ಮತ್ತಾಯ 13:52 - ಕೊಡವ ಬೈಬಲ್

⁵² ಅಕ್ಕ ಅಂವೊ ಅಯಿಂಗಳ ನೋಟಿತ್: ಇದ್ಂಡ ಅರ್ಥ ನ್ಯಾಯಪ್ರಮಾಣತ್‌ರ ಉಪಾದ್ಯಂಗ, ಪರಲೋಕ ರಾಜ್ಯತ್‍ರ ಶಿಷ್ಯಂಗಳಾಯಿತ್ ಬಪ್ಪಕ, ಅಯಿಂಗ ಮನೆರ ಎಜಮಾನಂಡನೆಕೆ, ಮನೆರ ಪತ್ತಾಯ ಕೋಂಬರೆಯಿಂಜ ಪುದಿಯ ಪಿಂಞ ಪಳೆಯ ನಿದಿನ ಎಡ್‌ತ ಬಂದನೆಕೆ ಇಪ್ಪಾಂದ್‌ ಎಣ್ಣ್‌ಚಿ.

ಮತ್ತಾಯ 13:52 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 11:30

ನೀತಿವಂತಂವೊಂಡ ಫಲ ಜೀವ ತಪ್ಪ ಮರ. ಜನಳ ಗೆಲ್ಲುವಂಚೊ ಜ್ಞಾನ ಉಲ್ಳಂವೊ.

ಜ್ಞಾನತ್‌ರ ಪಡಿಮ 15:7

ಜ್ಞಾನಿಯಡ ತಕ್ಕ್‌ಯಿಂಜ ಅರಿವು ಪಬ್ಬುವ. ಆಚೇಂಗಿ ಮೂಡಂಗಡ ಹೃದಯ ಅನ್ನನೆ ಮಾಡುಲೆ.

ಜ್ಞಾನತ್‌ರ ಪಡಿಮ 18:4

ಮನುಷ್ಯಂಡ ಬಾಯಿರ ತಕ್ಕ್‌ ಆಳವಾನ ನೀರ್‌ರನೆಕೆ ಇಪ್ಪ. ಆಚೇಂಗಿ ಜ್ಞಾನತ್‌ರ ಬುಗ್ಗೆ ಒಕ್ಕಿಯಂಡ್‌ ಪೋಪ ತೋಡ್‌ರನೆಕೆ ಇಪ್ಪ.

ಮತ್ತಾಯ 12:35

ಒರ್ ನಲ್ಲ ಮನುಷ್ಯ ತಾಂಡ ನಲ್ಲ ಹೃದಯತ್‍ಲ್ ಕೂಟಿ ಬೆಚ್ಚಿತುಳ್ಳ ಬಂಡಾರತ್‍ಂಜ, ನಲ್ಲ ವಿಷಯತ್‍ನ ಎಡ್‌ತ್‌ ಕಾಟ್‍ವ, ಕೆಟ್ಟ ಮನುಷ್ಯ ಅಂವೊಂಡ ಕೆಟ್ಟ ಹೃದಯತ್‍ಲ್ ಕೂಟಿ ಬೆಚ್ಚಿತುಳ್ಳ ಬಂಡಾರತ್‍ಂಜ ಕೆಟ್ಟದ್‍ನ ಪರಿವ.

ಮತ್ತಾಯ 13:51

ಬಯ್ಯ, ಯೇಸು ಅಯಿಂಗಳ ನೋಟಿತ್: ನಾನ್ ಎಣ್ಣ್‌ನದೆಲ್ಲ ನಿಂಗಕ್ ಅರ್ಥ ಆಚಾಂದ್ ಕ್‍ೕಟತ್. ಅದ್ಂಗ್ ಅಯಿಂಗ ನಂಗಕ್ ಅರ್ಥ ಆಚೀಂದ್ ಎಣ್ಣ್‌ಚಿ.

ಮತ್ತಾಯ 13:53

ಯೇಸು ಇದ್‍ನೆಲ್ಲ ಕಥೇರ ರೂಪತ್‍ರ ಮೂಲಕ ಬೋದನೆ ಮಾಡ್‍ನ ಪಿಂಞ, ಅಲ್ಲಿಂಜ ಪೋಚಿ.

ಮತ್ತಾಯ 23:34

ಆನಗುಂಡ್ ನಾನ್ ಪ್ರವಾದಿಯಳ, ಜ್ಞಾನಿಯಳ ಪಿಂಞ ನ್ಯಾಯಪ್ರಮಾಣ ಗೊತ್ತುಳ್ಳ ಉಪಾದ್ಯಂಗಳ ನಿಂಗಡ ಪಕ್ಕ ಅಯಿಪಿ. ಅಯಿಂಗಡ ಕೂಟ್‌ಲ್ ಚೆನ್ನ ಜನಳ ನಿಂಗ ಕೊಲ್ಲ್‌ವಿರ, ಚೆನ್ನ ಜನಳ ಶಿಲುಬೇಕ್ ಇಡ್‌ವಿರ. ಚೆನ್ನ ಜನಳ ನಿಂಗಡ ಸಬಾಮಂದಿರತ್‍ಲ್ ಕೊರಡ್‍ಲ್ ಪೊಜ್ಜಿತ್ ನಾಡಿಂಜ ನಾಡ್‍ಕ್ ದೌತಿಯಂಡ್ ಪೋಪಿರ.

ಮತ್ತಾಯ 28:19

ಆನಗುಂಡ್ ನಿಂಗ ಪೋಯಿತ್, ಎಲ್ಲಾ ದೇಶತ್‍ರ ಜನತ್‍ನ ನಾಡ ಶಿಷ್ಯಂಗಳಾಯಿತ್ ಮಾಡಿ. ಅಯಿಂಗಕ್ ಅಪ್ಪ, ಮೋಂವೊ ಪಿಂಞ ಪವಿತ್ರಾತ್ಮಂಡ ಪೆದತ್‍ಲ್ ದೀಕ್ಷಾಸ್ನಾನ ಕೊಡಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:49

ಇದ್ಂಗಾಯಿತ್ ದೇವಡ ಜ್ಞಾನ ಎಣ್ಣ್‌ಚಿ: ನಾನ್ ದೇವಡ ಪ್ರವಾದಿಯಂಗಳ, ಅಪೊಸ್ತಲಂಗಳ ಅಯಿಂಗಡ ಪಕ್ಕ ಅಯಿಪಿ; ಅಯಿಂಗಡಲ್ಲಿ ಚೆನ್ನ ಜನಳ ಕೊಲ್ಲುವ, ಚೆನ್ನ ಜನಳ ತೊಂದರೆ ಮಾಡ್‌ವ;

ಯೋಹಾನ 13:34

ಇಕ್ಕ ನಾನ್ ನಿಂಗಕ್ ಒರ್ ಪುದಿಯ ಹುಕುಮ್ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ನಿಂಗ ಒಬ್ಬೊಬ್ಬಂಡ ಮೇಲೆ ಪ್ರೀತಿಲ್ ಇರಂಡು; ನಾನ್ ನಿಂಗಳ ಪ್ರೀತಿ ಮಾಡ್‍ನನೆಕೆ, ನಿಂಗಳು ಒಬ್ಬೊಬ್ಬಂಡ ಮೇಲೆ ಪ್ರೀತಿ ಮಾಡಂಡು.

2 ಕೊರಿಂಥ 6:10

ದುಃಖತ್‍ಲ್ ಇಂಜತೇಂಗಿಯು, ಎಕ್ಕಾಲು ಕುಶೀಲ್ ಉಳ್ಳಯಿಂಗಳಾಯಿತು, ಗರಿಬಂಗಳಾಯಿತ್ ಇಂಜತೇಂಗಿಯು, ದುಂಬ ಜನಳ ಐಶ್ವರ್ಯವಂತಯಿಂಗಳಾಯಿತ್ ಮಾಡ್‌ವಯಿಂಗಳಾಯಿತು, ಒಂದು ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ಎಲ್ಲಾ ಉಳ್ಳಯಿಂಗಡನೆಕೆ ನಂಗಳ ಕಾಂಬ್‍ಚಿಟ್ಟಂಡುಂಡ್.

ಎಫೆಸ 3:4

ಅದ್‍ನ ನಿಂಗ ಓದ್‍ವಕ, ನಾಕ್ ಕ್ರಿಸ್ತಂಡ ಗುಟ್ಟ್‌ರ ವಿಷಯತ್ ಎಚ್ಚಕ್ ಗೊತ್ತುಂಡ್‍ೕಂದ್ ನಿಂಗಕ್ ಗೊತ್ತಾಪ.

ಎಫೆಸ 3:8

ದೇವಡ ಮಕ್ಕಡಲ್ಲಿ ಎಲ್ಲಾಡಕಿಂಜ ಚೆರಿಯಂವೊನಾನ ನಾಕ್, ಕ್ರಿಸ್ತಂಡ ಲೆಕ್ಕ ಮಾಡ್‌ವಕ್ ಕಯ್ಯತಚ್ಚಕ್ ಉಳ್ಳ ಐಶ್ವರ್ಯತ್‍ನ ಯೆಹೂದ್ಯಂಗಲ್ಲತ ಜನಕ್ ಅರಿಚಿಡುವಕುಳ್ಳ ಈ ಕೃಪೆ ನಾಕ್ ಕ್‍ಟ್ಟ್‌ಚಿ.

ಕೊಲೊಸ್ಸೆ 1:7

ಅದ್‍ನ ನಿಂಗ ನಂಗಡ ಕೂಡೆ ಸೇವೆ ಮಾಡ್‌ವ ಪ್ರೀತಿರ ಎಪಫ್ರಯಿಂಜ ಪಡಿಚಿರ. ಅಂವೊ ನಿಂಗಕಾಯಿತ್ ಕ್ರಿಸ್ತಂಡಲ್ಲಿ ನೇರಾನ ಸೇವಕನಾಯಿತುಂಡ್.

ಕೊಲೊಸ್ಸೆ 3:16

ಕ್ರಿಸ್ತಂಡ ವಾಕ್ಯ, ನಿಂಗಡ ಹೃದಯತ್‍ಲ್ ಪೂರ್ತಿಯಾಯಿತ್ ಇರಡ್. ನಿಂಗ ಎಲ್ಲಾ ಜ್ಞಾನತ್‍ಲ್ ಒಬ್ಬಂಗ್ ಒಬ್ಬ ಬೋದನೆ ಮಾಡಿತ್ ಬುದ್ದಿ ಎಣ್ಣಿಯಂಡ್ ಇರಿ. ಕೀರ್ತನೆ ಪಾಡಿಯಂಡ್, ದೇವಡ ಪಾಟ್ ಪಾಡಿಯಂಡ್, ಆತ್ಮೀಯ ಪಾಟ್ ಪಾಡಿಯಂಡ್ ನಿಂಗಡ ಹೃದಯತ್‍ಲ್ ದೇವನ ತುದಿಚಂಡ್ ಇರಿ.

1 ತಿಮೊಥೆಯ 3:6

ಇದ್ಂಗಾಯಿತ್ ಸಬೆರ ಪೆರಿಯಂವೊ, ಕ್ರಿಸ್ತ ನಂಬಿಕೇಲ್ ಬೊಳ್ಂದಂವೊನಾಯಿತ್ ಇರಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊಂಗ್ ದುಂಬ ಹಮ್ಮ್ ಬಂದಿತ್ ಸೈತಾನಂಗ್ ಕ್‍ಟ್ಟ್‌ನ ಅದೇ ತೀರ್ಪ್ ಇಂವೊಂಗೂ ಕ್‍ಟ್ಟಿ ಪೋಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:9

ಅಂವೊ, ನೇರಾನ ಸತ್ಯ ಉಪದೇಶತ್‍ನ ಚಾಯಿತೆ ಬೋದನೆ ಮಾಡಿತ್, ಜನಕ್ ಪುರ್‌ಡ್ ಕೊಡ್‌ತಿತ್, ದೇವಡ ವಾಕ್ಯಕ್ ವಿರೋದವಾಯಿತ್ ಬೋದನೆ ಮಾಡ್‌ವಯಿಂಗಕ್ ತಕ್ಕ ಉತ್ತರ ಕೊಡ್‍ಪಕ್ ಅಂವೊ ಪಡಿಚಿತುಳ್ಳ ಸತ್ಯವಂತ ಬೋದನೆಲ್ ಸ್ತಿರವುಳ್ಳಂವೊನಾಯಿತು ಇರಂಡು.