ಮತ್ತಾಯ 11:29 - ಕೊಡವ ಬೈಬಲ್

²⁹ ನಾನ್ ಶಾಂತವು, ತಾಳ್ಮೆ ಮನಸ್ಸು ಉಳ್ಳಂವೊ. ನಾಡ ನೊಗತ್‌ನ ನಿಂಗ ಎಡ್‍ತಂಡ್, ನಾನ್ ಎಣ್ಣುವಾನ ಪಡಿಚೋಳಿ; ಅಕ್ಕ ನಿಂಗಡ ಆತ್ಮಕ್ ಆರಾಮ್ ಕ್‍ಟ್ಟುವ.

ಮತ್ತಾಯ 11:29 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 3:17

ಜ್ಞಾನ ನಿನ್ನ ಸುಕವಾನ ಬಟ್ಟೆಲ್‌ ನಡ್‌ತಿಯಂಡ್‌ ಪೋಪ. ಅದ್‌ ನಿನ್ನ ಸಮಾದಾನತ್‌ಲ್‌ ನಡ್‌ತ್‌ವ.

ಮತ್ತಾಯ 17:5

ಪೇತ್ರ ಅನ್ನನೆ ತಕ್ಕ್ ಪರ್ಂದಂಡ್ ಇಪ್ಪಕಲೆ, ಒರ್ ಮಿನ್ನುವ ಮೋಡ ಅಯಿಂಗಳ ಆವರಿಚಿಟ್ಟತ್. ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್, ಆ ಮೋಡತ್ಂಜ ಒರ್ ವಾಣಿ ಬಾತ್.

ಮತ್ತಾಯ 21:5

ಚೀಯೋನ್‍ರ ಮಕ್ಕಕ್ ಎಣ್ಣಿ, ನೋಟಿ ನಿಂಗಡ ರಾಜ ನಿಂಗಡ ಪಕ್ಕ ಬಂದಂಡ್ ಉಂಡ್, ಅಂವೊ ಶಾಂತ ಗುಣ ಉಳ್ಳಂವೊನಾಯಿತು ಕತ್ತೆರ ಮೇಲೆ, ಅಕ್ಕು ಕತ್ತೆ ಕುಟ್ಟಿರ ಮೇಲೆ ಬಪ್ಪಾಂದ್ ಎಣ್ಣ್‌ವದೇ.

ಮತ್ತಾಯ 28:20

ನಾನ್ ನಿಂಗಕ್ ಎಂತೆಲ್ಲಾ ಆಜ್ಞೆ ಮಾಡಿತುಂಡೋ ಅದ್‍ಂಗೆಲ್ಲಾ ಬಗ್ಗಿತ್ ನಡ್‍ಪಕ್ ಈ ಪುದಿಯ ಶಿಷ್ಯಂಗಕ್ ಎಣ್ಣಿ ಕೊಡಿ. ಇದಾ, ಈ ಲೋಕತ್‍ರ ಕಡೇಕತ್ತನೆ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪೀಂದ್ ಯೇಸು ಶಿಷ್ಯಂಗಕ್ ಎಣ್ಣ್‌ಚಿ.

ಮತ್ತಾಯ 7:24

ನಾಡ ಬೋದನೆನ ಚಾಯಿತೆ ಕ್‍ೕಟಿತ್, ಅದ್ಂಡ ಪ್ರಕಾರ ನಡ್‍ಪಯಿಂಗ ಬಂಡೆ ಕಲ್ಲ್‌ರ ಮೇಲೆ ಮನೆ ಕೆಟ್ಟ್‌ನ ಬುದ್ದಿವಂತ ಮನುಷ್ಯಂಡನೆಕೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:35

ಅಕ್ಕ ಜನ ಎಲ್ಲಾ ಎಂತ ಆಚೀಂದ್ ನೋಟ್‍ವಕ್ ಯೇಸುರ ಪಕ್ಕ ಬಾತ್, ಅಕ್ಕ ಆ ಕೂಳಿ ಪುಡ್‌ಚ ಮನುಷ್ಯಂಡ ಬುದ್ದಿ ಚಾಯಾಯಿತ್, ಮೇಲ್‌ಕ್ ಬಟ್ಟೆ ಇಟ್ಟಿತ್ ಯೇಸುರ ಕಾಲ್‍ರ ಅಡಿಕ್ ಅಳ್‌ತಿತ್ ಇಂಜಾನ ಕಂಡ್, ಪೋಡಿ ಆಚಿ.

ಯೋಹಾನ 13:15

ನಾನ್ ನಿಂಗಕ್ ಮಾಡ್‍ನನೆಕೆ, ನಿಂಗಳು ಮಾಡ್‌ವಕಾಯಿತ್ ನಾನ್ ನಿಂಗಕ್ ಕಾಟಿ ತಂದಿಯೆ.

ಯೋಹಾನ 13:17

ನಿಂಗಕ್ ಈ ಸತ್ಯ ಇಕ್ಕ ಗೊತ್ತಾಚಿ. ನಿಂಗ ಇದ್‍ನ ಉಪಯೋಗ ಮಾಡ್‍ಚೇಂಗಿ ನಿಂಗ ಎಚ್ಚಕ್ ಆಶೀರ್ವಾದ ಪಡ್ಂದಯಿಂಗಾಂದ್ ಗೊತ್ತುಂಡಾ?

ಅಪೊಸ್ತಲ 7:37

ನಿಂಗಡ ದೇವನಾನ ಒಡೆಯ ನಿಂಗಡ ಮದ್ಯತ್ಂಜ ನಾಡನೆಕೆ ಒರ್ ಪ್ರವಾದಿನ ನಿಂಗಕಾಯಿತ್ ಕೊಂಡ್ ಬಪ್ಪಾಂದ್ ಇಸ್ರಾಯೇಲ್ ಜನಕ್ ಎಣ್ಣ್‌ನ ಮೋಶೆ ಇಂವೊನೇ.

1 ಕೊರಿಂಥ 9:21

ನ್ಯಾಯಪ್ರಮಾಣತ್‍ನ ಗೊತ್ತಿಲ್ಲತ ಯೆಹೂದ್ಯರಲ್ಲತ ಜನಡ ಕೂಡೆ ಇಪ್ಪಕ, ಅಯಿಂಗಳ ಸಂಪಾದನೆ ಮಾಡ್‌ವಕಾಯಿತ್ ನಾನು ನ್ಯಾಯಪ್ರಮಾಣತ್‍ನ ಮಾಡತಂವೊನಾಯಿತ್ ಇಂಜ್. ಆಚೇಂಗಿಯು, ನಾನ್ ನ್ಯಾಯಪ್ರಮಾಣತ್‍ನ ತ್‍ಕ್ಕಾರ ಮಾಡಿತ್ತ್‌ಲ್ಲೆ; ಕ್ರಿಸ್ತಂಡ ಕಾನೂನ್‍ಕ್ ತಗ್ಗಿತ್ ನಡ್‍ಪಂವೊನಾಯಿತ್ ಉಂಡ್.

2 ಕೊರಿಂಥ 10:1

ನಿಂಗಡ ಪಕ್ಕ ಇಪ್ಪಕ ತಾಳ್ಮೆಲು, ನಿಂಗಡಿಂಜ ದೂರ ಇಪ್ಪಕ ನಿಂಗಡ ಮೇಲೆ ಕಂಡಿತವಾಯಿತ್ ಉಳ್ಳನೆಕೆ ಕಾಂಬ ಪೌಲನಾನ ನಾನ್, ಕ್ರಿಸ್ತಂಡ ಶಾಂತ ಗುಣತ್‍ರ ಪಿಂಞ ದಯೇರ ಮೂಲಕ ನಿಂಗಕ್ ಬೋಡಿಯಂಡುಳ್ಳ.

2 ಕೊರಿಂಥ 10:5

ಅದ್ಂಡ ಮೂಲಕ, ನಂಗ ವಾದತ್‍ನ ಪಿಂಞ ದೇವಡ ವಿಷಯತ್‍ನ ಗೊತ್ತ್‌ಮಾಡ್‍ವಕ್ ವಿರೋದವಾಯಿತ್ ನಿಪ್ಪ ಎಲ್ಲಾ ಬಡಾಯಿನ ಪಾಳ್ ಮಾಡಿತ್, ಎಲ್ಲಾ ಯೇಚನೆನ ಕ್ರಿಸ್ತಂಗ್ ತಗ್ಗಿತ್ ನಡ್‍ಪನೆಕೆ ಪುಡ್‍ಚಿ ಬೆಚ್ಚಿತುಂಡ್.

ಫಿಲಿಪ್ಪಿ 2:5

ಕ್ರಿಸ್ತ ಯೇಸುರಲ್ಲಿ ಇಂಜ ಅದೇ ಮನಸ್ಸ್ ನಿಂಗಡಲ್ಲಿ ಇರಡ್.

1 ಥೆಸಲೊನೀಕ 4:2

ಒಡೆಯನಾನ ಯೇಸುರಗುಂಡ್ ನಂಗಕ್ ಕ್‍ಟ್ಟ್‌ನ ಆಜ್ಞೆರನೆಕೆ, ನಿಂಗಕ್ ನಂಗ ಮಾಡ್‍ನ ಆಜ್ಞೆನ ನಿಂಗ ಗೇನ ಬೆಚ್ಚಿತುಳ್ಳಿರ.

ಇಬ್ರಿಯ 5:9

ಅಂವೊನ ದೇವ ಪರಿಪೂರ್ಣ ಮಾಡ್‍ನ ಪಿಂಞ, ಒರ್ ಮಾಹಾ ಯಾಜಕನಾಯಿತ್, ಅಂವೊಂಗ್ ತಗ್ಗಿತ್ ನಡ್‍ಪಯಿಂಗ ಎಲ್ಲಾರ್‌ಕು ನಿತ್ಯ ರಕ್ಷಣೆನ ತಪ್ಪಕುಳ್ಳಂವೊನಾಯಿತ್ ಆಚಿ.

1 ಯೋಹಾನ 2:6

ದಾರೇಂಗಿ ನಾನ್ ದೇವಡ ಐಕ್ಯತ್‍ಲ್ ಉಳ್ಳ್‌ಂದ್ ಎಣ್ಣ್‌ಚೇಂಗಿ, ಅಂವೊನು ಯೇಸು ಕ್ರಿಸ್ತ ನಡ್ಂದನೆಕೆ ನಡ್‌ಕಂಡು.