ಮತ್ತಾಯ 13:19 - ಕೊಡವ ಬೈಬಲ್

¹⁹ ದೇವಡ ರಾಜ್ಯತ್‍ರ ವಿಷಯತ್‍ನ ಕ್‍ೕಟಿತ್, ಅರ್ಥ ಆಕತೆ ಇಪ್ಪಕ, ಸೈತಾನ ಬಂದಿತ್ ಅಂವೊಂಡ ಹೃದಯತ್‍ಲ್ ಬುದ್ದ ಕುರುನ ಎಡ್‍ತಂಡ್ ಪೋಯಿರುವ. ಅಂವೊ ನಡ್‍ಪ ಬಟ್ಟೇಲ್ ಬುದ್ದ ಕುರುರನೆಕೆ.

ಮತ್ತಾಯ 13:19 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:7

ಯೆಹೋವಂಗ್‌ ಬೊತ್ತಿತ್‌ ನಡ್‌ಪದೇ ಜ್ಞಾನತ್‌ರ ತೊಡಕ; ಆಚೇಂಗಿ ಮೂಡಂಗ ಜ್ಞಾನತ್‌ನ ಪಿಂಞ ಬೋದನೇನ ಕಡೆಗಟ್ಟ್‌ವ.

ಜ್ಞಾನತ್‌ರ ಪಡಿಮ 17:16

ಜ್ಞಾನತ್‌ನ ಕ್ರಯಕ್‌ ಎಡ್‌ಪಕಾಯಿತ್‌ ಮೂಡಂಡ ಕೈಯಿಲ್‌ ದುಡ್ಡ್ ಎನ್ನಂಗ್? ಅದ್‌ಂಡ ವಿಷಯತ್‌ ಅಂವೊಂಗ್‌ ಮನಸ್ಸ್‌ ಇಲ್ಲೆಲ್ಲಾ.

ಮತ್ತಾಯ 12:26

ಅನ್ನನೆ ಸೈತಾನೇ ಸೈತಾನನ ದೌತ್‌ಚೇಂಗಿ, ಅಂವೊ ಅಂವೊಂಗ್ ವಿರೋದವಾಯಿತ್ ಬಾಗ ಮಾಡ್‌ವನೆಕೆ; ಅನ್ನನೆ ಮಾಡ್‍ಚೇಂಗಿ ಅಂವೊಂಡ ರಾಜ್ಯ ಎನ್ನನೆ ಕಡೇಕತ್ತನೆ ನಿಪ್ಪ?

ಮತ್ತಾಯ 13:20

ಚೆನ್ನ ಜನ ಪಾರೆಕಲ್ಲ್‌ರ ಮೇಲೆ ಬುದ್ದ ಕುರುರನೆಕೆ. ದೇವಡ ವಾಕ್ಯತ್‍ನ ಕ್‍ೕಟಿತ್, ಬೆರಿಯ ಕುಶೀಲ್ ಸ್ವೀಕಾರ ಮಾಡ್‌ವ;

ಮತ್ತಾಯ 13:38

ಬಯಲ್ ಎಣ್ಣ್‌ವದ್ ಈ ಲೋಕ; ನಲ್ಲ ಕುರು, ದೇವಡ ರಾಜ್ಯತ್‍ರ ಮಕ್ಕ; ಕಚಡ ಕುರು ಸೈತಾನಂಡ ಜನ;

ಮತ್ತಾಯ 4:23

ಪಿಂಞ ಯೇಸು, ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಅಲ್ಲಿಯತ್‍ರ ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಮತ್ತಾಯ 5:37

ನಿಂಗಡ ತಕ್ಕ್ ಅಕ್ಕೂಂದ್ ಎಣ್ಣ್‌ಚೇಂಗಿ ಅದ್ ಅಕ್ಕುವಾಯಿತಿರಡ್, ಇಲ್ಲೇಂದ್ ಎಣ್ಣ್‌ಚೇಂಗಿ ಇಲ್ಲೇಂದಿರಡ್. ಇದ್ ಬುಟ್ಟಿತ್ ಬೋರೆ ಏದ್ ಎಣ್ಣ್‌ಚೇಂಗಿಯು, ಅದ್ ಸೈತಾನಿಂಜ ಬಪ್ಪದೇ.

ಮಾರ್ಕ 4:15

ಚೆನ್ನ ಜನ ಬಟ್ಟೇಲ್ ಬುದ್ದ ಕುರುರನೆಕೆ, ದೇವಡ ವಾಕ್ಯತ್‍ನ ಕ್‍ೕಪ ಆಚೇಂಗಿ ಸೈತಾನ ಬಂದಿತ್ ಅದ್‍ನ ಎಡ್‌ತ್‌ರ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:9

ಅಲ್ಲಿ ಕಾಯಿಲಸ್ತಂಗಕ್ ಕಾಯಿಲೆನ ವಾಸಿ ಮಾಡಿತ್, ದೇವಡ ರಾಜ್ಯ ಬೆರಿಯ ಬಪ್ಪಾಂದ್ ಎಲ್ಲಾರ್‌ಕು ಎಣ್ಣಿ ಕೊಡಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:2

ದೇವಡ ರಾಜ್ಯತ್‍ರ ವಿಷಯತ್‍ನ ಬೋದನೆ ಮಾಡ್‌ವಕು ಕಾಯಿಲಸ್ತಂಗಳ ವಾಸಿ ಮಾಡ್‌ವಕು ಅಯಿಂಗಳ ಅಯಿಚತ್.

ಯೋಹಾನ 18:38

ಅಕ್ಕ ಪಿಲಾತ ಯೇಸುನ ನೋಟಿತ್: ಅನ್ನನಾಚೇಂಗಿ ಸತ್ಯ ಎಣ್ಣುವದ್ ಎಂತ್‍ೕಂದ್ ಕ್‍ೕಟತ್. ಇನ್ನನೆ ಎಣ್ಣಿತಾನ ಪಿಂಞ ಪಿಲಾತ, ಪೊರಮೆ ನಿಂದಂಡಿಂಜ ಯೆಹೂದ್ಯ ಅದಿಕಾರಿಯಂಗಡ ಪಕ್ಕ ಬಂದಿತ್: ನಾನ್ ಅಂವೊಂಡ ಪಕ್ಕ ಒರ್ ತಪ್ಪು ಕಾಂಬ್‌ಲೇಂದ್‌ ಎಣ್ಣ್‌ಚಿ.

ಯೋಹಾನ 8:43

ನಾನ್ ಎಣ್ಣುವಾನ ನಿಂಗ ಎನ್ನಂಗ್ ಅರ್ಥ ಮಾಡಿಯಂಡಿಲ್ಲೆ? ಎನ್ನಂಗೆಣ್ಣ್‌ಚೇಂಗಿ, ನಾಡ ಬೋದನೆನ ಕ್‍ೕಪಕ್ ಸಹ ನಿಂಗಕ್ ಕುಶಿಯಿಲ್ಲೆ.

ಅಪೊಸ್ತಲ 17:32

ಪೌಲ ಚತ್ತಯಿಂಗಡ ವಿಷಯತ್‍ನ ಎಣ್ಣ್‌ವಕ, ಚೆನ್ನ ಜನ ಪೌಲಂಗಿಂಜ ನಂಗಕ್ ಚಾಯಿ ಗೊತ್ತುಂಡ್‍ೕಂದ್ ತಮಾಷಿ ಮಾಡ್‍ಚಿ. ಚೆನ್ನ ಜನ, ನೀನ್ ಎಣ್ಣ್‌ವಾನ ಇಂಞೊರ್ ಕುರಿ ನಂಗ ಕ್‍ೕಪಾಂದ್ ಎಣ್ಣ್‌ಚಿ.

ಅಪೊಸ್ತಲ 18:15

ಆಚೇಂಗಿ ನಿಂಗ ಕುತ್ತ ಪರಿಯುವ ವಿಷಯ, ಬೋದನೆರ ವಿಷಯವಾಯಿತು, ಪೆದತ್‍ರ ವಿಷಯವಾಯಿತು ಪಿಂಞ ನಿಂಗಡ ಸ್ವಂತ ನ್ಯಾಯಪ್ರಮಾಣತ್‍ರ ವಿಷಯವಾಯಿತುಳ್ಳಗುಂಡ್, ಇದ್‍ನ ವಿಚಾರಣೆ ಮಾಡ್‌ವಕ್ ನಾಕ್ ಕುಶಿ ಇಲ್ಲೆ, ನಿಂಗಳೇ ಸರಿ ಮಾಡಿಯೊಳೀಂದ್ ಎಣ್ಣ್‌ಚಿ.

ಅಪೊಸ್ತಲ 20:25

ನೋಟಿ: ಇಚ್ಚಕ್ ದಿವಸ ನಿಂಗಡ ಕೂಡೆ ವಾಸ ಮಾಡಿತ್, ದೇವಡ ರಾಜ್ಯತ್‍ರ ಸತ್ಯತ್‍ನ ಬೋದನೆ ಮಾಡ್‍ನ ನನ್ನ ಇಂಞು ಮಿಂಞಕ್ ನಿಂಗಡಲ್ಲಿ ಒಬ್ಬನು ನಾಡ ಮೂಡ್‍ನ ಕಾಂಬ್‍ಲೇಂದ್ ನಾಕ್ ಇಕ್ಕ ಗೊತ್ತುಂಡ್.

ಅಪೊಸ್ತಲ 28:23

ಅಂವೊ ಎಣ್ಣುವಾನ ಕ್‍ೕಪಕಾಯಿತ್ ಒರ್ ದಿವಸತ್‍ನ ಗೊತ್ತ್ ಮಾಡ್‍ಚಿ. ಆ ದಿವಸತ್‍ಲ್ ದುಂಬ ಜನ ಅಂವೊ ಇಂಜ ಮನೆಕ್ ಬಾತ್. ಅಕ್ಕ ಪೌಲ, ಪೊಲಾಕಯಿಂಜ ಬಯಿಟಾಪಕತ್ತನೆ ದೇವಡ ರಾಜ್ಯತ್‍ರ ವಿಷಯತ್‍ನ ವಿವರಿಚಿಟ್ಟಂಡ್, ಸಾಕ್ಷಿ ಎಣ್ಣಿಯಂಡ್, ಮೋಶೇರ ನ್ಯಾಯಪ್ರಮಾಣತ್ಂಜ ಪಿಂಞ ಪ್ರಾವಾದಿಯಡ ಪುಸ್ತಕತ್ಂಜ ಆದಾರತ್‍ನ ಎಡ್‍ತಂಡ್ ಯೇಸುರ ವಿಷಯತ್‍ನ ಅಯಿಂಗಕ್ ವಿವರಿಚಿಟ್ಟಿತ್ ಎಣ್ಣಿಯಂಡಿಂಜತ್.

ರೋಮ್ 1:28

ಅಯಿಂಗಕ್ ದೇವನ ಗೊತ್ತ್ ಮಾಡ್‌ವ ಬುದ್ದಿನ ಗೇನಮಾಡ್‌ವಕ್ ಕುಶಿಯಿಲ್ಲತಗುಂಡ್, ಮಾಡ್‌ವಕ್ಕಾಗತ ಕೆಟ್ಟ ಕೆಲಸತ್‍ನ ಮಾಡ್‌ವಕುಳ್ಳ ಗೇನಕ್ ದೇವ ಅಯಿಂಗಳ ಒಪ್ಪ್‌ಚಿಟ್ಟ್‌ರ್‌ತ್.

ರೋಮ್ 14:17

ಎನ್ನಂಗೆಣ್ಣ್‌ಚೇಂಗಿ, ದೇವಡ ರಾಜ್ಯ ತಿಂಬದು ಕುಡಿಪದು ಅಲ್ಲ, ಅದ್ ನೀತಿಯು, ಸಮಾದಾನವು ಪವಿತ್ರಾತ್ಮತ್‍ರಗುಂಡ್ ಕ್‍ಟ್ಟ್‌ವ ಕುಶಿಯು ಆಯಿತುಂಡ್.

ರೋಮ್ 2:8

ಆಚೇಂಗಿ, ಅಯಿಂಗಕಾಯಿತೇ ಬದ್‍ಕಿಯಂಡ್, ಸತ್ಯತ್‍ರನೆಕೆ ಮಾಡತೆ, ಅನ್ಯಾಯ ಮಾಡಿಯಂಡುಳ್ಳಯಿಂಗಡ ಮೇಲೆ ದೇವಡ ಚೆಡಿಯು, ಬಲ್ಯ ಚೆಡಿಯು ಬಪ್ಪ.

ಎಫೆಸ 3:8

ದೇವಡ ಮಕ್ಕಡಲ್ಲಿ ಎಲ್ಲಾಡಕಿಂಜ ಚೆರಿಯಂವೊನಾನ ನಾಕ್, ಕ್ರಿಸ್ತಂಡ ಲೆಕ್ಕ ಮಾಡ್‌ವಕ್ ಕಯ್ಯತಚ್ಚಕ್ ಉಳ್ಳ ಐಶ್ವರ್ಯತ್‍ನ ಯೆಹೂದ್ಯಂಗಲ್ಲತ ಜನಕ್ ಅರಿಚಿಡುವಕುಳ್ಳ ಈ ಕೃಪೆ ನಾಕ್ ಕ್‍ಟ್ಟ್‌ಚಿ.

2 ಥೆಸಲೊನೀಕ 2:12

ಅದ್ಂಗಾಯಿತ್, ಸತ್ಯತ್‍ನ ನಂಬತೆ, ಪಾಪತ್‍ಲ್ ಕುಶಿಪಟ್ಟಂಡ್ ಇಂಜಯಿಂಗಕ್ ತೀರ್ಪ್ ತಪ್ಪನೆಕೆ ದೇವ ಮಾಡ್‍ಚಿ.

ಇಬ್ರಿಯ 2:1

ಆನಗುಂಡ್, ನಂಗ ಕ್‍ೕಟಿತುಳ್ಳ ವಿಷಯತ್ಂಜ ಜಾರತನೆಕೆ, ಅದ್‍ನ ದುಂಬ ಎಚ್ಚರತ್‍ಲ್ ನೋಟಂಡು.

1 ಯೋಹಾನ 3:12

ತಾಂಡ ತಮ್ಮಣನೇ ಕೊಂದ ಕೇಡ್ ಮಾಡ್‌ವ ಸೈತಾನಂಗ್ ಸ್ವಂತವಾನ ಕಾಯಿನ ಎಣ್ಣ್‌ವಂವೊನೆಕೆ ನಂಗ ಇಪ್ಪಕ್ಕಾಗ. ಕಾಯಿನ ಎನ್ನಂಗ್ ತಾಂಡ ತಮ್ಮಣನಾನ ಹೇಬೆಲನ ಕೊಂದತ್? ತಾನ್ ಮಾಡ್‌ವ ಕೆಲಸ ಕೆಟ್ಟದ್, ತಾಂಡ ತಮ್ಮಣ ಮಾಡ್‌ವ ಕೆಲಸ ನಲ್ಲದ್‍ೕಂದ್ ಗೊತ್ತಾನಗುಂಡ್ ತಮ್ಮಣನ ಕೊಂದತ್.

1 ಯೋಹಾನ 5:18

ದೇವಡ ಮಕ್ಕ ಪಾಪ ಮಾಡಿಯಂಡೇ ಇಪ್ಪುಲೇಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ದೇವಡ ಮೋಂವೊ ಅಯಿಂಗಳ ಬದ್ರವಾಯಿತ್ ಕಾಪಾಡ್‌ವ. ಪಿಂಞ ಸೈತಾನ ಅಯಿಂಗಳ ತೊಂದರೆ ಮಾಡ್‌ವಕ್ ಕಯ್ಯುಲೆ.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.