ಮತ್ತಾಯ 10:19 - ಕೊಡವ ಬೈಬಲ್

¹⁹ ಆಚೇಂಗಿ ನಿಂಗಳ ಬಂದಿಚಿಡ್‌ವಕ, ನಿಂಗ ಎಂತ ಎಣ್ಣಂಡೂಂದ್, ಎನ್ನನೆ ಎಣ್ಣಂಡೂಂದ್ ಬೇಜಾರ್ ಮಾಡಂಡ. ಏದ್ ಸಮಯತ್‍ಲ್ ಎಂತ ತಕ್ಕ್ ಪರಿಯಂಡೂಂದ್ ನಿಂಗಕ್ ಗೊತ್ತ್ ಮಾಡ್‌ವ.

ಮತ್ತಾಯ 10:19 ပူးပေါင်းရင်းမြစ်များ

ಮತ್ತಾಯ 10:18

ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಎದಿಕೆ ನಾಡ ನಲ್ಲ ಸುದ್ದಿ ಎಣ್ಣ್‌ವಕಾಯಿತ್ ನಿಪ್ಪ್‌ಚಿಡ್‌ವ. ಇನ್ನನೆ ಅಯಿಂಗಕು ಪಿಂಞ ಅನ್ಯ ಜನಾಂಗಕು ನಾಡ ವಿಷಯತ್‍ನ ಎಣ್ಣ್‌ವಿರ.

ಮತ್ತಾಯ 6:25

ಆನಗುಂಡ್ ನಿಂಗ ಬದ್‍ಕ್‍ವಕಾಯಿತ್ ಎಂತ ಉಂಬಿರ, ಎಂತ ಕುಡಿಪಿರ, ಇಲ್ಲತೆಪೋಚೇಂಗಿ ನಿಂಗಡ ಶರೀರಕಾಯಿತ್ ಎಂತ ಇಡ್‌ವಿರಾಂದ್ ವ್ಯಸನ ಪಡತೀಂದ್ ನಾನ್ ನಿಂಗಕ್ ಎಣ್ಣ್‌ವಿ. ಆಹಾರಕಿಂಜ ಜೀವವು, ಬಟ್ಟೇಕಿಂಜ ತಡಿಯು ಮುಕ್ಯವಾಯಿತುಂಡಲ್ಲ?

ಮತ್ತಾಯ 6:31

ಆನಗುಂಡ್, ನಂಗ ಎಂತ ತಿಂಬ, ಎಂತ ಕುಡಿಪ ಪಿಂಞ ಎಂತ ಇಡ್‍ವಾಂದ್ ಗೇನ ಮಾಡಿತ್ ವ್ಯಸನ ಪಡಂಡ.

ಮತ್ತಾಯ 6:34

ಆನಗುಂಡ್ ನಾಳೆಕಾಯಿತ್ ವ್ಯಸನ ಪಡಂಡ. ನಾಳೆತ್‍ರ ದಿವಸ ಅದ್ಂಗಾಯಿತ್ ವ್ಯಸನ ಪಡ್‌ವ. ಓರೋರ್ ದಿವಸಕೂ ಅದ್ಂಗ್ ಉಳ್ಳ ಕಷ್ಟ ಮದಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:11

ನಿಂಗಳ ಸಬಾಮಂದಿರತ್‍ರ ಪಿಂಞ ನ್ಯಾಯಲಾಯತ್‍ರ ಅದಿಕಾರಿಯಂಗಡ ಮಿಂಞಕ್ ಕಾಕಿಯಂಡ್ ಪೋನಕ, ನಿಂಗ ನಿಂಗಳ ಎನ್ನನೆ ಕಾಪಾಡಂಡೂಂದ್ ಪಿಂಞ ಎಂತ ಎಣ್ಣಂಡೂಂದ್ ಬೇಜಾರ್ ಮಾಡಂಡ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:12

ನಿಂಗ ಎಂತ ತಕ್ಕ್ ಪರಿಯಂಡೂಂದ್ ಆ ಸಮಯತ್‍ಲ್ ಪವಿತ್ರಾತ್ಮ ನಿಂಗಕ್ ಎಣ್ಣಿ ತಪ್ಪ.

ಅಪೊಸ್ತಲ 6:10

ಆಚೇಂಗಿ, ಸ್ತೆಫನ ಪವಿತ್ರಾತ್ಮತ್‍ರಗುಂಡ್ ಎಣ್ಣ್‌ನ ಜ್ಞಾನತ್‍ರ ತಕ್ಕ್‌ನ ಗೆಲ್ಲ್‌ವಕ್ ಅಯಿಂಗಕ್ ಕಯಿಂಜಿತ್ತ್‌ಲ್ಲೆ.

ಫಿಲಿಪ್ಪಿ 4:6

ನಿಂಗ ಒರ್ ವಿಷಯಕು ಬೇಜಾರ್ ಮಾಡಂಡ, ಅದ್ಂಡ ಬದ್‍ಲ್ ಎಲ್ಲಾ ವಿಷಯಕ್ ದೇವನ ತುದಿಚಂಡ್ ನಿಂಗಡ ಪ್ರಾರ್ಥನೆಲ್ ನಿಂಗಕ್ ಎಂತ ಬೋಂಡೂಂದ್ ಅಂವೊನ ಬೋಡಿತ್ ಕ್‍ೕಳಿ.

2 ತಿಮೊಥೆಯ 4:17

ಆಚೇಂಗಿ ಒಡೆಯ ನಾಡ ಕೂಡೆ ನಿಂದಿತ್ ನನ್ನ ಬಲಪಡ್‍ತಿತ್, ನಾಡ ಮೂಲಕ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಪ್ರಚಾರ ಮಾಡ್‌ವಕ್, ಯೆಹೂದ್ಯಂಗಲ್ಲತ ಜನ ಅದ್‍ನ ಕ್‍ೕಪನೆಕೆ ಮಾಡ್‍ಚಿ. ಇದ್ ಅಲ್ಲತೆ ಸಿಂಹತ್‍ರ ಬಾಯಿಯಿಂಜ ನನ್ನ ಬುಡ್‍ಗಡೆ ಮಾಡ್‍ಚಿ.

ಯಾಕೋಬ 1:5

ದೇವ ಎಣ್ಣ್‌ನನೆಕೆ ನಿಂಗ ನಡ್‍ಕಂಡೂಂದ್ ಉಳ್ಳ ಜ್ಞಾನ ಬೋಂಡ್‌ಚೇಂಗಿ, ಅಂವೊಂಡ ಪಕ್ಕ ಕ್‍ೕಳಿ. ಅಕ್ಕ, ಅಂವೊ ನಿಂಗಳ ಜೋರ್ ಮಾಡುಲೆ, ಉದಾರ ಮನಸ್ಸ್‌ಲ್ ನಿಂಗಕ್ ಜ್ಞಾನತ್‍ನ ತಪ್ಪ.