ಮತ್ತಾಯ 14:2 - ಕೊಡವ ಬೈಬಲ್

² ತಾಂಡ ಕಚೇರಿಕಾರಂಗಳ ನೋಟಿತ್: ಇಂವೊ ನೇರಾಯಿತು ಚತ್ತ್‌ಪೋನ ದೀಕ್ಷಾಸ್ನಾನ ತಪ್ಪ ಯೋಹಾನ. ಇಂವೊ ಚಾವ್‍ಯಿಂಜ ಬದ್‌ಕಿತ್ ಬಂದಿತುಂಡ್. ಅದ್ಂಗೇ ಇಚ್ಚಕ್ ಬಲ್ಯ ಅದ್ಬುತ ಕಾರ್ಯತ್‍ನೆಲ್ಲಾ ಇಂವೊಂಗ್ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.

ಮತ್ತಾಯ 14:2 ပူးပေါင်းရင်းမြစ်များ

ಮತ್ತಾಯ 11:11

ಇಕ್ಕಕತ್ತನೆ ಪುಟ್ಟ್‌ನಯಿಂಗಡಡೆಲ್ ದೀಕ್ಷಾಸ್ನಾನ ತಪ್ಪ ಯೋಹಾನಕಿಂಜ ಬಲ್ಯಂವೊ ದಾರೂ ಇಲ್ಲೆ, ಆಚೇಂಗಿಯು ಪರಲೋಕ ರಾಜ್ಯತ್‍ಲ್ ಚೆರಿಯಂವೊನಾಯಿತುಳ್ಳಂವೊ ಅಂವೊಗಿಂಜ ಬಲ್ಯಂವೊನಾಯಿತುಂಡ್‍ೕಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 16:14

ಅದ್ಂಗ್ ಅಯಿಂಗ: ಚೆನ್ನ ಜನ ನಿನ್ನ ದೀಕ್ಷಾಸ್ನಾನ ತಪ್ಪ ಯೋಹಾನಾಂದು, ಚೆನ್ನ ಜನ ಎಲೀಯಾಂದು, ಇಂಞು ಚೆನ್ನ ಜನ ಯೆರೆ‌ಮೀಯಾಂದು ಪಿಂಞ ಇಂಞು ಚೆನ್ನ ಜನ ದೇವಡ ಒರು ಪ್ರವಾದೀಂದು ಕಾಕುವಾಂದ್ ಎಣ್ಣ್‌ಚಿ.

ಮತ್ತಾಯ 3:1

ದುಂಬ ಕಾಲ ಆನ ಪಿಂಞ ದೀಕ್ಷಾಸ್ನಾನ ತಪ್ಪ ಯೋಹಾನ ಯೂದಾಯತ್‍ರ ಮಣಬೂಮಿಲ್ ಬಂತ್:

ಮಾರ್ಕ 6:14

ಅಲ್ಲಿಯತ್‍ರ ರಾಜನಾನ ಹೆರೋದಂಗ್ ಇದೆಲ್ಲಾ ಗೊತ್ತಾಚಿ. ಎನ್ನನೆ ಎಣ್ಣ್‌ಚೇಂಗಿ ಯೇಸುರ ವಿಷಯ ಎಲ್ಲೆಲಿಯು ಕ್‍ೕಳಿಪಟ್ಟಡಿಂಜತ್. ಚೆನ್ನ ಜನ, ಇಂವೊ ಚತ್ತ್‌ಪೋನ ಯೋಹಾನ. ಇಂವೊ ಚಾವ್‍ಯಿಂಜ ಬದ್‌ಕಿತ್ ಬಂದಿತುಂಡ್. ಅದ್ಂಗೇ ಇಚ್ಚಕ್ ಬಲ್ಯ ಅದ್ಬುತ ಕಾರ್ಯತ್‍ನೆಲ್ಲಾ ಇಂವೊಂಗ್ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.

ಮಾರ್ಕ 8:28

ಅದ್ಂಗ್: ಚೆನ್ನ ಜನ ನೀನ್ ದೀಕ್ಷಾಸ್ನಾನ ತಪ್ಪ ಯೋಹಾನಾಂದು, ಚೆನ್ನ ಜನ ನೀನ್ ಎಲೀಯಾಂದು, ಚೆನ್ನ ಜನ ನೀನ್ ದಾರೋ ಒರು ಪ್ರವಾದೀಂದು ಎಣ್ಣಿಯಂಡುಂಡ್‍ೕಂದ್ ಅಯಿಂಗ ಜವಾಬ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:7

ಗಲಿಲಾಯತ್‍ಲ್ ಹೆರೋದ ಅಂತಿಪ ರಾಜನಾಯಿತ್ಂಜತ್. ಅಂವೊ ಇದ್‍ನೆಲ್ಲ ಕ್‍ೕಪಕ ಗಲಿಬಿಲಿ ಆಚಿ, ಎನ್ನಂಗೆಣ್ಣ್‌ಚೇಂಗಿ ಚೆನ್ನ ಜನ, ಇಂವೊ ಚತ್ತ್‌ಪೋನ ಯೋಹಾನ, ಚಾವ್‍ಯಿಂಜ ಬದ್‌ಕಿತ್ ಬಾತ್‍ೕಂದ್ ಎಣ್ಣ್‌ಚಿ.

ಯೋಹಾನ 10:41

ದುಂಬ ಜನ ಅಲ್ಲಿಕ್ ಬಾತ್, ಅಯಿಂಗ: ಯೋಹಾನ ಒರ್ ಅದ್ಬುತ ಕಾರ್ಯತ್‍ನ ಸಹ ಮಾಡಿತ್ತ್‌ಲ್ಲೆ. ಆಚೇಂಗಿ ಯೋಹಾನ ಇಂವೊಂಡ ವಿಷಯತ್‍ಲ್ ಎಣ್ಣ್‌ನದ್ ಎಲ್ಲಾ ನೇರಾಯಿತ್ ಉಂಡ್‍ೕಂದ್ ಎಣ್ಣ್‌ಚಿ.