ಮತ್ತಾಯ 13:21 - ಕೊಡವ ಬೈಬಲ್

²¹ ಆಚೇಂಗಿ, ಕಲ್ಲ್ ಜಾಗತ್‍ಲ್ ಬೇರೂರತೆ ಉಳ್ಳಗುಂಡ್, ಅದ್ ದುಂಬ ದಿವಸ ಇಪ್ಪುಲೆ. ಇನ್ನನೆ ದೇವಡ ವಾಕ್ಯತ್‍ರಗುಂಡ್ ಕಷ್ಟ, ಹಿಂಸೆ ಬಪ್ಪಕ ಅಯಿಂಗ ಕ್‍ೕಟಾನ ಬೆರಿಯ ಬುಟ್ಟ್‌ರ್‌ವ.

ಮತ್ತಾಯ 13:21 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 12:12

ದುಷ್ ಜನ ಅಯಿಂಗಡ ದುಷ್ಟತ್ತನತಿಂಜ ಕ್‌ಟ್ಟುವದ್‌ಲ್‌ ಕುಶಿ ಪಡುವ. ಆಚೇಂಗಿ ನೀತಿವಂತಂವೊಂಡ ಬೇರ್‌ ಫಲ ತಪ್ಪ.

ಜ್ಞಾನತ್‌ರ ಪಡಿಮ 12:3

ದುಷ್ಟತನತ್‌ರಗುಂಡ್‌ ಒರ್‌ ಮನುಷ್ಯ ನೆಲೆ ಆಪುಲೆ. ಆಚೇಂಗಿ ನೀತಿವಂತಯಿಂಗಡ ಬೇರ್‌ ಅನ್‌ಂಗ್‌ಲೆ.

ಮತ್ತಾಯ 10:22

ನಾಡಗುಂಡ್ ಎಲ್ಲಾ ಜನಳು ನಿಂಗಳ ದ್ವೇಶಿಚುಡುವ, ಆಚೇಂಗಿ ಕಡೇಕತ್ತನೆ ದೃಡವಾಯಿತ್ ನಂಬಿಕೇಲ್ ನಿಪ್ಪಂವೊಂಗ್ ರಕ್ಷಣೆ ಕ್‍ಟ್ಟ್‌ವ.

ಮತ್ತಾಯ 11:6

ನಾಡ ಮೇಲೆ ಅನುಮಾನ ಇಲ್ಲತಂವೊ ಆಶೀರ್ವಾದ ಪಡ್ಂದವೋಂದ್ ಅಯಿಂಗಕ್ ಎಣ್ಣ್‌ಚಿ.

ಮತ್ತಾಯ 13:20

ಚೆನ್ನ ಜನ ಪಾರೆಕಲ್ಲ್‌ರ ಮೇಲೆ ಬುದ್ದ ಕುರುರನೆಕೆ. ದೇವಡ ವಾಕ್ಯತ್‍ನ ಕ್‍ೕಟಿತ್, ಬೆರಿಯ ಕುಶೀಲ್ ಸ್ವೀಕಾರ ಮಾಡ್‌ವ;

ಮತ್ತಾಯ 13:57

ಗೇನ ಮಾಡಿತ್ ಅಂವೊಂಡ ವಿಷಯತ್‍ಲ್ ಬೇಜಾರ್ ಮಾಡಿಯಂಡ್, ಅಂವೊ ಎಣ್ಣ್‌ವಾನ ಅಯಿಂಗಕ್ ನಂಬ್‍ವಕ್ ಕಯಿಂಜಿತ್‌ಲ್ಲೆ. ಯೇಸು ಅಯಿಂಗಳ ನೋಟಿತ್: ಒರ್ ಪ್ರವಾದಿಕ್ ತಾಂಡ ಊರ್ ಪಿಂಞ ಮನೆನ ಬುಟ್ಟಿತ್ ಬೋರೆ ಎಲ್ಲಾ ಜಾಗತ್‍ಲು ಮರ್ಯಾದಿ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ಮತ್ತಾಯ 13:6

ಆಚೇಂಗಿ ಬೆದ್ ಬಪ್ಪಕ ಮೊಳೆಕೆ ಒಣಂಗಿ ಪೋಚಿ. ಎನ್ನಂಗೆಣ್ಣ್‌ಚೇಂಗಿ ಆ ಗಿಡತ್‌ರ ಬೇರ್ ಆಳವಾಯಿತ್ ಪೋಯಿತ್ಂಜಿಲೆ.

ಮತ್ತಾಯ 24:13

ಆಚೇಂಗಿ ಕಡೇಕತ್ತನೆ ಸ್ತಿರವಾಯಿತ್ ನಿಪ್ಪಂವೊಂಗ್ ರಕ್ಷಣೆ ಕ್‍ಟ್ಟುವ.

ಮತ್ತಾಯ 26:31

ಅಕ್ಕ ಯೇಸು ಅಯಿಂಗಳ ನೋಟಿತ್: ಇಂದ್ ಬಯಿಟ್ ನನ್ನಗುಂಡ್ ನಿಂಗ ಓಡಿ ಪೋಪಿರ; ಎನ್ನಂಗೆಣ್ಣ್‌ಚೇಂಗಿ, ನಾನ್ ಕೊರಿ ಕಾಪಂವೊನ ಕೊಲ್ಲುವಿ, ಕೊರಿಯಳು ಚದ್‌ರಿ ಪೋಪಾಂದ್ ದೇವಡ ವಾಕ್ಯ ಎಣ್ಣುವ.

ಮತ್ತಾಯ 26:33

ಅದ್ಂಗ್ ಪೇತ್ರ, ಎಲ್ಲಾರು ನಿನ್ನ ಬುಟ್ಟಿತ್ ಪೋಚೇಂಗಿಯು ನಾನ್ ನಿನ್ನ ಬುಟ್ಟಿತ್ ಪೋಪುಲೇಂದ್ ಎಣ್ಣ್‌ಚಿ.

ಮಾರ್ಕ 4:17

ಆಚೇಂಗಿ ಅದ್ ಅಯಿಂಗಡ ಒಳ್‍ಲ್ ಆಳವಾಯಿತ್ ಬೇರ್ ಇಲ್ಲತಗುಂಡ್, ಚೆನ್ನ ಕಾಲ ಮಾತ್ರ ಇಪ್ಪ. ದೇವಡ ವಾಕ್ಯತ್‍ರಗುಂಡ್ ಕಷ್ಟ, ಹಿಂಸೆ ಬಾತೇಂಗಿ ಅಯಿಂಗ ಅದ್‍ನ ಬುಟ್ಟ್‌ರ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:13

ಪಾರೆಕಲ್ಲ್‌ರ ಮೇಲೆ ಬಿತ್ತ್‌ನ ಜನ, ದೇವಡ ವಾಕ್ಯತ್‍ನ ಕುಶೀಲ್ ಬೆರಿಯ ಸ್ವೀಕಾರ ಮಾಡ್‌ವ, ಆಚೇಂಗಿ ಅದ್ ಅಯಿಂಗಡ ಒಳ್‍ಲ್ ಆಳವಾಯಿತ್ ಬೇರ್ ಪುಡಿಕತಗುಂಡ್, ಚೆನ್ನ ಕಾಲ ಮಾತ್ರ ನಂಬುವ, ಸೋದನೆ ಬಪ್ಪಕ ಅಯಿಂಗ ಬುದ್ದ್ ಪೋಪ.

ಯೋಹಾನ 6:26

ಯೇಸು ಅಯಿಂಗಳ ನೋಟಿತ್: ನಿಂಗ ನಾನ್ ಮಾಡ್‍ನ ಅದ್ಬುತ ಕಾರ್ಯತ್‍ನೆಲ್ಲ ಕಂಡಿತ್ ನಾನ್ ದಾರ್‍ೕಂದ್ ಗೊತ್ತಾನಗುಂಡ್ ನಿಂಗ ನಾಡ ಬಯ್ಯಕ್ ಬಂದಂಡಿಲ್ಲೆ, ನಿಂಗ ಒಟ್ಟಿನ ತಿಂದಿತ್ ತೃಪ್ತಿಯಾನಗುಂಡ್ ಮಾತ್ರ ನಾಡ ಬಯ್ಯಕ್ ಬಂದಂಡುಂಡ್‍ೕಂದ್ ನೇರಾಯಿತು ನೇರಾಯಿತು ನಿಂಗಕ್ ಎಣ್ಣ್‌ವೀಂದ್ ಎಣ್ಣ್‌ಚಿ.

ರೋಮ್ 2:7

ಎಲ್ಲಾನ ತಾಳ್ಮೆಲ್ ಸಹಿಸಿಯಂಡ್, ನಲ್ಲ ಕೆಲಸ ಮಾಡಿಯಂಡ್ ಮಹಿಮೆನ, ಗನತ್‍ನ ಪಿಂಞ ಪಾಳಾಯಿ ಪೋಕತದ್‍ನ ತ್‍ೕಡಿಯಂಡುಳ್ಳಯಿಂಗಕ್ ದೇವ ನಿತ್ಯ ಜೀವ ತಪ್ಪ.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಗಲಾತ್ಯ 6:12

ಅಯಿಂಗಡ ವಿಷಯತ್ ಎಲ್ಲಾರು ಚಾಯಿ ಎಣ್ಣಂಡೂಂದ್ ಗೇನಮಾಡ್‌ವಯಿಂಗಳೇ ನಿಂಗಳ ಸುನ್ನತಿ ಮಾಡಂಡೂಂದ್ ಒತ್ತಾಯ ಮಾಡ್‌ವ. ಅಯಿಂಗ ಕ್ರಿಸ್ತಂಡ ಶಿಲುಬೇರಗುಂಡ್ ಬಪ್ಪ ಕಷ್ಟತ್ಂಜ ತಪ್ಪ್‌ಚಿಡುವಕಾಯಿತ್ ಅನ್ನನೆ ಮಾಡ್‌ವ.

ಗಲಾತ್ಯ 6:15

ಕ್ರಿಸ್ತ ಯೇಸುರ ವಿಷಯತ್‍ಲ್, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು ಒರ್ ಪ್ರಯೋಜನವು ಇಲ್ಲೆ, ಏದ್ ಮುಕ್ಯ ಎಣ್ಣ್‌ಚೇಂಗಿ, ನಂಗ ಅಂವೊಂಡ ಪುದಿಯ ಸೃಷ್ಟಿಯಾಯಿತ್ ಬದ್‍ಲಾಪದೇ.

ಎಫೆಸ 3:17

ನಂಬಿಕೇರ ಮೂಲಕ ಕ್ರಿಸ್ತ ನಿಂಗಡ ಹೃದಯತ್‍ಲ್ ವಾಸಮಾಡಂಡೂಂದು ಪ್ರಾರ್ಥನೆ ಮಾಡ್‌ವಿ. ನಿಂಗ ಪ್ರೀತಿಲ್ ಬೇರೂರಿತ್, ಸ್ತಿರವಾಯಿತ್ ನಿಕ್ಕಂಡೂಂದು,

ಫಿಲಿಪ್ಪಿ 1:6

ದೇವ ನಿಂಗಡಲ್ಲಿ ಸುರು ಮಾಡ್‍ನ ನಲ್ಲ ಕೆಲಸತ್‍ನ ಪೂರ್ತಿ ಮಾಡ್‌ವಕಾಯಿತ್, ಕ್ರಿಸ್ತ ಯೇಸು ಪುನಃ ಈ ಬೂಮಿಕ್ ಬಪ್ಪಕತ್ತನೆ ಮಾಡಿಯಂಡಿಪ್ಪಾಂದ್ ನಾಕ್ ನಂಬಿಕೆ ಉಂಡ್.

2 ತಿಮೊಥೆಯ 1:15

ನೀಕ್ ಗೊತ್ತುಳ್ಳನೆಕೆ ಆಸ್ಯ ಸೀಮೆಲ್ ಉಳ್ಳ ಎಲ್ಲಾರು ನನ್ನ ದೂರ ಮಾಡಿರ್‌ತ್. ಅಯಿಂಗಡಡೆಲ್ ಫುಗೇಲ ಪಿಂಞ ಹೆರ್ಮೊಗೆನ ಎಣ್ಣ್‌ವಯಿಂಗ ಕೂಡೆ ನನ್ನ ದೂರ ಮಾಡಿರ್‌ತ್.

2 ತಿಮೊಥೆಯ 4:10

ಎನ್ನಂಗೆಣ್ಣ್‌ಚೇಂಗಿ ಈ ಲೋಕತ್‍ರ ಮೇಲೆ ಉಳ್ಳ ಆಸೆರಗುಂಡ್ ದೇಮ ನನ್ನ ಬುಟ್ಟಿತ್ ಥೆಸಲೊನೀಕ ಪಟ್ಟಣಕ್ ಪೋಯಿರ್‌ತ್. ಕ್ರೆಸ್ಕ, ಗಲಾತ್ಯಕ್ ಪಿಂಞ ತೀತ, ದಲ್ಮಾತ್ಯಕ್ ಪೋಯಿರ್‌ತ್.

ಯಾಕೋಬ 3:2

ನಂಗ ಎಲ್ಲಾರು ನಾನಾ ತರತ್‍ಲ್ ತಪ್ಪ್ ಮಾಡಿಯಂಡುಂಡ್; ಆಚೇಂಗಿ ನಿಂಗ ನಿಂಗಡ ನಾವ್‌ಕ್ ಕಡಿವಾಣ ಇಟ್ಟತೇಂಗಿ ನಿಂಗಡ ಬದ್‍ಕ್‍ನ ಕಾಪಾಡ್‍ವಿರ.

1 ಪೇತ್ರ 1:5

ಅದ್ಂಗಾಯಿತ್ ನಿಂಗಳ ದೇವ ನಂಬಿಕೇರಗುಂಡ್ ದೇವಡ ಶಕ್ತಿರ ಬಲತ್‍ಲ್, ಆಕೀರ್ ಕಾಲತ್‍ಲ್ ರಕ್ಷಣೆ ಪೊರಮೆ ಕಾಂಬಕತ್ತನೆ ತಯಾರಾಯಿತ್ ಬದ್ರವಾಯಿತ್ ಕಾಪಾಡಿಯಂಡ್,

ಪ್ರಕಟನೆ 2:13

ನೀಡ ಕ್ರಿಯೆ, ಸೈತಾನಂಡ ಸಿಂಹಾಸನ ಇಪ್ಪ ಜಾಗತ್‍ಲ್ ನೀನ್ ವಾಸ ಮಾಡಿಯಂಡುಳ್ಳದ್ ಪಿಂಞ ನೀನ್ ನಾಡ ಪೆದತ್‍ನ ಪುಡ್‍ಚಂಡ್ ಇಪ್ಪದೆಲ್ಲ ನಾಕ್ ಗೊತ್ತುಂಡ್. ಅದಲ್ಲತೆ, ಸೈತಾನ ವಾಸಮಾಡಿಯಂಡುಳ್ಳ ಜಾಗತ್‍ಲ್ ನಿಂಗಡಲ್ಲಿ ನಾಡ ನೇರಾನ ಸಾಕ್ಷಿಯಾನ ಅಂತಿಪ ಎಣ್ಣ್‌ವಂವೊ ನಿಂದಗುಂಡ್, ಅಂವೊನ ಕೊಂದ್‍ರ್‌ತ್. ಅಕ್ಕ ನೀನ್ ನಾಡ ಮೇಲೆ ಇಂಜ ನಂಬಿಕೇನ ಬುಡತೆ ಇಂಜ ವಿಷಯವು ನಾಕ್ ಗೊತ್ತುಂಡ್.