ಮತ್ತಾಯ 10:5 - ಕೊಡವ ಬೈಬಲ್

⁵ ಈ ಪನ್ನೆರಂಡ್ ಶಿಷ್ಯಂಗಳ ಯೇಸು ಅಯಿಪಕ, ಇನ್ನನೆ ಎಚ್ಚರಿಕೆ ಮಾಡಿತ್ ಅಯಿಚತ್: ಯೆಹೂದ್ಯಂಗ ಇಲ್ಲತ ಜಾಗಕ್ ಪೋಕತಿ ಪಿಂಞ ಸಮಾರ್ಯ ಪಟ್ಟಣತ್‍ಲ್ ಕಾಲಿಡತಿ.

ಮತ್ತಾಯ 10:5 ပူးပေါင်းရင်းမြစ်များ

ಮತ್ತಾಯ 22:3

ಅಡಿಗೆಯೆಲ್ಲಾ ತಯಾರಾನ ಪಿಂಞ, ಕಾಕ್‍ನಯಿಂಗಕ್ ಪೋಯಿತ್ ಗದ್ದಾಳ ತಯಾರಾಯಿತುಂಡೂಂದು, ನಿಂಗ ಬಪ್ಪಕ್ ಸಮಯ ಆಚೀಂದು ಎಣ್ಣ್‌ವಕ್ ಅಂವೊಂಡ ಆಳ್‍ವಳ ಅಯಿಚತ್. ಆಚೇಂಗಿ ಮಂಗಲಕ್ ಬಪ್ಪಕುಳ್ಳಯಿಂಗ ಬಪ್ಪ್‌ಲೇಂದ್ ಎಣ್ಣ್‌ಚಿ.

ಮತ್ತಾಯ 4:15

ಜೆಬುಲೋನ್ ಪಿಂಞ ನೆಫ್ತಲೀಮ್ ನಾಡಾನ ಗಲಿಲಾಯ ಪ್ರಾಂತ್ಯತ್‍ಲ್ ಉಳ್ಳ,

ಮಾರ್ಕ 6:7

ಯೇಸು ಅಂವೊಂಡ ಪನ್ನೆರಂಡ್ ಶಿಷ್ಯಂಗಳ ಕಾಕುವಂಜಿ ದಂಡ್ ದಂಡಾಳಾಯಿತ್ ಅಯಿಂಗಳ ಅಯಿಚತ್. ನಿಂಗ ಊರ್‌ಕ್ ಪೋಯಿತ್ ನಿಂಗ ಕೂಳಿ ಪುಡ್‌ಚಯಿಂಗಳ ಬುಡ್‍ತಿ ಎಣ್ಣಿಯಂಡ್ ಶಕ್ತಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:1

ಇದೆಲ್ಲಾ ಆನ ಪಿಂಞ ಯೇಸು ಇಂಞು ಎಳ್‌ವದ್ ಜನಳ ಗೊತ್ತ್ ಮಾಡಿತ್, ಅಂವೊಗಿಂಜ ಮಿಂಞ ಅಯಿಂಗಳ ಊರ್ ಊರ್‌ಕ್ ದಂಡ್‌ದಂಡ್ ಆಳಾಯಿತ್ ಅಯಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:33

ಪಿಂಞ ಒರ್ ಸಮಾರಿಯ ಆ ಬಟ್ಟೇಲ್ ಪ್ರಯಾಣ ಮಾಡಿಯಂಡಿಪ್ಪಕ, ಈ ಮನುಷ್ಯನ ನೋಟಿತ್, ಕನಿಕರ ಪಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:16

ಪಿಂಞ ಯೇಸುರ ಕಾಲ್‌ಕ್ ಅಡ್ಡ ಬುದ್ದಿತ್ ವಾಸಿ ಆನಗುಂಡ್ ವಂದನೆ ಮಾಡ್‍ಚಿ. ಅಂವೊ ಸಮಾರಿಯ ನಾಡ್‍ಕ್ ಕೂಡ್‍ನಂವೊನಾಯಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:1

ಯೇಸು ಅಂವೊಂಡ ಪನ್ನೆರಂಡ್ ಶಿಷ್ಯಂಗಳ ಕಾಕಿತ್, ಕೂಳಿ ಪುಡ್‍ಚಯಿಂಗಡ ಮೇಲ್ಂಜ ಎಲ್ಲಾ ಕೂಳಿಯಳ ಬುಡ್‌ತ್‌ವಕು ಪಿಂಞ ರೋಗಿಯಳ ವಾಸಿ ಮಾಡ್‌ವಕು ಬೋಂಡಿತಾನ ಶಕ್ತಿ ಪಿಂಞ ಅದಿಕಾರತ್‍ನ ಅಯಿಂಗಕ್ ಕೊಡ್‌ತಿತ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:2

ದೇವಡ ರಾಜ್ಯತ್‍ರ ವಿಷಯತ್‍ನ ಬೋದನೆ ಮಾಡ್‌ವಕು ಕಾಯಿಲಸ್ತಂಗಳ ವಾಸಿ ಮಾಡ್‌ವಕು ಅಯಿಂಗಳ ಅಯಿಚತ್.

ಯೋಹಾನ 17:18

ನೀನ್ ನನ್ನ ಲೋಕಕ್ ಅಯಿಚನೆಕೆ ನಾನ್ ಅಯಿಂಗಳ ಲೋಕಕ್ ಅಯಿಪಿ.

ಯೋಹಾನ 20:21

ಯೇಸು ಇಂಞೊರ್ ಕುರಿ ನಿಂಗಕ್ ಸಮಾದಾನ ಆಡ್; ನಾಡ ಅಪ್ಪ ನನ್ನ ಅಯಿಚನೆಕೆ ನಿಂಗಳ ನಾನು ಅಯಿಚಂಡುಳ್ಳ್‌ಂದ್ ಎಣ್ಣಿತ್,

ಯೋಹಾನ 4:20

ನಂಗಡ ಮುತ್ತಜ್ಜಂಗ ಇಲ್ಲಿ ಈ ಕುಂದ್‍ಲ್ ದೇವನ ಆರಾದನೆ ಮಾಡಿಯಂಡಿಂಜತ್. ಆಚೇಂಗಿ, ಯೆಹೂದ್ಯಂಗಳಾನ ನಿಂಗ ದೇವನ ಆರಾದನೆ ಮಾಡ್‌ವಕ್ ಯೆರೂಸಲೇಮ್ ಮಾತ್ರ ಸರಿಯಾನ ಜಾಗಾಂದ್ ಎಣ್ಣ್‌ವಿರಲ್ಲಾಂದ್ ಎಣ್ಣ್‌ಚಿ.

ಯೋಹಾನ 4:5

ಅನ್ನನೆ, ಸಮಾರ್ಯತ್‍ಲ್ ಸುಖರ್ ಎಣ್ಣುವ ಪಟ್ಟಣಕ್ ಬಾತ್. ಆ ಜಾಗ, ಯಾಕೋಬ ಅಂವೊಂಡ ಮೋಂವೊ ಯೋಸೇಫಂಗ್ ಕೊಡ್‍ತ ನೆಲವಾಯಿತ್ಂಜತ್.

ಯೋಹಾನ 4:9

ನಾನ್ ಸಮಾರ್ಯ ಪೊಣ್ಣಾಳ್, ನೀನ್ ಯೆಹೂದ್ಯ ಮನುಷ್ಯ, ಅನ್ನನೆ ಇಪ್ಪಕ, ನೀನ್ ಎನ್ನನೆ ನಾಡ ಪಕ್ಕ ನೀರ್ ತಾಂದ್ ಕ್‍ೕಪಿಯಾಂದ್ ಅವ ಕ್‍ೕಟತ್. ಎನ್ನಂಗೆಣ್ಣ್‌ಚೇಂಗಿ, ಯೆಹೂದ್ಯಂಗ ಸಮಾರ್ಯಂಗಡ ಕೂಡೆ ಏದ್ ವಿಷಯತ್‍ಲು ಸಂಬಂದ ಬೆಪ್ಪುಲೆ.

ಯೋಹಾನ 7:35

ಯೆಹೂದ್ಯ ಅದಿಕಾರಿಯಂಗ ಇದ್‍ನ ಕ್‍ೕಪಕ: ಇಂವೊ ನಂಗ ಕಾಂಗತನೆಕೆ ಎಲ್ಲಿಕ್ ಪೋಪ? ಗ್ರೀಕ್ ರಾಜ್ಯತ್‍ಲ್ ಚದ್‌ರಿ ಪೋಯಿತುಳ್ಳ ನಂಗಡ ಜನತ್‍ರ ಪಕ್ಕ ಪೋಯಿತ್ ಅಲ್ಲಿ ಉಳ್ಳ ಯೆಹೂದ್ಯ ಅಲ್ಲತಯಿಂಗಕ್ ಬೋದನೆ ಮಾಡ್‌ವೋ?

ಯೋಹಾನ 8:48

ಅಕ್ಕ ಯೆಹೂದ್ಯಂಗಡ ಅದಿಕಾರಿಯಂಗ ಯೇಸುಕ್: ನೀನ್ ಸಮಾರ್ಯ ಊರ್‌ಕ್ ಕೂಡ್‍ನಂವೋಂದು, ಕೂಳಿ ಪುಡ್‌ಚಂವೋಂದು ನಂಗ ಎಣ್ಣ್‌ನದ್ ಸರಿಯಾಚಲ್ಲಾಂದ್ ಎಣ್ಣ್‌ಚಿ.

ಅಪೊಸ್ತಲ 1:8

ಆಚೇಂಗಿ ಪವಿತ್ರಾತ್ಮ ನಿಂಗಡ ಮೇಲೆ ಬಪ್ಪಕ, ನಿಂಗ ಶಕ್ತಿವಂತಯಂಗಳಾಯಿತ್ ಯೆರೂಸಲೇಮ್ ಪಟ್ಟಣತ್‍ಲ್, ಯೂದಾಯ ಪ್ರಾಂತ್ಯತ್‍ಲ್, ಸಮಾರ್ಯ ಜಾಗತ್‍ಲ್ ಪಿಂಞ ಬೂಮಿರ ಕಡೇಕತ್ತನೆ ನಾಕ್ ಸಾಕ್ಷಿಯಳಾಯಿತ್‌ಪ್ಪಿರ.

ಅಪೊಸ್ತಲ 10:45

ಯೊಪ್ಪ ಪಟ್ಟಣತ್ಂಜ ಪೇತ್ರಂಡ ಕೂಡೆ ಬಂದಿತ್ಂಜ ಸುನ್ನತಿ ಮಾಡ್‍ನ ಯೇಸುನ ನಂಬ್‍ನ ಯೆಹೂದ್ಯಂಗ, ಯೆಹೂದ್ಯಂಗ ಅಲ್ಲತಯಿಂಗಡ ಮೇಲೆ ಸಹ ದೇವ, ಪವಿತ್ರಾತ್ಮಂಡ ವರತ್‍ನ ಕೊಡ್‍ತಿತ್ತುಂಡ್‍ೕಂದ್ ಕಂಡಿತ್ ಆಶ್ಚರ್ಯ ಪಟ್ಟತ್.

ಅಪೊಸ್ತಲ 8:1

ಸೌಲ ಸಹ ಸ್ತೆಫನನ ಕೊಲ್ಲ್‌ವಕ್ ಒತ್ತಂಡಿಂಜತ್. ಅದೇ ದಿವಸತ್ ಯೆರೂಸಲೇಮ್‍ಲ್ ಇಂಜ ಸಬೇಕ್ ಬಲ್ಯ ಹಿಂಸೆ ಸುರ್ ಆಚಿ. ಅಪೊಸ್ತಲಂಗ ಅಲ್ಲತೆ, ಬೋರೆ ಎಲ್ಲಾ ಶಿಷ್ಯಂಗಳು ಯೂದಾಯ ಪಿಂಞ ಸಮಾರ್ಯ ಪ್ರಾಂತ್ಯತ್‍ಲ್ ಚದ್‌ರಿ ಪೋಚಿ.

1 ಥೆಸಲೊನೀಕ 2:16

ಯೆಹೂದ್ಯ ಅಲ್ಲತಯಿಂಗ ಯೇಸುನ ನಂಬಿತ್ ದೇವಡ ಮಕ್ಕಳಾಪಕ್ಕಾಗಾಂದ್ ಅಯಿಂಗ ಇನ್ನನೆ ಪ್ರಯತ್ನಪಟ್ಟಂಡುಂಡ್. ಆನಗುಂಡ್, ನಂಗ ಎಲ್ಲಿಕು ಪೋಯಿತ್ ದೇವಡ ತಕ್ಕ್ ಪರಿಯತನೆಕೆ ತಡೆ ಮಾಡಿಯಂಡುಂಡ್. ಅನ್ನನೆ ಅಯಿಂಗ ಅಯಿಂಗಡ ಪಾಪ ಪೂರ್ತಿ ಆಪನೆಕೆ ಮಾಡಿಯಂಡುಂಡ್; ದೇವಡ ಬಲ್ಯ ಚೆಡಿ ಅಯಿಂಗಡ ಮೇಲೆ ದುಂಬ ಬಂದಿತುಂಡ್.