ಮತ್ತಾಯ 10:4 - ಕೊಡವ ಬೈಬಲ್

⁴ ದೇಶ ಪ್ರೇಮಿಯಾನ ಸೀಮೋನ ಪಿಂಞ ಯೇಸುನ ವಿರೋದಿಯಂಗಡ ಪಕ್ಕ ಪುಡ್‌ಚಿತ್ ಕೊಡ್‍ಪ ಇಸ್ಕರಿಯೋತ ಯೂದ ಎಣ್ಣ್‌ವಯಿಂಗಳೇ.

ಮತ್ತಾಯ 10:4 ပူးပေါင်းရင်းမြစ်များ

ಮತ್ತಾಯ 26:14

ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಒಬ್ಬನಾನ ಇಸ್ಕರಿಯೋತ ಯೂದ ಎಣ್ಣ್‌ವಂವೊ ಮುಕ್ಯ ಯಾಜಕಂಗಡ ಪಕ್ಕ ಪೋಯಿತ್,

ಮತ್ತಾಯ 26:15

ನಾನ್ ಯೇಸುನ ಕಾಟಿ ಕೊಡ್‍ತಕ ನಿಂಗ ನಾಕ್ ಎಂತ ತಪ್ಪಿರಾಂದ್ ಕ್‍ೕಟತ್? ಅಯಿಂಗ ನುಪ್ಪದ್ ಬೊಳ್ಳಿರ ನಾಣ್ಯತ್‍ನ ಕೊಡ್‍ತತ್

ಮತ್ತಾಯ 26:2

ಇಂಞು ದಂಡ್ ದಿನ ಆನ ಪಿಂಞ ಪಸ್ಕ ನಮ್ಮೆ ಬಪ್ಪಕುಳ್ಳದ್ ನಿಂಗಕ್ ಗೊತ್ತುಂಡ್. ಅಕ್ಕ ಮನುಷ್ಯಕುಮಾರನ ಶಿಲುಬೇಕ್ ಇಡ್‌ವಕ್ ನಿಂಗಡಲ್ಲಿ ಒಬ್ಬ ನನ್ನ ಒಪ್ಪ್‌ಚಿಡುವ.

ಮತ್ತಾಯ 26:47

ಯೇಸು ಇದ್‍ನ ಎಣ್ಣಿಯಂಡಿಪ್ಪಕಲೇ, ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಒಬ್ಬನಾನ ಯೂದ ಬಾತ್. ಅಂವೊಂಡ ಕೂಡೆ ಮುಕ್ಯ ಯಾಜಕಂಗ ಪಿಂಞ ಜನಡ ಪೆರಿಯಯಿಂಗ ಅಯಿಚ ಬಲ್ಯ ಜನಡ ಗುಂಪ್ ಕತ್ತಿ ದೊಣ್ಣೆನೆಲ್ಲ ಎಡ್‍ತಂಡ್ ಬಂದಿತ್ಂಜತ್.

ಮತ್ತಾಯ 27:3

ಯೇಸುಕ್ ಮರಣ ಶಿಕ್ಷೇರ ತೀರ್ಪ್ ಕೊಡ್‍ತಿತುಂಡ್‍ೕಂದ್, ಅಂವೊನ ಪುಡ್‍ಚಿ ಕೊಡ್‍ತ ಯೂದಂಗ್ ಗೊತ್ತಾನ ಪಿಂಞ, ಅಂವೊ ದುಂಬ ಪಶ್ಚಾತಾಪ ಪಟ್ಟಿತ್, ಆ ನುಪ್ಪದ್ ಬೊಳ್ಳಿರ ನಾಣ್ಯತ್‍ನ ಮುಕ್ಯ ಯಾಜಕಂಗಡ ಪಕ್ಕ ಪಿಂಞ ಜನಡ ಪೆರಿಯಯಿಂಗಡ ಪಕ್ಕ ಕೊಡ್‌ತಿತ್,

ಮಾರ್ಕ 14:10

ಅಲ್ಲಿಂಜ ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಉಳ್ಳ ಇಸ್ಕರಿಯೋತ ಯೂದ ಎಣ್ಣ್‌ವಂವೊ ಯೇಸುನ ಪುಡ್‍ಚಿ ಕೊಡ್‍ಪಕ್ ಏರ್ಪಾಡ್ ಮಾಡ್‌ವಕಾಯಿತ್ ಮುಕ್ಯ ಯಾಜಕಂಗಡ ಪಕ್ಕ ಪೋಚಿ.

ಮಾರ್ಕ 14:43

ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಉಳ್ಳ ಯೂದ ಎಣ್ಣ್‌ವಂವೊ ಯೇಸು ತಕ್ಕ್ ಪರ್‌ದಂಡ್ ಇಪ್ಪಕಾಪಕ ಬಾತ್. ಅಂವೊಂಡ ಕೂಡೆ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ, ಮುಕ್ಯ ಯಾಜಕಂಗ, ಪೆರಿಯಯಿಂಗ ಅಯಿಚ ಒರ್ ಬಲ್ಯ ಗುಂಪ್ ಕತ್ತಿ, ಕಂಬ್ ಎಡ್‍ತಂಡ್ ಅಂವೊಂಡ ಪಕ್ಕ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:3

ಅಕ್ಕ ಸೈತಾನ, ಯೇಸುರ ಪನ್ನೆರಂಡ್ ಶಿಷ್ಯಂಗಡಲ್ಲಿ ಇಸ್ಕರಿಯೋತ ಎಣ್ಣುವ ಯೂದಂಡ ಮೇಲ್‌ಕ್ ಕೂಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:47

ಅಂವೊ ತಕ್ಕ್ ಪರ್‌ದಂಡ್ ಇಪ್ಪಕಾಪಕ ಜನಡ ಗುಂಪ್ ಬಾತ್. ಪನ್ನೆರಂಡ್ ಶಿಷ್ಯಂಗಡಲ್ಲಿ ಒಬ್ಬನಾನ ಯೂದ ಆ ಗುಂಪ್‍ರ ಮಿಂಞತ್‍ಲ್ ಇಂಜತ್. ಅಂವೊ ಯೇಸುಕ್ ಮುತ್ತ್‌ಕೊಡ್‌ಪಕ್ ಯೇಸುರ ಪಕ್ಕ ಪೋಚಿ.

ಯೋಹಾನ 13:2

ಆ ಬಯಿಟ್ ಅಯಿಂಗೆಲ್ಲಾರು ಉಂಡಂಡಿಂಜತ್, ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್, ಯೇಸುನ ಪುಡ್‌ಚಿತ್ ಕೊಡ್‍ಕಂಡೂಂದ್ ಉಳ್ಳ ಗೇನತ್‍ನ ಸೈತಾನ ಅಂವೊಂಡ ಮನಸ್ಸ್‌ಲ್ ಮಿಂಞಲೇ ಇಟ್ಟಿತ್ಂಜತ್.

ಯೋಹಾನ 6:64

ಆಚೇಂಗಿಯು, ನಿಂಗಡಲ್ಲಿ, ನನ್ನ ನಂಬತಯಿಂಗ ಚೆನ್ನ ಉಂಡ್. ಯೇಸು ಇನ್ನನೆ ಎಣ್ಣ್‌ವಕ್ ಕಾರಣ ಎಂತ ಎಣ್ಣ್‌ಚೇಂಗಿ: ಅಂವೊನ ನಂಬತಂವೊ ದಾರ್‍ೕಂದು, ಅಂವೊನ ಕೊಲ್ಲುವಕ್ ಪುಡ್‌ಚಿತ್ ಕೊಡ್‍ಪಂವೊ ದಾರ್‍ೕಂದು ಅಂವೊಂಗ್ ಆದ್ಯತ್ಂಜಲೇ ಗೊತ್ತ್ಂಜತ್.

ಯೋಹಾನ 6:71

ಸೀಮೋನಂಡ ಮೋಂವೊನಾನ ಇಸ್ಕರಿಯೋತ ಯೂದ ಯೇಸುರ ಪನ್ನೆರಂಡ್ ಶಿಷ್ಯಂಗಡಲ್ಲಿ ಒಬ್ಬನಾಯಿತ್ ಇಂಜತೇಂಗಿಯು, ಬಯ್ಯ ತನ್ನ ಕೊಲ್ಲ್‌ವಕ್ ಪುಡ್‌ಚಿತ್ ಕೊಡ್‍ಪಂವೊನಾಯಿತ್ ಇಂಜಗುಂಡ್, ಅಂವೊಂಡ ವಿಷಯತ್ ಯೇಸು ಇನ್ನನೆ ಎಣ್ಣ್‌ಚಿ.

ಅಪೊಸ್ತಲ 1:13

ಅಯಿಂಗ ಅಲ್ಲಿ ಬಪ್ಪಕ, ಅಯಿಂಗ ವಾಸ ಮಾಡಿಯಂಡಿಂಜ ಕೊಡಿಲ್ ಉಳ್ಳ ಕೋಂಬರೇಕ್ ಪತ್ತ್‌ಚಿ. ಅಯಿಂಗಡಲ್ಲಿ ಇಂಜಯಿಂಗ ದಾರ್ ದಾರ್‍ೕಂದ್ ಎಣ್ಣ್‌ಚೇಂಗಿ, ಪೇತ್ರ, ಯಾಕೋಬ, ಯೋಹಾನ, ಅಂದ್ರೆಯ, ಫಿಲಿಪ್ಪ, ತೋಮ, ಬಾರ್ತೊಲೊಮಾಯ, ಮತ್ತಾಯ, ಅಲ್ಫಾಯಂಡ ಮೋಂವೊನಾನ ಯಾಕೋಬ, ದೇಶ ಪ್ರೇಮಿಯಾಯಿತ್ಂಜ ಸೀಮೋನ ಪಿಂಞ ಯಾಕೋಬಂಡ ತಮ್ಮಣನಾನ ಯೂದ ಎಣ್ಣ್‌ವಯಿಂಗಳೇ.

ಅಪೊಸ್ತಲ 1:25

ಈ ದಂಡಾಳ್‌ರ ಕೂಟ್‌ಲ್ ದಾರ್‍ೕಂದ್ ಗೊತ್ತ್ ಮಾಡಿತ್ ಕಾಟ್‍ೕಂದ್ ಪ್ರಾರ್ಥನೆ ಮಾಡ್‍ಚಿ. ಎನ್ನಂಗೆಣ್ಣ್‌ಚೇಂಗಿ, ಯೂದ ಈ ಅಪೊಸ್ತಲ ಸ್ತಾನತ್ಂಜ, ಮೋಸ ಮಾಡಿತ್, ಅಂವೊಂಗ್ ತಕ್ಕ ಜಾಗಕ್ ಪೋಚಿ.