ಮತ್ತಾಯ 12:24 - ಕೊಡವ ಬೈಬಲ್

²⁴ ಫರಿಸಾಯಂಗ ಇದ್‍ನ ಕ್‍ೕಪಕ: ಇಂವೊ, ಕೂಳಿಯಡ ಮುಕ್ಯಸ್ತ ಬೆಲ್ಜೆಬೂಲನಗುಂಡ್ ಅಲ್ಲತೆ ಬೋರೆ ಏದ್ ಶಕ್ತಿಯಿಂಜಲು ಕೂಳಿನ ಬುಡ್‍ತಿಯಂಡಿಲ್ಲೇಂದ್ ಎಣ್ಣ್‌ಚಿ.

ಮತ್ತಾಯ 12:24 ပူးပေါင်းရင်းမြစ်များ

ಮತ್ತಾಯ 10:25

ಒರ್ ಶಿಷ್ಯ ಉಪಾದ್ಯಂಡನೆಕೆ ಇಂಜತೇಂಗಿ ಮದಿ, ಅನ್ನನೆ ಒರ್ ಆಳ್ ಅಂವೊಂಡ ಎಜಮಾನಂಡನೆಕೆ ಇಂಜತೇಂಗಿ ಮದಿ. ಮನೆರ ಎಜಮಾನನೇ ಬೆಲ್ಜೆಬೂಲ್ ಎಂದ್ ಕಾಕ್‍ಚೇಂಗಿ, ಅಂವೊಂಡ ಮನೆಕಾರಳ ಇಂಞು ಎಚ್ಚಕ್ ಎಣ್ಣುವ?

ಮತ್ತಾಯ 9:32

ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಅಲ್ಲಿಂಜ ಪೊರಡ್‍ವಕ, ಚೆನ್ನ ಜನ, ಕೂಳಿ ಪುಡ್‌ಚಿತ್ ಬಾಯಿ ಬಕ್ಕತೆ ಉಳ್ಳ ಒರ್ ಮನುಷ್ಯನ ಯೇಸುರ ಪಕ್ಕ ಕಾಕಿಯಂಡ್ ಬಾತ್.

ಮತ್ತಾಯ 9:34

ಆಚೇಂಗಿ ಫರಿಸಾಯಂಗ: ಇಂವೊ ಕೂಳಿಯಡ ಮುಕ್ಯಸ್ತ ಕೊಡ್‍ಪ ಶಕ್ತಿಯಿಂಜ ಕೂಳಿನ ಬುಡ್‌ತಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 3:22

ಯೆರೂಸಲೇಮ್ಂಜ ಚೆನ್ನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಬಂದಿತ್, ಯೇಸುಕ್ ಬೆಲ್ಜೆಬೂಲ್ ಎಣ್ಣುವ ಕೂಳಿ ಪುಡ್‌ಚಿತುಂಡ್, ಇಂವೊ ಸೈತಾನಂಡ ಎಜಮಾನನಗುಂಡ್ ಸೈತಾನನ ಬುಡ್‌ತಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:14

ಅಲ್ಲಿಂಜ, ಒರ್ ಮನುಷ್ಯನ ತಕ್ಕ್‌ಪರಿವಕ್ ಕಯ್ಯತ ಮಾಡಿತ್ಂಜ ಕೂಳಿನ ಯೇಸು ಬುಡ್‌ತ್‌ಚಿ. ಆ ಕೂಳಿ ಬುಟ್ಟಿತ್ ಪೋನ ಪಿಂಞ ಆ ಮನುಷ್ಯಂಗ್ ತಕ್ಕ್‌ಪರಿವಕ್ ಆಚಿ; ಅಲ್ಲಿ ಉಳ್ಳ ಜನಕೆಲ್ಲ ದುಂಬ ಆಶ್ಚರ್ಯ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:15

ಆಚೇಂಗಿ, ಅಲ್ಲಿ ಉಳ್ಳ ಚೆನ್ನ ಜನ: ಇಂವೊ ಕೂಳಿಯಡ ಮುಕ್ಯಸ್ತ ಬೆಲ್ಜೆಬೂಲನಗುಂಡ್ ಕೂಳಿ ಬುಡ್‌ತಿಯಂಡುಂಡ್‍ೕಂದ್ ಎಣ್ಣ್‌ಚಿ.