25 ಒರ್ ದಿನ, ಎಲ್ಲಾರು ವರಿಯಂಡಿಪ್ಪಕ ಅಂವೊಂಡ ವಿರೋದಿ ಬಂದಿತ್ ಕಚಡ ಕುರುನ, ಆ ನಲ್ಲ ಕುರುರ ಮದ್ಯತ್ ಬಿತ್ತ್ವಂಜಿ ಪೋಯಿರುವ.
ಇಂಞೊರ್ ಕಥೇರ ರೂಪತ್ನ ಯೇಸು ಅಯಿಂಗಕ್ ಎಣ್ಣ್ಚಿ: ಪರಲೋಕ ರಾಜ್ಯತ್ನ ಇನ್ನನೆ ಎಣ್ಣ್ವಕ್ ಕಯ್ಯು: ಒರ್ ಮನುಷ್ಯ, ನಲ್ಲ ಗೋದಿ ಕಾಳ್ನ ಬೇಲ್ಲ್ ಬಿತ್ತುವ.
ಬೊಳೆ ಬೊಳಿಯುವಕ ಕಚಡ ಕುರು ಸಹ ನಲ್ಲ ಗೋದಿ ಬೊಳೇರಕೂಡೆ ಬೊಳ್ದಂಡ್ ಬಾತ್.
ಆ ಎಜಮಾನಂಡ ಆಳ್ವ ಬಂದಿತ್: ಸ್ವಾಮೀ, ನೀನ್ ನಲ್ಲ ಕುರು ಮಾತ್ರ ಬಿತ್ತಿಯೆ, ಪಿಂಞ ಎನ್ನನೆ, ಅದ್ಂಡಕೂಡೆ ಕಚಡ ಗಿಡ ಬೊಳ್ದಂಡ್ ಉಂಡ್ೕಂದ್ ಕ್ೕಟತ್.
ಅಕ್ಕ ಎಜಮಾನ: ಇಕ್ಕ ಬೋಂಡ, ಕಚಡ ಗಿಡತ್ನ ನಿಂಗ ಬಲಿಪಕ, ಗೋದಿ ಗಿಡ ಸಹ ಬೇರೋಡೆ ಬಂದ್ರ್ವ. ಆನಗುಂಡ್, ಅದ್ ಸಹ ಆಂಡ ಕೂಡೆ ಬೊಳಿಯಡ್.
ಕೊಯಿಪಣಿ ಸುರು ಆಪಕ, ನಾನ್ ನಾಡ ಆಳ್ವಕ್ ಕಚಡ ಗಿಡತ್ನ ಮಿಂಞ ಬಲ್ಚಿತ್, ಅದ್ನ ಚುಡ್ವಕ್ ಕೆಟ್ಟಿತ್ ಬೆಪ್ಪಕ್ ಎಣ್ಣಿತ್, ಬಯ್ಯ ಗೋದಿನ ಪತ್ತಾಯತ್ಲ್ ಇಟ್ಟಿತ್ ಕೂಟ್ವಕ್ ಎಣ್ಣುವೀಂದ್ ಎಜಮಾನ ಎಣ್ಣ್ಚಿ.
ಅದ್ನ ಬಿತ್ತುವ ವಿರೋದಿ ಸೈತಾನ. ಕೊಯ್ಯುವ ಕಾಲ ಎಣ್ಣ್ವದ್ ಈ ಲೋಕತ್ರ ಕಡೆ ಕಾಲ. ಕೊಯಿಪಣಿ ಮಾಡ್ವಯಿಂಗ ದೇವದೂತಂಗ.
ಮಂಗಲಕಾರ ಬಪ್ಪಕ್ ಚೆನ್ನ ನೇರ ಆಚಿ. ಅಕ್ಕ ಅಯಿಂಗಕ್ ವರ್ಕ್ ಬಂದಿತ್ ವರೀರ್ತ್.
ಆಚೇಂಗಿ, ಈ ವಿಷಯತ್ಲ್ ಯೇಸುನ ನಂಬ್ನಯಿಂಗಾಂದ್ ಎಣ್ಣುವ ಚೆನ್ನ ಕಳ್ಳಂಗ ತರ್ಕ ಮಾಡ್ಚಿ. ಅಯಿಂಗ ದಾರ್ ಎಣ್ಣ್ಚೇಂಗಿ; ದಾರ್ಕು ಗೊತ್ತಿಲ್ಲತೆ ನಂಗಡ ಒಳ್ಕ್ ಕೂಡ್ನ ಅಣ್ಣತಮ್ಮಣಂಗಳೇ. ಯೇಸು ಕ್ರಿಸ್ತನಗುಂಡ್ ನಂಗಕುಳ್ಳ ಸ್ವಾತಂತ್ರತ್ನ, ನಂಗಡಿಂಜ ಎಡ್ಪಕ್ ನೋಟಿತ್, ಯೆಹೂದ್ಯಂಗಡ ನ್ಯಾಯಪ್ರಮಾಣಕ್ ಅಡಿಯಾಳ್ರನೆಕೆ ನಂಗ ಇರಂಡೂಂದ್ ಅಯಿಂಗ ಒತ್ತಾಯ ಮಾಡ್ಚಿ.
ದಾರ್ ಒಬ್ಬನು ದೇವಡ ಕೃಪೇನ ಕಳೆಂದ್ ಪೋಕತನೆಕೆ, ಏದ್ ಒರ್ ವಿಷವುಳ್ಳ ಬೇರೂ ಮೊಳಕೆ ಬುಟ್ಟಿತ್, ಜಗಳ ಉಂಟ್ ಮಾಡಿ ದುಂಬ ಜನ ಪಾಳಾಯಿ ಪೋಕತನೆಕೆ ನೋಟಿಯೊಳಿ.
ತನ್ನಡಕ್ಕ ಉಳ್ಳಯಿಂಗಳಾಯಿತ್, ಎಚ್ಚರತ್ ಇಪ್ಪಯಿಂಗಳಾಯಿತ್ ಇರಿ. ನಿಂಗಡ ವಿರೋದಿಯಾನ ಸೈತಾನ, ಕೂತ್ ಕೊಡ್ಪ ಸಿಂಹತ್ರನೆಕೆ ದಾರ್ನ ಮುಗ್ಗಂಡೂಂದ್ ಸುತ್ತಿಯಂಡ್ ನೋಟಿಯಂಡುಂಡ್.
ಇಸ್ರಾಯೇಲ್ ಜನಡ ಮದ್ಯತ್ಲ್ ಸಹ ಕಳ್ಳ ಪ್ರವಾದಿಯಂಗ ಇಂಜತ್. ಅನ್ನನೆ ನಿಂಗಡ ಮದ್ಯತ್ಲು ಕಳ್ಳ ಬೋದನೆಕಾರಂಗ ಇಪ್ಪ. ಅಯಿಂಗ ದಾರ್ಕು ಗೊತ್ತಿಲ್ಲತನೆಕೆ, ತಂತ್ರವಾಯಿತ್ ದೇವಡ ಮಕ್ಕಳ ಪಾಳ್ ಮಾಡ್ವ ಪಾಳ್ ಬೋದನೆನ ಬೋದನೆ ಮಾಡಿತ್, ಅಯಿಂಗಕ್ ರಕ್ಷಣೆ ತಪ್ಪಕಾಯಿತ್ ಬೆಲೆ ಕೊಡ್ತ ಒಡೆಯನ ಸಹ ಒತ್ತತೆ, ಅಯಿಂಗಕ್ ಅಯಿಂಗಳೇ ಬೆರಿಯ ನಾಶ ಬಪ್ಪನೆಕೆ ಮಾಡ್ವ.
ಬೂಲೋಕತ್ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್ನ ಬೂಮಿಕ್ ಬೂವನೆಕೆ ದೂಡ್ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್ತ್.
ಮಿಂಞತ್ರ ಮೃಗತ್ರ ಎದ್ಕೆ ಗುರ್ತ್ ಕಾರ್ಯ ಕಾಂಬ್ಚಿಡುವಕ್ ತಾಂಗ್ ಕ್ಟ್ಟ್ನ ಅದಿಕಾರತ್ರಗುಂಡ್, ಬೂಲೋಕತ್ಲ್ ಉಳ್ಳ ಜನಳ ಮೋಸ ಮಾಡಿತ್, ಚತ್ತ್ ಪೋಪನೆಕೆ ಗಾಯ ಆಯಿತ್ ವಾಸಿಯಾನ ಮೃಗಕ್ ಒರ್ ವಿಗ್ರಹತ್ನ ಮಾಡಂಡೂಂದ್ ಬೂಮಿಲ್ ವಾಸಮಾಡಿಯಂಡುಳ್ಳಯಿಂಗಕ್ ಎಣ್ಣ್ಚಿ.
ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಅದ್ ಎಂತ ಎಣ್ಣ್ಚೇಂಗಿ, ಯೆಜೆಬೇಲಾಂದ್ ಎಣ್ಣುವ ಒರ್ ಪೊಣ್ಣಾಳ್, ನಾನೇ ಪ್ರವಾದೀಂದ್ ಎಣ್ಣಿಯಂಡ್, ನಾಡ ಸೇವಕಂಗ ವ್ಯಬಿಚಾರ ಪಾಪ ಮಾಡ್ವಕು, ವಿಗ್ರಹಕ್ ಅರ್ಪಿಚಿಟ್ಟದ್ನ ತಿಂಬಕು ಬೋದನೆ ಮಾಡಿತ್, ಅಯಿಂಗಳ ವಂಚನೆ ಮಾಡ್ವಕ್ ನೀನ್ ಜಾಗ ಕೊಡ್ತಂಡುಂಡ್.