18 ಅಂದಕ, ಅದ್‍ನ ನಾಡ ಪಕ್ಕ ಎಡ್‌ತ ಬಾರೀಂದ್ ಯೇಸು ಎಣ್ಣ್‌ಚಿ.
ಅಕ್ಕ ಅಯಿಂಗ: ನಂಗಡ ಪಕ್ಕ ಅಂಜ್ ಒಟ್ಟಿ ದಂಡ್ ಮೀನ್ ಮಾತ್ರ ಉಂಡ್‍ೕಂದ್ ಎಣ್ಣ್‌ಚಿ.
ಪಿಂಞ ಯೇಸು ಅಯಿಂಗಳೆಲ್ಲ ಪಿಲ್ಲ್‌ರ ಮೇಲೆ ಅಳ್‌ಪಕ್ ಹುಕುಮ್ ಕೊಡ್‍ತತ್. ಯೇಸು, ಅಂಜ್ ಒಟ್ಟಿ ಪಿಂಞ ದಂಡ್ ಮೀನ್‌ನ ಎಡ್‍ತಿತ್, ಕೊಡಿಕ್ ಪರಲೋಕತ್‌ನ ನೋಟುವಂಜಿ ದೇವಕ್ ವಂದನೆ ಮಾಡಿತ್, ಒಟ್ಟಿನ ಮುರಿಪಂಜಿ ಅಂವೊಂಡ ಶಿಷ್ಯಂಗಕ್ ಕೊಡ್‍ತತ್; ಶಿಷ್ಯಂಗ, ಎಲ್ಲಾ ಜನಕ್ ಕೊಡ್‍ತತ್.
ಅಲ್ಲಿ ಇಂಜ ಜನಳ ನೆಲತ್‍ರ ಮೇಲೆ ಅಳ್‌ಪಕ್ ಯೇಸು ಎಣ್ಣ್‌ಚಿ. ಪಿಂಞ ಯೇಸು ಆ ಏಳ್ ಒಟ್ಟಿನ ಎಡ್‍ತಿತ್, ದೇವಕ್ ವಂದನೆ ಮಾಡಿತ್, ಒಟ್ಟಿನ ಪೊಳ್‌ಚಿತ್ ಶಿಷ್ಯಂಗಕ್ ಕೊಡ್‌ತಿತ್, ಎಲ್ಲಾರ್‌ಕು ಈ ಒಟ್ಟಿನ ಕೊಡೀಂದ್ ಎಣ್ಣ್‌ಚಿ. ಅದೇ ಪ್ರಕಾರ ಯೇಸುರ ಶಿಷ್ಯಂಗ ಎಲ್ಲಾರ್‌ಕು ಒಟ್ಟಿನ ಕೊಡ್‍ತತ್.
ಅಕ್ಕ ಯೇಸು ಅಯಿಂಗಳ ನೋಟಿತ್: ಜನಳ ಅಳ್‌ಪ್‍ಚಿಡೀಂದ್ ಎಣ್ಣ್‌ಚಿ. ಆ ಜಾಗ ದುಂಬ ಪಿಲ್ಲ್ ಉಳ್ಳ ಜಾಗವಾಯಿತ್ಂಜತ್. ಅನ್ನನೆ ಪಿಲ್ಲ್‌ರ ಮೇಲೆ ಅಳ್‍ತಯಿಂಗಡಲ್ಲಿ ಆಣಾಳ್ ಮಾತ್ರ ಸುಮಾರ್ ಅಂಜ್ ಆಯಿರ ಇಂಜತ್.
