ಮತ್ತಾಯ 10:20 - ಕೊಡವ ಬೈಬಲ್

²⁰ ಎನ್ನಂಗೆಣ್ಣ್‌ಚೇಂಗಿ ಅಕ್ಕ ತಕ್ಕ್ ಪರಿವದ್ ನಿಂಗ ಅಲ್ಲ, ನಿಂಗಡ ಅಪ್ಪಂಡ ಆತ್ಮವೇ ನಿಂಗಡ ಒಳ್‌ಳಿಂಜ ತಕ್ಕ್ ಪರಿವ.

ಮತ್ತಾಯ 10:20 ပူးပေါင်းရင်းမြစ်များ

ಮತ್ತಾಯ 6:32

ದೇವಡ ಮೇಲೆ ನಂಬಿಕೆ ಇಲ್ಲತಯಿಂಗ ಇದ್‍ನೆಲ್ಲ ಗೇನ ಮಾಡಿಯಂಡ್, ಬೇಜಾರ್ ಮಾಡಿಯಂಡಿಪ್ಪ. ಇದೆಲ್ಲ ನಿಂಗಕ್ ಬೋಂಡೂಂದ್ ನಿಂಗಡ ಪರಲೋಕತ್‍ರ ಅಪ್ಪಂಗ್ ಗೊತ್ತುಂಡ್.

ಮಾರ್ಕ 12:36

ನಾನ್ ನೀಡ ಶತ್ರುವಳ ನೀಡ ಕಾಲ್‌ಕ್ ಇಡ್‍ವಕತ್ತನೆ, ನೀನ್ ನಾಡ ಬಲ್‌ತೆ ಬರಿಲ್ ಅಳೆಂದ್ ದೇವ ನಾಡ ಒಡೆಯಂಗ್ ಎಣ್ಣ್‌ಚೀಂದ್ ದಾವೀದ ಪವಿತ್ರಾತ್ಮನಗುಂಡ್ ಎಣ್ಣಿತುಂಡಲ್ಲ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:13

ಕಪಟಿಯಾನ ನಿಂಗ, ನಿಂಗಡ ಮಕ್ಕಕ್ ನಲ್ಲ ಇನಾಮ್‍ನ ಕೊಡ್‍ಪಕ್ ಗೊತ್ತಿಪ್ಪಕ, ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪ, ಅಂವೊಂಡ ಪಕ್ಕ ಬೋಡ್‌ವಯಿಂಗಕ್ ಪವಿತ್ರಾತ್ಮತ್‍ನ ತಪ್ಪದ್ ಎಚ್ಚಕ್ ನೇರ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:12

ನಿಂಗ ಎಂತ ತಕ್ಕ್ ಪರಿಯಂಡೂಂದ್ ಆ ಸಮಯತ್‍ಲ್ ಪವಿತ್ರಾತ್ಮ ನಿಂಗಕ್ ಎಣ್ಣಿ ತಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:15

ನಿಂಗಕ್ ವಿರೋದ ಮಾಡ್‌ವ ಒಬ್ಬನು, ನಿಂಗಕ್ ತಿರಿತ್ ತಕ್ಕ್ ಪರಿಯುವಕು, ಎದಿಕೆ ನಿಪ್ಪಕು ಕಯ್ಯತ ತಕ್ಕ್ ಪಿಂಞ ಜ್ಞಾನತ್‍ನ ನಾನ್ ನಿಂಗಕ್ ತಪ್ಪಿ.

ಅಪೊಸ್ತಲ 13:9

ಅಕ್ಕ ಪೌಲ ಎಣ್ಣುವ ಸೌಲ ಪವಿತ್ರಾತ್ಮಂಡ ಶಕ್ತಿಲ್ ದುಂಬಿತ್ ಅಂವೊಂಡ ಮೂಡ್‍ಕ್ ನೋಟಿತ್,

ಅಪೊಸ್ತಲ 2:4

ಅಕ್ಕ ಅಯಿಂಗೆಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ಆ ಆತ್ಮ ಒಬ್ಬೊಬ್ಬಂಗ್ ಶಕ್ತಿ ಕೊಡ್‍ತನೆಕೆ ಅಯಿಂಗಕ್ ಗೊತ್ತಿಲ್ಲತ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಅಪೊಸ್ತಲ 28:25

ಅನ್ನನೆ ಅಯಿಂಗಯಿಂಗಳೇ ಒತ್ತತೆ ಇಪ್ಪಕ, ಪೌಲ ಅಯಿಂಗಕ್ ಇನ್ನನೆ ಎಣ್ಣ್‌ಚಿ. ಪ್ರವಾದಿಯಾನ ಯೆಶಾಯ ಪವಿತ್ರಾತ್ಮಂಡ ಮೂಲಕ ನಿಂಗಡ ಅಜ್ಜಂಗಕ್ ಸರಿಯಾಯಿತೆ ಎಣ್ಣ್‌ಚಿ. ಅದ್ ಎಂತ ಎಣ್ಣ್‌ಚೇಂಗಿ:

ಅಪೊಸ್ತಲ 4:8

ಅಕ್ಕ ಪೇತ್ರ ಪವಿತ್ರಾತ್ಮತ್‍ಲ್ ದುಂಬಿತ್, ಅಯಿಂಗಳ ನೋಟಿತ್: ಜನಡ ಅದಿಕಾರಿಯಳೇ, ಇಸ್ರಾಯೇಲ್‍ರ ಪೆರಿಯಯಿಂಗಳೇ,

ಅಪೊಸ್ತಲ 6:10

ಆಚೇಂಗಿ, ಸ್ತೆಫನ ಪವಿತ್ರಾತ್ಮತ್‍ರಗುಂಡ್ ಎಣ್ಣ್‌ನ ಜ್ಞಾನತ್‍ರ ತಕ್ಕ್‌ನ ಗೆಲ್ಲ್‌ವಕ್ ಅಯಿಂಗಕ್ ಕಯಿಂಜಿತ್ತ್‌ಲ್ಲೆ.

2 ಕೊರಿಂಥ 13:3

ಕ್ರಿಸ್ತ ನಾಡಲ್ಲಿ ತಕ್ಕ್ ಪರ್‌ಂದಂಡುಂಡಾಂದ್ ಸಾಕ್ಷಿ ತ್‍ೕಡಿಯಂಡುಳ್ಳಿರಾ? ಅಂವೊ ನಿಂಗಡಲ್ಲಿ ಬಲ ಇಲ್ಲತಂವೊನಾಯಿತ್‌ಲ್ಲೆ, ಶಕ್ತಿ ಉಳ್ಳಂವೊನಾಯಿತ್ ಉಂಡ್.

1 ಥೆಸಲೊನೀಕ 2:13

ಆನಗುಂಡ್, ನಂಗ ಎಣ್ಣ್‌ನ ದೇವಡ ವಿಷಯತ್‍ನ, ನಿಂಗ ಒರ್ ಮನುಷ್ಯಂಡ ಬೋದನೆಯಾಯಿತ್ ಸ್ವೀಕಾರ ಮಾಡತೆ, ಅದ್‍ನ ದೇವಡ ಬೋದನೆಯಾಯಿತೇ ಸ್ವೀಕಾರ ಮಾಡ್‍ನಗುಂಡ್, ನಂಗ ಎಕ್ಕಾಲು ನಿಂಗಳ ಗೇನ ಮಾಡಿತ್ ವಂದನೆ ಎಣ್ಣಿಯಂಡುಂಡ್; ಅಕ್ಕು, ನಂಗ ಎಣ್ಣ್‌ನ ಬೋದನೆ ನೇರೇ. ಅದ್‍ನ ನಂಬಿತುಳ್ಳ ನಿಂಗಕ್ ಆ ಬೋದನೆ ನಿಂಗಡ ಒಳ್‍ಲ್ ಶಕ್ತಿ ಕೊಡ್‍ತಂಡುಂಡ್.

1 ಪೇತ್ರ 1:12

ಅಯಿಂಗಕಾಯಿತ್ ಅಲ್ಲತೆ, ನಂಗಕಾಯಿತೇ ಇನ್ನನೆ ಅಯಿಂಗ ಪ್ರವಾದನೆ ಎಣ್ಣ್‌ಚೀಂದ್ ಅಯಿಂಗಕ್ ಗೊತ್ತಾಚಿ. ಪರಲೋಕತ್ಂಜ ಈ ಲೋಕಕ್ ದೇವ ಅಯಿಚ ಪವಿತ್ರಾತ್ಮತ್‍ರಗುಂಡ್, ನಿಂಗಕ್ ದೇವಡ ನಲ್ಲ ಸುದ್ದಿನ ಎಣ್ಣ್‌ನಯಿಂಗಡ ಮೂಲಕ, ಈ ವಿಷಯತ್‌ನೆಲ್ಲ ಇಕ್ಕ ನಿಂಗಕ್ ಎಣ್ಣಿಯಂಡುಂಡ್. ಇದ್‍ನ ದೇವದೂತಂಗ ಸಹ ಚಾಯಿ ನೋಟ್‍ವಕ್ ಕುಶೀಲ್ ಉಂಡ್.

2 ಪೇತ್ರ 1:21

ಅಥವ, ಏದ್ ಪ್ರವಾದನೆಯು ಮನುಷ್ಯಂಗಡ ಚಿತ್ತತ್‍ರನೆಕೆ ಬಂದದ್ ಅಲ್ಲ; ದೇವಡ ಪವಿತ್ರವಾನ ಮನುಷ್ಯಂಗ ಪವಿತ್ರಾತ್ಮ ಎಣ್ಣುವಕ, ಅದ್ಂಗ್ ತಕ್ಕಂತದಾಯಿತ್ ಪರ್ಂದತ್.