ಮತ್ತಾಯ 14:13 - ಕೊಡವ ಬೈಬಲ್

¹³ ಯೇಸು ಈ ವಿಷಯ ಕ್‍ೕಟದು ಆ ಜಾಗ ಬುಟ್ಟಿತ್, ದೋಣಿಲ್ ಪತ್ತ್‌ವಂಜಿ ದಾರೂ ಇಲ್ಲತ ಜಾಗಕ್ ಒಬ್ಬನೇ ಪೋಚಿ. ಯೇಸು ಎಲ್ಲಿಕ್ ಪೋಚೀಂದ್ ಜನಕ್ ಗೊತ್ತಾನ ಪಿಂಞ ಅಯಿಂಗಡ ಪಟ್ಟಣತ್ಂಜ ನಡ್ಂದಂಡೇ ಯೇಸುರ ಪಕ್ಕ ಪೋಚಿ.

ಮತ್ತಾಯ 14:13 ပူးပေါင်းရင်းမြစ်များ

ಮತ್ತಾಯ 10:23

ಒರ್ ಊರ್‌ಲ್ ನಿಂಗಕ್ ಹಿಂಸೆ ತಂದಕ ಬೋರೆ ಊರ್‌ಕ್ ಓಡಿ ಪೋಯಿ. ಎನ್ನಂಗೆಣ್ಣ್‌ಚೇಂಗಿ ಮನುಷ್ಯಕುಮಾರ ಬಪ್ಪಕ್ ಮಿಂಞ ಇಸ್ರಾಯೇಲ್‌ಲ್ ಉಳ್ಳ ಪಟ್ಟಣಕೆಲ್ಲ ನಿಂಗಕ್ ಪೋಪಕ್ ಕಯ್ಯುಲೇಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 12:15

ಯೇಸುಕ್ ಇದ್ ಗೊತ್ತಾನಗುಂಡ್ ಅಲ್ಲಿಂಜ ದೂರ ಪೋಚಿ. ಅಂವೊಂಡ ಬಯ್ಯಕ್ ದುಂಬ ಜನ ಪೋಯಂಡಿಂಜತ್, ಅಯಿಂಗಡ ಕೂಡೆ ಇಂಜ ಎಲ್ಲಾ ರೋಗಿಯಳ ಅಂವೊ ವಾಸಿ ಮಾಡ್‍ಚಿ.

ಮತ್ತಾಯ 14:12

ಬಯ್ಯ, ಯೋಹಾನಂಡ ಶಿಷ್ಯಂಗ ಬಂದಿತ್ ಅಂವೊಂಡ ಚಾವ್ ತಡೀನ ಎಡ್‌ತ ಪೋಯಿತ್ ಪೂತತ್. ಪಿಂಞ ಅಯಿಂಗ ಯೇಸುಕ್ ಈ ಸುದ್ದಿನ ಎಣ್ಣ್‌ವಕ್ ಪೋಚಿ.

ಮಾರ್ಕ 1:35

ಪಿತ್ಯಾಂದ್ ಬೊಳಿ ಬುಡ್‌ವಕ್ ಮಿಂಞಲೇ ಯೇಸು ಎದ್ದಿತ್, ದಾರೂ ಇಲ್ಲತ ಮಣಬೂಮಿಕ್ ಪೋಯಿತ್ ದೇವನ ಪ್ರಾರ್ಥನೆ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:42

ಬೊಪ್ಪ್ ಇಪ್ಪಕಾಪಕಲೇ ಆ ಊರ್‌ನ ಬುಟ್ಟಿತ್ ದಾರೂ ಇಲ್ಲತ ಮಣಬೂಮಿಕ್ ಪೋಚಿ. ಜನ ಎಲ್ಲಾರು ಯೇಸುನ ತ್‍ೕಡಿಯಂಡ್ ಅಂವೊಂಡ ಪಕ್ಕ ಬಂತ್ ಅಯಿಂಗಳ ಬುಟ್ಟಿತ್ ಎಲ್ಲಿಕು ಪೋಪಕ್ಕಾಗಾಂದ್ ನಿಪ್ಪ್‌ಚಿಟ್ಟತ್.