ಮತ್ತಾಯ 11:4 - ಕೊಡವ ಬೈಬಲ್

⁴ ಅದ್ಂಗ್ ಯೇಸು ಅಯಿಂಗಕ್: ನಿಂಗ ಪೋಯಿತ್ ಎಂತ ಕಂಡಿರೋ ಎಂತ ಕ್‍ೕಟಿರೋ ಅದ್‍ನ ಯೋಹಾನಂಗ್ ಎಣ್ಣಿ.

ಮತ್ತಾಯ 11:4 ပူးပေါင်းရင်းမြစ်များ

ಮತ್ತಾಯ 11:3

ಬಪ್ಪಕುಳ್ಳಂವೊ ನೀನಾ? ಅಥವ ಬೋರೆ ಒಬ್ಬ ಬಪ್ಪಕ್ ನಂಗ ಪಾರಕಾತಂಡಿರಂಡುವಾಂದ್ ಅಂವೊಂಡ ಪಕ್ಕ ಕ್‍ೕಪಕ್ ಎಣ್ಣ್‌ಚಿ.

ಮತ್ತಾಯ 11:5

ಕುರ್‌ಡಂಗ ಕಂಡಂಡುಂಡ್, ಕುಂಟಂಗ ನಡ್ಂದಂಡುಂಡ್, ಕುಷ್ಟರೋಗಿಯಂಗ ವಾಸಿ ಆಯಂಡುಂಡ್, ಕಿವ್‍ಡಂಗ್ ಕ್‍ೕಟಂಡು, ಚತ್ತಯಿಂಗ ಎದ್ದಡುಂಡ್, ಗರೀಬಂಗಕ್ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್.

ಮತ್ತಾಯ 15:30

ಬಲ್ಯ ಜನಡ ಗುಂಪ್ ಅಂವೊಂಡ ಪಕ್ಕ ಕುಂಟಂಗಳ, ಕುರ್‌ಡಂಗಳ, ಕೈಕಾಲ್ ಬರತಯಿಂಗಳ, ಬಾಯಿ ಬರತಯಿಂಗಳ, ಬೋರೆ ಎಲ್ಲಾ ತರ ಕಾಯಿಲೆ ಉಳ್ಳಯಿಂಗಳ ಕಾಕಿಯಂಡ್ ಬಂದಿತ್ ಯೇಸುರ ಕಾಲ್‍ರ ಬರಿಲ್ ಅಳ್‍ಪ್‍ಚಿಟ್ಟತ್; ಅಯಿಂಗಳೆಲ್ಲ ಯೇಸು ವಾಸಿ ಮಾಡ್‍ಚಿ.

ಮತ್ತಾಯ 21:14

ಅಕ್ಕ ಕುರ್‌ಡಂಗ ಪಿಂಞ ಕುಂಟಂಗ ಯೇಸುರ ಪಕ್ಕ ಬಾತ್. ಅಂವೊ ಅಯಿಂಗಳೆಲ್ಲ ದೇವಾಲಯತ್‍ಲ್ ವಾಸಿ ಮಾಡ್‍ಚಿ.

ಮತ್ತಾಯ 8:3

ಯೇಸು ಅಂವೊಂಡ ಕೈಯಿನ ನೋಟ್‌ವಂಜಿ ಅಂವೊನ ಮುಟ್ಟಿತ್: ನಾಕ್ ಕುಶಿ ಉಂಡ್, ಶುದ್ದ ಆಡ್‍ೕಂದ್ ಎಣ್ಣ್‌ಚಿ. ಒಡನೆ ಆ ಮನುಷ್ಯಂಡ ಕುಷ್ಟರೋಗ ವಾಸಿ ಆಚಿ.

ಯೋಹಾನ 14:11

ನಾನ್ ಅಪ್ಪಂಡಲ್ಲಿ, ಅಪ್ಪ ನಾಡಲ್ಲಿ, ಇಪ್ಪಾನ ನಂಬಿ; ಅನ್ನನೆ ನನ್ನ ನಂಬತೆ ಪೋಚೇಂಗಿಯು, ನಾನ್ ಮಾಡ್‌ವ ಕ್ರಿಯೇಯಿಂಜ ನನ್ನ ನಂಬಿ.

ಯೋಹಾನ 5:36

ಆಚೇಂಗಿ, ಅಂವೊಂಡ ಸಾಕ್ಷಿಕಿಂಜ ನಾಡ ಸಾಕ್ಷಿ ಬಲ್ಯದಾಯಿತುಂಡ್. ಅದ್ ಎಂತ ಎಣ್ಣ್‌ಚೇಂಗಿ, ನಾನ್ ನೆರೆವೇರಿಚಿಡಂಡೂಂದ್ ಅಪ್ಪನಾನ ದೇವ ನಾಕ್ ಎಣ್ಣಿ ಕೊಡ್‍ತ ವಿಷಯ ಪಿಂಞ ನಾನ್ ಮಾಡಿಯಂಡುಳ್ಳ ಕ್ರಿಯೆವೇ ಅಪ್ಪನಾನ ದೇವ ನನ್ನ ಅಯಿಚತ್‍ೕಂದ್ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.