ಮತ್ತಾಯ 12:26 - ಕೊಡವ ಬೈಬಲ್

²⁶ ಅನ್ನನೆ ಸೈತಾನೇ ಸೈತಾನನ ದೌತ್‌ಚೇಂಗಿ, ಅಂವೊ ಅಂವೊಂಗ್ ವಿರೋದವಾಯಿತ್ ಬಾಗ ಮಾಡ್‌ವನೆಕೆ; ಅನ್ನನೆ ಮಾಡ್‍ಚೇಂಗಿ ಅಂವೊಂಡ ರಾಜ್ಯ ಎನ್ನನೆ ಕಡೇಕತ್ತನೆ ನಿಪ್ಪ?

ಮತ್ತಾಯ 12:26 ပူးပေါင်းရင်းမြစ်များ

ಮತ್ತಾಯ 13:19

ದೇವಡ ರಾಜ್ಯತ್‍ರ ವಿಷಯತ್‍ನ ಕ್‍ೕಟಿತ್, ಅರ್ಥ ಆಕತೆ ಇಪ್ಪಕ, ಸೈತಾನ ಬಂದಿತ್ ಅಂವೊಂಡ ಹೃದಯತ್‍ಲ್ ಬುದ್ದ ಕುರುನ ಎಡ್‍ತಂಡ್ ಪೋಯಿರುವ. ಅಂವೊ ನಡ್‍ಪ ಬಟ್ಟೇಲ್ ಬುದ್ದ ಕುರುರನೆಕೆ.

ಮತ್ತಾಯ 4:10

ಅದ್ಂಗ್ ಯೇಸು: ನಾಡ ಬಯ್ಯಕ್ ಪೋ ಸೈತಾನೇ, ನೀಡ ಒಡೆಯನಾನ ದೇವನ ಮಾತ್ರ ಸೇವೆ ಮಾಡಿತ್, ಅಂವೊ ಒಬ್ಬಂಗೇ ಆರಾದನೆ ಮಾಡಂಡೂಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 9:34

ಆಚೇಂಗಿ ಫರಿಸಾಯಂಗ: ಇಂವೊ ಕೂಳಿಯಡ ಮುಕ್ಯಸ್ತ ಕೊಡ್‍ಪ ಶಕ್ತಿಯಿಂಜ ಕೂಳಿನ ಬುಡ್‌ತಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 12:31

ದೇವ ಈ ಲೋಕಕ್ ನ್ಯಾಯತೀರ್ಪ್ ಮಾಡ್‌ವ ಸಮಯ ಇಕ್ಕಲೆ ಬಾತ್. ಈ ಲೋಕತ್‍ರ ಅದಿಪತಿನ ಇಕ್ಕಲೆ ದೇವ ಪೊರಮೆ ಚಾಡಿರ್‍ವ.

ಯೋಹಾನ 14:30

ಇಂಞು ಮಿಂಞಕ್ ನಾನ್ ನಿಂಗಡ ಕೂಡೆ ದುಂಬ ತಕ್ಕ್ ಪರಿಯುವಕ್ ಕಯ್ಯುಲೆ. ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ರ ಅದಿಪತಿ ಬಂದಂಡುಂಡ್. ನಾಡ ಮೇಲೆ ಅಂವೊಂಗ್ ಏದ್ ಶಕ್ತಿಯು ಇಲ್ಲೆ.

ಯೋಹಾನ 16:11

ಈ ಲೋಕಕ್ ನ್ಯಾಯತೀರ್ಪ್ ಕಂಡಿತವಾಯಿತ್ ಬಪ್ಪಾಂದ್ ಕಾಟಿತಪ್ಪ. ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ರ ಅದಿಕಾರಿನ ದೇವ ಇಕ್ಕಲೆ ನ್ಯಾಯತೀರ್ಪ್ ಮಾಡಿಯತ್.

2 ಕೊರಿಂಥ 4:4

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

ಕೊಲೊಸ್ಸೆ 1:13

ಪಿಂಞ ಇರ್‌ಟ್‌ರ ಅದಿಕಾರತ್ಂಜ ನಂಗಳ ಬುಡುಗಡೆ ಮಾಡಿತ್, ತಾಂಡ ಪ್ರೀತಿರ ಮೋಂವೊಂಡ ರಾಜ್ಯಕ್ ಕೊಂಡ್ ಬಂದ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

1 ಯೋಹಾನ 5:19

ಇಡಿ ಲೋಕ ಸೈತಾನಂಡ ಕೈಯಿಲ್ ಉಂಡೇಂಗಿಯು, ನಂಗೆಲ್ಲಾ ದೇವಕ್ ಕೂಡ್‍ನಯಿಂಗಾಂದ್ ನಂಗಕ್ ಗೊತ್ತುಂಡ್.

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.

ಪ್ರಕಟನೆ 16:10

ಅಂಜನೆ ದೂತ ತಾಂಡ ಪಾತ್ರತ್‍ಲ್ ಉಳ್ಳದ್‍ನ ಮೃಗತ್‍ರ ಸಿಂಹಾಸನತ್‍ರ ಮೇಲೆ ಬೂಕ್‍ಚಿ. ಅಕ್ಕ ಅದ್ಂಡ ರಾಜ್ಯ ಇರ್‌ಟಾಯಿ ಪೋಚಿ;

ಪ್ರಕಟನೆ 9:11

ಅಯಿಂಗಕ್ ಒರ್ ರಾಜ ಇಂಜತ್, ಅಂವೊ ಪಾತಾಳತ್‍ರ ದೂತ; ಇಬ್ರಿಯ ಬಾಷೆಲ್ ಅಬದ್ದೋನಾಂದೂ, ಗ್ರೀಕ್ ಬಾಷೆಲ್ ಅಪೊಲ್ಲುವೋನಾಂದೂ ಅಂವೊಂಗ್ ಪೆದ ಉಂಡ್.