ಮತ್ತಾಯ 12:41 - ಕೊಡವ ಬೈಬಲ್

⁴¹ ನ್ಯಾಯತೀರ್ಪ್ ದಿವಸತ್‍ಲ್ ನಿನೆವೆ ಪಟ್ಟಣತ್‍ರ ಜನ ಈ ಸಂತಾನಕಾರಡ ಕೂಡೆ ನಿಂದಿತ್ ಈಂಗಳ ಕುತ್ತ ಪರಿಯುವ. ಎನ್ನಂಗೆಣ್ಣ್‌ಚೇಂಗಿ, ಯೋನಂಡ ಬೋದನೆನ ಕ್‍ೕಟಿತ್ ನಿನವೆ ಪಟ್ಟಣತ್‍ರ ಜನ ದೇವಡ ಪಕ್ಕ ತಿರ್‍ಗ್‍ಚಿ. ಇಕ್ಕ, ಯೋನಕಿಂಜ ಬಲ್ಯಂವೊ ಇಲ್ಲಿ ಉಂಡ್ ಆಚೇಂಗಿ ನಿಂಗ ಅಂವೊಂಡ ಬೋದನೆನ ಕ್‍ೕಟಿತ್‌ಲ್ಲೆ.

ಮತ್ತಾಯ 12:41 ပူးပေါင်းရင်းမြစ်များ

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:2

ನೀನ್‌ ಎದ್ದಿತ್‌ ನಿನೆವೆ ಎಣ್ಣುವ ಆ ಬಲ್ಯ ಪಟ್ಟಣಕ್‌ ಪೋಯಿತ್, ಅದ್‌ಂಗ್‌ ವಿರೋದವಾಯಿತ್, ಅಲ್ಲಿ ಉಳ್ಳ ಜನಕ್‌ ಜೋರಾಯಿತ್, ಅಯಿಂಗಡ ದುಷ್ಟತನ ನಾಕ್‍ ಮುಟ್ಟಿತ್‍ೕಂದ್‌ ಕೂತ್ತ್‌ ಕೊಡ್‍ೕಂದ್‌ ಎಣ್ಣ್‌ಚಿ.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 3:4

ಯೋನ ಆ ಬಲ್ಯ ಪಟ್ಟಣತ್‌ಲ್‌ ಪ್ರವೇಷ ಮಾಡಿತ್, ಒರ್‌ ದಿನ ಪ್ರಯಾಣ ಮಾಡಿತ್: ಇಂಞು ನಾಪ್ಪದ್‌ ದಿವಸತ್‌ಲ್‌ ನಿನೆವೆ ಪಟ್ಟಣ ನಾಶ ಆಪಾಂದ್‌ ಪ್ರಚಾರ ಮಾಡ್‌ಚಿ.

ಮತ್ತಾಯ 12:39

ಅದ್ಂಗ್ ಯೇಸು: ದೇವಡ ಮೇಲೆ ನಂಬಿಕೆ ಇಲ್ಲತ, ಕೆಟ್ಟ ಗುಣ ದುಂಬಿತುಳ್ಳ ಈ ಸಂತಾನಕಾರಂಗ ಒರ್ ಗುರ್‌ತ್ ಬೋಂಡೂಂದ್ ತ್‍ೕಡಿಯಂಡುಂಡ್; ಆಚೇಂಗಿ, ಯೋನ ಪ್ರವಾದಿರ ಗುರ್‌ತ್ ಅಲ್ಲತೆ ಬೋರೆ ಒರ್ ಗುರ್‌ತು ಅಯಿಂಗಕ್ ಕಾಟಿತಪ್ಪುಲೆ.

ಮತ್ತಾಯ 12:42

ತೆಕ್ಕ್ ದಿಕ್ಕ್‌ಂಜ ಬಂದ ಶೀಬ ರಾಜ್ಯತ್‍ರ ರಾಣಿ, ಸೊಲೊಮೋನ ರಾಜಂಡ ಜ್ಞಾನತ್‍ನ ಕ್‍ೕಪಕಾಯಿತ್ ಈ ಲೋಕತ್‍ರ ಕಡೇಯಿಂಜ ಪ್ರಯಾಣ ಮಾಡಿತ್ ಬಾತ್. ಇಕ್ಕ ಸೊಲೊಮೋನ ರಾಜಕಿಂಜ ಬಲ್ಯಂವೊ ಇಲ್ಲಿ ಉಂಡ್. ಆಚೇಂಗಿ ನಿಂಗ ಅಂವೊಂಡ ಬೋದನೆನ ಕ್‍ೕಟಿತ್ತ್‌ಲ್ಲೆ. ಆನಗುಂಡ್, ನ್ಯಾಯತೀರ್ಪ್ ದಿನತ್‌ಲ್ ಶೀಬ ರಾಜ್ಯತ್‍ರ ರಾಣಿ ಈ ಸಂತಾನಕಾರಡ ಕೂಡೆ ನಿಂದಿತ್ ಈಂಗಳ ಕುತ್ತ ಪರಿಯುವ.

ಮತ್ತಾಯ 12:45

ಅದ್ ಪೊರಮೆ ಪೋಪಂಜಿ ಅದ್‍ಕಿಂಜ ಮೋಸವಾಯಿತುಳ್ಳ ಇಂಞು ಏಳ್ ಕೂಳಿಯಳ ಕಾಕಿಯಂಡ್ ಬಪ್ಪ. ಅಯಿಂಗೆಲ್ಲಾರು ಆ ಮನೆಲ್ ಪೋಯಿತ್ ವಾಸ ಮಾಡ್‌ವ; ಅಕ್ಕ ಆ ಮನುಷ್ಯ ಮಿಂಞ ಇಂಜಾಂಗಿಂಜ ಪಾಳ್ ಸ್ತಿತಿಲ್ ಇಪ್ಪ; ಇನ್ನನೆ ಈ ಸಂತಾನಕಾರಂಗಕು ಆಪಾಂದ್ ಎಣ್ಣ್‌ಚಿ.

ಮತ್ತಾಯ 12:6

ಆಚೇಂಗಿ, ಈ ದೇವಾಲಯಕಿಂಜ ಬಲ್ಯಂವೊ ಇಲ್ಲಿ ಉಂಡ್‍ೕಂದ್ ನಾನ್ ನಿಂಗಕ್ ಎಣ್ಣುವೀಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 16:4

ದೇವನ ನೇರಾಯಿತ್ ಆರಾದನೆ ಮಾಡತ ಮೋಸವಾನ ಈ ಸಂತಾನಕಾರಂಗ, ನನ್ನಿಂಜ ಒರ್ ಗುರ್‌ತ್ ಬೋಂಡೂಂದ್ ಕ್‍ೕಪ. ಆಚೇಂಗಿ, ಯೋನ ಪ್ರವಾದಿರ ಗುರ್‌ತ್ ಅಲ್ಲತೆ ಬೋರೆ ಒರ್ ಗುರ್‌ತು ಈಂಗಕ್ ತಪ್ಪ್‌ಲೇಂದ್ ಎಣ್ಣಿತ್ ಅಯಿಂಗಳ ಬುಟ್ಟಿತ್ ಪೋಚಿ.

ಮತ್ತಾಯ 17:17

ಯೇಸು ಅಲ್ಲಿ ಕೂಡಿತ್ಂಜ ಜನಳ ನೋಟಿತ್: ನಂಬಿಕೆ ಇಲ್ಲತ ಮೋಸವಾನ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ.

ಮತ್ತಾಯ 23:36

ಇದೆಲ್ಲ ಈ ಸಂತಾನಕಾರಂಗಡ ಮೇಲೆ ಬಪ್ಪಾಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:32

ನ್ಯಾಯತೀರ್ಪ್ ದಿವಸತ್‍ಲ್ ನಿನೆವೆ ಪಟ್ಟಣತ್‍ರ ಜನ ಈ ಸಂತಾನಕಾರಡ ಕೂಡೆ ನಿಂದಿತ್ ಈಂಗಳ ಕುತ್ತ ಪರಿಯುವ. ಎನ್ನಂಗೆಣ್ಣ್‌ಚೇಂಗಿ, ಯೋನಂಡ ಬೋದನೆನ ಕ್‍ೕಟಿತ್ ನಿನವೆ ಪಟ್ಟಣತ್‍ರ ಜನ ದೇವಡ ಪಕ್ಕ ತಿರ್‍ಗ್‍ಚಿ. ಇಕ್ಕ, ಯೋನಕಿಂಜ ಬಲ್ಯಂವೊ ಇಲ್ಲಿ ಉಂಡ್ ಆಚೇಂಗಿ ನಿಂಗ ಅಂವೊಂಡ ಬೋದನೆನ ಕ್‍ೕಟಿತ್‌ಲ್ಲೆ.

ಯೋಹಾನ 3:31

ಕ್ರಿಸ್ತ ಪರಲೋಕತ್ಂಜ ಬಂದಂವೊ, ಅಂವೊ ಎಲ್ಲಾರ್ಕಿಂಜ ಬಲ್ಯಂವೊ. ಬೂಲೋಕತ್ಂಜ ಬಂದಯಿಂಗ, ಈ ಲೋಕತ್‍ರ ತಕ್ಕ್ ಪರಿಯುವ. ಆಚೇಂಗಿ, ಅಂವೊ ಪರಲೋಕತ್ಂಜ ಬಂದಂವೊ, ಆನಗುಂಡ್ ಅಂವೊ ಎಲ್ಲಾರ್ಕಿಂಜ ಬಲ್ಯಂವೊನಾಯಿತುಂಡ್.

ಯೋಹಾನ 4:12

ಈ ಕಣತರೆನ ನಂಗಕ್ ದಾನಮಾಡ್‍ನ ನಂಗಡ ಮುತ್ತಜ್ಜನಾನ ಯಾಕೋಬಕಿಂಜ ನೀನ್ ಬಲ್ಯಂವೊನಾ? ಅಂವೊ, ಅಂವೊಂಡ ಮಕ್ಕ, ಅಂವೊ ಚಾಕಿಯಂಡ್ ಇಂಜ ಪ್ರಾಣಿಯ ಎಲ್ಲಾ ಇದೇ ಕಣತರೆರ ನೀರ್‌ನ ಕುಡಿಚತ್‍ೕಂದ್ ಎಣ್ಣ್‌ಚಿ.

ರೋಮ್ 2:27

ತಡೀಲ್ ಸುನ್ನತಿ ಮಾಡತಯಿಂಗಳಾಯಿತ್ ಇಂಜತೇಂಗಿಯು, ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಯಿಂಗಳಾಯಿತ್ಂಜತೇಂಗಿ, ನ್ಯಾಯಪ್ರಮಾಣ ಗೊತ್ತುಳ್ಳಯಿಂಗಳಾಯಿತು, ಸುನ್ನತಿ ಮಾಡ್‍ನಯಿಂಗಳಾಯಿತು ಉಳ್ಳ ನಿಂಗ ನ್ಯಾಯಪ್ರಮಾಣತ್‍ನ ಮೀರಿತ್ ನಡ್‍ಪಕ, ಅಯಿಂಗ ನಿಂಗಳ ತೀರ್ಪ್ ಮಾಡ್‌ವ ಅಲ್ಲ?

ಇಬ್ರಿಯ 11:7

ನಂಬಿಕೇರ ಮೂಲಕ ನೋಹ, ಅಂವೊ ಬದ್‍ಕಿಯಂಡ್ ಇಂಜ ಕಾಲತ್‍ಲ್, ಮಿಂಞಕ್ ಬಪ್ಪಕುಳ್ಳ ವಿಷಯತ್‍ಲ್ ದೇವಡಿಂಜ ಎಚ್ಚರ ಕ್‍ಟ್ಟಿತ್, ದೇವಡ ಬಕ್ತಿ ಉಳ್ಳಂವೊನಾಯಿತ್, ತಾಂಡ ಮನೆಲ್ ಉಳ್ಳಯಿಂಗಳ ಕಾಪಾಡ್‌ವಕ್ ಒರ್ ಕಪ್ಪಲ್‌ನ ಮಾಡ್‍ಚಿ; ಅದ್‍ನಗುಂಡ್, ಈ ಲೋಕಕ್ ದಂಡೆನೇರ ತೀರ್ಪ್ ಕ್‍ಟ್ಟ್‌ಚೀಂದ್ ತೀರ್ಪ್ ಮಾಡಿತ್, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿಕ್ ಬಾದ್ಯತೆ ಕ್‌ಟ್ಟ್‌ನಂವೊನಾಚಿ.