ಮತ್ತಾಯ 14:11 - ಕೊಡವ ಬೈಬಲ್

¹¹ ಯೋಹಾನಂಡ ಮಂಡೆನ ಒರ್ ತಳಿಯತ್‍ಲ್ ಎಡ್‌ತ ಬಂತ್ ಆ ಮೂಡಿಕ್ ಕೊಡ್‍ತತ್. ಆ ಮೂಡಿ, ತಾಂಡ ಅವ್ವಂಡ ಪಕ್ಕ ಎಡ್‍ತಂಡ್ ಪೋಯಿತ್ ಕೊಡ್‍ತತ್.

ಮತ್ತಾಯ 14:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 49:7

ಅಯಿಂಗಡ ಬಯಂಗರವಾನ ಚೆಡಿಕು, ಅಯಿಂಗಡ ಕ್ರೂರವಾನ ಬಲ್ಯ ಚೆಡಿಕು ಶಾಪ ಬರಡ್, ಅದ್‌ ಬಾರಿ ಕ್ರೂರವಾಯಿತುಂಡ್. ಯಾಕೋಬಂಡ ಕುಲತ್‌ರಯಿಂಗಡಡೆಲ್‌ ಅಯಿಂಗಳ ಬೋರೆ ಬೋರೆ ಮಾಡಿತ್, ಇಸ್ರಾಯೇಲ್‌ ದೇಶತ್‌ಲೆಲ್ಲ ಅಯಿಂಗಡ ಸಂತಾನತ್‌ನ ಚದ್‍ರ್‍ಚಿಡ್‌ವಿ.

ಜ್ಞಾನತ್‌ರ ಪಡಿಮ 27:4

ಬಲ್ಯ ಚೆಡಿ ಕ್ರೂರವಾನದ್. ಚೆಡಿ ಪಾಳ್ಮಾಡಿರುವ. ಆಚೇಂಗಿ ಹೊಟ್ಟೆಕಿಚ್ಚ್‌ರ ಮಿಂಞ ದಾರ್‌ಕ್‌ ನಿಪ್ಪಕಯ್ಯು?

ಜ್ಞಾನತ್‌ರ ಪಡಿಮ 29:10

ಕೊಲೆಗಾರಂಗ ಸತ್ಯತ್‌ಲ್‌ ನಡ್‌ಪಯಿಂಗಳ ದ್ವೇಷ ಮಾಡುವ. ಆಚೇಂಗಿ ನೀತಿವಂತಯಿಂಗ ಅಂವೊಂಡ ಜೀವತ್‌ನ ಕಾಪಾಡುವ.

ಮತ್ತಾಯ 14:10

ಅಕ್ಕ, ಆಳ್‍ವಳ ಅಯಿಚಿತ್ ಯೋಹಾನಂಡ ಮಂಡೆನ ಕೆತ್ತ್‌ಚಿ.

ಮತ್ತಾಯ 14:12

ಬಯ್ಯ, ಯೋಹಾನಂಡ ಶಿಷ್ಯಂಗ ಬಂದಿತ್ ಅಂವೊಂಡ ಚಾವ್ ತಡೀನ ಎಡ್‌ತ ಪೋಯಿತ್ ಪೂತತ್. ಪಿಂಞ ಅಯಿಂಗ ಯೇಸುಕ್ ಈ ಸುದ್ದಿನ ಎಣ್ಣ್‌ವಕ್ ಪೋಚಿ.

ಮತ್ತಾಯ 14:8

ಆ ಮೂಡಿ ಪೋಯಿತ್ ಅವಡ ಅವ್ವನ ಕ್‍ೕಪಕ, ಅವಡ ಅವ್ವ ದೀಕ್ಷಾಸ್ನಾನ ತಪ್ಪ ಯೋಹಾನಂಡ ಮಂಡೆನ ಕೆತ್ತುವಂಜಿ ಅದ್‍ನ ಒರ್ ತಳಿಯತ್‍ಲ್ ಬೆಚ್ಚಿತ್ ತಪ್ಪಕ್ ಕ್‍ೕಳ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 16:6

ಅಯಿಂಗ ದೇವಡ ಮಕ್ಕಡ ಚೋರೆನ, ಪ್ರವಾದಿಯಡ ಚೋರೆನ ಚೆಲ್ಲ್‌ನಗುಂಡ್, ನೀನ್ ಅಯಿಂಗಕ್ ಕುಡಿಪಕಾಯಿತ್ ಚೋರೆನ ಕೊಡ್‍ತಿಯ; ಅದ್ಂಗ್ ಅಯಿಂಗ ಯೋಗ್ಯವಾಯಿತುಂಡ್‍ೕಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 17:6

ಆ ಪೊಣ್ಣಾಳ್ ದೇವಡ ಮಕ್ಕಡ ಚೋರೆನ, ಯೇಸುಕ್ ಸಾಕ್ಷಿ ಕೊಡ್‍ತ ಮಕ್ಕಡ ಚೋರೆನ ಕುಡಿಚ ಬೋಗತ್‍ಲ್ ಇಪ್ಪದ್‍ನ ಕಂಡಿಯೆ. ಅವಳ ಕಾಂಬಕ ನಾಕ್ ದುಂಬ ಆಶ್ಚರ್ಯ ಆಚಿ.