ಮತ್ತಾಯ 10:26 - ಕೊಡವ ಬೈಬಲ್

²⁶ ಆನಗುಂಡ್ ನಿಂಗಳ ದಬಾಯಿಚಿಡ್‍ವಯಿಂಗಕ್ ಬೊತ್ತತಿ. ಎನ್ನಂಗೆಣ್ಣ್‌ಚೇಂಗಿ, ಒಳ್‌ಪ್‌ಚ್ಚಿಟಂಡ್ ಉಳ್ಳದೆಲ್ಲ ಪೊರಮೆ ಬಪ್ಪ, ಮುಚ್ಚಿತುಳ್ಳದೆಲ್ಲಾ ಬೊಳಿಕ್ ಬಪ್ಪ.

ಮತ್ತಾಯ 10:26 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:9

ಸತ್ಯತ್‌ಲ್‌ ನಡ್‌ಪಂವೊ ಪೋಡಿಯಿಲ್ಲತೆ ನಡ್‌ಪ. ಆಚೇಂಗಿ ಕಪಟಿಯಂಗಡ ಬಟ್ಟೆಲ್‌ ನಡ್‌ಪಂವೊ ಚಿಕ್ಕಿಪೋಪ.

ಜ್ಞಾನತ್‌ರ ಪಡಿಮ 28:1

ದಾರು ಓಡಿಚಿಡತೆ ಪೋಚೇಂಗಿಯು ದುಷ್ಟ ಓಡಿ ಪೋಪ. ಆಚೇಂಗಿ ನೀತಿವಂತಯಿಂಗ ಸಿಂಹತ್‌ರನೆಕೆ ದೈರ್ಯತ್‌ಲ್‌ ಇಪ್ಪ.

ಜ್ಞಾನತ್‌ರ ಪಡಿಮ 29:25

ಮನುಷ್ಯಂಗಕ್‌ ಬೊತ್ತ್‌ವದ್‌ ಬಲ್ಯ ಕೆಣಿ, ಆಚೇಂಗಿ ಯೆಹೋವಂಡ ಮೇಲೆ ನಂಬಿಕೆ ಇಡ್‌ವಂವೊ ಸೌಕ್ಯತ್‌ ಇಪ್ಪ.

ಮತ್ತಾಯ 10:28

ತಡೀನ ಮಾತ್ರ ಕೊಂದಿತ್ ಆತ್ಮತ್‌ನ ಕೊಲ್ಲ್‌ವಕ್ ಕಯ್ಯತಯಿಂಗಕ್ ಬೊತ್ತತಿ. ಆಚೇಂಗಿ ಆತ್ಮತ್‍ನು ತಡೀನು ನರಕತ್‍ಲ್ ನಾಶ ಮಾಡ್‌ವಕ್ ಶಕ್ತಿವಂತನಾಯಿತುಳ್ಳಂವೊಂಗ್ ಬೊತ್ತಿಚಿಡಿ.

ಮಾರ್ಕ 4:22

ಒಳ್‌ಪ್‌ಚ್ಚಿಟಂಡ್ ಉಳ್ಳದೆಲ್ಲ ಪೊರಮೆ ಬಪ್ಪ, ಮುಚ್ಚಿತುಳ್ಳದೆಲ್ಲಾ ಬೊಳಿಕ್ ಬಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:47

ಇಂಞು: ಯೆರೂಸಲೇಮ್ಂಜ ಎಲ್ಲಾ ದೇಶತ್‍ರ ಜನಕ್ ಪಾಪಕ್ಷಮೆ ಕ್‍ಟ್ಟ್‌ವಕ್ ದೇವಡ ಪಕ್ಕ ತಿರಿಗಿತ್ ಬರಂಡೂಂದ್ ನಾಡ ಅದಿಕಾರತ್‍ಲ್ ಪ್ರಚಾರ ಮಾಡೀಂದ್ ಎಣ್ಣಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:17

ಪೊರಮೆ ಬಕ್ಕತೆ ಇಪ್ಪ ಗುಟ್ಟ್ ಒಂದು ಇಲ್ಲೆ, ಒಳ್‌ಪ್‌ಚ್ಚಿಟಂಡ್ ಉಳ್ಳದೆಲ್ಲ ಪೊರಮೆ ಬಪ್ಪ, ಮುಚ್ಚಿತುಳ್ಳದೆಲ್ಲಾ ಬೊಳಿಕ್ ಬಪ್ಪ. ಆನಗುಂಡ್ ನಿಂಗ ಎಂತ ಕ್‍ೕಪಿರ, ಅದ್‍ನ ಎಚ್ಚರತ್‍ಲ್ ಕ್‍ೕಳಿ.

ಅಪೊಸ್ತಲ 1:8

ಆಚೇಂಗಿ ಪವಿತ್ರಾತ್ಮ ನಿಂಗಡ ಮೇಲೆ ಬಪ್ಪಕ, ನಿಂಗ ಶಕ್ತಿವಂತಯಂಗಳಾಯಿತ್ ಯೆರೂಸಲೇಮ್ ಪಟ್ಟಣತ್‍ಲ್, ಯೂದಾಯ ಪ್ರಾಂತ್ಯತ್‍ಲ್, ಸಮಾರ್ಯ ಜಾಗತ್‍ಲ್ ಪಿಂಞ ಬೂಮಿರ ಕಡೇಕತ್ತನೆ ನಾಕ್ ಸಾಕ್ಷಿಯಳಾಯಿತ್‌ಪ್ಪಿರ.

ಅಪೊಸ್ತಲ 4:13

ಪೇತ್ರ ಪಿಂಞ ಯೋಹಾನ ದೈರ್ಯತ್‍ಲ್ ತಕ್ಕ್ ಪರಿವಾನ ಅಯಿಂಗ ನೋಟಿತ್, ಈಂಗ ವಿದ್ಯ ಇಲ್ಲತಯಿಂಗಳು, ಸಾದಾರಣ ಮನುಷ್ಯಂಗಾಂದು ಗೊತ್ತಾಯಿತ್ ಆಶ್ಚರ್ಯಪಟ್ಟಿತ್, ಈಂಗ ಯೇಸುರ ಕೂಡೆ ಇಂಜಯಿಂಗಾಂದ್ ಅಯಿಂಗಕ್ ಗೊತ್ತಾಚಿ.

ಅಪೊಸ್ತಲ 4:19

ಆಚೇಂಗಿ ಪೇತ್ರ ಪಿಂಞ ಯೋಹಾನ ಅಯಿಂಗಕ್: ದೇವಡ ತಕ್ಕ್‌ಕ್ ಬಗ್ಗಿತ್ ನಡ್‍ಕತೆ ನಿಂಗಡ ತಕ್ಕ್‌ಕ್ ಬಗ್ಗಿತ್ ನಡ್‍ಪದ್ ದೇವಡ ಮಿಂಞತ್ ನ್ಯಾಯವಾಂದ್ ನಿಂಗಳೇ ಗೇನ ಮಾಡಿ.

1 ಕೊರಿಂಥ 4:5

ಈ ಕಾರಣಕಾಯಿತ್, ಸರಿಯಾನ ಸಮಯ ಬಪ್ಪಕ್ ಮಿಂಞ ನಿಂಗ ದಾರ್‌ಕು ತೀರ್ಪ್ ಮಾಡಂಡ. ಒಡೆಯ ಬಪ್ಪಕತ್ತನೆ ಪಾರಕಾತಂಡಿರಿ. ಅಂವೊ ಇರ್‌ಟ್‌ಲ್ ಉಳ್ಳ ಒಳಗುಟ್ಟ್‌ನೆಲ್ಲ ಬೊಳಿಕ್ ಕೊಂಡ್ ಬಂದಿತ್, ಹೃದಯತ್‍ರ ಗೇನತ್‍ನ ಪೊರಮೆ ಕಾಂಬ್‌ಚಿಡುವ. ಅಕ್ಕ ಒಬ್ಬೊಬ್ಬಂಗಕ್ ತಕ್ಕ ಹೊಗಳಿಕೆ ದೇವಡಯಿಂಜ ಅಯಿಂಗಕ್ ಕ್‍ಟ್ಟ್‌ವ.

1 ಪೇತ್ರ 3:14

ಆಚೇಂಗಿ, ನೀತಿವಂತ ಕಾರ್ಯ ಮಾಡಿತ್ ಅದ್ಂಗಾಯಿತ್ ತೊಂದರೆ ಬಾತೇಂಗಿ, ನಿಂಗ ಆಶೀರ್ವಾದ ಪಡ್ಂದಯಿಂಗ. ಅಯಿಂಗ ಜೋರ್ ಮಾಡ್‌ವದ್‍ನ ನೋಟಿತ್ ನಿಂಗ ಬೊತ್ತತೆ, ಪೋಡಿ ಇಲ್ಲತೆ ಇಕ್ಕಂಡು.