40 ಕಚಡತ್‍ನ ಕೂಟಿತ್ ಚುಡ್‍ವನೆಕೆ, ಈ ಲೋಕತ್‍ರ ಅಂತ್ಯ ಇಪ್ಪ.
ಆನಗುಂಡ್, ಮನುಷ್ಯಕುಮಾರಂಗ್ ವಿರೋದವಾಯಿತ್ ತಕ್ಕ್ ಪರಿಯುವಂಗಕ್ ಮನ್ನಿಪ್ ಕ್‍ಟ್ಟ್‌ವ, ಆಚೇಂಗಿ ಪವಿತ್ರಾತ್ಮಂಗ್ ವಿರೋದವಾಯಿತ್ ತಕ್ಕ್ ಪರಿಯುವಂಗಕ್, ಈ ಲೋಕತ್‌ಲು ಪರಲೋಕತ್‌ಲು ಮನ್ನಿಪ್ ಕ್‍ಟ್ಟ್‌ಲೆ.
ಮುಳ್ಳ್‌ರ ಪೊದೆಲ್ ಬುದ್ದ ಕುರು ಎನ್ನನೇಂದ್ ಎಣ್ಣ್‌ಚೇಂಗಿ, ಅಯಿಂಗ ದೇವಡ ವಾಕ್ಯತ್‍ನ ಕ್‍ೕಪ. ಆಚೇಂಗಿ ಈ ಬದ್‍ಕ್‍ರ ವಿಷಯತ್ ಬೇಜಾರ್ ಮಾಡಿಯಂಡ್, ಪಣತ್‍ರ ಮೇಲೆ ಉಳ್ಳ ಆಸೆರಗುಂಡ್, ಇದೆಲ್ಲ, ಅಯಿಂಗ ಕ್‍ೕಟ ದೇವಡ ವಾಕ್ಯತ್‍ನ ನೆರ್‌ಕಿತ್, ಅಯಿಂಗ ಫಲ ಕೊಡ್‍ಕತೆ ಪೋಪ.
ಅದ್‍ನ ಬಿತ್ತುವ ವಿರೋದಿ ಸೈತಾನ. ಕೊಯ್ಯುವ ಕಾಲ ಎಣ್ಣ್‌ವದ್ ಈ ಲೋಕತ್‍ರ ಕಡೆ ಕಾಲ. ಕೊಯಿಪಣಿ ಮಾಡ್‌ವಯಿಂಗ ದೇವದೂತಂಗ.
ಇನ್ನನೆ, ಈ ಲೋಕತ್‍ರ ಕಡೆ ಕಾಲತ್‍ಲ್ ನಡ್‍ಪ. ದೇವದೂತಂಗ ಬಂತ್ ನೀತಿವಂತಯಿಂಗಡ ಮದ್ಯತ್‍ಲ್ ಉಳ್ಳ ಪಾಳ್ ಜನಳ ಬೋರೆ ಮಾಡಿತ್,
ಯೇಸು ಆಲಿವ್ ಕುಂದ್‌ರ ಕೊಡಿಲ್ ಅಳ್‌ತಿತಿಪ್ಪಕ, ಅಂವೊಂಡ ಶಿಷ್ಯಂಗ ಯೇಸುರ ಪಕ್ಕ ಬೋರೆಯಾಯಿತ್ ಬಂತ್: ಇದೆಲ್ಲಾ ಎಕ್ಕ ಆಪಾಂದ್ ಗುಟ್ಟಾಯಿತ್ ಕ್‍ೕಟತ್. ನೀನ್ ಇಂಞೊಮ್ಮ ಬಪ್ಪಕೂ, ಈ ಯುಗತ್‌ರ ಅಂತ್ಯಕೂ ಗುರ್‌ತ್ ಎಂತ್‍ೕಂದ್ ನಂಗಕ್ ಎಣ್ಣಂಡೂಂದ್ ಕ್‍ೕಟತ್.
ನಾನ್ ನಿಂಗಕ್ ಎಂತೆಲ್ಲಾ ಆಜ್ಞೆ ಮಾಡಿತುಂಡೋ ಅದ್‍ಂಗೆಲ್ಲಾ ಬಗ್ಗಿತ್ ನಡ್‍ಪಕ್ ಈ ಪುದಿಯ ಶಿಷ್ಯಂಗಕ್ ಎಣ್ಣಿ ಕೊಡಿ. ಇದಾ, ಈ ಲೋಕತ್‍ರ ಕಡೇಕತ್ತನೆ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪೀಂದ್ ಯೇಸು ಶಿಷ್ಯಂಗಕ್ ಎಣ್ಣ್‌ಚಿ.
ನಂಗಡ ಯೆಹೂದ್ಯ ಮುತ್ತಜ್ಜಂಗಕ್ ಆನದ್ ನಂಗಕ್ ಒರ್ ಉದಾರಣೆಯಾಯಿತ್ ಉಂಡ್; ಲೋಕತ್‍ರ ಆಕೀರ್ ಕಾಲತ್‍ಲ್ ಬದ್‍ಕ್‍ವ ನಂಗಕ್ ಇದ್ ಎಚ್ಚರವಾಯಿತ್ ಇಪ್ಪಕ್ ಇದ್‍ನೆಲ್ಲಾ ಒಳ್‍ದಿ ಬೆಚ್ಚಿತುಂಡ್.
ಅನ್ನನೆ ಇಂಜತೇಂಗಿ ಈ ಲೋಕ ಸೃಷ್ಟಿ ಆನ ಕಾಲತ್ಂಜ ಯೇಸು ದುಂಬ ಕುರಿ ಕಷ್ಟ ಅನುಬವಿಚಿಡುವಕಿಂಜತ್. ಆಚೇಂಗಿ, ಒರೇ ಕುರಿ ಪಾಪತ್‍ನ ಕಳೆಯುವಕಾಯಿತ್ ಅಂವೊನಾಯಿತೇ ಅಂವೊನ ಬಲಿ ಕೊಡ್‍ಪಕ್ ಈ ಆಕೀರ್ ಕಾಲತ್‍ಲ್ ಪ್ರತ್ಯಕ್ಷ ಆಚಿ.
