ಮತ್ತಾಯ 12:30 - ಕೊಡವ ಬೈಬಲ್

³⁰ ನಾಡ ಕೂಡೆ ಇಲ್ಲತಂವೊ ನಾಕ್ ವಿರೋದಿಯಾಯಿತ್‌ಪ್ಪ. ನಾಡ ಕೂಡೆ ಬೊಳೆನ ಕೂಟತಂವೊ ನಾಡದ್‌ನ ಚದ್‍ರಿಚಿಡ್‌ವ.

ಮತ್ತಾಯ 12:30 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 49:10

ಸಮಾದಾನತ್‌ರ ಆಳುವಿಕೆ ತಪ್ಪಂವೊ ಬಪ್ಪಕತ್ತನೆ, ರಾಜ ಅದಿಕಾರ ಯೆಹೂದನ ಬುಟ್ಟಿತ್‌ ಪೋಪದು ಇಲ್ಲೆ, ಆಳ್‌ವಿಕೆರೆ ಕೋಲ್‌ ಅಂವೊಂಡ ಕಾಲ್‌ನ ಬುಟ್ಟಿತ್‌ ಪೋಪದು ಇಲ್ಲೆ. ದುಂಬ ಜನಾಂಗ ಅಂವೊಂಗ್‌ ಬಗ್ಗಿತ್‌ ನಡ್‌ಪ.

ಜ್ಞಾನತ್‌ರ ಪಡಿಮ 11:24

ದಾರಾಳವಾಯಿತ್‌ ಕೊಡ್‌ತಿತ್‌ ಇಂಞು ಐಶ್ವರ್ಯನಾನಂವೊ ಉಂಡ್, ಕೊಡಪಕುಳ್ಳದ್‌ನ ಕೊಡ್‌ಕತೆ ಗರೀಬನಾನಂವೊನು ಉಂಡ್.

ಮತ್ತಾಯ 12:29

ಇಂಞು ನಾನ್ ಎಂತ ಎಣ್ಣಿಯಂಡುಳ್ಳ್‌ಂದ್ ಎಣ್ಣ್‌ಚೇಂಗಿ, ಒರ್ ಗಟ್ಟಿಮುಟ್ಟಾನ ಮನುಷ್ಯನ ಕೆಟ್ಟಿ ಇಡತೆ ಪೋಚೇಂಗಿ ಅಂವೊಂಡ ಮನೆನ ಒಡ್‌ಪಂಜಿ ಅಂವೊಂಡ ಮನೆರ ಒಳ್‍ಲ್ ಉಳ್ಳದ್‍ನ ಲೂಟಿ ಮಾಡ್‌ವಕಯ್ಯುವ? ಅಂವೊಂಡ ಕೈಕಾಲ್‌ನ ಕೆಟ್ಟಿತ್ ಇಟ್ಟಿತುಂಡೇಂಗಿ ಮಾತ್ರ ಅಂವೊಂಡ ಮನೆನ ಲೂಟಿ ಮಾಡ್‌ವಕಯ್ಯು.

ಮತ್ತಾಯ 6:24

ದಾರೂ ದಂಡ್ ಎಜಮಾನಂಗ್ ಸೇವೆ ಮಾಡ್‌ವಕ್ ಕಯ್ಯುಲೆ. ಅಂವೊ ಒಬ್ಬನ ಕುಶಿಪಡ್‌ತ್‌ವ, ಇಂಞೊಬ್ಬನ ದ್ವೇಶ ಮಾಡ್‌ವ. ಅಥವ ಒಬ್ಬನ ಪ್ರೀತಿ ಮಾಡಿಯಂಡ್ ಇಂಞೊಬ್ಬನ ದೂರ್‌ವ. ನಿಂಗ ದೇವನ ಪಿಂಞ ಪಣತ್‍ನ ಒಕ್ಕಚೆ ಸೇವೆ ಮಾಡ್‌ವಕ್ ಕಯ್ಯುಲೆ.

ಮಾರ್ಕ 9:40

ನಂಗಳ ವಿರೋದ ಮಾಡತಂವೊ ನಂಗಡಕಡೆಕಾರನೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:23

ನಾಡ ಕೂಡೆ ಇಲ್ಲತಂವೊ ನಾಕ್ ವಿರೋದಿಯಾಯಿತ್‌ಪ್ಪ. ನಾಡ ಕೂಡೆ ಬೊಳೆನ ಕೂಟತಂವೊ ನಾಡದ್‌ನ ಚದ್‍ರಿಚಿಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:50

ಅದ್ಂಗ್ ಯೇಸು: ಅಂವೊನ ನಿಪ್ಪ್‌ಚಿಡಂಡ; ನಿಂಗಕ್ ವಿರೋದವಾಯಿತಲ್ಲತಂವೊ ನಿಂಗಡ ಗುಂಪ್‌ಕ್ ಕೂಡ್‍ನಂವೊನೇಂದ್ ಎಣ್ಣ್‌ಚಿ.

ಯೋಹಾನ 11:52

ಯೆಹೂದ್ಯ ಜನಕಾಯಿತ್ ಮಾತ್ರ ಅಲ್ಲ, ಚದ್‌ರಿ ಪೋನ ದೇವಡ ಮಕ್ಕಳ ಒಟ್ಟ್ ಕೂಟಿತ್ ಒಂದಾಯಿತ್ ಮಾಡ್‌ವಕಾಯಿತ್ ಚಾವಾಂದು ಪ್ರವಾದನೆಯಾಯಿತ್ ಎಣ್ಣ್‌ಚಿ.

1 ಯೋಹಾನ 2:19

ಈ ಜನ ನಂಗಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತ್ ಇಂಜಿತಿಲ್ಲೆ, ಅದ್ಂಗೇ ಅಯಿಂಗ ನಂಗಳ ಬುಟ್ಟಿತ್ ಪೋಚಿ. ಅಯಿಂಗ ನಂಗಡ ಜನಾಂಗಾಯಿತ್ ಇಂಜಿತೇಂಗಿ ಅಯಿಂಗ ನಂಗಡ ಕೂಡೆ ಇಪ್ಪಕಿಂಜತ್. ಆಚೇಂಗಿ ಅಯಿಂಗ ನಂಗಳ ಬುಟ್ಟಿತ್ ಪೋನಗುಂಡ್, ಒಬ್ಬ ಕೂಡೆ ನಂಗಡ ಜನ ಇಲ್ಲೇಂದ್ ಗೊತ್ತಾಚಿ.