ಮತ್ತಾಯ 12:36 - ಕೊಡವ ಬೈಬಲ್

³⁶ ಮನುಷ್ಯ ಪರಿಯುವ ಓರೋರ್ ಪ್ರಯೋಜನ ಇಲ್ಲತ ತಕ್ಕ್‌ಕೂ ದೇವ ತೀರ್ಪ್ ಮಾಡ್‌ವ ದಿವಸತ್‍ಲ್ ಲೆಕ್ಕ ಕೊಡ್‍ಕಂಡೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಮತ್ತಾಯ 12:36 ပူးပေါင်းရင်းမြစ်များ

ಮತ್ತಾಯ 10:15

ದೇವ ತೀರ್ಪ್ ತಪ್ಪ ದಿವಸತ್‍ಲ್, ಈ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆಕಿಂಜ, ಸೊದೋಮ್ ಗೊಮೋರ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆ ಕಮ್ಮಿಯಾಯಿತಿಪ್ಪಾಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 11:22

ಆಚೇಂಗಿ ನಾನ್ ನಿಂಗಕ್ ಎಣ್ಣ್‌ವಿ, ದೇವ ತೀರ್ಪ್ ತಪ್ಪ ದಿವಸತ್‍ಲ್ ನಿಂಗಕ್ ಕ್‍ಟ್ಟ್‌ವ ಶಿಕ್ಷೆಕಿಂಜ ತೀರ್ ಸೀದೋನ್ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆ ಕಮ್ಮಿಯಾಯಿತ್‌ಪ್ಪ.

ಮತ್ತಾಯ 12:37

ಎನ್ನಂಗೆಣ್ಣ್‌ಚೇಂಗಿ, ನೀಡ ತಕ್ಕ್‌ಯಿಂಜಲೇ ನೀನ್ ನೀತಿವಂತಂವೋಂದ್ ಅಥವ ತಪ್ಪ್ ಮಾಡ್‍ನಂವೋಂದ್ ತೀರ್ಪ್ ಮಾಡ್‌ವಾಂದ್ ಯೇಸು ಎಣ್ಣ್‌ಚಿ.

ರೋಮ್ 14:12

ಆನಗುಂಡ್ ನಂಗ ಒಬ್ಬೊಬ್ಬನು ದೇವಡ ಮಿಂಞತ್ ನಂಗಡ ವಿಷಯತ್ ಲೆಕ್ಕ ಕೊಡ್‍ಕಂಡು.

ರೋಮ್ 2:16

ಇದ್, ನಾನ್ ಎಣ್ಣುವ ದೇವಡ ನಲ್ಲ ಸುದ್ದಿರನೆಕೆ, ದೇವ ಯೇಸು ಕ್ರಿಸ್ತಂಡ ಮೂಲಕ ಮನುಷ್ಯಂಗಡ ಗುಟ್ಟ್‌ನೆಲ್ಲ ನ್ಯಾಯತೀರ್ಪ್ ಮಾಡ್‌ವ ದಿವಸತ್‍ಲ್ ಆಪ.

ಯಾಕೋಬ 3:6

ಅನ್ನನೆ ನಂಗಡ ನಾವ್ ಒರ್ ತಿತ್ತ್‌ರನೆಕೆ. ಅದ್ ತಡೀರ ಅಂಷತ್‌ಲ್ ಅನೀತಿ ದುಂಬ್‍ನ ಲೋಕ; ಅದ್ ಮನುಷ್ಯಂಡ ಒಟ್ಟ್ ಶರೀರತ್‌ನ ಪಾಳ್ ಮಾಡ್‌ವ, ಅಂವೊಂಡ ಈ ಬದ್‍ಕ್‍ನ ನರಕತ್‌ರ ತಿತ್ತ್‌ರಗುಂಡ್ ಕತ್ತಿಚಿಡುವ.

ಪ್ರಕಟನೆ 20:12

ಚತ್ತಯಿಂಗಳಾನ ಚೆರಿಯಯಿಂಗಳ, ಬಲ್ಯಯಿಂಗಳ, ದೇವಡ ಸಿಂಹಾಸನತ್‍ರ ಎದ್‍ಕೆ ನಿಂದಿತುಳ್ಳಾನ ಕಂಡಿಯೆ. ಅಕ್ಕ ಪುಸ್ತಕ ಎಲ್ಲಾ ತೊರ್ಂದತ್, ಅಲ್ಲಿಂಜ ಜೀವ ಪುಸ್ತಕ ಎಣ್ಣುವ ಬೋರೆ ಒರ್ ಪುಸ್ತಕವು ತೊರ್ಂದತ್; ಅಕ್ಕ ಆ ಪುಸ್ತಕತ್‍ಲ್ ಒಳ್‍ದಿತುಳ್ಳನೆಕೆ, ಚತ್ತಯಿಂಗಕ್ ಅಯಿಂಗಯಿಂಗ ಮಾಡ್‍ನ ಕ್ರಿಯೇಕ್ ತಕ್ಕಂತ ನ್ಯಾಯತೀರ್ಪ್ ಕ್‍ಟ್ಟ್‌ಚಿ.