ಮತ್ತಾಯ 11:18 - ಕೊಡವ ಬೈಬಲ್

¹⁸ ಎನ್ನನೆ ಎಣ್ಣ್‌ಚೇಂಗಿ ಯೋಹಾನ ತಿಂಗತಂವೊನಾಯಿತ್ ಕುಡಿಕತಂವೊನಾಯಿತ್ ಬಾತ್, ಅದ್ಂಗ್ ಅಯಿಂಗ, ಅಂವೊಂಗ್ ಕೂಳಿ ಪುಡ್‌ಚಿತುಂಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 11:18 ပူးပေါင်းရင်းမြစ်များ

ಮತ್ತಾಯ 10:25

ಒರ್ ಶಿಷ್ಯ ಉಪಾದ್ಯಂಡನೆಕೆ ಇಂಜತೇಂಗಿ ಮದಿ, ಅನ್ನನೆ ಒರ್ ಆಳ್ ಅಂವೊಂಡ ಎಜಮಾನಂಡನೆಕೆ ಇಂಜತೇಂಗಿ ಮದಿ. ಮನೆರ ಎಜಮಾನನೇ ಬೆಲ್ಜೆಬೂಲ್ ಎಂದ್ ಕಾಕ್‍ಚೇಂಗಿ, ಅಂವೊಂಡ ಮನೆಕಾರಳ ಇಂಞು ಎಚ್ಚಕ್ ಎಣ್ಣುವ?

ಮತ್ತಾಯ 11:17

ನಂಗ ನಿಂಗಕಾಯಿತ್ ಪಾಂಗೊಳ ಊದ್‍ಚಿ, ಆಚೇಂಗಿ ನಿಂಗ ಆಡಿತಿಲ್ಲೆ. ನಂಗ ಚಾವ್ ಪಾಟ್ ಪಾಡ್‌ಚಿ, ಆಚೇಂಗಿ ನಿಂಗ ಮೊರಟಿತ್‌ಲ್ಲೇಂದ್ ಎಣ್ಣಿತ್, ಕಳಿಪ ಮಕ್ಕಡನೆಕೆ ಉಂಡ್.

ಮತ್ತಾಯ 3:4

ಯೋಹಾನ ಒಂಟೆರ ರೋಮತ್‍ಲ್ ಮಾಡ್‍ನ ಬಟ್ಟೆ ಇಟ್ಟಂಡಿಂಜತ್. ಅಂವೊಂಡ ಸೊಂಟಕ್ ಚರ್ಮತ್‌ರ ಪಟ್ಟಿ ಕೆಟ್ಟಿಯಂಡಿಂಜತ್. ಅಂವೊಂಡ ಆಹಾರ ಪಚ್ಚೆ ಪುಕ್ಕ ಪಿಂಞ ಕಾಡ್‍ಲ್ ಕ್‍ಟ್ಟುವ ತೇನ್ ಆಯಿತಿಂಜತ್.

ಮತ್ತಾಯ 9:34

ಆಚೇಂಗಿ ಫರಿಸಾಯಂಗ: ಇಂವೊ ಕೂಳಿಯಡ ಮುಕ್ಯಸ್ತ ಕೊಡ್‍ಪ ಶಕ್ತಿಯಿಂಜ ಕೂಳಿನ ಬುಡ್‌ತಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 3:22

ಯೆರೂಸಲೇಮ್ಂಜ ಚೆನ್ನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಬಂದಿತ್, ಯೇಸುಕ್ ಬೆಲ್ಜೆಬೂಲ್ ಎಣ್ಣುವ ಕೂಳಿ ಪುಡ್‌ಚಿತುಂಡ್, ಇಂವೊ ಸೈತಾನಂಡ ಎಜಮಾನನಗುಂಡ್ ಸೈತಾನನ ಬುಡ್‌ತಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:15

ಅಂವೊ ದೇವಡ ದೃಷ್ಟಿಲ್ ಬಲ್ಯ ಮನುಷ್ಯನಾಯಿತ್‌ಪ್ಪ. ಅಂವೊ ದ್ರಾಕ್ಷಿರಸ ಪಿಂಞ ಕಳ್ಳ್ ಕುಡಿಪಕ್ಕಾಗ. ಅಂವೊ ತಾಂಡ ಅವ್ವಂಡ ಕೆಲತ್‌ಲ್ ಇಪ್ಪಕಲೆ ಪವಿತ್ರಾತ್ಮತ್‍ಲ್ ದುಂಬಿತ್‌ಪ್ಪ.

ಯೋಹಾನ 10:20

ಸುಮಾರ್ ಜನ: ಇಂವೊಂಗ್ ಕೂಳಿ ಪುಡ್‌ಚಿತುಂಡ್, ಪುಚ್ಚ್ ಪುಡ್‌ಚಂವೊ, ನಿಂಗ ಎನ್ನಂಗ್ ಅಂವೊಂಡ ತಕ್ಕ್‌ನ ಕ್‍ೕಪಿರಾಂದ್ ಎಣ್ಣ್‌ಚಿ.

ಯೋಹಾನ 7:20

ಅಕ್ಕ, ಜನ ಯೇಸುನ ನೋಟಿತ್: ನೀಕ್ ಕೂಳಿ ಪುಡ್‌ಚಿತ್ ಉಂಡ್, ದಾರ್ ನಿನ್ನ ಕೊಲ್ಲ್‌ವಕ್ ತ್‍ೕಡಿಯಂಡ್ ಉಂಡ್‍ೕಂದ್ ಕ್‍ೕಟತ್.

ಯೋಹಾನ 8:48

ಅಕ್ಕ ಯೆಹೂದ್ಯಂಗಡ ಅದಿಕಾರಿಯಂಗ ಯೇಸುಕ್: ನೀನ್ ಸಮಾರ್ಯ ಊರ್‌ಕ್ ಕೂಡ್‍ನಂವೋಂದು, ಕೂಳಿ ಪುಡ್‌ಚಂವೋಂದು ನಂಗ ಎಣ್ಣ್‌ನದ್ ಸರಿಯಾಚಲ್ಲಾಂದ್ ಎಣ್ಣ್‌ಚಿ.

ಯೋಹಾನ 8:52

ನೀಕ್ ಕೂಳಿ ಪುಡ್‌ಚಿತ್ ಉಂಡ್‍ೕಂದ್ ನಂಗಕ್ ಇಕ್ಕ ಗೊತ್ತಾಚಿ. ಅಬ್ರಹಾಮನು, ಪ್ರವಾದಿಯಂಗಳು ಚತ್ತ್ ಪೋಚಿ. ಆಚೇಂಗಿ, ನೀನ್: ನೀಡ ಬೋದನೆರ ಪ್ರಕಾರ ನಡ್‍ಪಯಿಂಗ ಎಕ್ಕಾಲು ಚಾವ್‍ಲೇಂದ್ ಎಣ್ಣುವಿಯಲ್ಲಾಂದ್ ಎಣ್ಣ್‌ಚಿ.

ಅಪೊಸ್ತಲ 26:24

ಇನ್ನನೆ ಪೌಲ ಅಂವೊಂಗಾಯಿತ್ ವಾದಮಾಡಿಯಂಡಿಪ್ಪಕಲೆ, ಫೆಸ್ತ ಬಲ್ಯ ಸ್ವರತ್‍ಲ್: ಪೌಲನೇ, ನೀಕ್ ಪುಚ್ಚ್ ಪುಡ್‌ಚಿರ್‌ತ್. ನೀನ್ ದುಂಬ ಓದಿತುಳ್ಳಿಯ, ಅದೇ ನಿನ್ನ ಪುಚ್ಚ್ ಪುಡ್‌ಚನೆಕೆ ಮಾಡಿಯಂಡುಂಡ್‍ೕಂದ್ ಎಣ್ಣ್‌ಚಿ.

1 ಕೊರಿಂಥ 9:27

ಬೋರೆಯಿಂಗಕ್ ಬೋದನೆ ಮಾಡ್‌ವ ನನ್ನ, ದೇವ ಅರ್ಹದೆ ಇಲ್ಲೇಂದ್ ಮಾಡತನೆಕೆ, ಒರ್ ಕಳಿಕಾರಂಡನೆಕೆ ನಾನ್ ನಾಡ ತಡೀನ ಶಿಸ್ತ್‌ಲ್ ಅಬ್ಯಾಸ ಮಾಡಿಯಂಡುಂಡ್.