ಮತ್ತಾಯ 10:23 - ಕೊಡವ ಬೈಬಲ್

²³ ಒರ್ ಊರ್‌ಲ್ ನಿಂಗಕ್ ಹಿಂಸೆ ತಂದಕ ಬೋರೆ ಊರ್‌ಕ್ ಓಡಿ ಪೋಯಿ. ಎನ್ನಂಗೆಣ್ಣ್‌ಚೇಂಗಿ ಮನುಷ್ಯಕುಮಾರ ಬಪ್ಪಕ್ ಮಿಂಞ ಇಸ್ರಾಯೇಲ್‌ಲ್ ಉಳ್ಳ ಪಟ್ಟಣಕೆಲ್ಲ ನಿಂಗಕ್ ಪೋಪಕ್ ಕಯ್ಯುಲೇಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 10:23 ပူးပေါင်းရင်းမြစ်များ

ಮತ್ತಾಯ 16:27

ಮನುಷ್ಯಕುಮಾರನಾನ ನಾನ್ ನಾಡ ಅಪ್ಪಂಡ ದುಂಬ್‍ನ ಮಹಿಮೆಲ್ ನಾಡ ದೂತಂಗಡ ಕೂಡೆ ಬಪ್ಪಿ; ಆ ಸಮಯತ್‍ಲ್ ನಾನ್ ಒಬ್ಬೊಬ್ಬಂಗ್ ಅಯಿಂಗಯಿಂಗ ಮಾಡ್‍ನ ಕೆಲಸಕ್ ಆನ ಇನಾಮ್‍ನ ಕೊಡ್‍ಪಿ.

ಮತ್ತಾಯ 16:28

ಇಲ್ಲಿ ಉಳ್ಳ ಚೆನ್ನ ಜನ ಮನುಷ್ಯಕುಮಾರ ತಾಂಡ ರಾಜ್ಯತ್‍ಲ್ ಆಳುವಕಾಯಿತ್ ಬಪ್ಪದ್‍ನ ಕಾಂಬಕತ್ತನೆ ಚಾವ್‍ಲೇಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 2:13

ಅಯಿಂಗ ಅಲ್ಲಿಂಜ ಪೋನ ಪಿಂಞ ಒಡೆಯಂಡ ದೂತ ಯೋಸೇಫಂಗ್ ಸ್ವಪ್ನತ್‌ಲ್ ಕಾಂಬ್‌ಚಿಟ್ಟಂಡ್: ಹೆರೋದ ರಾಜ, ಕುಂಞಿನ ಕೊಲ್ಲುವಕ್ ನೋಟುವ. ನೀನ್ ನೀಡ ಕುಂಞಿನ ಪಿಂಞ ಕುಂಞಿರ ಅವ್ವನ ಕಾಕಿಯಂಡ್ ಐಗುಪ್ತ ದೇಶಕ್ ಪೋಯಿತ್ ಬಚಾವ್ ಆಯಿರ್. ನಾನ್ ಎಣ್ಣ್‌ವಕತ್ತನೆ ಅಲ್ಲಿ ಇರ್‍ೕಂದ್ ಎಣ್ಣ್‌ಚಿ.

ಮತ್ತಾಯ 23:34

ಆನಗುಂಡ್ ನಾನ್ ಪ್ರವಾದಿಯಳ, ಜ್ಞಾನಿಯಳ ಪಿಂಞ ನ್ಯಾಯಪ್ರಮಾಣ ಗೊತ್ತುಳ್ಳ ಉಪಾದ್ಯಂಗಳ ನಿಂಗಡ ಪಕ್ಕ ಅಯಿಪಿ. ಅಯಿಂಗಡ ಕೂಟ್‌ಲ್ ಚೆನ್ನ ಜನಳ ನಿಂಗ ಕೊಲ್ಲ್‌ವಿರ, ಚೆನ್ನ ಜನಳ ಶಿಲುಬೇಕ್ ಇಡ್‌ವಿರ. ಚೆನ್ನ ಜನಳ ನಿಂಗಡ ಸಬಾಮಂದಿರತ್‍ಲ್ ಕೊರಡ್‍ಲ್ ಪೊಜ್ಜಿತ್ ನಾಡಿಂಜ ನಾಡ್‍ಕ್ ದೌತಿಯಂಡ್ ಪೋಪಿರ.

ಮತ್ತಾಯ 23:36

ಇದೆಲ್ಲ ಈ ಸಂತಾನಕಾರಂಗಡ ಮೇಲೆ ಬಪ್ಪಾಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 24:27

ಮಿನ್ನಲ್ ಕ್‍ೕಕ್ ದಿಕ್ಕ್‌ಲ್ ಪುಟ್ಟಿತ್ ಮೇಕ್ ದಿಕ್ಕ್‌ಕತ್ತನೆ ಪ್ರಕಾಶ ಆಪನೆಕೆ ಮನುಷ್ಯಕುಮಾರ ಬಪ್ಪದ್ ಇನ್ನನೆ ಇಪ್ಪ.

ಮತ್ತಾಯ 24:30

ಅಕ್ಕ ಮನುಷ್ಯಕುಮಾರಂಡ ಗುರ್‌ತ್ ಬಾನತ್‍ಲ್ ಕಾಂಬ. ಮನುಷ್ಯಕುಮಾರ ದುಂಬ ಶಕ್ತಿಲ್, ದುಂಬ ಮಹಿಮೆಲ್ ಮೋಡತ್‍ಲ್ ಬಾನತ್‍ಲ್ ಬಪ್ಪದ್‍ನ ಈ ಲೋಕತ್‍ಲ್ ಉಳ್ಳ ಎಲ್ಲಾ ಜನಳು ಕಂಡಿತ್ ಮೊರಡ್‍ವ.

ಮತ್ತಾಯ 24:34

ಈ ಘಟನೆಯೆಲ್ಲ ಆಪಕ್ ಮಿಂಞ ಈ ಸಂತಾನ ಪಾಳಾಯಿ ಪೋಪುಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಮತ್ತಾಯ 24:48

ಆಚೇಂಗಿ, ಆ ಆಳ್‍ಕಾರ ಕೆಟ್ಟಂವೊನಾಯಿತ್ಂಜಿತ್, ನಾಡ ಎಜಮಾನ ಚೆನ್ನ ತಡೆಯಾಯಿತ್ ಬಪ್ಪಾಂದ್ ಗೇನ ಮಾಡಿತ್,

ಮತ್ತಾಯ 25:13

ಅನ್ನನೆ ಆ ದಿನವು ಸಮಯವು ನಿಂಗಕ್ ಗೊತ್ತಿಲ್ಲತಗುಂಡ್, ಎಚ್ಚರತ್ ಇರಿ.

ಮತ್ತಾಯ 26:64

ಅದ್ಂಗ್ ಯೇಸು: ಅಕ್ಕು, ನೀನ್ ಎಣ್ಣ್‌ನನೆಕೇಂದ್ ಯೇಸು ಎಣ್ಣ್‌ಚಿ. ಇಂಞು ಮಿಂಞಕ್ ಮನುಷ್ಯಕುಮಾರ ಸರ್ವ ಶಕ್ತಿಯುಳ್ಳಂವೊಂಡ ಬಲ್‌ತೆ ಬರಿಲ್ ಅಳ್‌ತಿತ್, ಬಾನತ್‍ರ ಮೋಡತ್‍ಲ್ ಬಪ್ಪದ್‍ನ ನಿಂಗೆಲ್ಲಾರು ಕಾಂಬಿರಾಂದ್ ಎಣ್ಣ್‌ಚಿ.

ಮತ್ತಾಯ 4:12

ಯೋಹಾನನ ಜೈಲ್‍ಲ್ ಇಟ್ಟಿತುಂಡ್‍ೕಂದ್ ಕ್‍ೕಟ ಪಿಂಞ ಯೇಸು ಗಲಿಲಾಯಕ್ ಪುನಃ ಪೋಚಿ.

ಮಾರ್ಕ 13:26

ಅಕ್ಕ ಮನುಷ್ಯಕುಮಾರ ದುಂಬ ಶಕ್ತಿಲ್, ದುಂಬ ಮಹಿಮೆಲ್ ಮೋಡತ್‍ಲ್ ಬಪ್ಪದ್‍ನ ಕಾಂಬ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:8

ಅಯಿಂಗಕ್, ಅಯಿಂಗ ಕ್‍ೕಟ ನ್ಯಾಯತ್‍ನ ಬೆರಿಯ ಕೊಡ್‍ಪಾಂದ್ ನಿಂಗಕ್ ಎಣ್ಣ್‌ವಿ. ಇನ್ನನಾಚೇಂಗಿಯು ಮನುಷ್ಯಕುಮಾರ ಬೂಮಿಕ್ ಬಪ್ಪಕ, ನಂಬಿಕೇನ ಕಾಂಬಕ್ ಕಯ್ಯುವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:27

ಅಕ್ಕ ಮನುಷ್ಯಕುಮಾರ ಮೋಡತ್‍ರ ಮದ್ಯತ್‍ಲ್ ಬಲ್ಯ ಶಕ್ತಿಕೂಡಿಯಂಡ್ ಮಹಿಮೆಲ್ ಬಪ್ಪದ್‍ನ ಅಯಿಂಗೆಲ್ಲಾ ಕಾಂಬ.

ಯೋಹಾನ 7:1

ಇದೆಲ್ಲಾ ಆನ ಪಿಂಞ, ಯೆಹೂದ್ಯಂಗ ಯೇಸುನ ಕೊಲ್ಲ್‌ವಕ್ ಬಟ್ಟೆ ನೋಟಿಯಂಡ್ ಇಂಜಗುಂಡ್, ಅಂವೊ ಯೆಹೂದ್ಯ ಪ್ರಾಂತ್ಯತ್‍ಲ್ ಇಕ್ಕತೆ ಗಲಿಲಾಯ ಪ್ರಾಂತ್ಯಾತ್‍ಲ್ ಒಳಿಂಜತ್.

ಅಪೊಸ್ತಲ 17:10

ಒಡನೆ, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಬಯಿಟ್ ನೇರತೆ ಪೌಲ ಪಿಂಞ ಸೀಲನ ಬೆರೋಯ ಪಟ್ಟಣಕ್ ಅಯಿಚತ್; ಅಯಿಂಗ ಅಲ್ಲಿಕ್ ಎತ್ತಿತ್ ಯೆಹೂದ್ಯಂಗಡ ಸಬಾಮಂದಿರಕ್ ಪೋಚಿ.

ಅಪೊಸ್ತಲ 17:14

ಅಕ್ಕಣೆಕೆ, ಅಲ್ಲಿಯತ್‍ರ ಯೇಸುನ ನಂಬ್‍ನ ಅಣ್ಣತಮ್ಮಣಂಗ, ಪೌಲನ ಸಮುದ್ರತ್‍ರ ಕರೆಕತ್ತನೆ ಅಯಿಚತ್. ಆಚೇಂಗಿ ಸೀಲ ಪಿಂಞ ತಿಮೊಥೆಯ ಅಲ್ಲಿಯೇ ಇಂಜತ್.

ಅಪೊಸ್ತಲ 20:1

ಕಲಹ ಕಮ್ಮಿ ಆನ ಪಿಂಞ ಪೌಲ, ಯೇಸುನ ನಂಬ್‍ನಯಿಂಗಳ ಒಕ್ಕಚೆ ಕಾಕಿತ್, ಅಯಿಂಗಕ್ ಪುರ್‌ಡ್ ಕೊಡ್‍ತತ್. ಪಿಂಞ ಅಯಿಂಗಡಿಂಜ ಅಪ್ಪಣೆ ಪಡ್ಂದಂಡ್ ಮಕೆದೋನ್ಯಕ್ ಪೊರಟತ್.

ಅಪೊಸ್ತಲ 8:1

ಸೌಲ ಸಹ ಸ್ತೆಫನನ ಕೊಲ್ಲ್‌ವಕ್ ಒತ್ತಂಡಿಂಜತ್. ಅದೇ ದಿವಸತ್ ಯೆರೂಸಲೇಮ್‍ಲ್ ಇಂಜ ಸಬೇಕ್ ಬಲ್ಯ ಹಿಂಸೆ ಸುರ್ ಆಚಿ. ಅಪೊಸ್ತಲಂಗ ಅಲ್ಲತೆ, ಬೋರೆ ಎಲ್ಲಾ ಶಿಷ್ಯಂಗಳು ಯೂದಾಯ ಪಿಂಞ ಸಮಾರ್ಯ ಪ್ರಾಂತ್ಯತ್‍ಲ್ ಚದ್‌ರಿ ಪೋಚಿ.