ಮತ್ತಾಯ 14:1 - ಕೊಡವ ಬೈಬಲ್

¹ ಆ ಕಾಲತ್‍ಲ್, ಗಲಿಲಾಯತ್‍ಲ್ ಹೆರೋದ ಅಂತಿಪ ರಾಜನಾಯಿತ್ಂಜತ್. ಅಂವೊ ಯೇಸು ಮಾಡಿಯಂಡಿಂಜ ಅದ್ಬುತ ಕಾರ್ಯತ್‍ನೆಲ್ಲ ಕ್‍ೕಟಿತ್,

ಮತ್ತಾಯ 14:1 ပူးပေါင်းရင်းမြစ်များ

ಮತ್ತಾಯ 13:58

ಅಯಿಂಗಡ ಅಪನಂಬಿಕೆಯಿಂಜ ಯೇಸು ಅಲ್ಲಿ ದುಂಬ ಅದ್ಬುತ ಕಾರ್ಯತ್‍ನ ಮಾಡಿತ್‌ಲ್ಲೆ.

ಮತ್ತಾಯ 9:26

ಈ ಸುದ್ದಿ ಎಲ್ಲೆಲಿಯು ಪಬ್ಬ್‌ಚಿ.

ಮತ್ತಾಯ 9:31

ಆಚೇಂಗಿ, ಅಯಿಂಗ ಪೋಯಿತ್ ಆ ಪ್ರಾಂತ್ಯತ್‍ಲ್ ಎಲ್ಲಾ ಜಾಗತ್‍ಲ್ ಇಂವೊಂಡ ಕೀರ್ತಿನ ಪಬ್ಬ್‌ಚಿ.

ಮಾರ್ಕ 8:15

ನಿಂಗ ಫರಿಸಾಯಂಗಡ ಪಿಂಞ ಹೆರೋದಂಡ ಈಸ್ಟ್‌ರ ವಿಷಯತ್‍ಲ್ ಜಾಗ್ರತೆಲ್ ಇರಂಡೂಂದ್ ಯೇಸು ಎಚ್ಚರ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:15

ಹೆರೋದ ಸಹ ಇಂವೊಂಡ ಮೇಲೆ ಒರ್ ತಪ್ಪು ಕಂಡ್‌ಪುಡಿಕತೆ ಪುನಃ ನಾಡ ಪಕ್ಕ ಅಯಿಚತ್. ಕೊಲ್ಲ್‌ವಂತ ಒರ್ ತಪ್ಪು ಈ ಮನುಷ್ಯ ಮಾಡಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:1

ಕೈಸರನಾನ ತಿಬೇರಿಯ ರಾಜ್ಯಬಾರ ಮಾಡ್‍ನ ಪದ್‌ನಂಜನೆ ಕಾಲತ್‍ಲ್, ಪೊಂತ್ಯ ಪಿಲಾತ ಯೂದಾಯ ಪ್ರಾಂತ್ಯತ್‍ರ ಅದಿಪತಿಯಾಯಿತು, ಹೆರೋದ ಗಲಿಲಾಯ ಪ್ರಾಂತ್ಯತ್‍ರ ಉಪರಾಜಾನಾಯಿತು, ಅಂವೊಂಡ ತಮ್ಮಣ ಫಿಲಿಪ್ಪ, ಇತುರಾಯಾ ಪಿಂಞ ತ್ರಕೋನೀತಿ ಪ್ರಾಂತ್ಯಂಗಕ್ ಉಪರಾಜನಾಯಿತು, ಲುಸನ್ಯ ಅಬಿಲೇನೆ ಪ್ರಾಂತ್ಯಕ್ ಉಪರಾಜನಾಯಿತು ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:19

ಆಚೇಂಗಿ ಉಪರಾಜನಾನ ಹೆರೋದ ಅಂವೊಂಡ ಅಣ್ಣಂಡ ಪೊಣ್ಣ್ ಹೆರೋದಿಯಳ ಮಂಗಲ ಕಯಿಚಗುಂಡ್ ಯೋಹಾನ ಹೆರೋದನ ಚೂಕ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:3

ಹೆರೋದ ರಾಜಂಡಲ್ಲಿ ಒರ್ ಮುಕ್ಯ ಅದಿಕಾರಿಯಾಯಿತ್ ಕೆಲಸ ಮಾಡಿಯಂಡಿಂಜ ಕೂಜ ಎಣ್ಣ್‌ವಂವೊಂಡ ಪೊಣ್ಣ್ ಯೊಹನ್ನ ಎಣ್ಣುವಯಿಂಗಳೇ. ಬೋರೆ ದುಂಬ ಪೊಣ್ಣಾಳುವಳು ಯೇಸುರ ಕೂಡೆ ಇಂಜತ್. ಈ ಪೊಮ್ಮಕ ಅಯಿಂಗಡ ಸ್ವಂತ ಆಸ್ತಿಯಿಂಜ ಯೇಸು ಪಿಂಞ ಅಂವೊಂಡ ಶಿಷ್ಯಂಗಕ್ ಸೇವೆ ಮಾಡಿಯಂಡಿಂಜತ್.

ಅಪೊಸ್ತಲ 12:1

ಆ ಸಮಯತ್‍ಲ್ ರಾಜನಾನ ಹೆರೋದ ಸಬೇಲ್ ಉಳ್ಳ ಚೆನ್ನ ಜನಳ ಪುಡ್‌ಚಿತ್ ಹಿಂಸೆ ಮಾಡ್‌ವಕ್ ಸುರು ಮಾಡ್‍ಚಿ.

ಅಪೊಸ್ತಲ 13:1

ಅಂತಿಯೋಕ್ಯ ಪಟ್ಟಣತ್‍ರ ಸಬೇಲ್, ಚೆನ್ನ ಜನ ಪ್ರವಾದಿಯಂಗಳಾಯಿತು, ಚೆನ್ನ ಜನ ಬೋದನೆಕಾರಂಗಳಾಯಿತು ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ ಬಾರ್ನಬ, ನೀಗರ್‍ಂದ್ ಜನ ಕಾಕುವ ಸಿಮೆಯೋನ, ಕುರೇನ್ಯ ಊರ್‍ಕಾರನಾನ ಲೂಕ್ಯ, ಪಲಸ್ತೀನ ದೇಶತ್‍ಲ್ ಕಾಲ್ ಬಾಗಕ್ ಅದಿಪತಿಯಾಯಿತ್ಂಜ ಹೆರೋದ ಅಂತಿಪ ಎಣ್ಣ್‌ವಂವೊಂಡ ಕೂಡೆ ಬೊಳ್ಂದ ಮೆನಹೇನ ಪಿಂಞ ಸೌಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 4:27

ನೇರಾಯಿತು, ಹೆರೋದ, ಪೊಂತ್ಯ ಪಿಲಾತ, ಯೆಹೂದ್ಯಂಗ ಅಲ್ಲತ ಜನ ಪಿಂಞ ಇಸ್ರಾಯೇಲ್‍ರ ಜನ ಎಲ್ಲಾರು ಈ ಪಟ್ಟಣತ್‍ಲ್ ಕೂಡಿತ್, ನೀನ್ ಅಬಿಷೇಕ ಮಾಡ್‍ನ ನೀಡ ಪವಿತ್ರವಾನ ಸೇವಕನಾನ ಯೇಸುಕ್ ವಿರೋದವಾಯಿತ್ ಕೆಟ್ಟ ಆಲೋಚನೆ ಮಾಡಿತ್ ಬಾತ್.