ನೇರಾಯಿತು ನೀನಾಚೇಂಗಿ, ನಾನ್ ಈ ನೀರ್‌ರ ಮೇಲೆ ನಡ್‌ದಂಡ್ ನೀಡ ಪಕ್ಕ ಬಪ್ಪಕ್ ಹುಕುಮ್ ಕೊಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 17:7

ಯೇಸು ಅಯಿಂಗಡ ಪಕ್ಕ ಬಂದಿತ್ ಅಯಿಂಗಳ ಮುಟ್ಟ್‌ವಂಜಿ, ಏಳೀ, ಬೊತ್ತತೀಂದ್ ಅಯಿಂಗಕ್ ಎಣ್ಣ್‌ಚಿ

ಮತ್ತಾಯ 28:10

ಅಕ್ಕ ಯೇಸು ಅಯಿಂಗಳ ನೋಟಿತ್, ನಿಂಗಕ್ ಪೋಡಿ ಬೋಂಡ! ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ಅಯಿಂಗಳ ಗಲಿಲಾಯಕ್ ಪೋಪಕ್ ಎಣ್ಣಿ, ಅಲ್ಲಿ ಅಯಿಂಗ ನನ್ನ ಕಾಂಬಾಂದ್ ಎಣ್ಣ್‌ಚಿ.

ಮತ್ತಾಯ 28:5

ಅಕ್ಕ ದೇವದೂತ ಪೊಣ್ಣಾಳ್‍ರ ಪಕ್ಕ: ನಿಂಗ ಬೊತ್ತತಿ! ಶಿಲುಬೇಕ್ ಇಟ್ಟ ಯೇಸುನ ನಿಂಗ ತ್‍ೕಡಿಯಂಡುಳ್ಳಿರಾಂದ್ ನಾಕ್ ಗೊತ್ತುಂಡ್.

ಮತ್ತಾಯ 9:2

ಚೆನ್ನ ಜನ ಅಲ್ಲಿಕ್, ಪಾರ್ಶ್ವವಾಯುಲ್ ನರಳಿಯಂಡಿಂಜ ಒರ್ ಮನುಷ್ಯನ, ಕಡ್‌ಕೆರ ಮೇಲೆ ಬುದ್ದಾಕ್‌ಚಿಟ್ಟಿತ್ ಕಾಕಿಯಂಡ್ ಬಾತ್. ಯೇಸು ಅಯಿಂಗಡ ನಂಬಿಕೇನ ಕಂಡಿತ್: ನಾಡ ಮೋಂವೊನೇ, ದೈರ್ಯ ಎಡ್‌ತ, ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ಚಿ.

ಮಾರ್ಕ 6:50

ಅಯಿಂಗಕೆಲ್ಲ ಯೇಸುನ ಕಾಂಬದು ಪೋಡಿ ಆಯಿಪೋಚಿ. ನಿಂಗ ದೈರ್ಯ ಎಡ್‌ತೊಳಿ, ಇದ್ ನಾನೇ, ಪೋಡಿ ಬೋಂಡಾಂದ್ ಎಣ್ಣಿಯಂಡ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:13

ಆಚೇಂಗಿ ಆ ದೂತ ಅಂವೊಂಗ್, ಜಕರಿಯ ನೀನ್ ಬೊತ್ತತೆ, ನೀಡ ಪ್ರಾರ್ಥನೆ ದೇವಕ್ ಮುಟ್ಟ್‌ಚಿ. ನೀಡ ಪೊಣ್ಣ್ ಎಲಿಸಬೇತ್ ನೀಕ್ ಒರ್ ಕ್‍ಣ್ಣ ಕುಂಞಿನ ಪೆರುವ. ನೀನ್ ಅಂವೊಂಗ್ ಯೋಹಾನಾಂದ್ ಪೆದ ಇಡಂಡೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:30

ದೇವದೂತ ಅವಡ ಪಕ್ಕ: ನೀನ್ ಬೊತ್ತತೆ ಮರಿಯ, ದೇವಡ ಕೃಪೆ ನೀಕ್ ಕ್‍ಟ್ಟಿತುಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:32

ನಾಡ ಶಿಷ್ಯಂಗಳೇ, ನಿಂಗ ಒಂದು ಇಲ್ಲತ ನಾಡ ಒರ್ ಚೆರಿಯ ಗುಂಪಾಯಿತ್ ಉಂಡೇಂಗಿಯು, ಬೊತ್ತತಿ, ಎನ್ನಂಗೆಣ್ಣ್‌ಚೇಂಗಿ ಅಪ್ಪನಾನ ದೇವ ಅಂವೊ ಆಳುವ ರಾಜ್ಯತ್‍ಲ್ ನಿಂಗ ಬದ್‍ಕ್‍ವಕಾಯಿತ್ ನಿಂಗಳ ಕುಶೀಲ್ ಗೊತ್ತ್ ಮಾಡಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:10

ದೇವದೂತ ಅಯಿಂಗಳ ನೋಟಿತ್: ನಿಂಗ ಬೊತ್ತತಿ! ಎಲ್ಲಾ ಜನಕ್ ಕುಶಿ ಆಪಂತ ನಲ್ಲ ಸುದ್ದಿನ ನಾನ್ ನಿಂಗಕ್ ಎಡ್‌ತ ಬಂದಿಯೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:10

ಜೆಬೆದಾಯಂಡ ಕ್‌ಣ್ಣ ಮಕ್ಕಳಾನ ಸೀಮೋನಂಡ ಕೂಟ್‍ಕಾರ ಯೋಹಾನ ಪಿಂಞ ಯಾಕೋಬಂಗ್ ಸಹ ಇನ್ನನೆ ಆಶ್ಚರ್ಯ ಆಚಿ. ಅಕ್ಕ ಯೇಸು ಸೀಮೋನನ ನೋಟಿತ್, ಬೊತ್ತತೆ! ಇಂಞು ಮಿಂಞಕ್ ನೀನ್ ಮೀನ್ ಪುಡಿಪಕ್ ಬದ್‍ಲಾಯಿತ್ ಮನುಷ್ಯಂಗಳ ನಾಡ ಪಕ್ಕ ಕೊಂಡ್ ಬಪ್ಪಂವೊನಾಯಿತ್‌ಪ್ಪಿಯಾಂದ್ ಎಣ್ಣ್‌ಚಿ.

ಯೋಹಾನ 16:33

ನಿಂಗಕ್ ನಾಡಲ್ಲಿ ಸಮಾದಾನ ಇಕ್ಕಂಡೂಂದ್ ನಾನ್ ನಿಂಗಕ್ ಇದ್‍ನೆಲ್ಲಾ ಎಣ್ಣಿಯೆ. ಲೋಕತ್‍ಲ್ ನಿಂಗಕ್ ಕಷ್ಟ ಉಂಡ್ ಆಚೇಂಗಿಯು ದೈರ್ಯತ್‍ಲ್ ಇರಿ; ನಾನ್ ಲೋಕತ್‍ನ ಗೆದ್ದಿಯೇಂದ್ ಎಣ್ಣ್‌ಚಿ.

ಯೋಹಾನ 6:20

ಯೇಸು ಅಯಿಂಗಕ್: ಪೋಡಿ ಬೋಂಡ. ಇದ್ ನಾನೇಂದ್ ಎಣ್ಣ್‌ಚಿ.

ಅಪೊಸ್ತಲ 23:11

ಆ ದಿವಸ ಬಯಿಟ್, ಒಡೆಯ ಪೌಲಂಡ ಪಕ್ಕ ನಿಂದಿತ್ ದೈರ್ಯವಾಯಿತ್ ಇರ್; ನೀನ್ ಯೆರೂಸಲೇಮ್‍ಲ್ ನಾಡ ಸಂಗತಿನ ಸಾಕ್ಷಿಯಾಯಿತ್ ಎಣ್ಣ್‌ನನೆಕೆ, ರೋಮ್ ಪಟ್ಟಣತ್‌ಲು ಸಾಕ್ಷಿ ಎಣ್ಣಂಡೂಂದ್ ಎಣ್ಣ್‌ಚಿ.