ಮತ್ತಾಯ 13:51 - ಕೊಡವ ಬೈಬಲ್

⁵¹ ಬಯ್ಯ, ಯೇಸು ಅಯಿಂಗಳ ನೋಟಿತ್: ನಾನ್ ಎಣ್ಣ್‌ನದೆಲ್ಲ ನಿಂಗಕ್ ಅರ್ಥ ಆಚಾಂದ್ ಕ್‍ೕಟತ್. ಅದ್ಂಗ್ ಅಯಿಂಗ ನಂಗಕ್ ಅರ್ಥ ಆಚೀಂದ್ ಎಣ್ಣ್‌ಚಿ.

ಮತ್ತಾಯ 13:51 ပူးပေါင်းရင်းမြစ်များ

ಮತ್ತಾಯ 13:11

ಅಯಿಂಗಕ್ ಅಂವೊ: ಪರಲೋಕ ರಾಜ್ಯತ್‍ರ ಗುಟ್ಟ್ ನಿಂಗಕ್ ಗೊತ್ತಾಪನೆಕೆ ಮಾಡಿತುಂಡ್. ಆಚೇಂಗಿ ಪೊರಮೆ ಉಳ್ಳಯಿಂಗಕ್ ಈ ಬಾಗ್ಯ ಕ್‍ಟ್ಟಿತ್‌ಲ್ಲೆ.

ಮತ್ತಾಯ 13:19

ದೇವಡ ರಾಜ್ಯತ್‍ರ ವಿಷಯತ್‍ನ ಕ್‍ೕಟಿತ್, ಅರ್ಥ ಆಕತೆ ಇಪ್ಪಕ, ಸೈತಾನ ಬಂದಿತ್ ಅಂವೊಂಡ ಹೃದಯತ್‍ಲ್ ಬುದ್ದ ಕುರುನ ಎಡ್‍ತಂಡ್ ಪೋಯಿರುವ. ಅಂವೊ ನಡ್‍ಪ ಬಟ್ಟೇಲ್ ಬುದ್ದ ಕುರುರನೆಕೆ.

ಮತ್ತಾಯ 13:50

ಅಯಿಂಗಳ ತಿತ್ತ್‌ರ ಗುಡ್ಡೆಕ್ ಚಾಡ್‍ವ. ಅಲ್ಲಿ ಮೊರಟಂಡ್ ಪಲ್ಲ್ ಕಡಿಚಂಡ್ ಇಪ್ಪ.

ಮತ್ತಾಯ 13:52

ಅಕ್ಕ ಅಂವೊ ಅಯಿಂಗಳ ನೋಟಿತ್: ಇದ್ಂಡ ಅರ್ಥ ನ್ಯಾಯಪ್ರಮಾಣತ್‌ರ ಉಪಾದ್ಯಂಗ, ಪರಲೋಕ ರಾಜ್ಯತ್‍ರ ಶಿಷ್ಯಂಗಳಾಯಿತ್ ಬಪ್ಪಕ, ಅಯಿಂಗ ಮನೆರ ಎಜಮಾನಂಡನೆಕೆ, ಮನೆರ ಪತ್ತಾಯ ಕೋಂಬರೆಯಿಂಜ ಪುದಿಯ ಪಿಂಞ ಪಳೆಯ ನಿದಿನ ಎಡ್‌ತ ಬಂದನೆಕೆ ಇಪ್ಪಾಂದ್‌ ಎಣ್ಣ್‌ಚಿ.

ಮತ್ತಾಯ 15:17

ಬಾಯಿಕ್ ಪೋಪದೆಲ್ಲ ಕೆಲಕ್ ಪೋಯಿತ್, ಕೆಲತ್ಂಜ ಪೊರಮೆ ಪೋಪಾಂದ್ ನಿಂಗಕ್ ಗೊತ್ತ್‌ಲ್ಲೆಯಾ?

ಮತ್ತಾಯ 16:11

ನಾನ್ ಒಟ್ಟಿರ ವಿಷಯತ್‍ನ ತಕ್ಕ್ ಪರ್‌ಂದಿತ್‌ಲ್ಲೇಂದ್ ಎನ್ನಂಗ್ ಇಂಞು ಅರ್ಥ ಆಯಂಡಿಲ್ಲೆ. ನಿಂಗ ಫರಿಸಾಯ ಪಿಂಞ ಸದ್ದುಕಾಯಂಗಡ ಈಸ್ಟ್‌ರ ವಿಷಯತ್ ಎಚ್ಚರವಾಯಿತಿರಂಡೂಂದ್ ನಾನ್ ಎಣ್ಣಿಯೆ.

ಮತ್ತಾಯ 24:15

ಇಂಞು ಎಣ್ಣಕ, ಪ್ರವಾದಿಯಾನ ದಾನಿಯೇಲ ಎಣ್ಣ್‌ನನೆಕೆ: ಇದ್‍ನ ಓದ್‍ವಂವೊ, ಅರ್ಥ ಮಾಡಿಯಡ್, ಪಾಳ್ ಮಾಡ್‌ವ ಅಸಹ್ಯ ವಸ್ತು, ಪವಿತ್ರ ಜಾಗತ್‍ಲ್ ನಿಪ್ಪದ್‌ನ ನಿಂಗ ಕಾಂಬಕ,

ಮಾರ್ಕ 4:34

ಯೇಸು ಕಥೇರ ರೂಪತ್‌ಲ್ ಎಣ್ಣತೆ ಜನಡ ಕೂಡೆ ತಕ್ಕ್ ಪರಿಯುವಕಿಂಜಿಲೆ. ಆಚೇಂಗಿ ಅಂವೊ ಅಂವೊಂಡ ಶಿಷ್ಯಂಗಡ ಕೂಡೆ ಇಪ್ಪಕ ಅಯಿಂಗಕ್ ಚಾಯಿತೆ ಅರ್ಥ ಮಾಡಿ ಕೊಡ್‌ಪಯಿಂಜತ್.

ಮಾರ್ಕ 7:18

ಅದ್ಂಗ್ ಯೇಸು: ನಿಂಗಕ್ ಕೂಡೆ ಈ ತಕ್ಕ್ ಅರ್ಥ ಆಯಿತಿಲ್ಲೆಯಾ? ಮನುಷ್ಯಂಡ ಬಾಯಿರೊಳ್‌ಕ್ ಪೊರಮೆಯಿಂಜ ಪೋಪದ್ ಅಂವೊನ ಅಶುದ್ದ ಮಾಡುಲೆ,

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.