ಮತ್ತಾಯ 13:54 - ಕೊಡವ ಬೈಬಲ್

⁵⁴ ಅಂವೊ ತಾಂಡ ಸ್ವಂತ ಊರ್‌ಕ್ ಬಂದಿತ್, ಅಯಿಂಗಡ ಸಬಾಮಂದಿರತ್‍ಲ್ ಎಲ್ಲಾರ್‌ಕು ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ. ಇದ್‍ನ ಕ್‍ೕಟಿತ್ ಅಯಿಂಗಕೆಲ್ಲ ಆಶ್ಚರ್ಯ ಆಯಿತ್, ಇಂವೊಂಗ್ ಎಲ್ಲಿಂಜ ಈ ತರ ಜ್ಞಾನವು, ಅದ್ಬುತ ಕಾರ್ಯ ಮಾಡ್‌ವಕ್ ಶಕ್ತಿಯು ಕ್‌ಟ್ಟಿಚೀಂದ್ ತಕ್ಕ್ ಪರ್ಂದತ್.

ಮತ್ತಾಯ 13:54 ပူးပေါင်းရင်းမြစ်များ

ಮತ್ತಾಯ 2:23

ಆನಗುಂಡ್ ಅಂವೊ ನಜರೇತ್ ಎಣ್ಣುವ ಊರ್‌ಕ್ ಪೋಯಿತ್ ವಾಸಮಾಡ್‍ಚಿ. ಅಂವೊನ ನಜರೇತ್ ಎಣ್ಣುವ ಊರ್‌ಕ್ ಕೂಡ್‍ನಂವೋಂದ್ ಕಾಕ್‍ವಾಂದ್ ಪ್ರವಾದಿಯಂಗ ಎಣ್ಣ್‌ನದ್ ಪೂರ್ತಿ ಆಪನೆಕೆ ಇನ್ನನೆ ನಡ್ಂದತ್.

ಮತ್ತಾಯ 4:23

ಪಿಂಞ ಯೇಸು, ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಅಲ್ಲಿಯತ್‍ರ ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಮತ್ತಾಯ 7:28

ಯೇಸು ಇನ್ನನೆಯೆಲ್ಲಾ ಬೋದನೆ ಕೊಡ್‍ತ ಪಿಂಞ ಜನಯೆಲ್ಲಾ ದುಂಬ ಆಶ್ಚರ್ಯ ಪಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:47

ಅಂವೊಂಡ ತಕ್ಕ್ ಕ್‍ೕಟ ಎಲ್ಲಾರ್‌ಕು ಅಂವೊಂಡ ಬುದ್ದಿನ ಪಿಂಞ ಅಂವೊ ಎಣ್ಣ್‌ನ ಉತ್ತರತ್‍ನ ಕ್‍ೕಟಿತ್ ಆಶ್ಚರ್ಯ ಆಚಿ.

ಯೋಹಾನ 1:11

ಅಂವೊ ತಾಂಡ ಸ್ವಂತ ಜನತ್‍ರ ಪಕ್ಕ ಬಾತ್, ಆಚೇಂಗಿ ಅಂವೊಂಡ ಸ್ವಂತ ಜನ ಅಂವೊನ ಸ್ವೀಕಾರ ಮಾಡಿತ್‌ಲ್ಲೆ.

ಅಪೊಸ್ತಲ 13:46

ಅಕ್ಕ ಪೌಲ ಪಿಂಞ ಬಾರ್ನಬ, ದೈರ್ಯತ್ಂಜ ತಕ್ಕ್ ಪರ್ಂದತ್. ಅಯಿಂಗಳ ನೋಟಿತ್: ದೇವಡ ವಾಕ್ಯತ್‍ನ ನಿಂಗಕೇ ಆದ್ಯವಾಯಿತ್ ಎಣ್ಣ್‌ವಕ್ ಅವಸ್ಯ ಇಂಜತ್; ಆಚೇಂಗಿ ನಿಂಗ ಅದ್‍ನ ತಳ್ಳಿತ್, ನಿಂಗಳ ನಿತ್ಯ ಜೀವಕ್ ಯೋಗ್ಯ ಇಲ್ಲತಯಿಂಗಳಾಯಿತ್ ನಿಂಗಳೇ ತೀರ್ಪ್ ಮಾಡ್‍ನಗುಂಡ್, ನೋಟಿ, ನಂಗ ನಿಂಗಳ ಬುಟ್ಟಿತ್ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ಪಕ್ಕ ಪೋಪಾಂದ್ ಎಣ್ಣ್‌ಚಿ.

ಅಪೊಸ್ತಲ 4:13

ಪೇತ್ರ ಪಿಂಞ ಯೋಹಾನ ದೈರ್ಯತ್‍ಲ್ ತಕ್ಕ್ ಪರಿವಾನ ಅಯಿಂಗ ನೋಟಿತ್, ಈಂಗ ವಿದ್ಯ ಇಲ್ಲತಯಿಂಗಳು, ಸಾದಾರಣ ಮನುಷ್ಯಂಗಾಂದು ಗೊತ್ತಾಯಿತ್ ಆಶ್ಚರ್ಯಪಟ್ಟಿತ್, ಈಂಗ ಯೇಸುರ ಕೂಡೆ ಇಂಜಯಿಂಗಾಂದ್ ಅಯಿಂಗಕ್ ಗೊತ್ತಾಚಿ.