ಮತ್ತಾಯ 10:41 - ಕೊಡವ ಬೈಬಲ್

⁴¹ ನಿಂಗ, ಒರ್ ಪ್ರವಾದಿನ, ಅಂವೊ ದೇವಡ ಪ್ರವಾದೀಂದ್ ಗೊತ್ತಾನಗುಂಡ್ ಸತ್ಕಾರ ಮಾಡ್‍ನಕ, ಒರ್ ಪ್ರವಾದಿಕ್ ಕ್‍ಟ್ಟ್‌ವ ಅದೇ ಫಲ ನಿಂಗಕು ಕ್‍ಟ್ಟ್‌ವ. ಅನ್ನನೆ, ಒರ್ ಮನುಷ್ಯ ನೀತಿವಂತಂವೋಂದ್ ಗೊತ್ತಾನಗುಂಡ್ ಅಂವೊನ ಸತ್ಕಾರ ಮಾಡ್‍ಚೇಂಗಿ, ಆ ನೀತಿವಂತ ಮನುಷ್ಯಂಗ್ ಕ್‍ಟ್ಟ್‌ವ ಅದೇ ಫಲ ನಿಂಗಕು ಕ್‍ಟ್ಟ್‌ವ.

ಮತ್ತಾಯ 10:41 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 20:7

ಇಕ್ಕ ನೀನ್‌ ಆ ಮನುಷ್ಯಂಡ ಪೊಣ್ಣ್‌ನ ತಿರಿತ್‌ ಅಂವೊಂಡ ಪಕ್ಕ ಅಯಿಚಿರ್. ಅಂವೊ ಒರ್‌ ಪ್ರವಾದಿ; ಅಂವೊ ನೀಕಾಯಿತ್‌ ಪ್ರಾರ್ಥನೆ ಮಾಡುವ, ನೀನ್‌ ಬದ್‌ಕ್‌ವಿಯ; ನೀನ್‌ ಅವಳ ತಿರಿತ್‌ ಅಂವೊಂಡ ಪಕ್ಕ ಅಯಿಕತೆ ಪೋಚೇಂಗಿ, ನೀನ್‌ ಪಿಂಞ ನೀಡ ಎಲ್ಲಾ ಮನೆಕಾರಂಗ ನೇರಾಯಿತು ಚತ್ತ್‌ ಪೋಪಾಂದ್‌ ಸ್ವಪ್ನತ್‌ಲ್‌ ಎಣ್ಣ್‌ಚಿ.

ಮತ್ತಾಯ 16:27

ಮನುಷ್ಯಕುಮಾರನಾನ ನಾನ್ ನಾಡ ಅಪ್ಪಂಡ ದುಂಬ್‍ನ ಮಹಿಮೆಲ್ ನಾಡ ದೂತಂಗಡ ಕೂಡೆ ಬಪ್ಪಿ; ಆ ಸಮಯತ್‍ಲ್ ನಾನ್ ಒಬ್ಬೊಬ್ಬಂಗ್ ಅಯಿಂಗಯಿಂಗ ಮಾಡ್‍ನ ಕೆಲಸಕ್ ಆನ ಇನಾಮ್‍ನ ಕೊಡ್‍ಪಿ.

ಮತ್ತಾಯ 25:44

ಅಕ್ಕ ಅಯಿಂಗ: ಒಡೆಯನೇ, ನೀನ್ ಎಕ್ಕ ಕೆಲ ಪಯಿಚಂವೊನಾಯಿತ್, ಬಾಯಾರಿಕೆ ಉಳ್ಳಂವೊನಾಯಿತ್, ಪರಿಚಯ ಇಲ್ಲತಂವೊನಾಯಿತ್, ಬಟ್ಟೆ ಇಲ್ಲತಂವೊನಾಯಿತ್, ಕಾಯಿಲಸ್ತನಾಯಿತ್, ಜೈಲ್‍ಲ್ ಇಂಜಂವೊನಾಯಿತ್ ಕಂಡಿತ್ ನಂಗ ನೀಕ್ ಸಹಾಯ ಮಾಡಿತ್‌ಲ್ಲೇಂದ್ ಕ್‍ೕಪ.

ಮತ್ತಾಯ 25:45

ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಎಕ್ಕ ಸಹಾಯ ಮಾಡಿತ್‌ಲ್ಲೆಯೋ ಅಕ್ಕಲೆ ನಿಂಗ ನಾಕ್ ಮಾಡಿತ್‌ಲ್ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ವ.

ಮತ್ತಾಯ 6:1

ನಿಂಗ ಮಾಡ್‌ವ ದರ್ಮ ಕಾರ್ಯತ್‍ನ ಎಲ್ಲಾರು ಕಂಡಿತ್ ಮೆಚ್ಚ್‌ವನೆಕೆ ಮಾಡ್‌ವಕ್ಕಾಗ. ಅನ್ನನೆ ಮಾಡ್‍ಚೇಂಗಿ ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪಯಿಂಜ ಕ್‍ಟ್ಟ್‌ವಕುಳ್ಳ ಫಲತ್‍ನ ನಿಂಗ ಕಳೆಂದ್‍ರ್‍ವಿರ.

ಮತ್ತಾಯ 6:18

ಅಕ್ಕ ನಿಂಗ ಗುಟ್ಟ್‌ಲ್ ಎಂತ ಮಾಡಿಯಂಡುಳ್ಳಿರಾಂದ್ ಗೊತ್ತುಳ್ಳ ನಿಂಗಡ ಅಪ್ಪನ ಬುಟ್ಟಿತ್, ಬೋರೆ ದಾರ್‌ಕು ನಿಂಗ ಪಟ್ಟಣಿ ನಿಂದಂಡುಳ್ಳದ್ ಗೊತ್ತಾಪುಲೆ. ಅಕ್ಕ, ಎಲ್ಲಾ ಗುಟ್ಟು ಗೊತ್ತುಳ್ಳ ನಿಂಗಡ ಅಪ್ಪ, ನಿಂಗಕ್ ಫಲ ತಪ್ಪ.

ಮತ್ತಾಯ 6:4

ನಿಂಗಡ ಇನಾಮ್‍ನ ಗುಟ್ಟಾಯಿತ್ ಕೊಡಿ, ಎಲ್ಲಾ ಒಳಗುಟ್ಟ್‌ನ ಗೊತ್ತುಳ್ಳ ನಿಂಗಡ ಅಪ್ಪ ನಿಂಗಕ್ ಫಲ ತಪ್ಪ.

ಮತ್ತಾಯ 6:6

ಆಚೇಂಗಿ ನಿಂಗ ಪ್ರಾರ್ಥನೆ ಮಾಡ್‌ವಕಾಪಕ ದಾರ್‌ಕು ಗೊತ್ತಿಲ್ಲತೆ ನಿಂಗಡ ಕೋಂಬರೇಕ್ ಪೋಯಿತ್, ಪಡಿ ಇಟ್ಟಂಡ್ ನಿಂಗಕ್ ಕಾಂಗತ ಅಪ್ಪನಾನ ದೇವನ ನೋಟಿತ್ ಪ್ರಾರ್ಥನೆ ಮಾಡಿ. ದಾರ್‌ಕು ಗೊತ್ತಿಲ್ಲತೆ ಮಾಡ್‌ವಾನೆಲ್ಲ ನೋಟುವ ನಿಂಗಡ ಅಪ್ಪ ನಿಂಗಕ್ ಫಲ ತಪ್ಪ.

ಮತ್ತಾಯ 7:8

ಎನ್ನಂಗೆಣ್ಣ್‌ಚೇಂಗಿ ದಾರೆಲ್ಲಾ ಕ್‍ೕಪ ಅಯಿಂಗಕ್ ಕ್‍ಟ್ಟುವ; ದಾರೆಲ್ಲ ತ್‍ೕಡ್‌ವ, ಅಯಿಂಗಕ್ ಕಾಂಬ; ದಾರೆಲ್ಲ ತಟ್ಟ್‌ವ, ಅಯಿಂಗಕ್ ಪಡಿ ತೊರ್‌ಪ.

ಅಪೊಸ್ತಲ 16:15

ಅವ ಪಿಂಞ ಅವಡ ಮನೆಕಾರಂಗೆಲ್ಲ ದೀಕ್ಷಾಸ್ನಾನ ಎಡ್‌ತ ಪಿಂಞ, ಅವ ನಂಗಳ ನೋಟಿತ್: ನಾನ್ ಕ್ರಿಸ್ತನ ನಂಬಿತುಳ್ಳ್‌ಂದ್ ನಿಂಗ ನಂಬ್‍ಚೇಂಗಿ, ನಾಡ ಮನೆಕ್ ಬಂದಿತ್ ಒಳಿಯಂಡೂಂದ್ ಒತ್ತಾಯ ಮಾಡ್‍ಚಿ.

ರೋಮ್ 16:23

ನನ್ನ ಪಿಂಞ ಇಲ್ಲಿಯತ್‍ರ ಸಬೇನ ಚಾಯಿ ನೋಟಿಯಂಡುಳ್ಳ ಗಾಯನು ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಈ ಪಟ್ಟಣತ್‍ರ ಖಜಾನತ್‍ರ ಕಣಕ್ ನೋಟುವ ಎರಸ್ತ ಪಿಂಞ ತಮ್ಮಣನಾನ ಕ್ವರ್ತ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್.

1 ಕೊರಿಂಥ 9:17

ನಾನ್ ನಾಡ ಕುಶೀಲ್ ಈ ಸೇವೇನ ಮಾಡ್‍ಚೇಂಗಿ, ನಾಕ್ ಫಲ ಉಂಡ್; ಆಚೇಂಗಿ ಇದ್‍ನ ಮಾಡಂಡೂಂದ್ ನಾನ್ ತೀರ್ಮಾನ ಮಾಡಿತ್ತ್‌ಲ್ಲೆ. ನನ್ನ ನಂಬಿತ್, ಈ ಜವಾಬ್ದಾರಿನ ದೇವ ನಾಕ್ ಕೊಡ್‌ತಿತುಂಡ್. ನಾನ್ ಇದ್‍ಯಿಂಜ ತಪ್ಪಿಚಿಡ್‌ವಕ್ ಕಯ್ಯುಲೆ.

ಇಬ್ರಿಯ 6:10

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಸೇವೆ, ದೇವಡ ಮಕ್ಕಕ್ ನಿಂಗ ಮಾಡ್‍ನ ಪಿಂಞ ಇಕ್ಕ ಮಾಡಿಯಂಡುಳ್ಳ ಪ್ರೀತಿರ ಸೇವೇರ ಮೂಲಕ ಕಾಂಬ್‌ಚಿಡುವ ದೇವಡ ಮೇಲೆ ಉಳ್ಳ ಪ್ರೀತಿನ ದೇವ ಮರ್ಂದ್ ಪೋಪುಲೆ. ದೇವ ನೀತಿ ಉಳ್ಳಂವೊವನಾಯಿತುಂಡ್.

2 ಯೋಹಾನ 1:8

ನಿಂಗಡ ಕೆಲಸತ್‌ರ ಫಲತ್‍ನ ಕಳೆಂದ್ ಪೋಕತನೆಕೆ, ಅದ್ಂಗ್ ಪೂರ್ತಿ ಪ್ರತಿಫಲ ಕ್‍ಟ್ಟ್‌ವನೆಕೆ ಎಚ್ಚರತ್‍ಲ್ ಇರಿ.