ಮತ್ತಾಯ 13:44 - ಕೊಡವ ಬೈಬಲ್

⁴⁴ ಪರಲೋಕ ರಾಜ್ಯ ಎಣ್ಣ್‌ವದ್ ಬೇಲ್‌ಲ್ ಒಳ್‍ಪ್‌ಚಿಟ್ಟ್ ಬೆಚ್ಚಿತುಳ್ಳ ನಿದಿಕ್ ಸಮವಾಯಿತುಂಡ್. ಒರ್ ಮನುಷ್ಯ ಅದ್‍ನ ಕಂಡದು, ಅದ್‍ನ ಮುಚ್ಚಿರುವಂಜಿ, ಆ ಕುಶೀಲ್ ಈ ಬೇಲ್‍ನ ಕ್ರಯಕ್ ಎಡ್‌ಪಕಾಯಿತ್, ಅಂವೊಂಡ ಪಕ್ಕ ಇಂಜ ಆಸ್ತಿನೆಲ್ಲ ಮಾರಿರುವ.

ಮತ್ತಾಯ 13:44 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 16:16

ಪೊನ್ನ್‌ನ ಸಂಪಾದನೆ ಮಾಡ್‌ವಕಿಂಜಿ ಜ್ಞಾನತ್‌ನ ಸಂಪಾದನೆ ಮಾಡ್‌ವದ್‌ ಎಚ್ಚಕ್‌ ನಲ್ಲದ್‌! ಬೊಳ್ಳಿನ ಸಂಪಾದನೆ ಮಾಡ್‌ವಕಿಂಜಿ ಬುದ್ದಿನ ಸಂಪಾದನೆ ಮಾಡ್‌ವದ್‌ ನಲ್ಲದ್‌!

ಜ್ಞಾನತ್‌ರ ಪಡಿಮ 17:16

ಜ್ಞಾನತ್‌ನ ಕ್ರಯಕ್‌ ಎಡ್‌ಪಕಾಯಿತ್‌ ಮೂಡಂಡ ಕೈಯಿಲ್‌ ದುಡ್ಡ್ ಎನ್ನಂಗ್? ಅದ್‌ಂಡ ವಿಷಯತ್‌ ಅಂವೊಂಗ್‌ ಮನಸ್ಸ್‌ ಇಲ್ಲೆಲ್ಲಾ.

ಜ್ಞಾನತ್‌ರ ಪಡಿಮ 18:1

ಜನಡಯಿಂಜ ದೂರ ಇಪ್ಪಂವೊ ತಾಂಗ್‌ ಎಂತ ಕುಶಿ ಉಂಡೋ ಅದ್‌ನೇ ಮಾಡಿತ್, ಪ್ರತಿಯೊರ್‌ ನೇರಾನ ಜ್ಞಾನಕ್‌ ವಿರುದ್ದವಾಯಿತ್‌ ಅಂವೊ ವಾದ ಮಾಡುವ.

ಜ್ಞಾನತ್‌ರ ಪಡಿಮ 23:23

ಸತ್ಯತ್‌ನ ಕ್ರಯಕ್‌ ಎಡ್‌ತ, ಅದ್‌ನ ಮಾರತೆ. ಅನ್ನನೆ ಜ್ಞಾನತ್‌ನ, ಬೋದನೆನ ಪಿಂಞ ಬುದ್ದಿನ ಕ್ರಯಕ್‌ ಎಡ್‌ತ.

ಮತ್ತಾಯ 13:24

ಇಂಞೊರ್ ಕಥೇರ ರೂಪತ್‍ನ ಯೇಸು ಅಯಿಂಗಕ್ ಎಣ್ಣ್‌ಚಿ: ಪರಲೋಕ ರಾಜ್ಯತ್‍ನ ಇನ್ನನೆ ಎಣ್ಣ್‌ವಕ್ ಕಯ್ಯು: ಒರ್ ಮನುಷ್ಯ, ನಲ್ಲ ಗೋದಿ ಕಾಳ್‌ನ ಬೇಲ್‌ಲ್ ಬಿತ್ತುವ.

ಮತ್ತಾಯ 13:46

ಅಂವೊ ಆ ನಲ್ಲ ಮುತ್ತ್ ಮಣಿನ ಕಂಡ್‍ಪುಡ್‌ಚ ಪಿಂಞ ಅಂವೊ ಪೋಯಿತ್, ಅಂವೊಂಡ ಪಕ್ಕ ಇಂಜ ಎಲ್ಲಾ ಐಶ್ವರ್ಯತ್‍ನ ಮಾರ್‌ವಂಜಿ ಆ ನಲ್ಲ ಮುತ್ತ್ ಮಣಿನ ಕ್ರಯಕ್ ಎಡ್‌ಪ.

ಮತ್ತಾಯ 13:47

ಪರಲೋಕ ರಾಜ್ಯ ಎಣ್ಣ್‌ವದ್, ಸಮುದ್ರತ್‍ಲ್ ಚಾಡಿತ್, ನಾನಾ ತರತ್‍ರ ಮೀನ್‌ನ ಒಟ್ಟ್ ಕೂಟ್‌ವ ಬಲೇಕ್ ಸಮವಾಯಿತುಂಡ್.

ಮತ್ತಾಯ 19:21

ಅದ್ಂಗ್ ಯೇಸು: ನೀನ್ ಒರ್ ಕುತ್ತವು ಇಲ್ಲತೆ ಬದ್‍ಕಂಡೂಂದ್ ನೀಕ್ ಆಸೆ ಉಂಡೇಂಗಿ, ಮನೆಕ್ ಪೋಯಿತ್, ನೀಡ ಪಕ್ಕ ಉಳ್ಳ ಆಸ್ತಿನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 19:27

ಅಕ್ಕ ಪೇತ್ರ ಯೇಸುನ ನೋಟಿತ್: ನೋಟ್, ನಂಗ ಎಲ್ಲಾನ ಬುಟ್ಟಿತ್ ನೀಡ ಬಯ್ಯತ್ ಬಾತ್; ನಂಗಕ್ ಎಂತ ಕ್‍ಟ್ಟ್‌ವಾಂದ್ ಕ್‍ೕಟತ್.

ಮತ್ತಾಯ 19:29

ಇದ್‍ಲ್ಲತೆ, ನಾಕಾಯಿತ್ ನಿಂಗಡ ಅಪ್ಪವ್ವನ, ನಿಂಗಡ ಅಣ್ಣತಮ್ಮಣಂಗಳ ಅಕ್ಕತಂಗೆಯಳ, ನಿಂಗಡ ಮನೆನ, ನಿಂಗಡ ತೋಟ ಬೇಲ್‍ನ ಬುಟ್ಟಿತ್ ಬಂದಯಿಂಗಕ್ ನೂರ್ ಪಾಲ್ ಜಾಸ್ತಿ ಕ್‍ಟ್ಟ್‌ವ ಪಿಂಞ ನಿತ್ಯ ಜೀವತ್‍ಲ್ ಪೋಪಕ್ ಹಕ್ಕ್‌ದಾರಂಗಳಾಯಿತ್ ಇಪ್ಪಿರ.

ಮತ್ತಾಯ 6:21

ನಿಂಗಡ ಐಶ್ವರ್ಯ ಎಲ್ಲಿ ಉಂಡೋ ಅಲ್ಲಿಯೇ ನಿಂಗಡ ಹೃದಯ ಎಕ್ಕಾಲು ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:33

ಅನ್ನನೆ ನಿಂಗಡದ್‍ೕಂದ್ ಉಳ್ಳದ್‍ನ ಎಲ್ಲಾ ಬುಟ್ಟ್ ಕೊಡ್‍ಕತೆ ಪೋನಕ ನಾಡ ಶಿಷ್ಯಂಗಳಾಯಿತ್‌ಪ್ಪಕ್ ಕಯ್ಯುಲೆ.

ಯೋಹಾನ 6:35

ನಾನೇ ನಿಂಗಕ್ ಜೀವ ತಪ್ಪ ಒಟ್ಟೀಂದ್ ಯೇಸು ಎಣ್ಣ್‌ಚಿ. ದಾರ್ ನಾಡ ಪಕ್ಕ ಬಪ್ಪ, ಅಯಿಂಗಕ್ ಎಕ್ಕಾಲು ಕೆಲ ಪಯಿಪುಲೆ. ದಾರ್ ನನ್ನ ನಂಬುವ ಅಯಿಂಗಕ್ ಎಕ್ಕಾಲು ಬಾಯಾರಿಕೆ ಆಪುಲೆ.

ರೋಮ್ 15:4

ದೇವಡ ವಾಕ್ಯತ್‍ರಗುಂಡ್ ಕ್‍ಟ್ಟುವ ಪೊರುಮೆ ಪಿಂಞ ಸಮಾದಾನತ್‍ರ ಮೂಲಕ ನಂಗ ನಿರಿಕ್ಷೇಲ್ ಇಪ್ಪಕಾಯಿತ್, ಮಿಂಞಲೇ ದೇವಡ ವಾಕ್ಯತ್‍ಲ್ ಒಳ್‍ದಿ ಬೆಚ್ಚದೆಲ್ಲ ನಂಗಕ್ ಒರ್ ಬೋದನೆಯಾಯಿತ್ ಬೆಚ್ಚಿತುಂಡ್.

ಕೊಲೊಸ್ಸೆ 2:3

ಕ್ರಿಸ್ತಂಡ ಒಳ್‌ಲೇ ಎಲ್ಲಾ ಜ್ಞಾನ ಪಿಂಞ ಬುದ್ದಿ ಎಣ್ಣುವ ಬಂಡಾರ ಮುಚ್ಚಿತುಂಡ್.

ಕೊಲೊಸ್ಸೆ 3:16

ಕ್ರಿಸ್ತಂಡ ವಾಕ್ಯ, ನಿಂಗಡ ಹೃದಯತ್‍ಲ್ ಪೂರ್ತಿಯಾಯಿತ್ ಇರಡ್. ನಿಂಗ ಎಲ್ಲಾ ಜ್ಞಾನತ್‍ಲ್ ಒಬ್ಬಂಗ್ ಒಬ್ಬ ಬೋದನೆ ಮಾಡಿತ್ ಬುದ್ದಿ ಎಣ್ಣಿಯಂಡ್ ಇರಿ. ಕೀರ್ತನೆ ಪಾಡಿಯಂಡ್, ದೇವಡ ಪಾಟ್ ಪಾಡಿಯಂಡ್, ಆತ್ಮೀಯ ಪಾಟ್ ಪಾಡಿಯಂಡ್ ನಿಂಗಡ ಹೃದಯತ್‍ಲ್ ದೇವನ ತುದಿಚಂಡ್ ಇರಿ.

ಇಬ್ರಿಯ 10:34

ಕ್ರಿಸ್ತಂಗಾಯಿತ್ ಜೈಲ್‍ಲ್ ಕೈದಿಯಾಯಿತ್ ಇಂಜಯಿಂಗಕ್ ಕನಿಕರ ಕಾಟಿತುಳ್ಳಿರ, ನಿಂಗಡ ಆಸ್ತಿ ನಿಂಗಳ ಬುಟ್ಟಿತ್ ಪೋಪಕ, ನಿಂಗಕ್ ಪರಲೋಕತ್‍ಲ್ ಇದ್‌ಂಗಿಂಜ ಚಾಯಾನದು, ಪಾಳಾಯಿ ಪೋಕತದುವಾಯಿತುಳ್ಳ ಆಸ್ತಿ ಉಂಡ್‍ೕಂದ್ ಗೊತ್ತಾನಗುಂಡ್, ಸುಲ್‌ಗೆ ಮಾಡ್‌ವಕ್ ಕುಶೀಲ್ ಬುಟ್ಟಿರ.

ಪ್ರಕಟನೆ 3:18

ನೀನ್ ಐಶ್ವರ್ಯವಂತನಾಪಕ್, ತಿತ್ತ್‌ಲ್ ಇಟ್ಟಿತ್ ಎಡ್‌ತ ಪೊನ್ನ್‌ನ ಪಿಂಞ ನೀಡ ಅವಮಾನವಾಯಿತುಳ್ಳ ಬೆತ್ತಲೇನ ಮುಚ್ಚ್‌ವಕ್ ಬೊಳ್‍ತ ಬಟ್ಟೇನ ನಾಡ ಕೈಯಿಂಜ ಕ್ರಯಕ್ ಎಡ್‌ತ ಪಿಂಞ ನೀಡ ಕಣ್ಣ್ ಕಾಂಬನೆಕೆ, ಕಣ್ಣ್‌ಕ್ ಮದ್ದ್ ಇಡ್‍ೕಂದ್ ನಾನ್ ನೀಕ್ ಬುದ್ದಿ ಎಣ್ಣ್‌ವಿ.