ಮತ್ತಾಯ 12:11 - ಕೊಡವ ಬೈಬಲ್

¹¹ ಅದ್ಂಗ್ ಅಂವೊ: ನಿಂಗಡಲ್ಲಿ ಒಬ್ಬಂಗ್ ಒರ್ ಕೊರಿ ಇಪ್ಪಕ, ಅದ್ ಸಬ್ಬತ್ ದಿನತ್‌ಲ್ ಕುಂಡ್‌ಕ್ ಬುದ್ದ್‌ಪೋಚೇಂಗಿ, ಅದ್‍ನ ಅಲ್ಲಿಂಜ ಕೊಡಿಕ್ ನೇತುವಿರಲ್ಲ?

ಮತ್ತಾಯ 12:11 ပူးပေါင်းရင်းမြစ်များ

ಮತ್ತಾಯ 12:1

ಚೆನ್ನ ದಿನ ಆನ ಪಿಂಞ, ಗೋದಿ ನಟ್ಟ ಬೇಲ್‌ಲ್, ಯೇಸು ನಡ್‌ದಂಡ್ ಪೋಯಂಡ್ ಇಪ್ಪಕಾಪಕ, ಅಂವೊಂಡ ಶಿಷ್ಯಂಗಕ್ ಕೆಲ ಪಯಿಚತ್. ಅಯಿಂಗ ಗೋದಿರ ಮುಡಿನ ಕೊಜ್ಜಿತ್ ತಿಂಬಕ್ ಸುರ್ ಮಾಡ್‍ಚಿ. ಅಂದ್ ಸಬ್ಬತ್ ದಿವಸವಾಯಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:5

ಇಂಞು ಅಯಿಂಗಳ ನೋಟಿತ್: ನಿಂಗಡ ಕುಂಞಿ ಅಥವ ಒರ್ ಎತ್ತ್ ಸಬ್ಬತ್ ದಿವಸತ್‍ಲ್ ಕಣತೆರೆಕ್ ಬುದ್ದ್ ಪೋನಕ, ನಿಂಗ ಅದ್‍ನ ಕಣತೆರೆಯಿಂಜ ಕೊಡಿಕ್ ಸಬ್ಬತ್ ದಿವಸತ್‍ಲೇ ಎಡ್‌ತ ಬಪ್ಪಿರಲ್ಲಾಂದ್ ಎಣ್ಣ್‌ಚಿ.