ಮತ್ತಾಯ 12:18 - ಕೊಡವ ಬೈಬಲ್

¹⁸ ಇದಾ, ಇಂವೊ ನಾನ್ ಗೊತ್ತ್ ಮಾಡ್‍ನ ನಾಡ ಸೇವಕ, ನಾಡ ಆತ್ಮತ್‌ನ ಕುಶಿಪಡ್‌ತ್‌ವ ನಾಡ ಕೊದಿರಂವೊ; ನಾಡ ಆತ್ಮತ್‌ನ ಅಂವೊಂಡ ಮೇಲೆ ಅಳ್‌ಪಕ್ ಮಾಡ್‌ವಿ, ಅಂವೊ ನಾಡ ನ್ಯಾಯತ್‍ನ ಎಲ್ಲಾ ಜನಕ್ ಅರಿಚಿಡುವ.

ಮತ್ತಾಯ 12:18 ပူးပေါင်းရင်းမြစ်များ

ಮತ್ತಾಯ 12:17

ಯೆಶಾಯ ಪ್ರವಾದಿ ಯೇಸುರ ವಿಷಯತ್ ಎಣ್ಣ್‌ನದ್ ಪೂರ್ತಿ ಆಪನೆಕೆ ಇನ್ನನೆ ನಡ್ಂದತ್. ಅಂವೊ ಎಣ್ಣ್‌ನದ್ ಎಂತ ಎಣ್ಣ್‌ಚೇಂಗಿ:

ಮತ್ತಾಯ 17:5

ಪೇತ್ರ ಅನ್ನನೆ ತಕ್ಕ್ ಪರ್ಂದಂಡ್ ಇಪ್ಪಕಲೆ, ಒರ್ ಮಿನ್ನುವ ಮೋಡ ಅಯಿಂಗಳ ಆವರಿಚಿಟ್ಟತ್. ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್, ಆ ಮೋಡತ್ಂಜ ಒರ್ ವಾಣಿ ಬಾತ್.

ಮಾರ್ಕ 1:11

ನೀನ್ ನಾಡ ಕೊದಿರ ಮೋಂವೊ, ನೀಡ ಮೇಲೆ ನಾಕ್ ದುಂಬ ಕುಶಿ ಉಂಡ್‍ೕಂದ್ ಪರಲೋಕತ್ಂಜ ಒರ್ ವಾಣಿ ಬಾತ್.

ಮಾರ್ಕ 9:7

ಅಕ್ಕಣೆಕ್ ಮೋಡ ಬಂತ್ ನೆಳ ಅಯಿಂಗಳ ಆವರಿಚಿಟ್ಟಿತ್: ಇಂವೊ ನಾಡ ಕೊದಿರ ಮೋಂವೊ, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್ ಒರ್ ವಾಣಿ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:35

ಜನಡ ಗುಂಪ್ ಯೇಸುನ ನೋಟಿಯಂಡಿಂಜತ್. ಆಚೇಂಗಿ, ಯೆಹೂದ್ಯಂಗಡ ಅದಿಕಾರಿಯಂಗ: ಇಂವೊ ಬೋರೆಯಿಂಗಳ ರಕ್ಷಣೆ ಮಾಡ್‍ಚಿ, ಇಕ್ಕ ಇಂವೊನೇ ದೇವ ಗೊತ್ತ್ ಮಾಡಿತ್ ಅಯಿಚ ನೇರಾನ ಕ್ರಿಸ್ತನಾಯಿತ್ಂಜತೇಂಗಿ ಅಂವೊನ ಅಂವೊನೇ ಕಾಪಾಡಡ್‍ೕಂದ್ ಅಯಿಂಗಯಿಂಗಳೇ ಕೆಣಕಿಯಂಡ್ ತಕ್ಕ್ ಪರ್ಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:22

ಪವಿತ್ರಾತ್ಮ ಅಲ್ಲಿಂಜ ಒರ್ ಪಾರಿವಾಳ ರೂಪತ್‌ಲ್ ಅಂವೊಂಡ ಮೇಲೆ ಇಳ್ಂಜಿತ್ ಪಿಂಞ ಪರಲೋಕತ್ಂಜ: ನೀನ್ ನಾಡ ಕೊದಿರ ಮೋಂವೊ, ನೀಡ ಮೇಲೆ ನಾಕ್ ದುಂಬ ಕುಶಿ ಉಂಡ್‍ೕಂದ್ ಒರ್ ವಾಣಿ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:18

ಅಂವೊ ಅದ್‍ನ ತೊರ್‌ಪಕ: ದೇವಡ ಆತ್ಮ ನಾಡ ಮೇಲೆ ಉಂಡ್; ಗರೀಬಂಗಕ್ ದೇವಡ ನಲ್ಲ ಸುದ್ದಿ ಪ್ರಚಾರ ಮಾಡ್‌ವಕು ನನ್ನ ಗೊತ್ತ್ ಮಾಡಿಯತ್. ದೇವ, ಕೈದಿಯಂಗಕ್ ಬುಡುಗಡೆ ಎಣ್ಣುವಕು, ಕುರ್‌ಡಂಗಕ್ ಕಣ್ಣ್ ಕಾಂಬನೆಕೆ ಮಾಡ್‌ವಕು, ಅಡಿಯಾಳಂಗಳ ಅಯಿಂಗಡ ಕಷ್ಟತ್ಂಜ ಬುಡುಗಡೆ ಮಾಡ್‌ವಕು, ದೇವಡ ದಯೇರ ಕಾಲತ್‍ನ ಪ್ರಚಾರ ಮಾಡ್‌ವಕು ನನ್ನ ಅಯಿಚತ್‍ೕಂದ್ ಪುಸ್ತಕತ್‍ಲ್ ಒಳ್‍ದಿತುಳ್ಳ ಜಾಗತ್‍ನ ಕಂಡ್ ಅದ್‍ನ ಓದ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:35

ಅಕ್ಕ: ಇಂವೊ ನಾನ್ ಗೊತ್ತ್ ಮಾಡ್‍ನ ನಾಡ ಕೊದಿರ ಮೋಂವೊ, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್ ಒರ್ ವಾಣಿ ಮೋಡತ್‍ರ ಒಳ್‌ಳಿಂಜ ತಕ್ಕ್ ಪರ್ಂದತ್.

ಯೋಹಾನ 3:34

ಅಂವೊನ ದೇವ ಅಯಿಚತ್, ಆನಗುಂಡ್‌ ದೇಡಡ ತಕ್ಕ್ ಪರಂದಂಡುಂಡ್. ದೇವ ಅಂವೊಂಗ್ ತಾಂಡ ಆತ್ಮತ್‌ನ ಅಳ್‌ಪಕ್ ಕಯ್ಯತಚ್ಚಕ್ ಕೊಡ್‌ತಿತುಂಡ್.

ಅಪೊಸ್ತಲ 10:38

ದೇವ ನಜರೇತ್‍ರ ಯೇಸುನ ಪವಿತ್ರತ್ಮಾತ್ಂಜಲು ಶಕ್ತಿಯಿಂಜಲು ಅಬಿಷೇಕ ಮಾಡ್‍ಚಿ. ದೇವ ಅಂವೊಂಡ ಕೂಡೆ ಇಂಜಗುಂಡ್ ಅಂವೊ ನಲ್ಲದ್ ಮಾಡಿಯಂಡ್ ಸೈತಾನಂಡ ಶಕ್ತಿಲ್ ಚಿಕ್ಕಿತ್ ಪೋಯಿತ್ಂಜ ಎಲ್ಲಾರ್‍ನೂ ವಾಸಿಮಾಡಿಯಂಡ್ ಎಲ್ಲಾ ಜಾಗಕು ಪೋಯಂಡಿಂಜತ್.

ಅಪೊಸ್ತಲ 11:18

ಇದ್‍ನೆಲ್ಲ ಅಯಿಂಗ ಕ್‍ೕಪಕ: ಅನ್ನನೆ ಆಚೇಂಗಿ, ದೇವ ಯೆಹೂದ್ಯರಲ್ಲತ ಬೋರೆ ಜಾತಿಯಂಗಕು, ಅಯಿಂಗ ತಂಗಡ ಪಾಪತ್ಂಜ ತಿರ್‌ಗಿತ್, ಯೇಸುನ ನಂಬ್‍ಚೇಂಗಿ, ನಿತ್ಯ ಜೀವತ್‍ನ ಪಡೆಯುವಕ್ ಒರ್ ಅವಕಾಶ ಕೊಡ್‍ತಿತುಂಡ್‍ೕಂದ್ ಎಣ್ಣಿತ್ ಒಂದು ಎಣ್ಣತೆ ದೇವನ ತುದಿಚತ್.

ಅಪೊಸ್ತಲ 14:27

ಅಯಿಂಗ ಅಲ್ಲಿ ಎತ್ತ್‌ನ ಪಿಂಞ, ಅಲ್ಲಿಯತ್‍ರ ಸಬೇನ ಕೂಟಿತ್, ದೇವ ಅಯಿಂಗಡ ಮೂಲಕ ಮಾಡ್‍ನ ಎಲ್ಲಾನ ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ನಂಬಿಕೇರ ಪಡಿನ ಅಂವೊ ಎನ್ನನೆ ತೊರಂದತ್‍ೕಂದ್ ವಿವರವಾಯಿತ್ ಅಯಿಂಗಕ್ ಎಣ್ಣ್‌ಚಿ.

ಎಫೆಸ 1:6

ಅನ್ನನೆ, ದೇವ ಪ್ರೀತಿ ಮಾಡ್‌ವ ಅಂವೊಂಡ ಮೋಂವೊಂಡಲ್ಲಿ ನಂಗಡ ಮೇಲೆ ಇನಾಮಾಯಿತ್ ಬೂಕ್‌ನ ಅಂವೊಂಡ ಮಹಿಮೇರ ಕೃಪೆಕಾಯಿತ್ ಅಂವೊನ ತುದಿಪನೆಕೆ ಮಾಡ್‍ಚಿ.

ಕೊಲೊಸ್ಸೆ 1:1

ದೇವಡ ಚಿತ್ತತ್‍ರನೆಕೆ ಕ್ರಿಸ್ತ ಯೇಸುರಲ್ಲಿ ಅಪೊಸ್ತಲನಾನ ಪೌಲ ಪಿಂಞ ನಂಗಡ ತಮ್ಮಣನಾನ ತಿಮೊಥೆಯ ಕೂಡಿತ್,

ಕೊಲೊಸ್ಸೆ 1:13

ಪಿಂಞ ಇರ್‌ಟ್‌ರ ಅದಿಕಾರತ್ಂಜ ನಂಗಳ ಬುಡುಗಡೆ ಮಾಡಿತ್, ತಾಂಡ ಪ್ರೀತಿರ ಮೋಂವೊಂಡ ರಾಜ್ಯಕ್ ಕೊಂಡ್ ಬಂದ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

1 ಪೇತ್ರ 2:4

ಮನುಷ್ಯಂಗ ಬೋಂಡಾಂದ್ ತಿರಸ್ಕಾರ ಮಾಡಿತ್ಂಜತೇಂಗಿಯು, ದೇವ ಗೊತ್ತ್ ಮಾಡ್‌ನದು, ದುಂಬ ಬೆಲೆ ಉಳ್ಳದುವಾಯಿತುಳ್ಳ ಜೀವತ್‍ರ ಕಲ್ಲ್‌ರನೆಕೆ ಉಳ್ಳ ಒಡೆಯನಾನ ಯೇಸು ಕ್ರಿಸ್ತಂಡ ಪಕ್ಕ ಬಂದಿತುಳ್ಳಿರ.

2 ಪೇತ್ರ 1:17

ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್‍ೕಂದ್ ಎಣ್ಣುವ ಆ ಸದ್ದ್ ಮಹತ್ವವಾನ ಮಹಿಮೇಯಿಂಜ ಅಂವೊಂಗ್ ಬಂದಿತ್, ಅಪ್ಪನಾನ ದೇವಡ ಕಡೇಯಿಂಜ ಅಂವೊಂಗ್ ಗನ ಪಿಂಞ ಮಹಿಮೆ ಕ್‍ಟ್ಟ್‌ಚಿ.