ಮತ್ತಾಯ 11:8 - ಕೊಡವ ಬೈಬಲ್

⁸ ಇಲ್ಲತಪೋಚೇಂಗಿ, ಎಂತದ್‍ನ ನಿಂಗ ಕಾಂಬಕ್ ಪೋಯಿತ್ಂಜಿರ? ನಲ್ಲ ಚಾಯುಳ್ಳ ಬಟ್ಟೇನ ಇಟ್ಟಂಡುಳ್ಳ ಒರ್ ಮನುಷ್ಯನ ಕಾಂಬಕ್ ಪೋಯಿರ? ಚಾಯಿ ಬಟ್ಟೆ ಇಟ್ಟಯಿಂಗೆಲ್ಲ ಅರಮನೇಲ್ ವಾಸ ಮಾಡಿಯಂಡುಂಡ್.

ಮತ್ತಾಯ 11:8 ပူးပေါင်းရင်းမြစ်များ

ಮತ್ತಾಯ 11:7

ಯೋಹಾನಂಡ ಶಿಷ್ಯಂಗ ಪೋನ ಪಿಂಞ, ಯೇಸು ಯೋಹಾನಂಡ ವಿಷಯತ್‍ನ ಜನಡ ಗುಂಪ್‌ಕ್ ಎಣ್ಣ್‌ನದ್ ಎಂತ ಎಣ್ಣ್‌ಚೇಂಗಿ: ನಿಂಗ ಎಂತ ಕಾಂಬಕ್ ಮಣಬೂಮಿಕ್ ಪೋಯಿತ್ಂಜಿರ? ಗಾಳಿಕ್ ಜೂಂಗುವ ಪಿಲ್ಲ್‌ನ ಕಾಂಬಕ್ ಪೋಯಿತ್ಂಜಿರ?

ಮತ್ತಾಯ 11:9

ಅಥವ ಎಂತದ್‍ನ ಕಾಂಬಕ್ ಪೋಯಿರ? ಪ್ರವಾದಿನ ನೋಟ್‍ವಕ್ ಪೋಯಿರ? ಅಕ್ಕು, ಅಂವೊ ಪ್ರವಾದಿಕಿಂಜಲೂ ಬಲ್ಯಂವೋಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಮತ್ತಾಯ 3:4

ಯೋಹಾನ ಒಂಟೆರ ರೋಮತ್‍ಲ್ ಮಾಡ್‍ನ ಬಟ್ಟೆ ಇಟ್ಟಂಡಿಂಜತ್. ಅಂವೊಂಡ ಸೊಂಟಕ್ ಚರ್ಮತ್‌ರ ಪಟ್ಟಿ ಕೆಟ್ಟಿಯಂಡಿಂಜತ್. ಅಂವೊಂಡ ಆಹಾರ ಪಚ್ಚೆ ಪುಕ್ಕ ಪಿಂಞ ಕಾಡ್‍ಲ್ ಕ್‍ಟ್ಟುವ ತೇನ್ ಆಯಿತಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:25

ಇಲ್ಲತಪೋಚೇಂಗಿ, ಎಂತದ್‍ನ ನಿಂಗ ಕಾಂಬಕ್ ಪೋಯಿತ್ಂಜಿರ? ನಲ್ಲ ಚಾಯುಳ್ಳ ಬಟ್ಟೇನ ಇಟ್ಟಂಡುಳ್ಳ ಒರ್ ಮನುಷ್ಯನ ಕಾಂಬಕ್ ಪೋಯಿರ? ಅಲಂಕಾರತ್‍ರ ಬಟ್ಟೆ ಇಟ್ಟಿತ್ ಆಡಂಬರತ್‌ಲ್ ಬದ್‍ಕ್‍ವ ಜನಯೆಲ್ಲ ಅರಮನೇಲ್ ಉಂಡಲ್ಲ.

1 ಕೊರಿಂಥ 4:11

ಇಕ್ಕಲು ನಂಗ ಕೆಲ ಪಯಿಚಂಡುಳ್ಳಯಿಂಗಳಾಯಿತು, ಬಾಯಾರಿಕೆ ಆನಯಿಂಗಳಾಯಿತು, ನಂಗಡ ತಡಿಕ್ ಇಡ್‌ವಕ್ ಸರಿಯಾನ ಬಟ್ಟೆ ಇಲ್ಲತಯಿಂಗಳಾಯಿತು, ನಂಗಳ ಜನ ಪೊಯ್ಯುವಯಿಂಗಳಾಯಿತು, ವಾಸ ಮಾಡ್‌ವಕ್ ಒರ್ ಮನೆ ಇಲ್ಲತಯಿಂಗಳಾಯಿತು ಬದ್‍ಕಿಯಂಡುಂಡ್.

2 ಕೊರಿಂಥ 11:27

ಪ್ರಯತ್ನತ್‍ಲ್, ಕಷ್ಟತ್‍ಲ್, ದುಂಬ ಕುರಿ ವರಿಯತೆ, ಕೆಲ ಪಯಿಚಿತ್, ಬಾಯರಿಕೆಲ್, ದುಂಬ ಕುರಿ ಪಟ್ಟಣಿಲ್, ಕುಳ್‍ರ್‌ಲ್, ಸರಿಯಾನ ಬಟ್ಟೆ ಇಲ್ಲತಂವೊನಾಯಿತ್ ನಾನ್ ಇಂಜ.

ಪ್ರಕಟನೆ 11:3

ನಾನ್ ನಾಡ ದಂಡ್ ಸಾಕ್ಷಿಕಾರಂಗಕ್ ಅದಿಕಾರ ಕೊಡ್‍ಪಿ. ಅಯಿಂಗ ಗೋಣಿಚೀಲತ್‍ನ ಪೊತ್ತಂಡ್ 1,260 ದಿನಕತ್ತನೆ ಪ್ರವಾದನೆ ಎಣ್ಣುವ.