ಮತ್ತಾಯ 14:14 - ಕೊಡವ ಬೈಬಲ್

¹⁴ ಯೇಸು ದೋಣಿಯಿಂಜ ಇಳಿವಕ ದುಂಬ ಜನಡ ಗುಂಪ್‍ನ ಕಂಡಿತ್, ಅಯಿಂಗಡ ಮೇಲೆ ಕನಿಕರ ಪಟ್ಟಿತ್, ಅಯಿಂಗಡಡೆಲ್ ಕಾಯಿಲೆ ಉಳ್ಳಯಿಂಗಳ ವಾಸಿ ಮಾಡ್‍ಚಿ.

ಮತ್ತಾಯ 14:14 ပူးပေါင်းရင်းမြစ်များ

ಮತ್ತಾಯ 14:15

ಬಯಿಟಾಪಕ ಯೇಸುರ ಶಿಷ್ಯಂಗ ಯೇಸುರ ಪಕ್ಕ ಬಪ್ಪಂಜಿ: ಇದ್ ದಾರೂ ವಾಸ ಮಾಡತ ಜಾಗ, ಬಯಿಟಾಯಂಡುಳ್ಳಗುಂಡ್, ಜನ ಪಕ್ಕತ್‍ಲ್ ಉಳ್ಳ ಊರ್‌ಕ್ ಪೋಯಿತ್ ಅಯಿಂಗಕ್ ಬೋಂಡಿಯಾನ ಆಹಾರತ್‍ನ ಎಡ್‍ಪಕ್ ಅಯಿಂಗಳ ಅಯಿಚಿರ್‍ೕಂದ್ ಎಣ್ಣ್‌ಚಿ.

ಮತ್ತಾಯ 4:23

ಪಿಂಞ ಯೇಸು, ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಅಲ್ಲಿಯತ್‍ರ ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಮತ್ತಾಯ 9:36

ಬಲ್ಯ ಜನಡ ಗುಂಪ್‍ನ ಕಾಂಬಂಜಿ ಯೇಸುಕ್ ದುಂಬ ಕನಿಕರ ಆಚಿ. ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ಕೊರಿ ಕಾಪಂವೊ ಇಲ್ಲತ ಕೊರಿರನೆಕೆ ಗೊಂದಲತ್‍ಲ್, ದಾರೂ ಗತಿ ಇಲ್ಲತಯಿಂಡನೆಕೆ ಇಂಜತ್.

ಮಾರ್ಕ 6:34

ಯೇಸು ದೋಣಿಯಿಂಜ ಇಳಿವಕ ದುಂಬ ಜನಡ ಗುಂಪ್‍ನ ಕಾಂಬಕ, ಕೊರಿ ಕಾಪಂವೊ ಇಲ್ಲತ ಕೊರಿ ಗುಡ್ಡೆರನೆಕೆ ಅಯಿಂಗ ಇಂಜಗುಂಡ್ ಅಯಿಂಗಡ ಮೇಲೆ ಅಂವೊಂಗ್ ದುಂಬ ಕನಿಕರ ಆಯಿತ್, ಅಯಿಂಗಕ್ ದುಂಬ ಬೋದನೆನ ವಿವರಿಚಿಟ್ಟತ್.

ಮಾರ್ಕ 9:22

ಅದ್ ಸುಮಾರ್ ಕುರಿ ಅಂವೊನ ಕೊಲ್ಲ್‌ವಕ್ ತಿತ್ತ್‌ಕ್ ಪಿಂಞ ನೀರ್‌ಕ್ ತಳ್ಳ್‌ವಕಿಂಜತ್‍ೕಂದ್ ಕ್‍ಣ್ಣಂಡ ಅಪ್ಪ ಎಣ್ಣ್‌ಚಿ. ದಯಬೆಚ್ಚಿತ್ ನಂಗಡ ಮೇಲೆ ಕನಿಕರ ಕಾಟಿತ್ ನಂಗಕ್ ಸಹಾಯ ಮಾಡ್‌ವಕ್ ಕಯ್ಯುವೇಂಗಿ ಮಾಡೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:41

ಪಟ್ಟಣತ್‍ರ ಪಕ್ಕ ಬಪ್ಪಕ, ಯೆರೂಸಲೇಮ್‍ನ ನೋಟ್‌ವಕಾಪಕ, ಅದ್ಂಗಾಯಿತ್ ಯೇಸು ಮೊರಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:13

ಒಡೆಯ ಅವಳ ಕಂಡದು, ಕನಿಕರ ಪಟ್ಟಿತ್: ಮೊರಡತೆ ಎಣ್ಣಿಯಂಡ್,

ಇಬ್ರಿಯ 2:17

ಈ ಕಾರಣಕಾಯಿತ್, ಅಂವೊ ಜನತ್‍ರ ಪಾಪತ್‍ನೆಲ್ಲಾ ಕಳೆಯುವಕ್ ದೇವಡ ವಿಷಯತ್‍ಲ್ ಕರುಣೆ ಉಳ್ಳಂವೊನಾಯಿತು, ಸತ್ಯವಂತ ಮಹಾ ಯಾಜಕನಾಯಿತು ಆಚಿ. ಇನ್ನನೆ, ಎಲ್ಲಾ ರೀತಿಲು ತಾಂಡ ಅಣ್ಣತಮ್ಮಣಂಗಕ್ ಸಮವಾಯಿತ್ ಆಂಡೂಂದ್ ಇಂಜತ್.

ಇಬ್ರಿಯ 4:15

ನಂಗಡ ಬಲಹೀನತ್‍ರ ವಿಷಯತ್ ನಂಗಕಾಯಿತ್ ಬೇಜಾರ್ ಪಡುವಕ್ ಕಯ್ಯತ ಯಾಜಕ ನಂಗಕ್ ಇಲ್ಲತೆ, ಎಲ್ಲಾ ರೀತಿಲ್ ನಂಗಡನೆಕೆ ಸೋದನೆ ಪಟ್ಟಿತು, ಪಾಪ ಇಲ್ಲತಂವೊನಾಯಿತುಳ್ಳ ಮಹಾ ಯಾಜಕನೇ ನಂಗಕ್ ಉಂಡ್.

ಇಬ್ರಿಯ 5:2

ಅಂವೊನು ಸಹ, ದೇವಡ ಕೂಡೆ ಉಳ್ಳ ಐಕ್ಯತ್‍ಲ್ ಚಾಯಿ ಇಲ್ಲತಂವೊನಾನಗುಂಡ್, ಜ್ಞಾನ ಇಲ್ಲತಯಿಂಗಕು, ಪಾಳ್ ಬಟ್ಟೇಲ್ ಪೋಯಂಡಿಪ್ಪಯಿಂಗಕು ಕನಿಕರ ಕಾಟ್‍ವಂವೊನಾಯಿತುಂಡ್.